新斗記 (Moved) New Location

是晚為歡送一位將到外國一年既朋友, 特意到這裡吃一頓中菜, 為解佢未來一年都唔會食到咁好味既中菜既相思之苦訂左枱去到就有位, 唔駛等. 一共8人, 叫左8餸1麵豉油皇炒麵,粟米班塊, 啫啫生菜煲,金牌即燒乳豬, 滷水鵝掌翼, 碧綠蝦籽柚皮, 薑蔥霸王雞, 生炒骨, 手抓羊肉特別推介手抓羊肉, 辣辣地既椒鹽加上蒙古孜然粉, 真係好好味, 好有特色, 整出黎仲保持到羊肉的嫩, 讚!反面覺得豉油皇炒麵無咩特別. 下次可以唔叫粟米班塊 - 魚塊炸得黃黃色, 粟米汁另上, 唔駛整林塊魚. 魚肉食落沒有雪味, 好味!啫啫生菜煲 - 略嫌過左火咁, 唔鐘意d 生菜有d 焦味.金牌即燒乳豬 - 好脆好脆, 好似食豬肉脆片咁

新斗記 is at the heart of Jordon. The speciality of the restaurant was the suckling pig. It was quite eye-catching to see roast suckling pig cooked live by the chef next to the reception. The dining room table is generously spaced, but the chairs are rather uncomfortable. If you are planning for a long gathering, might consider bringing your own cushion. We arrived the restaurant 30 minutes early, was very excited about the suckling pig. However, the receptionist asked us to take a seat and we even

媽媽生日，食乜好？仲差DD先到6點，已經有好多人等入座。咪以為佢係walk-in，大家都係已訂座，只係間舖頭話未夠鐘，未搞掂！　好準時，夠6點，終於可以移動，大家有點像落閘放狗，又或跑馬衝閘，。。。飛快去找自己的枱。一座下，我地已即刻點菜，好在佢上菜速度都好快，否則壽星媽媽一定嘈：先有招牌燒豬，真係脆卜卜，好香口跟住係媽媽最愛ＧＥ豬腳仔，咪見佢咁淡色，其實好入味，媽讚好好香脆招牌粟米斑塊　粟米汁分開上，唔會搞到店餸一堆堆；略嫌粟米汁有點稀豆角炒蛋的家常菜都做得好好味叫了半隻薑葱雞，嘩，咁大隻ＧＥ？味道不俗，不過咀刁阿媽話係雪藏雞蒜子莧菜，我最鍾意Ｄ炸蒜子仲有豉油皇炒麵，有少少油，但尚算ok食到一枱都係嘢，其實我地得５個人，食量好似真係唔嘢少。。。埋單ＨＫ＄７００幾。。。最後仲送綠豆沙　［只係大家一致應為師傅忘了落糖！！］

幾辛苦先Book到位當日食飯一行十二人於9:30pm到達，坐位位置都接受到，當日我發板叫左(1)燒乳豬; (2)燒鴨;(3)蠔煲;(4)粟米斑塊;(5)滷水鵝掌翼;(6)琵琶豆腐; (7)啫啫唐生菜。乳豬第一時間到，超開心，乳豬皮超脆&好味。期後(大約5分鐘)啫啫唐生菜&蠔煲都到左，因為當日天氣超凍，所以啫啫唐生菜&蠔煲超受歡迎。期後(大約10分鐘)粟米斑塊到左，斑塊炸粉太厚，不脆冇味，粟米汁冇味，期後(大約10分鐘)琵琶豆腐到左，豆腐冇乜味道都幾麻麻。然後等左20分鐘燒鴨&滷水鵝掌翼都冇出現。追單，再追左20分鐘都冇出現。家人決定埋單行花市。

