羲和雅苑

Open Now

Now Closed

海港城嘅羲和雅苑，坐擁無敵嘅零距離海景，環境一流！馳名烤鴨保持高水準！羲和馳名烤鴨（半隻）$388鴨胸皮 - 第一食為最香酥嘅位置，配藍莓醬及爆炸糖，酥脆嘅鴨胸皮就好似喺個口跳舞咁，好玩又好食！鴨胸肉 - 第二食係皮連肉，配餐廳秘製嘅溫和芥末醬，酸中帶甜，同皮脆肉嫩嘅鴨胸肉好夾！鴨腿肉 - 第三食係包薄餅，有大量配料可供選擇，仲有埋轉盤方便享用，正！松鼠桂魚 $428桂花魚去魚𠝹花再炸熟，極考刀工！上菜時會幫手分埋件，服務細心！京式小籠包 $68真正嘅皮薄餡靚，入面勁爆多汁，推介！荷香鮑魚雞粒燘飯 $188濕潤嘅燘飯充滿荷葉香！椰香芋圓紫米露 $68芋圓溫熱，撞落冰凍嘅紫米露，有少少冰火嘅感覺！茶芥 $20/位

咁，講返呢間食店啦，佢係一間古色古香嘅地方，環境真係好有feel。首先，佢嘅碗筷真係精緻到爆，食嘢嘅時候都有種高級感。飲嘅方面，佢哋嘅桂花茶真係一流，茶香悠長，飲完之後心情都會好啲。而且，仲有海景，坐低食飯，睇住大海，真係放鬆到爆！佢哋嘅金沙魷魚，皮簿到爆，一啖啖都係鮮香脆口。加上 鹹蛋嘅鹹香味 ，令個味道再提高一個層次。再嚟就係黃金炸蝦，外脆內嫩，真係好好味。配埋芥末醬，好開胃。最後，海鮮蒸蝦米飯，蝦仁鮮甜，同埋啲米飯都吸收咗啲海鮮嘅鮮味，一齊食真係好過癮。而且足料！聽講佢地嘅片皮鴨都好出色，下次再黎一定要試！總之，呢間食店係一個好啱同朋友、家人一齊嚟享受美食同埋欣賞風景嘅好地方。下次你去，一定唔會失望！

係海港城行完街，見到呢間食片皮鴨幾出名，於是入黎試吓馳名烤鴨（配送八寶盒）店員話烤鴨總共有3種食法- 鴨胸皮: 將鴨胸皮蘸上藍莓醬+爆炸糖，然後係口腔會感受到爆炸糖嘅威力，好似識跳舞嘅烤鴨- 鴨胸肉: 將鴨胸肉蘸上黃芥茉醬，甜甜辣辣咁，幾有層次感，味道幾特別！- 鴨腿肉: 將新鮮熱辣嘅包皮夾上鴨腿肉，再放上京蔥/青瓜/醬汁一齊食，非常滿足！亦有另一種新式食法，將紫洋蔥/山楂條/藍莓醬放入包皮食，甜甜地咁，味道好新奇！張氏獅子頭將一口飯放入獅子頭撈勻一齊食，啖啖香菇味散發住成個口腔，鹹度恰到好處京式小籠包 (4隻)皮薄餡靚, 咬落去好juicy多汁, 真係要小心會碌到個嘴呀~燕窩濃湯菜膽採用左娃娃菜, 可以中和一下之前既飽膩感, 湯底亦都好清甜, 唔會覺得好重口味~表面放上燕窩, 有畫龍點晴效果!酥皮黃扒魚肚超大舊, 好嫩滑魚肚! 師傅再用酥皮包住個湯一齊焗, 放入濃湯一齊食, 味道更提升更高層次!椰香芋圓紫米露芋圓煙韌彈牙, 好有趙口! 紫米露內裡有粒粒紫木, 好有口感, 而且亦唔會太甜, 適合唔中意食太甜既朋友, 亦為呢頓飯畫上完美句號!

