嚐中菜坊 (Closed)

去左科學館開工, 午餐唔知去邊度食, 同同事四圍遊左一陣發現呢間中菜館, 午餐時間有點心, 飯之類, 啱我口味.飲茶必食燒賣, 粒粒都材料豐富, 蝦肉跟豬肉混埋一齊好爽口又嫩滑, 唔會剩係得一舊肥豬肉, 而且蒸得唔會過耐而腍晒, 火喉得宜. 脆皮菠蘿包, 外皮夠脆, 好香蛋味, 麵包部份夠軟熟, 熱辣辣. 餡料唔會太甜, 感覺唔漏.嘆完一盅兩件, 仲有糖水, 紅豆沙夠沙, 又多豆, 唔會太甜, 感覺唔錯.呢度環境幾好, 好乾淨又唔嘈, 四周睇都係附近寫字樓既人黎食, 幾好.

唔係第一次來呢間鋪頭食飯，本身菜式大致上係家常便飯，味道不俗，其實都有可取之處。例如招牌嘅可樂叉燒，蓮藕餅，片皮鴨燒雞等。環境亦都舒適，裝修雅致，位置近尖沙咀東地鐵站，步行約五至10分鐘就到，亦算方便。我地一行14人大約每人＄300，價錢亦都算中上。昨晚我們重回舊地，在這裏吃晚飯但是當晚經理及店員在10點鐘開始已經趕住收工，並且黑面趕我地走，因為佢地趕住11點收鋪。服務態度非常惡劣，令人非常失望。.....希望佢哋將來可以改善服務質素。

放假最享受飲茶同行街, 約埋個FD出尖沙咀, 佢帶我黎呢度, 因為之前佢同客黎過食飯幾好.入到黎唔似中式酒家或酒樓, 感覺優雅D, 做商務客, 遊客多, 幾舒服.午餐我地食點心為主, 煎腸粉, 煎得好香口, 但唔會太硬, 外脆內軟熟, 腸粉口感唔會太鞋太厚, 點埋甜醬麻醬仲好味.蝦餃粒粒都漲卜卜, 皮薄餡靚, 唔會太乾, 原隻蝦爽口彈牙, 口感豐富.豉汁鳳爪, 呢度D醬汁唔會"痴"埋一舊, 味道唔會太咸, 食完無口乾, 鳳爪亦唔會太多肥位, 唔錯.呢度雖然唔大間, 但點心不比大既酒樓差, 而且服務仲幾好, 侍應勤力加水, 讚.

同屋企老人家買完野, 晚飯要揀中餐就下佢地, 行過呢間環境唔錯, 門口仲有set介紹, 都唔錯.菜式唔似普通廣東菜, 菜名都較新潮, 岩鹽貴妃雞, 岩鹽經過雞既熱力慢慢溶, 鹽既咸味慢慢滲入雞肉, 幾清唔係死咸. 雞肉夠滑, 脂肪不太厚, 雞味香濃.爆炸可樂件蜜汁义燒, 义燒放鐵板上都幾特別, 半肥瘦义燒特別稔身, 而且幾入味, 蜜汁唔算太甜. 爆炸可樂係伴碟果幾舊野, 香口夠脆, 類似煎埋既口感. 另外一提呢度D餐具都幾有特式, 係運動緊既公仔. 

純粹睇OpenRice 食評見到好多like而來，同太太生日慶生，因為唔想食太傳統中菜，太悶了，菜式有新意，中菜西食，味道唔錯，叫個套餐，炸可樂有啲名大於實，叉燒做得唔錯，好味！龍蝦伊面，雖然用波士頓龍蝦，但基本上有唔錯嘅效果，肉甜爽係鮮貨，個芝士汁做得比一般酒家濃郁，但講到最出色嘅就一定係黑松露配炸生蠔，有juicy，都係好新鮮好好味，個鮑魚雖然唔係好大，但係做得好焾，可有少少糖心效果，環境服務都係物有所值的，唔錯嘅中菜貪新鮮嘅好選擇。