好吧，寫了幾篇食評後就繼續寫吧，難得有寫作的動力。今次是中高檔的新斗記，要不是女友高層帶我們這些small potato前來，我想也不會刻意前來晚餐，因為據聞價錢相當昂貴，所有食材據聞都幾十到幾百元一件。又據聞這裡的燒鵝、乳豬非常好，這兩款不是每家餐廳都有的菜式更讓人未出發，先興奮。乳豬一級讚，皮非常脆，卜卜有聲，肥肉給削去，剩下的就有仍然充滿油香但不肥膩的乳豬肉，配製的醬料也沒有其他坊間的鹹和油，調配恰恰好；之後的蟶子確是驚喜之作，超巨形的，比例足有一隻手板的長度(見圖)，得用完這片肥厚的蟶子要從左到右，右到左來回一遍才能清完，粉絲、蒜茸亦均稱，味道新鮮，配汁不會搶去蟶子鮮味；豉汁中蝦非常惹味，外殼脆可連同食用，「確確」有聲，味道精華都在蝦殼之上，鮮味及脆脆的口感留給中蝦表露，中蝦不會淡而無味，鮮味仍然是有的；反觀燒鵝我不太喜歡，太油，而且皮不夠脆，而且據聞要早一、兩日預訂，此味實教人太失望，實找不到價值所在。可一不可再，新斗記確實是高層聚首的飯堂，下次要光顧未知是甚麼時候呢？

第二次去食, 今次蠔煲沒有了上次的驚喜, 蠔邊爆得很脆但蠔味較小, 反而深水埗的金豪的蠔煲做得更出色. 另外, 蟹飯較油及缺少蟹味, 不知是否今次啲蟹不同了? 滷水乳鴿就保持水準, 不過唔知燒乳鴿會否更惹味?但今次有一大發現, 就是它的豉椒蟶子皇, 因此餸是本人的至愛, 所以試過好多間飯店, 暫時以這間最好吃. 與西貢全記全條上不同, 此店將蟶子切成細件, 但每件都有咬口, 好爽甜, 嗰汁甜甜地, 連帶伴碟的洋蔥及青椒都好好味, 雖然每條蟶子皇索價 $40 真是頗貴, 但此味餸會成為我再光顧的動力.另外, 另一個驚喜是滷水豬腳仔($58), 好淋好好味, 每隻都有少少肉, yummy! 比滷水乳鴿更勝一籌, 一定會再叫.整體服務一般, 價錢亦略貴.

朋友強烈推介的食店, 所以今次聚就由他安排及點菜叫了幾款’招牌’菜式, 款款都好正乳豬 – 啲皮好香脆同埋一啲都唔肥唔油膩, 走嗰陣先見到原來呢間嘢係自己燒乳豬的蟶子王 – 好大隻同埋炒得好彈牙, 朋友話拌菜如青椒也炒得爽口粟米斑塊 – 原來斑塊同粟米汁係分開上, 第一次咁食, 斑塊炸得香脆, 我勁加粟米汁 啫啫生菜煲 – 呢個餸未埋枱已經聞到好香, 生菜爽甜, 不過份量唔多(雖雞個煲睇落好大)生炒骨 – 我朋友推介, 真係幾好食, 炸得脆之餘又唔會好多粉, 個汁甜酸度適中豉油皇蝦 – 呢個最好味, 勁香口, 忍唔住連個殼都’suen’埋乳鴿 – 唔係炸的, 我估係卥水, 但係好淺色, 不過就好入味五個人食要成千幾蚊埋單, 個人覺得以中菜嚟講略貴, 不過質素比普通菜館勝但係可能因為人客較多的關係, 服務只係一般, 臨尾我哋未叫埋單就自動上糖水&生果, 食完想坐多陣傾偈點知侍應又嚟執枱’趕客’……

好味的有:1. 炸大腸2. 辣酒煮花螺3. 蟹蒸飯: very delicious, 不可不食4. 滷水乳鴿5. 蠔煲: very delicious, 不可不食不好吃的有:1. 生炒骨: 調味一般2. 粟米斑塊: 無特別3. 滷水鵝掌翼4. 乳豬