今晚突然之間好想食烤鴨，所以去咗羲和雅苑食晚飯。叫咗羲和馳名烤鴨師傅即場係面前片，即片即食夠哂新鮮熱辣。鴨胸皮係鴨最香酥既位置，先蘸藍莓醬、再蘸爆炸糖，食落係爆炸糖係口中跳動既感覺。鴨胸肉皮脆肉嫩蘸黃芥末食酸中有點甜。鴨腿肉有兩種吃法傳統吃法：包薄餅，加入青瓜條、京蔥絲、甜麵醬而新式食法就係包薄餅，加入山楂條、紫洋蔥、藍莓醬各有特色而我就比較喜歡傳統吃法。松鼠桂魚酸酸甜甜桂魚肉鮮嫩，開胃好味。張氏獅子頭配上白飯撈埋一齊味道好匹配又惹味。椰香芋圓紫米露甜度適中好味喎。對住個海景食飯真係好relax。

一連四日紅日假期，冇北上選擇留港消費，同家人去左尖沙咀海港城行下，周圍都好少人，佢地想食中菜，就揀左羲和雅苑食晚餐🍽️店員推介佢地既招牌的烤鴨三食係必叫之一，所以就叫左半份試下首先會上八寶盒，分別有青瓜絲、京葱絲、甜麵醬、洋葱、山楂條，仲有以下三款醬，就係藍莓醬、爆炸糖、芥末醬，平時食開配黃瓜條、京蔥絲和甜麵醬，但加埋爆炸糖真係第一次，幾創新食法，不過老人家都係鍾情於傳統配搭，我就幾喜歡沾芥末醬食😋前輩比較喜歡食傳統菜，所以專別叫左兩客獅子頭比佢地淺嘗，獅子頭跟配一口白飯，店員教拌勻一齊食會更為惹味😆獨家特調醬汁滲透入味，肉質好軟腍，不用咀嚼都會自動化開另外叫左一份避風塘豬手，價錢雖然比較貴，但份量十足，豬手好腍，皮帶骨膠原，仲有好多好惹味花生🥜怕唔夠飽仲叫多個飯，籠仔櫻花蝦海味蒸飯，熱騰騰，食得好滿足😌

北京的名店羲和雅苑係內地已有多間分店，今天來到香港位於尖沙咀海港城分店，走中高檔路線，人均約$300-$400，價錢比起內地食既貴，但如果質素好，亦是值得一試餐廳🌟叉燒皇｜$228叉燒用上磚爐吊烤煙燻過，上檯時才會打開蓋，一股煙燻氣味籠罩住，幾有儀式感，叉燒肉香滿溢😍軟嫩多汁，不過食第二件感到少少膩，配芥末醬相當有作用🌟羲和小肉餅｜$68好特別前菜，插住一枝醬汁是醋，餅皮包著肉餡，外層好酥脆，肉餡味道同小籠包好似🤣好鮮味，不算太油膩🌟青梅小排骨｜$148排骨唔會過肥，有獨特青梅香味好入味，口感微甜中帶少少酸，開胃解悶🌟芥末沙律蝦球｜$178好吸晴一道菜🥰下面鋪上大大片米餅，蝦球炸得恰到好處，芥末沙律帶淡淡辣味，如果醬少一點會更perfect🌟金沙鮮魷魚｜$208意想不到係咁大碟同埋咁大件，同平時食開椒鹽魷魚完全唔同，每件都有金黃炸衣包住，魷魚好爽彈🤤調味好輕，味道來源主要靠外層炸皮🌟烤鴨(半份）$388分好三盤上枱，分別有鴨胸皮、鴨胸肉同鴨腿肉，不周部位都有不同食法，鴨胸皮烤得好脆，皮連著的脂肪已切走，建議沾上藍莓醬和爆炸糖一齊食鴨胸肉幾嫰滑，配芥末醬食更能吊出鴨肉油香，味道唔會太剌鼻

