新斗記 (Closed)

習慣中式節日食西餐，西式節日食中餐，這様可以避免等位及價格突然提升的煩惱。今晚聖誔節，都是食中餐至為上策！突然想食乳豬，決定去食新斗記。新斗記最出名的莫過於烤乳豬，曾得到米芝蓮星級推介，有乳豬天王的銜頭。 位於銅鑼灣店假日酒店二樓，門面裝修欠奉，只張貼訪問報道及獎項 ; 室內裝修平實，有訴說不較賣相取勝的味兒! 果然，等了15分鐘後就可以入座，7：45 入座，但竟然叫我們8：30 分交枱！！新斗記上菜慢，點可以45分鍾內完成？？幾經理論，侍應才說視乎情况而定。。。入座後，見枱上所有餐具都印上公雞圖案及新斗記名字的餐具，頗具特色，十分想擁有一套！燒乳豬 $138 (例牌) 即叫即燒，絕不放涼。 有別於傳統烤乳豬皮肉相連的吃法，廚師把乳豬件一分為二，皮還皮，肉還肉，片去皮下的肥膏。 食時卜卜脆，卻沒有半點油膩的感覺，讓客人能品嚐香酥皮脆之餘，吃得更加健康。 乳豬肉嫰滑中帶點鹹香，不用沾醬已夠味。 另奉上砂糖及乳豬醬，可按個人喜好隨意沾少許同乳豬吃更滋味。 啫啫生菜煲每次出外食飯都覺得叫青菜食好唔抵，去街巿買棵菜只係幾塊錢，但餐廳叫菜食都要幾十元，利錢真係好好賺。好似呢度嘅啫啫生菜煲要$68

走去食晚飯， 叫左個半隻乳豬， 兩碟豆苗， 一個橙排骨， 一個泥孟粥， 兩個蠔煲， 一個栗米石班塊， 一個瑶柱炒飯， 半隻雞。 幾多錢呢， 兩千大元， 哇做乜咁貴架， 前果排都無咁犀利， 驚嘆通帳勵害。 一查單之下， 噢， 原來是那個豆苗成一百八十大元一個， 咁菜牌又無價錢， 又唔咪大碟， 咁問部長， 他說就是這價錢喎。 樣樣野都過得去既， 乳豬幾脆口， 石班幾好味， 其他都不過不失， 不過就貴了一點。 大家記住要問請價錢喎。

訂了位, 但都要等50分鐘, 整個門口都站滿人, 在場大部分訂了位的客人都在抱怨等了超過45分鐘以上! 沒有那麼多位置, 為何接受那麼多人預訂?但以上的都不是重點, 當坐下了點了菜後, 出現了一位超煩人的服務員, 坐下到離開不足一小時的時間, 那位女仕多次提醒我們有人訂了位, 要交桌子, 次數達十一次之多, 最離譜係第一碟菜到她已經第一次"提醒", 這究竟是什麼服務態度?到最後一度菜蟹飯一在桌上放下, 那女仕已急不及待地"提醒"我們有人訂了位要交還桌子, 頻率達兩三分鐘一次, 當時桌上還有兩三碟菜, 還有大半未吃完, 她已問"仲要唔要?" 未來得及開口答她已示意她的同事上前清理, 我想如果不是即時喝止, 剛放下的蟹飯也冇緣吃到!最後我們一行四人也抵不住那煩人的"溫馨提示", 只是吃了點蟹飯就埋單走! 真佩服那女服務員的趕客技術, 如果服務可以投0 分得話, 我一定會將這"殊榮"頒給她的, 想不到銅鑼灣區的酒店竟然都會有如此差的服務態度, 新斗記是快餐店嗎? 服務態度差得無可再差, 很久沒有遇過這種待遇, 發誓以後不會再到這餐廳及旗下的飯店光顧!