看廣告已經多次 , 今晚剛剛有 3 位朋友一齊宵夜 , 就試一試 :1) 新斗記出名的乳豬 , 我們 4 人就試半隻 , 皮翠肉鬆 , 高水準 .2) 蝦子柚皮 , 都 ok , 只得 2 件就少一些 , 而且太薄 , 金山比較好一些 .3) 琵琶豆腐 , 有肉味 , 炸得幾好 , 高水準 .4) 生炒骨 , 一般 , 都係用醋來煮 , 如果用山渣就好好多 .5) 豉油王炒面 , 都算高水準 , 色調平均 , 味道剛剛好 , 只是油多了少少 .整體上 , 以宵夜時間 11:00 p.m. 之後 , 基本上香港沒有多少間可以比較 , 本人覺得只有銅鑼灣-- 越華會及佐敦 -- 金山可以比較一下 , 深水埗同石硤美出名的 2 間的食店水準已下降 , 不能再比較 .

是與家人的慶生飯，又是我找一所抵吃又好吃的店子，其實都想試這店的乳豬有一段日子了，就襯這個機會，來試一試店家的乳豬及一些小菜吧。店家在周六的晚上，採取兩輪制，我們吃頭圍的，要在六時準時守候於店門外，而在此時已經有不少食客，也如我們一樣，在店門外守候，可見店家有多牛，我就待此時，四周張望店家的廚師，店家燒豬的工場就在樓下，一隻隻待燒的豬，整齊的排排掛。坐好之後，大家就來點吃的，我們除了喝茶之外，另外也自攜枝紅酒，事前已經問了此店是免開瓶的，就正好和嗜酒的老弟，可以邊摸摸酒杯底，邊吃乳豬了，實在是一樁美事。店家也提供了一些餐前小吃，這就是所謂茶芥的芥吧，雖然芥其實意指醬芥，但時至今日，本人又相信很多店子也會當這些小吃就是芥了，一小碟的蕎頭，現在已經沒幾多店子會有此一道，蕎頭是類似蒜科的植物，就算是以醋醃過之後，酸中仍帶有一陣微辛，而此處的酸蕎頭也不錯，至少不是死酸的貨色；另外的鹹酸菜也不死酸死鹹，榨乾了水再撤上點芝麻，既爽口又有芝麻香。沒有點任何的頭盤，所以第一道來的，就是湯水了，皆因家人也喜歡，而且看來此店的湯水也應不錯，是日就點了一煲木瓜魚尾湯，店員替我們舀湯之後，再將湯渣取出來，供大

要一早訂位,分兩輪, 我揀了六時至八時的。一行七位女生, 點了六味餸, 竟然吃不飽.......嗯, 平時都是叫這個份量的呢！難道我們都變大食了嗎? 非也, 是這間店的菜份量太少了吧!這六味菜包括:粟米斑塊　－　還可以乳豬　－　最有看頭，夠脆啫啫生菜煲　一　還可以豉油王鵝腸　－　幾好幾脆鴛鴦豆腐　－　鴛鴦即是蝦肉　和　肉　釀豆腐，普普通通　泥鯭粥　－　也甜，但不太吃到泥鯭肉因為吃不飽，所以再加了一碟炒飯作結。但這碟飯炒得太油膩了。算了，之後再去別家吃甜品好了。

聽聞新斗記的菜式很有水準，便去試試，果然没有失望！即燒乳豬，外皮鬆脆，不覺油膩，比季季紅的還要好！鹵水乳鴿，味道剛好，不會被鹵水汁蓋過乳鴿的肉味蝦醬骨，非常香ロ，但蝦醬味不夠椒鹽泥鯭，不會炸至乾身，吃到魚本身的味道蝦子柚皮，必叫之選之一蒜香蟹飯，没什麼驚喜，只屬一般