#christine開飯日記 放假諗住同屋企人食個飯聚下，成日都見到有人去依間係海港城嘅北京菜館，無論係食品賣相定環境都好好。所以今次就揀左佢啦成間鋪頭都係以中式設計，典雅又大方，座位都好舒服仲可以望到海景添👍🌟馳名烤鴨（半隻）（$388）去到必點佢地嘅烤鴨😍睇相已經好吸引。現場睇住師傅片🤭真係幾有視覺享受架。烤鴨會分左3個部分上：鴨皮、鴨胸同鴨脾，店員介紹返幾款食法比我地，有真係幾新穎又好味架，例如：鴨皮可以沾莓果醬同爆炸糖食，酸酸甜甜咁，開胃又解膩，佢都有配傳統組合：青瓜京蔥同烤鴨醬，啱啱長輩🤭🌟宮保大蝦球（$178）依個菜真係要上試下，佢嘅蝦球好彈牙之餘仲要好大隻，而且醬汁都好好味，屋企人都讚不絕口🌟蒜蓉粉絲蒸娃娃菜（$138）依個看似普通嘅餸一上碟就變左打卡主角😍廚師好有心機咁𠝹到娃娃菜變左一朵花🥰睇到都覺得好靚🤭🌟磚爐叉燒（$228）佢嘅叉燒肉質都幾唔錯，唔會鞋之餘咬開仲有肉汁，如果叉燒肥肉部分再多少少就perfect la🥰🍴羲和雅苑 (尖沙咀)📍尖沙咀廣東道3-27號海港城海運大廈2樓OTE203號舖

復活節趁住商場有免費泊車優惠，當然都要留港消費下😆今晚就同屋企人去咗海港城「羲和雅苑 」食烤鴨，呢度嘅烤鴨已經食過好多次，水準依然保持咁高質，坐喺窗邊望住靚靚嘅維港景色嘆美食，認真爽YY😌羲和馳名烤鴨師傅會推住一隻熱辣辣嘅烤鴨喺你面前即場片，會分成三碟，分別係鴨胸皮、鴨胸肉同鴨腿肉，另外會付上薄餅皮同多款特色醬料，餅皮煙煙韌韌夠薄身，除咗一般嘅甜醬、青瓜同京蔥絲，呢度仲有爆炸糖、黃芥末、山楂、紫洋蔥、藍莓醬，多種嶄新食法👍🏻鴨胸皮酥香鬆化，入口即溶，點上爆炸糖喺口入面卜卜咁爆開，刺激味蕾非常過癮鴨胸肉同鴨腿肉可以根據自己嘅喜好包餅皮或者點上店家特製嘅黃芥末醬黎食，味道酸酸甜甜可以減低油膩感。除咗一般嘅食法，餅皮仲可以包住紫洋蔥同山楂條一齊食，入口爽脆酸甜，口感零舍豐富😋芥末沙律蝦球脆米鍋巴上放上大大隻嘅蝦球，蝦肉新鮮爽口彈牙，炸粉夠薄，加上芥末沙律醬同蟹籽，入口多重口感，味道層次豐富三色皮蛋餐廳特色招牌小食，黃金皮蛋上加上紫姜粒、青椒粒同酸菜粒，中和咗皮蛋原有嘅澀味，入口Q彈中間糖心綿滑細膩，推介👍🏻羲和小肉餅每一件小肉餅上都插有一支吸管，裏面裝有黑醋汁，食之前將黑醋唧入肉餅中，肉餅以

❣馳名烤鴨：睇住師傅新鮮熱辣切烤鴨, 分別切咗3個部分, 有鴨胸皮, 鴨胸肉同鴨腿肉,呢到仲有侍應介紹你點樣食法, 唔記得唔緊要.. 仲有卡紙話你知點~-鴨胸皮可以點藍莓醬/爆炸糖食，口感好特別! 鴨胸皮勁脆口~-鴨胸肉可以點黃芥末, 帶酸酸甜甜, 微辣, 肉質鮮嫩, 外皮燒到好脆-鴨腿肉可以包薄餅一齊食~侍應介紹咗我地2樣食法, 第一個傳統食法；包薄餅，加入青瓜條、京蔥絲、甜麵醬第。二個新食法：包薄餅，加入山楂條、紫洋蔥、藍莓醬! 原來加山楂條、紫洋蔥、藍莓醬, 好fresh!! 好多配料俾你有唔同既味道!烤鴨的鴨皮烤至金黃酥脆，肉質細嫩多汁❣金沙海膽蟹肉滑豆腐：海膽和蟹肉好鮮甜, 配合埋滑嫩既豆腐，再加埋濃旭湯底! 味道鮮美, 質感豐富，真係未食過呢個組合, 超好味!❣小籠包：小籠包包著鮮嫩多汁既豬肉同餡料，每一口都係滿滿的肉汁。小籠包皮薄而且有彈性

