新斗記 (Moved) New Location

同朋友試得西餐多，今次都係時候試下中菜。本身訂左位，所以都唔需要等，但發現原來就算係平日，地下一層得八、九張枱，但都坐得滿，呢間餐廳相信都係出名。見到枱上餐具，好夠懷舊氣息。點菜時實在有太多選擇，所以隨意先叫三樣餸試下先，分別係出晒名既乳豬、桶蠔同羊排。個個係呢度留言既都話乳豬係必食，所以少少地就叫碟例牌。朋友一咬層皮，我都聽到脆既聲，無可否認，皮脆肉嫩確實係事實，但相反我覺得欠缺左香味，口感十足但味道一般。而桶蠔亦都好味，蠔既size中等，薑蔥吸晒蠔味，係整碟餸既靈魂。因為朋友同我都係愛羊之人，見餐牌有“手抓羊排”都出於好奇想order，但餸名旁邊一隻辣椒，都擔心會好辣，不過我地都膽粗粗去試下！上菜時就即係有驚喜，原來似四川麻辣既煮法，以為真係好辣，其實一D都唔係，咬一啖就知羊吸左辣既精華，好有麻香味，但仍然保留住自己既羊羶味，煮既火候岩岩好，骨同肉一咬就分開，食到呢度相信都未夠飽（冬天呀~~~），所以再叫兩個餸！啫啫唐生菜煲都好味，因為食得太多肉，點都要叫番碟菜來消化下！蛋白薑米蒜香蟹飯，蒜香味濃郁，可惜就係蓋過蟹既鮮味，同時薑蒜味浸入飯內，所以飯變成精華，而唔係蟹，但食到呢度已經

中午放學後和同學們一齊到長樂街的新斗記吃午餐。燒鵝先上，吃完所以點心，再通知侍應瀨粉最後才上，可能忘記了！燒鵝皮的脆度稍遜，幸好鵝肉味鮮甘香。超薄皮的香煎餃子，外罩香脆薄皮衣，雖然有點花巧，但不失有心思。蘿蔔絲外皮香酥，內餡豐富好味道。鮮蝦粉皮春卷，軟滑粉皮包裹春卷，每件都有爽口鮮蝦肉，而且餡料美味豐富。很細心的灼芥蘭，把頭段的粗糙外皮刮去，咁就冇菜渣。整體都不錯的午餐，每位承惠$85

先要多謝一對金童玉女帶我去他們的飯堂，位於佐敦的「新斗記」，更因為他們關係可以坐VIP房。相信「新斗記」不少人都來過，但這是我第一次來，確實感覺新奇。這裡的公雞碗是一大特色唷，一般店鋪很少見耶！主打傳統懷舊的粵菜，先來一客招牌即燒乳豬，用火山石即燒乳豬，芝麻皮燒得脆卜卜，去了油脂層，吃起來每一塊都很爽不油膩。 之後來一客粟米石班塊，第一食茨汁與石班塊是分開上。分開上有樣好，可以確保班塊脆身，不會被茨汁浸濕，石班塊肉質有重量、有口感，炸粉也不厚身，真正入口啖啖肉。 啫啫生菜煲與薑蔥桶蠔煲，上菜的時候還很熱，煲會發出吱吱聲，薑蔥炒香了生蠔，既有鮮味，很juicy又惹味！（佐敦店營業到三點，即使下班後去吃也沒問題唷！下次再去，我要試籠仔蟹飯！）招牌即燒乳豬。薑蔥桶蠔煲。啫啫生菜煲。粟米石班塊。公雞碗。店名：新斗記 Xin Dau Ji地址：佐敦長樂街18號18號廣場地下及1樓

一家人有節日要慶祝，通常由我負責諗地方，因為有老人家，所以食中菜就最啱。新斗記幾年前食過一次，記得質素唔錯，可以再試，不過要試就要去佐敦果間，因為係總店。素知新斗記最出名燒乳豬，但供應有限，所以最好預訂。接電話的阿姐好好人，我求其話訂半隻乳豬，佢話「你地5個人，再叫下其他餸，1/4隻夠架喇」。1/4隻上枱時係有半個豬頭，分量唔係好多。乳豬皮脆到好似薯片，就算擺耐左仍然脆度十足，果然係招牌菜。乳豬肉唔係好多，不過都夠鹹香，亦冇肥膏。另外仲叫左1/4隻燒鵝，熱辣辣香噴噴，皮甘香肉鬆軟，一d都唔韌，質素比燒鵝專門店更好，絕對推介。個肚有冇空位都好，都一定要叫豉油王炒麵，鑊氣十足，油亮但唔肥膩，麵條爽口亦均勻沾滿醬油，好食。椒鹽豆腐粒就炸得乾身左少少，調味亦不足，可以忘記。值得去指數：

周末必定的一個節目就是去酒樓喝茶這個好像已經成爲i一個習慣，其實已經不是第一次來新斗記喝茶這裏的環境很舒適，我很喜歡卡座位置不會擠逼而且是皮質瞪，坐得舒服特別喜歡這家的蝦餃點心，皮好薄同埋蝦又幾大只一粒蝦餃我要分開幾啖先食得曬

