野郎 Stone x 鰻工房 (Closed)

喜歡吃肉又喜歡食鰻魚，這裡絕對係一個唔錯嘅選擇，一個地方兩種感覺！這裡不在大街位置旁，要行返去渣甸坊攤檔個邊就見到，門面大大個招牌在門上，店內座位闊落，望主點菜紙落單，選了蒲燒鰻魚丼(原條)，同埋個牛板腱，兩個都加多$30變成套餐，兩個人一人一個絕對夠食！而落單後等了一陣，一份牛板腱在熱盪盪嘅石板上，配上薯容，沙律，湯，同汽水，而薯容、沙律、湯可以無限refill，麻醬沙律入口爽口香濃！牛油薯容亦十分香滑，當然個主角牛板腱切開仍然係生生地，透過石板嘅熱力煎熟，由自己控制，可以由rare至 well done，試出自己喜好，加埋燒肉同柚子醬汁，真係十分好味感動！而蒲燒鰻魚丼，除了蒲燒鰻魚丼外還有溫泉蛋，咸菜，玄米茶，鰻魚肝白貝湯，這裡建議有二食之選擇，不過我都係覺得原來的食法已經十分滿足！燒鰻魚燒得十分香口，皮脆肉嫩，入口感覺十分肥美！飯身都係好煙韌彈牙，加埋隻滑滑嘅溫泉蛋，絕對係雙重享受！要搵食當然要識得食，一次過兩種專業口味同口感，這裡確實係一個唔錯嘅選擇！

到銅鑼灣找朋友吃午餐，今天試石板牛和鰻魚😍😍雖不只一家分店，暫時只有這家有鰻魚！餐紙上有飯有牛肉選擇，牛肉的部位選擇蠻多，份量亦可以自己挑選。可以加套餐，送一罐汽水外薯蓉，意粉，沙津，湯無限添飲添食！蒲燒鰻魚丼日式木盒上菜非常有風味，長長的鰻魚配上醬汁，咬口較為淋身，應該用頗長時間處理，香滑的鰻魚肉溶化在口中，入口非常！另外牆身有說明食法，留三分一個丼飯，然後可以叫店員提供高湯，變成了鰻魚茶漬飯，有變化挺特別！翼板期待上枱的石板，這個部位比較少見又是店鋪推介，我們點了200g來試！上枱時店員會先用油紙蓋住，油煙不會到處彈又可以加快烤熟外圍，教學先把紙拿開，再切一塊，把裡面也慢慢燒熟，可以自行調整要幾成熟，很考技巧！肉質軟嫩適中，油花比例蠻多，筋絡頗帶咬口，切厚片跟薄片口感會頗不同，值得一試！跟著牆上的教學每次只切一片，火喉更易控制！自助醬料區十分齊全，其中必試有自製辣麵豉及白松露蒜蓉，加上燒肉汁及岩鹽後，配肉還是混合薯蓉一起吃都滋味滿分。

呢間小店主打賣鰻魚鰻石燒牛，兩樣都非常吸引。揀咗蒲燒鰻魚丼$98，係原條鰻魚～由於係即刻燒，所以要等一陣～鰻魚熱辣辣，充滿着鰻魚汁。鰻魚及飯分別用好木盒裝住，飯有蛋絲及紫菜。 鰻魚好肥美味，面脆脆地，肉有油脂，有火炙香。石燒牛揀左翼板$118，加$30可配沙律吧，自選薯蓉或意粉或飯，而湯及沙律就無限添加及有汽水一罐。牛夠大件厚肉，牛味幾香。用鐵板自己燒到自己鍾意嘅程度，一路燒一路食。呢度嘅牛都幾出色，仲有蒜蓉、燒汁等等。銅鑼灣區真係抵食！

今次在銅鑼灣食飯，朋友就提議不如試下呢間，味道、牛肉質數都很好。我們叫了200g 牛板腱，加$30套餐，包括飯、汽水、沙律以及麵豉湯。牛板腱無根，肉質不錯，比較厚實，牛味香濃。石板超級無敵熱， 牛板腱因為好大塊，一開始我怕石板不能熱太久，所以我先切開了，大家不要像我這麼笨。 石板到我吃完的時候還熱，非常好！150g 牛小排套裝，這塊牛小排超級正，牛肉味濃，有少少少油膩但肉質鮮嫩多汁，連肥肉都好甘香。配白飯一流！ 沙律是一般椰菜絲，有苦味👎不過沙律醬加多一點比較好。麵豉湯正正常常，不過不失。總括來說，可以一試，因為牛質素非常好，但沙律就免了。下次要試試鰻魚飯。