nnn年前去過佐敦店..................當時並無分店..............nov 10, 12第1次來這間分店..............6大1小來dinner............叫咗 :1) 燒鵝 - 1/2隻-肉質同味道都不差2) 粟米斑塊-呢個喺我要求嘅,因我想比較吓同nnnn年前嘅分別-仍舊斑塊同粟米獻汁分開上,以免整腍個魚塊表面-斑塊表面酥鬆,唔油,魚亦唔乾,個粟米汁"杰"度適中,調味得宜-大家都大大把將獻汁混埋魚塊同食,美味-我記得當年食到呢個魚塊,好impress...............難得咁多年後個斑塊喺分店都煮得唔錯3) 蝦子柚皮-雖然呢味唔喺我嘅杯中茶-但都煮得唔差,起碼出夠水,無"劫"味,柚皮都鬆-個獻都夠味4) 香橙骨-呢個肉外表微挺脆,肉鬆,有肉質-個橙汁獻沒有過"杰",橙味濃,酸酸甜甜-很開胃5) 蒸蟹飯-望落去個樣比較齋,又無嘜調味/汁,所以我無挾到嚟食6) 上湯時菜-終於有味菜清清腸胃,有啖湯濕濕口-除咗有娃娃菜外,仲有些少中芹同菇吊味7) 啫啫生菜-再來多1味菜,呢個就會惹味好多,上枱時香氣撲鼻-菜亦爽脆8) 燒乳豬 -

大家來新斗記一般也會吃燒豬吧，其實大家可能有所不知，他的烤鴨也很美味，只是供應量非常少，很多時候到晚上已經賣完了，要吃一定要預留．用的是中型的鴨，醃得非常入味，吃燒鴨我一定會選胸肉來吃，因為啖啖肉之餘，醃得好與壞也一吃便知．鴨皮帶點肥羔，甘香豐腴，雖然是肥膩，但久不久吃一次又何妨？

之前食過佐敦果間都ok, 所以早在一星期前已在openrice訂枱, 還贈送餐前小食一碟(海蜇)及糖水。環境一般, 都幾full同埋很多人order啫啫煲, 所以有少少煙霧瀰漫的感覺。服務是ok的, 不會過份殷勤或欠奉。例牌燒乳豬 ($138) 個皮好脆, 仲暖的! 豬肉好入味而且係半肥瘦, 好味 3隻大的瀨尿蝦, 共重1斤10兩, 每兩$40 為計都算貴, 索價$1,200! 不過真係好好味! 肉質鮮味, 仲好juicy! 唔會炸到好乾, 同埋好夠味~ 又唔會覺得好熱氣, 因為有d餐廳會放好多炸左既蒜茸晌面!啫啫生菜煲 ($88) 呢個不過不失啦, 有很濃的蝦醬味。雖然略嫌燶左d 同埋好少菜, 不過都幾惹味~碧綠炒龍脷球 ($248) 正常味道, 沒特別驚喜。西蘭花不會太硬, 剛好~ 龍脷球都ok, 只係有少少煮過火, 肉有些少"鞋" 香橙骨 ($78) 本來叫了個貴妃雞但竟然售罄! 於是選另一個無咁熱氣既~ 呢個都不錯, 個骨唔會炸得好乾, 入面仲保留有少少肉汁~ 香橙味重但不會太酸, 都幾好!最後送的紅荳沙(還可以選喳咋), 都幾有陳皮味同埋起晒沙的, 都ok~

去開銅鑼灣, 去咗近近地嘅Times Square搵食...附近開咗新斗記, 幾年前同朋友食過佐敦長樂街嘅總店, 美味回憶歷久不衰... 點可以唔同Honey去品嚐吓呢...5:30PM入座, 一個客都未有, 所有職員仲Briefing緊, 我地坐低飲住杯茶先...滷水鵝掌翼--好入味呀, 又淋喎, 好正呀!!!金牌即燒乳豬(1/4隻)--暖暖地, 皮脆肉嫩, 好味呀!!!足料老火湯(2-3位用)--雖然話係2-3位用, 但係有成6碗咁多, 幾抵飲... D湯仲好夠味, 正!!! 不過D湯渣就唔係好得啦, 鱆魚同廋肉都勁硬...招牌豉油皇炒麵--呢個真係好得, 連最憎食炒麵嘅我都覺得好正!!! D麵炒得好乾身, 一D都唔油, 入口勁熱, Honey都激讚!!!是日糖水(送)--紅豆沙綠豆沙都煲到起晒沙, 唔太甜, 以送嘅標準o黎計, 相當唔錯!!!服務都唔錯, 因為未有客嘛, 哈哈哈!!!