呢間餐廳經常爆滿，今日星期日，好多人等位。餐廳環境非常優雅，有室外位置，可以邊食邊欣賞維港。餐廳小菜出色；烤鴨食法獨特，包括三種不同部位嘅烤鴨片，配料方面亦都非常多花款。馳名烤鴨八寶盒嘅配料豐富包括藍莓醬、芥末醬、甜醬、洋蔥片、青瓜條、京蔥絲、山楂條，最特別嘅係點解會有爆炸糖呢？烤鴨分開三個部位咁上，侍應會講解烤鴨三種食法，每個部位嘅建議食法都唔一樣，部份位置適合直接食用，而另一部份就需要用傳統方式用薄餅皮包住嚟食，分別係鴨胸肉、鴨胸皮同埋鴨腿肉。為求凸顯唔同部位嘅獨有口感，各種配搭各自有不同風味，醬料有鹹有甜、特別係加入爆炸糖嘅烤鴨片，爆炸糖在口中不停跳躍、大大刺激到口中嘅味蕾。芥末沙律蝦球蝦球大件爽口，配上米通增添香脆口感，芥末醬酸酸甜甜，十分好味。青梅小排骨小排骨外脆內嫩，青梅嘅酸甜味真係好醒胃，酸酸甜甜嘅味道認真唔錯。羲和小炒王將五花八門嘅食材; 韮菜、蝦球、扇貝、魷魚鬚、芋頭絲加上香脆嘅腰果，爆香嚟炒，整碟菜鹹香惹味，口感豐富！籠仔櫻花蝦海味蒸飯好足料，蒸飯吸收咗魷魚、蝦乾、櫻花蝦嘅鮮味，米飯有荷葉墊底增添香氣，飯粒帶有陣陣荷葉味。餐廳食物質素整體唔錯，又可以試創新食法嘅烤鴨

金沙魷魚：香脆可口蛋黃味濃，魷魚好大件好有咬口。啖啖都係邪惡既味道荷葉飯：飯粒乾身而分明，荷葉味香濃撲鼻。熱騰騰上碟，更顯荷葉香，緊係要拿拿淋趴兩啖先啦。味道均衡，唔會太咸，份量都好足。海鮮泡飯：湯底鮮味，蝦湯既精華所在，泡飯跟埋脆米上，增加泡飯既口感同層次，確實唔錯，而泡飯都比較易入口，鍾意清清地既不妨試下。總結：餐廳對住無敵大海景享用佳餚特別開胃有食慾，食物質素亦唔錯，服務員照顧周到，主動斟茶加水，確實係促膝詳談同relax既好地方。

宋代大文豪蘇軾在【老饕賦】中說：蓋聚物之夭美，以養吾之老饕。美味的食物，自然是食家之首選。鴨肉中含豐富鐵質和人體需要的維生素，不飽和脂肪酸比鯖魚類還多，最重要還是味道鮮美。所以，喜歡吃鴨肉的人群，心血管會較健康。今天，兩個老饕就朝著健康的方向覓食，尖沙咀海港城2樓，走到商場最盡頭，經過化妝品區💄--珠寶手飾鐘表區📿💍💎--時裝區👡👚👗🥻--運動品牌區⚽️🥋⛸️🏸……，果然必須健康，走了不少路才能吃到，右邊就是目的地餐廳【羲和雅苑】。餐廳位於海港城最邊上，意味著全海景視野，無論白天夜晚，都是一流景點，餐廳內外都是打卡正位，皆因餐廳的裝點就是一個古色古香的藝術品。【羲和雅苑】四個大字不知是何人手筆，溫潤婉雅，豐滿又誘人的筆畫，帶人進入美食的天堂。🥰🥰馳名烤鴨＆八寶盒👍👍👍👍👍閃亮飽滿的烤鴨在廚師靈巧的刀下，切成一片片整齊排在碟中，分開三個部位，鴨胸皮，鴨胸肉皮，鴨腿肉皮。因為不同位置有不同食法，非常講究。八寶盒上擺放了熱氣騰騰的簿麵餅，用牛油紙每張隔開，避免粘黏一起。配烤鴨的材料有新鮮青瓜，大蔥，洋蔥，山楂條，最最特別有爆炸糖，醬料有海鮮醬，黃色芥末醬，藍莓醬。配料已比其他餐廳豐富多彩，吃法就