下午三點左右才食午餐，店內沒有別的客人，只有我同朋友兩。環境普通，點餐可人手點付現金或以點餐機付八達通，但問題在於用機點有部分食物不在系統內，而用點餐紙亦有很多食物不包括，只能人手點，不過店員很好。我們點了牛肉壽喜燒鐵板飯、全條鰻魚飯、鰻魚飯團。「牛肉壽喜鐵板飯」跟麵豉湯有點似Pepper Lunch 個種鐵板飯，好熱，味淡，沒有太多醬汁，有點乾，牛肉普通，薄片味淡，配料一般，但好油，如果以$58，還可以啦，至少食唔到太多味精。送飲品就汽水湯，我選了湯，一般，好在不太咸，但味道麻麻。「鰻魚飯團」有兩片小鰻魚片，汁夠，飯夠實，同朋友分一半都無散開，但紫菜林左，分不開一半包飯，少少可惜。但整體好味。「原條鰻魚飯便當」三片鰻魚都大，但如果說是原條就有點講不過去，飯份量對女生合適，有蛋及紫菜，沒有加任何味，可自行加入，鰻魚無骨，咬感可以，夠爽身，不會太乾，但就不是脆皮，汁的量合適，不過我個人喜歡多汁，所以要求店員多給一點。整體好味。整體以全單$184於銅鑼灣可以食這個質素，合理。

近年石燒牛10分流行今次終於有機會去試吓！同朋友揀左係銅鑼灣既野郎stone 食晚餐餐廳有好多款唔同嘅牛 我同朋友都係牛魔王所以一個揀咗翼板 一個揀咗牛舌芯餐廳有一部電子點餐機如果係用八達通或者卡就可以使用點餐機今次我同朋友要比現金所以就問店員拎左張餐單點餐牛肉一上菜嘅時候會有一張紙巾覆蓋着避免油煙彈出 好貼心翼板好重牛味同埋上菜嘅時候牛肉大約只得三成熟可以比食客燒至喜歡嘅熟度牛舌方面 一開始餐廳會問需要原條上或者切件上我哋揀咗切件上估唔到牛舌嘅數量係咁多有整整一大盤而且味道唔錯牛舌10分爽口彈牙👍🏻👍🏻👍🏻好推介大家嚟食下佢嘅牛舌❤️

晚餐想吃燒牛肉，知道銅鑼灣渣甸街有一間特色小店，是野郎stone和鰻工坊合作的餐廳。座位整潔，坐得舒適。佈置的挺有日本風味的。店員也會跟我們用日文打招呼。進店前，有為我們量體溫，有防疫意識。用餐紙下單，牛肉的種類也挺多選擇。價錢適中。我點了一份牛柳（150 g)再加$10 配意粉。值得一讚是店員用一塊紙巾蓋住牛柳，以免牛肉汁彈到我們身上。一上桌已經聞到陣陣香味賣相不錯，切開裏面還是生的。旁邊的海報有教我們要怎樣吃法，一片一片切開然後再燒來吃。口感軟嫩而不韌，嫩滑多汁。意粉份量適中，不過用碗盛上有啲不方便，用碟會較好。配料醬汁可以自己拿自己加，白松露蒜蓉味道非常濃烈與燒汁配合，牛柳瞬間變得更加滋味。男友點了一份鰻魚丼。鰻魚非常大份賣相吸引。肉質彈牙緊緻，口感滑嫩，外皮燒得相當香脆，醬汁入味好吃。另外，丼飯配大量蛋，毫不吝嗇。吃剩三分之一的飯便可叫店員加湯，加湯後的茶漬飯很香濃易入口，非常好吃。配料配這三樣很好味。兩人結帳共$250，性價比高