新斗記，好多人都會知呢間餐廳，可惜我們剛剛先發現，今次先來打食評分享，我自從第一次食過後，今次已經系2個月內食第三次，都系因為個乳豬而來，呢到無論系點心定系小菜都好好食

新斗記有十大名菜，脆皮燒鵝、豉油皇大蝦、粟米魚塊等，全部都幾好食佢最出名既燒乳豬好好食，好香脆，D肥膏一早幫你pit哂，可以好爽禁一啖咬落去！咕嚕肉都整得幾好食！

新斗記幾乎是lahris和同事間的深夜食堂粟米斑塊真係必食! 大愛!!!! 粟米汁可以撈幾碗飯呀這個藕餅，蓮藕炸完都仲好爽口這個鍋貼小棠菜倒是有趣，原來饀料好滑!!! 完全無鍋貼和小棠菜的影子話說讓lahris期待了大半天的炒麵竟然轉了一圈就被吃光光，相信是好好味的吧薑汁芥蘭仲好嫩，炸得剛剛好，唔會OVERCOOK，不過就唔係好覺有薑味啦! 這個鵝掌（上圖）和乜乜乜柚皮（下圖），還是適合長輩的口味。柚皮這款傳統小食的確需要些少功夫，這個煮得好稔，也好吃的然後就是皮蛋啦! 千年皮蛋，夠清熱，正!不能不點的啫啫生菜煲，勁香勁惹味，必點lahris大愛的琵琶豆腐，這個魚肉比例較少，豆腐比例就多一點，所以吃落口會感覺軟軟的，好似食章魚小丸子的感覺這個椒鹽鮮尤，尤魚鬚爽口彈牙我好似食吃一件...乳豬就全無了! 同事們當日胃口大開嗎?

早2個月先來過, 朋友們試過都讚不絕口, 經常提住話要再來, 我的Blog更以標題"新斗記 Xin Dau Ji : 因美味而誘發的會心微笑"來形容... 今晚重臨舉辦11月之星壽宴, 跌晒Watt, 眾人有點失望!!!查實, 一早心裡有數, 星期五六日係繁忙日子, 去邊樹食都一定會跌Watt... 明知不可為而為之嘅原因, 咪都係因為讚媽一一一定要星期五晚先出得來!!! 星期五晚來訂枱只可以揀6:00PM或8:30PM, 佢仲好意思彈句"咁麻煩o架"!!! 呵.... 呵... 呵... 無言!!! 亦因為KaKaMa 6:00PM趕唔到, 咁我地最後揀8:30PM, 食完都應該無客等緊枱, 所以無人提到限時交枱...(上次係星期四晚來, 可以自訂訂枱時間之餘, 仲無話要限時交枱)上次無食瀨尿蝦, 又無食薑蔥焗蠔, 仲無食啫啫生菜, 呢個就係我地短期內要再來的原委... 飲啖茶, 慢慢揀食咩...足料老火靚湯(大) $108-- 眾友人都話上次個湯好味D, 但我覺得太辣囉, 今次呢個粉葛豬橫脷豬踭湯反而啱我飲D, 都幾甜吖... 金牌即燒乳豬 (1/4隻) $178-- 上次好好好味

轉眼又到了老爸生日的日子, 今年為了遷就老姊和我, 決定提早吃生日飯. 老爸一向喜愛中菜, 生日飯十之八九都是中餐, 今年也不例外, 他選擇了新斗記, 為的是它的粟米班塊, 同時也希望試試它的燒鵝! 數數手指, 已經有兩年多沒有光顧新斗記了. 在平日夜晚準時七時半到達後, 我們被安排在樓上的坐位. 環境與上次來差不多, 最大分別是食客不多, 只有八成滿, 與上次全場滿座的情況很不同. 可能是因為新斗記開了幾間分店, 食客可以有其他選擇, 不用全都擠到佐敦的總店有關. 今次的坐位是在樓梯旁邊, 兩旁也沒有其他枱, 所以沒有擠迫的感覺.店家仍舊採用公雞餐具, 既美觀又懷舊! 餐前小吃仍然是花生和酸蕎頭. 花生一般香脆, 鹽花佈滿表層; 蕎頭保持水準, 脆口而不太酸.除了平常的餐牌外, 今次多了一張菜牌, 上面的菜式全是店家特別介紹, 大部份都是較貴價的海鮮, 例如鮑魚, 老鼠斑, 東星班等等. 除了訂位時已預訂的燒鵝外, 今次專門點上次未有吃過, 但又是店家有名的招牌菜.馳名燒鵝皇半隻 $258老爸說不想吃乳豬, 而且上次晚飯時, 看見鄰枱的燒鵝很不錯, 所以今次點來試試. 燒鵝說是即點即