今晚係James 既生日，原本諗住唱K直落，點知James話吾多舒服，所以成班朋友改為食飯，睇過好多介紹講呢間餐廳，我地於是試下有幾好味。雖然我地都醒訂左位，但係點知去到都要等左15分鐘。等位個道窄左啲囉，我地成10個人，不停比人叫吾該借借，未食先.一坐低，大家都憑先前睇報導既記憶點餸，你一句我一句，鐘於我地叫左成9個餸加壽桃。我地試左乳豬、粟米斑塊、蝦子柚皮、招牌雞、啫啫唐生菜煲、生炒骨、豉油王炒麵等等。乳豬果然冇令人失望，啲皮又脆又香，佢比起好多其他老牌名店更加好味。招牌雞人人都讚，不過我吾係太識，冇咩意見。生菜煲夠火喉，正! 反而個斑塊就一般啦，雖然我知佢係用新鮮石斑，但係味道就欠奉。全晚最驚喜既居然係壽桃，個個都大讚未食過咁好味，我仲打包半打返家益下阿媽，佢超喜歡囉！

好在有訂位..如果冇就應該有排等..我之前食過Jordan果間.. 所以今次老爺生日就一家大細黎食餐勁我覺得炸子雞好味過其他雞個炒麵真係唔錯..一定要試..個壽包好大個..我諗如果要食就唔好叫咁多碟餸菜

第一次嚟呢間米芝連食府，好開心呢度 d 裝修很簡潔, 中西合壁,天花有很多吊扇,令冷氣會較舒服最緊要係夠寬敞兩種不同雞雞pattern 食俱都印有“新斗記”是專人訂造很特別 ！燒鵝賴粉并芥蘭賴粉湯底好清香,多䓤花燒鵝唔油膩. 肉質夠juicy連我平日最討厭的芥蘭都煮到很清甜, 好好食噢 粉果塊皮睇落好厚又唔透但係唔黏快子食落都幾好味义燒包. 由細到大都唔食, 但呢度的义燒醬調得很野味, 攪得我有少少愛上佢奶皇包侍應一放低己經聞到椰香噗鼻整個包都好滑中間奶皇唔係吟 creamy食落好清新棉花雞好新鮮的食材長蝦春卷中間爽咗青瓜口味較清新d皮超薄仲有d 好細好細紅點點調咗味, 真係好食 d呢度點心唔係特別貴但味道質素卻高一班值得再嚟試埋其他

今晚有飯局，選址是銅鑼灣的新斗記，剛好昨天在「楓林小館」午飯出來，路過它位於店鋪，門外站滿人羣觀賞師傅正在表演他的燒豬技倆，所以快快把它攝入鏡頭，在這裡同大家一起分享，因未知銅鑼灣的新斗記有沒有這個環節 七點正（比約定時間遲了十分鐘）到達酒樓，他們已經點好了菜，飲著茶、嘆著前菜等我們了，這裡裝飾佈置得體，坐位亦十分舒適，只是平日晚飯時候已經座無虛席了，更遑論是假日？ 但上菜速度頗快, 只消幾分鐘，菜餚開始呈上小小的豬腳仔，樣子十分Q版，皮爽肉嫩，鹵水味道完全滲入其中，想必是下酒佳物，可惜我不好此道 金牌即燒乳豬今天有七個人所以 order 了一整隻，上桌時滿佈麻花的豬皮，入口卜卜脆，卻沒有半點肥膩感，皆因廚師已經將皮下的脂肪徹底清除，所以多了酥脆的感覺，還可以避免了脂肪被咀嚼時的油膏四濺，而嫩肉亦沒有一般過鹹的弊端，肉質柔韌度恰到好處，食後簡直是齒頰留香 金牌燒鵝鵝肉十分鮮嫩腍軟，汁液豐盈，味道芳香馥郁，唯獨是鵝皮略欠酥脆，失了一點點的分數 龍躉兩食 - 碧綠炒球、紅燒頭腩龍躉皮的處理方法十分考廚師的廚藝，略為過火便會顯韌，但這道菜無論是鑊氣、火候，師傅都掌握得宜，熱力均勻