有舊拍檔高陞，特別請咗舊時拍過嘅buddy食餐飯，地點唔係大路酒樓！我哋坐一間房，裝修好似懷舊式屋企！餐具有小時候教科書嘅公仔，房間都幾闊落，店員見齊人就上菜！前菜：辣菜甫有咬口，豆角爽口！好味！燉湯：好清澈又夠味，足料！豬肺雞腳！好味！鐵板蜜灸义燒皇：叉燒賣相靚，蜜汁甜膩，肉質淋身，醃得入味！岩鹽安格斯牛柳粒：嘩！賣相勁吸睛！粉紅色鹽板一大塊，牛柳粒淋身，牛味濃，有啲好似蜜汁包裹，加幾塊蒜片香味！好味意大利香醋小雲耳：陳醋香濃酸味濃厚，比彈牙雲耳索晒！好味！木魚金沙麥香豆腐：脆皮豆腐嫩滑，微微鹹蛋黃甘味鹹香！好味！妙齡乳豬：乳豬燒得好靚，唔大隻，皮微脆肉質幾瘦，醃得入味，金沙百花炸釀蟹拑：無酸甜醬，外皮鹹香，蝦膠彈牙！好好味琥珀香醋豬柳：賣相黑黑嘅唔起眼，豬柳外皮蜜汁脆口，肉質彈牙有肉汁！加埋啲蜜糖合桃！好味！翡翠鳳片帶子：西芹爽脆，雞柳淋身，帶子肉嫩滑！好味正常！清蒸老虎斑：蒸得剛好離骨，魚肉嫩滑，蒸魚豉油微甜清爽，好味！上湯瑤柱扒豆苗：豆苗新鮮爽嫩，索晒上湯好味，瑤柱汁足料，但比較鹹！蛋白櫻花蝦炒飯：炒得粒粒分明，鹹香好味，蛋白嫩口，櫻花蝦脆口微鹹，整體好味！鴛鴦炒飯：賣相靚，我

一間相當有特色嘅中菜館，整體感覺有氣派得黎又親民，新舊衝擊嘅格調色彩。今次由甜品講起，發覺最近嘅特色中菜都好中意玩扮生果嘅甜品，而呢個綠茶柚子果凍亦有特色！柚子同橙皮嘅香氣，配合埋綠茶果凍，令到成件事好清新！賣相亦相當別緻，真係好似綠色果肉嘅橙！牆上面有香港舊時街道嘅照片，亦有舊式巴士嘅裝修，加上紅磚牆，有種中英夾雜感覺，突顯香港呢塊土地嘅歷史！杞子燉湯亦相當清甜，飲完特別滿足親民之一，畫有童年玩意嘅公仔杯碟，見到都令人暫時放鬆花膠雞煲，相當足料，啲花膠份量同雞嘅比例大約係四比六，同朋友食唔洗就住就住，大家食到夠，大大件！雞肉亦好鮮嫩，好入味，但又唔會太咸！相當有氣派嘅岩鹽牛肉粒，之前上網見過有人介紹，俾佢賣相吸引左，用咁大舊嘅岩鹽載住，掂！呢啲咪氣派囉⋯⋯食落更有驚喜，牛肉粒好鬆軟，好易咬，亦有黎自岩鹽嘅咸味，不過記得要襯熱食，唔好放太耐先食，唔係就會太咸架喇！

同朋友相約食飯一入到去就見裝修好有中式既感覺坐底左之後先叫左幾款小菜陳醋螺片頭 唔會太重口味 唔係好酸清淡得嚟帶有少少嘅酸味 係一味 好好嘅前菜當 我哋坐低之後就會送上一款小食微辣 爽口 不油膩 一道食唔停口既小食 再點左碟雲耳口感 好爽口中微辣椒 望落好似好油咁但其實一點都唔會覺得太過油膩食左幾款小食因為唔會犯油膩所以都唔會覺得有好飽濟既感覺之後再叫左個雞煲一上台督已經聞好香既味道雞既肉質唔會“鞋“ 身在又多料非常野味 唔辣 唔會太咸亦都唔會感到好“流“喉

客人提議來這裏吃午餐，環境十分舒適，餐具點心各具特色帶子蝦餃，鹹水角，燒腩仔，名字和味道都和一般餐廳各有不同，但都偏向好吃。而且環境清幽，非常適合和客人在這裏聊天。