原先訂了另一地方聚會的，突然主持人有事嚟唔到唯有轉地方，急忙上op一下，搵到呢間地點夠方便價錢不太貴，只是要分上下場有點不悅同朋友講起會嚟呢度食飯，好多人都話好正咁仲話好難book位，真奇怪我星期四打來訂星期六都有位唔難呀來到攞枱先發現等位咁人頭湧湧，嚇親! 一班人坐低，頗有特色的碗筷菜水夠快送到。點了幾味招牌菜，乳豬真的皮好脆沒肥的像吃豬肉紙，栗米班塊，栗米湯汁一般啦好吃是魚塊，皮很薄肉滑沒骨沒腥味。燒鵝一般沒驚喜。糖醋骨粒粒都鬆化好入味。而最失望是啫啫芥蘭煲，已經係漏單等左好耐，滿心期待見煲來，誰知打開買相不好，份量勁少，也不是怎麼的好吃

聽同事講這間店有曾獲米之蓮一星, 所以專登約齊人去試吓。 睇完餐牌覺得食物款式都有幾多選擇，不錯！點了招牌菜即燒乳豬，味道很好，皮很脆，一點都唔油膩，中間起了層肥糕，感覺健康好多！另外很喜歡生炒上肉排， 酸酸甜甜的， 夠鑊氣，肉質很新鮮嫩滑，值得推介。

上月為家人生日而慶生，今勻又是另一位家人生日，於是又到慶生飯的時候。上回到一間法國餐廳吃生日飯，今次便到中菜館食番餐。新斗記前身為新兜記，由「新兜記」原班廚師師傅坐陣，相信不少人都會知道的，但原有的店名卻不能使用，因而改了新斗記，而且還是由原來的吳松街搬到現時的長樂街。餐廳樓高兩層，地下層放置了一個大型的魚缸，裡裡有不少生活海鮮，而且這樣也阻擋了觀察地下層的面貌，於是在下爬上樓梯，就發覺有一幅舊有的相片，再往上爬，餐廳都頗具中式氣息的，而且大多以圓枱為主。今晚所見，幾乎坐無虛席，但是在下一直往餐廳盡頭，就是咱們用餐的廂房，嘩，真的幾隱蔽的，絕對是極高的私隱度，當門關上的時候，外邊的嘈雜聲完全隔絕，跟本聽不到外邊的聲音。看看餐牌，有各式的小菜海鮮，以至小食都有。咱們也從其中選擇了幾項招牌菜，再加上咱們各人喜歡的菜式，就選擇好了。糖心皮蛋酸薑（三十八個大洋）先來一個小食，糖心皮蛋在中菜中，也可算是不可或缺的小食。皮蛋已切開一半，中間已呈半流心狀態，側邊呈啫喱狀的，這樣的狀態是永遠的著迷。那種流心而煙靭的口感，加上薑，卻又微微的辛辣，使咀裡多了一層的層次。即燒乳豬（半隻）（三百五十八個大洋）

星期六下午心血來潮去新斗記飲茶，發現都幾唔錯，所以同大家分享下。當日我同屋企人就叫左9個點心，其中我覺得最出色就係D蝦餃、腸粉、糯米雞糯米雞係全場最出色，去到一定要食！Ｄ糯米好香同好好咬口，雖然餡未必特別多，但隻糯米雞好入味。味道夠得黎又唔會太鹹，真係一定要試。蝦餃皮比起平時其他酒樓食既蝦餃薄，而且蝦夠大隻同新鮮，加埋其他配料，所以食落去都幾滿意而腸粉同樣都係皮薄餡多，都係推介之選。另外服務既姐姐態度都唔錯。雖然價錢比較貴，但平時屋企附近食開既其他酒樓平少少水準差好多，所以我諗下次都會幫襯番新斗記。

傍晚六點半已經來到新斗記門口，店內分上下兩層，放眼望去，全是圓形大枱，二人桌只有兩枱，而且位於死角位置，要隣桌的客人讓開才可以走進去。雖然當時時間尚早，不過全店已經滿座，店員還囑咐我們一定要八點前還枱。店內環境非常熱鬧，而且無論是天花的吊燈、餐牌、竹林的畫，處處都是紅色。牆上掛着傳統的紅底白字膠板，跟新斗記的大紅金漆招牌互相映照，很有歷史的味道。例牌的乳豬只有小小一碟，兩個人食很夠。驟眼看還以為是厚切的六件，撥開乳豬皮，才發現原來是皮肉分開的。豬皮是我喜歡的麻皮，但口感並沒有特別爽脆，而且少了一點溫熱。乳豬皮下的肥膏大部份都被飛走，乳豬肉有十件，肉塊顯得有點薄和碎，而且連着肥膏的比較多，瘦肉部分比較少，肉質腍嫩但還是有點肥膩。蛋白薑米蒜香蟹飯以荷葉盛載，端來的時候空氣中飄盪着濃濃的蒜香。花蟹大約有中指長，蟹肉不多但鮮甜有膏。飯底只有簡單的蔥、蒜蓉和爆過的香蒜，雖然叫薑米，但都被蒜味蓋過，沒能嚐出來。飯底加入蛋白炒過，讓人有種以為是蟹肉的錯覺感。整體而言，普通而已。