話說新斗記乃新兜記結束營業後，由舊有班底重整旗鼓所創立，當年還因為店名的問題而鬧上法庭。近年新斗記把一道即燒乳豬做得有聲有色，還得到米芝蓮評審團隊的推介，這天晚上因為要到伊館聽偶像的Talk Show，便順道來到附近的銅鑼灣店，一嚐店家名震四方的即燒乳豬。銅鑼灣店位於假日酒店二樓，室內裝潢跟一般中高檔酒樓相似，餐具卻頗具特色，匙羹、茶杯、餐碟以至筷子托皆印上公雞圖案及新斗記的字號。再看看餐牌，即燒乳豬可以點一隻、半隻、四分一隻或例牌，甚具彈性，就算兩口子來也不用顧慮份量過多的問題。先來的粟米班塊是新斗記其中一道巧手名菜，說句真心話，那種以雪藏龍脷柳充當班塊的貨色，使我一直都對粟米班塊心存偏見。侍應把酥炸班塊及混有蛋花的粟米汁分開奉上，確保脆皮入口不會變腍。沾少許粟米汁咬一口，外皮炸得酥脆卻不油膩，而且店家用上新鮮蘇眉起肉來炸，吃起來肉質既挺實又彈牙，口感甚佳。店家的海鮮小炒也甚有質素，點了一道豉椒炒花甲，花甲雖不算大隻，但味道鮮甜。豉椒汁不過鹹之餘，還帶點微辣，非常惹味。要挑剔的是裏頭有數顆花甲仍未開口，扣了一點分數。這一味金牌即燒乳豬，可說是新斗記的鎮店之寶，有別於一般吃到乳豬件，店

座位安排極度混亂，已訂枱顧客仍需等候很長時但反而和店員相識的客人就有預留的座位。店員對於客人的投訴一概不理，不少客人都對此差劣態度非常憤怒。管理層的確有待改善，而本人亦不打算再光顧。非常失望！！！

Book 咗位八點半、依家成九點三都仲未有位、一未靠拖、係咁話有幾張枱食緊糖水、火都嚟。如果做唔到咪唔好係唔係都比人book. 咁樣嘅服務質素、攞乜星級米子蓮都嘥氣============================== 後加==================最後尾因為無其他餐廳選擇﹐所以入座。 食物質素還可﹐事關太肚餓。招牌菜suckling pig 同燒鵝很有水準﹐其他都不過不失。服務方面尚有很大改善空間。

很久之前去佐敦個間食過晚飯，印象中好好味，今次見到銅鑼灣開咗分店，咪約朋友去試下囉，點知俾朋友鬧到趴係度令人的地方：很久之前已經訂了枱，結果被安排坐在門口；叫啤酒加兩隻杯，等了十五分鐘剩係記得拎啤酒，無攞杯，再問，又要等多五分鐘；晚上七點多，想叫瀨尿蝦 - 無；想叫蟹，佢話湖南蟹煲好大陣味㗎喎，你怕唔怕俾人望住你呀?! 我地話唔怕，之後就番轉頭話無肉蟹 ，仲要拎兩隻淹仔蟹嚟問：得番呢兩隻，要唔要?叫咗蟹，等咗半個鐘都未有，催咗兩次，好悔氣咁話，我都勸過你唔好叫蟹㗎啦＠＠食食下蟹，個部長走嚟問使唔使準備定糖水？我哋話好呀！結果十五分鐘後都未有，再問，佢好施施然咁話糖水送哂，我哋話”吓，你又唔講番俾我哋知嘅？”佢話唔記得喎！總括而言，呢間新斗記服務超差，無可能再嚟而食物方面，亦非特別出色，我們叫了幾款招牌菜：1/4 乳豬：好明顥放咗好耐，我第一次係新斗記食到碟咁難食嘅乳豬生炒骨：肉太大件，唔入味，根本未夠火喉啫啫生菜煲：啲生菜暖㗎咋，根本未煮得夠，好明顯係趕時間豉椒炒聖子：好懷疑俾人呃，炒埋一嚿，青椒好多，點計都唔似有四隻聖子皇囉炒麵：最好食呢個，炒得幾香鹽焗淹仔：好油，膏都幾多，勉強合格