平時GATHERING 通常都係食西餐去cafe，朋友提意今次黎個突破....嚐中菜坊食物同環境設計中西合璧，非常有新意!!一行兩人order左$188套餐(2位起計)，抵食又唔洗諗!始創爆炸可樂伴蜜餞豚肉叉燒，夠哂新意!叉燒表面塗上足夠蜜汁，入口惹味!爆炸可樂內裡好似可樂啫喱咁，味道似咸水角!西班牙火腿浸有機時蔬夠清淡健康，但又味道又唔會好寡! 加入西班牙火腿，帶起左蔬菜既清甜!燕窩蘭香籽鮮蟹肉冬茸羹，濃傑度調得岩岩好! 入口好鮮甜，食到蟹肉既海水咸味!面層撒上燕窩，令平凡既菜式變得矜貴!冬陰公脆魚扒，一人一塊大大既魚扒!魚扒厚身但炸漿絕對唔厚，單吃已經好重冬陰公香辣味!再沾上伴碟既泰式醬汁，更加惹味!中意食辣同炸物既朋友必愛!黑松露珍珠蠔，外形脹卜卜，非常討好!珍珠蠔炸漿好薄，但好可能加左醬汁，所以唔脆!蠔既size都唔算細，入口有口感，唔會有腥味，好食!但一人只得一件份量，唔係好夠喉!主角美國龍蝦芝士燴伊麵好有水準!上檯時侍應預先分好二人份量，龍蝦開邊，蝦鉗亦都已經碎左，好容易就食到，唔洗自己動手去殼!龍蝦新鮮，肉質彈牙!伊麵均勻沾上芝士汁，入口煙靱，好味!略微不足既係芝士汁唔夠

同家人好耐無出城食飯, 特別出尖沙咀呢度食, 近西鐵站好易搵.入面範圍幾大, 格局分明, 而且唔嘈, 坐位之間亦夠寬.家人好鍾意飲湯水, 所以要個花膠螺頭燉白肺湯, 一睇個湯非常足料, 入口好香, 充滿螺頭花膠味, 濃郁唔腥, 夠滋潤. 而且花膠厚, 軟腍黏口, 膠質重. 肺乾淨軟腍,  仲有雞腳, 瘦肉等等, 點D豉油食夠晒味.另要個岩鹽貴妃雞, 隻雞放響舊鹽面都幾特別, 雞肉夠滑, 唔鞋口唔韌, 仲幾香雞味. 岩鹽吊一吊味, 少少咸唔洗點其他野.要多款龍皇卷, 香口野炸得唔錯, 蝦膠放響油炸鬼上面, 加D沙律醬, 香口得黎又夠開胃.

一行四人在傍晚參加完地處中環的試酒會後,其中一位好友建議到尖沙咀來個中式晚餐,其餘三人也無異議;於是好友便打電話到餐廳訂位,接著就坐過海巴士到尖沙咀了!好友訂的餐廳位於尖東,從紅隧站下車不用走很遠就到了;從門面裝修來看,以中式餐廳來說,頗為新潮有型!進內坐低後,先感受一下:室內的光線充足而柔和,而且地方/餐桌椅/器皿也很新淨;樓底不算很高,但空間感也闊落,加上環顧室內面積也很大,所以坐下來覺得很舒服,連帶酒意也開始慢慢的消失!之後問好友如何得知此店,原是早些日子其與公司客戶有商業晚餐, 就是選了這間;好友過後覺得食物質素不錯,兼且地方夠大,所以便推介大家來!既然好友之前在這吃過,那麼點菜任務也就交予他了!下單以後,在等待中大家閒話家常,不用多久就先上了前菜:話梅涼瓜條;涼瓜條煮到瓜皮有點軟身,但主幹依然脆口,面上灑了話梅粉加碎粒,底下有少許類似甜酸白醋浸著,吃起來整個感覺似江南菜式,甜酸苦都齊備,而且十分開胃!接著的這味燒腩仔肥瘦相間而肉質不錯,但孜然味似有若無,名字似乎有點不太恰當!而這七味九肚魚倒也頗為出色!外皮炸得酥脆,內裡肉質嫩滑,調味輕巧而令九肚魚鮮味突出!全晚頗為欣賞的一道