今日嚟到呢一間係為海港城嘅烤鴨，地鐵站行過嚟大概都知係需要10分鐘後距離，如果講地理位置嚟講我都覺得係幾方便，而且喺附近行嘅就可以喺附近嘅商場入邊shopping，真係好方便 ，同埋環境嚟講都算唔錯！烤鴨半隻😎，嚟到呢一間餐廳點可以唔試吓佢傳統嘅名菜，就係傳統嘅烤鴨，烤鴨總共可以有三個唔同嘅部位，再配埋熱辣辣正嘅包皮，再加埋唔同嘅餡料再配製一齊食。餐廳嘅店員首先推介我哋就咁加爆炸糖點埋佢嘅脆皮而食，呢一個配搭令到成個口感冇咁油膩，亦都覺得非常特別，令我同朋友都覺得非常有驚喜，從來都冇試過一個配搭，口感上亦都非常特別，真係唔錯。然後就係加埋熱辣辣蒸嘅皮一齊食，本身以為餐廳位於大型嘅商場冇乜特別，點知到我喜出望外，每一件烤鴨都唔會太肥，而且熱辣辣加埋所有配料嚟講非常好食，呢個價錢嚟講亦都唔算太貴，我覺得都算非常合理如果係尖沙咀區嚟講嘅話，鍾意食烤鴨嘅朋友絕對唔可以錯過，呢一個真心好食😎小籠包😎，冇諗過呢一間餐廳嘅小籠包都咁好食，而且鄙薄餡靚再加埋入邊嘅肉質非常有口感，我哋本身都係諗住加少少小食，我諗過佢係呢一個小籠包嘅做法都非常傳統，價錢嚟講真係唔算太貴，鍾意食小籠包都可以試吓呢一個味道！

今日黎到海港城食烤鴨😋今到去嘅感覺係座位好舒服，枱同枱嘅距離好夠而且有室外位置，日頭有風坐出面應該幾有feel😌🥢馳名烤鴨半隻烤鴨分左3個部分上，有鴨皮、鴨胸同腿一上完菜侍應會介紹返幾種食法鴨皮可以沾紅莓醬/爆炸糖食，幾新穎😆比較鍾意個莓醬，可以中和返個油膩感其他部分可以包塊皮食😆最傳統係加青瓜京蔥同烤鴨醬呢度仲提供埋紫洋蔥同山渣條，配呢啲食都幾特別佢啲皮都有10幾塊，絕對夠包哂啲鴨肉😁🥢酸菜魚啲魚肉好滑，魚皮好爽口! 魚皮個種爽彈真係有啲驚艷到我🤪而且一啲骨都無個湯酸辣咸好平衡，就咁飲都唔會太刺激份量都好多，2個人食到好飽😋🥢牛油芝士焗大蝦啲蝦真係好大隻，蝦頭多膏，蝦身爽彈個芝士汁好掛到上蝦身，濃郁得黎又唔會蓋過蝦味2個人食每人2隻岩岩好👍🏻個底仲有啲米餅咁嘅野, 浸左啲芝士汁食好好味總括黎講，侍應服務好好，有細心介紹菜式，時不時會自己幫我地refill啲茶雖然價位算中上，但好岩大時大節同家人黎食😋

週末當然要食餐好！今日難得好天氣，專程揀咗去羲和雅苑，一邊欣賞海景，一邊享用美味嘅中菜。1.藍莓山藥 $88呢味作為開胃小菜真係適合不過。山藥清涼爽甜，配合甜蜜嘅藍莓醬，令食慾大增。2.老北京懶龍 $128個名好得意，係一個好長嘅包，入邊係豬肉餡。服務員好細心咁幫我哋切開，仲提醒我哋入邊嘅油可能會流出嚟要食得小心啲。包嘅外皮滑得黎又軟熟，餡料香而不油膩，係幾有北京風味嘅！3.小籠包 $68小籠包入邊充滿肉汁，豬肉唔會有騷味，讚！4.荷香鮑魚雞粒燜飯 $188飯好香荷葉味，越近荷葉，味愈重，正！鮑魚粒彈牙，雞粒嫩滑，燜飯味道濃淡適中！5.擔擔麵 $98一人份～表現正常。景靚，食物味道好，服務真誠，會再encore!