位於佐敦吳松街的新兜記，開業於1970年間，曾是不少城中富豪名人和名星的飯堂。餐廳主打懷舊巧手小菜和海鮮，全靠用料上乘和製作巧手，至令其街知巷聞，每晚座無虛席。直至近年，掌舵人相繼離世，餐廳青黃不接下，最終關門大吉。不過去年有心人招攬了一班新兜記的老伙記，決心重整旗鼓，將新兜記重開，新店取名為新斗記，同樣選址於佐敦舊店附近。新斗記舖位相對較大，上下兩層足足可容納百多位客人，菜牌也較舊店全面，除了之前滷水乳鴿、豉油皇鵝腸、粟米蘇眉斑塊等撚手菜式之外，還加入不少新的元素，譬如即叫即燒的乳豬，師傅採用電爐令火候更加平均，還有放在餐廳入口當眼位置的特大魚缸，用作飼養海鮮之餘，亦令食客感覺致身於水族館內一樣。 金牌乳豬 (Grade: 3/5)從餐牌中揀選了幾款家常小菜一試廚師手細，當中馳名的金牌乳豬就自然不可缺少。食神向來喜愛吃乳豬，一層香脆的皮、一層薄薄的油脂、一層嫩滑的肉，三者缺一不可。只可惜這裏的乳豬實在來得太過健康，廚師將油脂和肉都完全地切去，剩下一層脆皮，入口雖然甘香，但口感尤像吃豬肉乾一樣，實在沒有標榜中的出色。 粟米蘇眉斑塊 (Grade: 4/5)粟米斑塊本來是道街坊小菜，用料

慶祝結婚紀念日，少有地選擇吃中菜，平時不太留意中式食肆，經朋友介紹下來到佐敦的「新斗記」。晚飯分兩個時段，Book枱時選擇了六時這個時段，我們早了15分鍾到達，只得一兩個客人在門外等候，但一接近六時，陸陸續續有很多客人到來，門口逐漸擠滿了人。六時正，侍應按先後次序安排客人入座，頗有效率。我們一行四人被安排坐了卡位，十分「幸運」。我們一共點了六樣菜式：金牌燒乳豬（例牌）招牌菜，看食評說是必試菜式；可能期望過大，試了覺得不外如是，乳豬皮是頗鬆化的，但不說得是天上有地下無，而且份量頗少。啫啫生菜煲味道頗惹味，生菜很新鮮，不過我吃到菜裡有沙，同樣份量亦頗少。蛋白薑粒蒸蟹飯 蟹細了點，但頗鮮味；飯的軟硬度適中，不過軟或過硬，有淡淡的薑蒜味，很不錯！生炒骨 很好味，排骨炸得很香脆，汁的份量和味道恰到好處，美中不足是沒有菠蘿！（我個人是很喜歡吃菠蘿的）椒鹽鮮魷 最失望的一道菜，這道菜的味道應該偏咸，但這裡的吃不出任何椒鹽味，而且炸粉太厚，又不香脆，魷魚亦沒有鮮味。泥鯭粥 頗鮮味，啖啖魚肉，魚肉亦頗嫩滑，而附帶的配料加入粥內很惹味。至於服務，整理來說倘算滿意。我們吃完所有菜式後問侍應是不是有甜品奉送，

由於訂左枱既關係所以唔洗等位, 不過可能臨近母親節, 所以特別多人,, 基本上係FULL HOUSE!!! 但我唔知亦係唔係因為LEE度出名, 所以都係咁多人;P原來出名O既推介菜我地都有試, 不過因為有長輩O向度O既關係, 我冇影相啊~~~ 所以只可以文字去描述LEE餐慶母親節飯~乳豬1/4, 我相信係必ORDER, 因為差不多每枱都有, 只係SIZE o既問題!!! 而且我一入到O黎已經見到炭爐O向度不停燒呀燒, 燒呀燒, 嘩~ 好多隻乳豬啊~~~ 其實廣東燒臘香港真係數一數二, 好多中菜館都可以做到好出色o既燒臘, 只係邊樣先係NUMBER 1 o者, 在於我o黎講, lee度o既乳豬的確唔錯, 皮脆肉嫩, 不過唔知點解佢上碟d皮係還皮, 肉還肉, 你一夾起o黎只係可以夾到其中一樣o者, haha!!! 好得意啊~~ 佢係名副其實o既片豬豬!!! 但有少少要彈O既係佢唔夠熱, 而且d乳豬醬係超級咸, 真係唔點好過點!!! 搶左乳豬o既味道添~~~啫啫生菜煲 lee個煲勁law, 完全係"燒菜"啊~ 佢上完枱之後你仲可以夾住條菜再o向上面痴住煲邊再燒多陣, cool!!! 入