朋友從外地回來想吃中菜，最後選了這家在尖東的，原因是地區位置及人氣不多，閒日可以坐上幾個鐘聊天餐具有獨特的漫畫，算是典型新派粵菜的標示吧！前菜沒有拍照，是些辣椒和豆角蝦米等辣辣的開胃菜，我不太慣吃太辣正題，今晚大家都抱恙出席，只點了些清淡小菜和燉湯燉湯味道很濃郁，湯料也很足，三人每人可分到兩碗，沒有欺場這豆腐用料有豆腐、蜜豆、銀杏、百合，用料算新鮮，可惜油多之外，或因為用了花生油，味覺及嗅覺都很負荷，浪費了食材也許最近天氣轉涼原故，覺得菜芯當造，咬上口只覺清甜，莖葉也嫰名稱是班球，蒸出來成了班條蛋白好滑，沒有實實的，班肉也鮮，淘蛋配白飯頗對胃口，因為我們都不能吃煎炸一般我對免費甜品不存寄望，這次又有點改觀了，綠豆沙不太甜正合我口味，配搭也自然，煲的很夠火喉是一餐飯的完整句號。以價位來說，這家新派粵菜不大有競爭力，但做菜的人算有點心思，可又不知道有多少人會欣賞，實在大有進步空間呢！

又係大學同學聚會，今晚去尖沙咀麽地道63號好時中心地下，名叫<嚐中菜坊>店內環境舒服，佈置有些少懷舊感覺。見到有個每位$188個套餐，有6樣菜仲附上甜品，十分吸引 !!! 忍不住叫左依個餐，再on top加多幾款菜。 燕窩蘭香籽鮮蟹肉冬茸羹 - 個質感唔係好sticky，蟹肉係爽口，作為第一道菜清洗口腔先。 爆炸可樂义燒 - 上菜前，侍應把汁(應該係可樂)淋上义燒同鐵板，义燒鬆軟，入味又香。可以的話，我想 Encore !!! 美國龍蝦芝士燴伊麵 - 半隻龍蝦，龍蝦肉爽，芝士香味撲鼻。 黑椒鹹豬手煲 - 依個on top 加，豬手好腍，微辣，配上洋蔥既微甜，Balance晒，正。 黑松露珍珠蠔 - 蠔就冇咩juicy感覺，只有黑松露香 懷舊鬼馬龍皇卷 - 依個係on top加，食落去好似蝦膠，其實唔知有幾鬼馬呢？ 西班牙火腿浸時蔬 - 菜好甜，好食 冬蔭功脆魚扒 - 魚大大塊又好脆，肉質又保持嫩滑，好正，個冬蔭功汁微辣，唔錯。 藍莓鮮奶凍 - 重奶味，唔錯。

尖沙咀區的食肆林立, 這天因為陪朋友去南洋中心的一家wine shop挑選紅酒, 看畢紅酒在走去尖沙咀的途中看到這家於好時中心地下但不當眼的食店. 看招牌, 是中小型中式食肆的格局, 因為是星期日而且時間頗早的關係, 看得到裡頭的顧客不多. 或許是看到這個午市的"豪嚐盛午宴", 引起我對這家食店的興趣. 亦看看有沒機會於午飯時帶同事來享用午餐. 酒吧位排列整齊, 紅白酒, 香檳均應有盡有. 比較奇怪的是看得到有馬天尼杯而看不到一系列的酒吧標準雞尾酒基酒.  後來好奇一問店員, 原來馬天尼杯是用來盛載早前提供的一款頭盤.  裝修的格局 有點像 酒店中菜廳, 整齊光猛, 椅子亦頗為舒適. 餐桌上的餐具排列整齊, 大有高級食府格局. 看到這個大閘蟹套餐, 愛吃蟹的朋友兩眼發光, 份量上相當不錯而價格合理. 但最近胃寒所以推郤了朋友的選擇而選簡單的小菜. 看過精選餐牌, 由於只有2人吃的份量不多, 便試驗式地點1小食, 1小炒, 加1份麵食. 九肚魚酥炸得內嫩外脆, 沾少許豉油吃已相當對味, 只有九肚魚有些許魚骨的不協調感, 不然能給滿分. 咕嚕肉用上黑豚肉, 粒粒肉質緊密有咬口, 用上意大利