之前有食過鰻工房，地方很細很迫，現在重開了在渣甸坊，並跟野郎Stone crossover了，地方大了不少，可以坐得舒服一些。所以除了可以食多款鰻魚料理外，還有石燒牛扒，羊架，黑豚等。門口有部自助點餐機點餐，先點餐後入座，石燒有分為150g、200g 及300g。廚師只將肉燒至1成熟，之後客人可於火山石上自行煎烤，燒至自己喜好的生熟程度。另加 $30可以任食沙律、餐湯、白飯/意粉/薯菜，(溫馨提示:如要任食，全枱食客都需要加$30任食的)。另有自家製辣味噌、自家製白松露蒜蓉醬及柚子味酸汁提供。我點的200g的西班牙黑豚($118)，有三大塊，充滿肉汁及脂肪香，肉質富彈性，醃得入味，沾上醬汁及蒜片更為惹味。200g對兩個女士來說已經足夠一齊分享。另外點了些2個鰻魚飯團，$28大大個手握飯團，有一大塊鰻魚舖於飯團上，飯團混合左鰻魚汁，飯團包得實淨，不會一咬便散開，再用紫菜包著食，但紫菜可以脆身一點會更好。這裡沒有麵豉湯，有的是以鰻魚內臟調理而成的鰻魚肝白貝湯，味道比麵豉湯丰富。燒鰻魚串，燒得香脆。最後點了一客冷蕎麥麵，清清地，很適合夏天食。

有一段時間没有出外食飯了。是日和男友逛街，累了便找間餐廳吃晚飯。我點了原條蒲燒鰻魚丼 ，男友則點了西冷配蕎麥冷麵。10分鐘左右，店員送來2個木盒。一盒裝鰻魚，一盒裝飯，簡約又有日系風格的便當。鰻魚切成3大塊，吸收了鰻魚汁，色澤亮麗。表面軟腍，肉質嫩滑，底面則燒到脆口，增添了口感，十分鮮美。另一個盒入面的飯鋪上一層蛋絲，灑上紫菜，加上2塊赤板魚蛋，數粒青綠的毛豆作點缀，色彩繽紛，令人心情愉快。入口層次豐富，一口鰻魚，一口飯，感覺滿足。自助枱上有不同的醬料選擇，例如：柚子醋，燒肉汁，芝麻，紫菜等。我就加多了紫菜，用來拌飯，更添美味。男友點的蕎麥冷麵，和蔥花﹑紫菜絲﹑芥未和一隻鵪鶉蛋，一併送上。冰涼的麵條搭配上清爽的鰹魚汁，令人感到夏天的暑氣全消。接著上枱的是石燒西冷牛扒，店員貼心地在牛扒上蓋上廚房紙，以免油漬飛濺到客人身上。牛扒滋滋作響，陣陣香味飄散出來。牛扒預設為一成熟的，可以按自己喜好控制熟度。男友切一塊，燒一塊，把牛扒燒至5成熟，入口嫩滑多肉汁。再配以蒜蓉及燒肉汁食用，就非常惹味。

平時少去 cwb既我 , 甘啱經過呢間野郎 stone 6點零未有太多人， 就入左去食 睇番原來佢可以用電腦 mon點野食 有各種唔同既扒類 有我最鍾意既西冷扒 . 仲要用鐵板上熱辣辣 ,.點左個110 gram既牛西冷 ! 一上枱已經香味十足 肉質好煙靭彈牙 如果鍾意食冇甘熟 可以將嗰 d牛扒放喺邊位 甘就冇甘熱冇甘熟 ! 牛肉 juicy . 加30 蚊可以任點沙律 白飯 意粉 薯菜 . 佢個薯蓉個味幾香濃 撈 d牛肉汁好味 意粉就夠爽口 仲有佢個 白飯係用日本軟飯整 口感軟熟 入口彈牙 . 同牛西冷一齊食冇得輸 ! 整體都十分唔錯 !

之前食過野郎Stone同鰻工房估唔到兩間crossover變成一間太好啦同朋友來食可以一次過滿足晒兩個願望啦講真呢兩間d野都好好食新環境大左好多坐得舒服野郎出名食石板燒鋸扒選擇多牛肉有唔同部位揀另外仲有羊肉加$30可以轉set包salad/薯蓉/意粉/飯（任添）同飲品另外有個麵豉湯我哋揀咗板翼牛味濃肉質靚香蒜片🧄好正又香又脆超惹味鰻工房出名食鰻魚飯有好多款😛蒲燒鰻魚飯$68鰻魚燒得好靚好均勻😃👍好正鰻魚肉質綿滑啤酒放題超抵好適合一班朋友來chill同傾下計推介👏🏻👏🏻👏🏻👏🏻👍

好耐之前同老公食過鰻工房，老公對佢哋嘅鰻魚簡直係念念不忘，上openrice一check原來搬咗去希慎附近，仲crossover埋野郎Stone. 又可以食石頭燒牛肉，又可以再食鰻魚飯，真係一舉兩得。我哋叫咗個白燒生燒鰻魚丼，鰻魚皮燒得勁脆而仍保留鰻魚肉嘅肉汁，食落每一口都充滿鰻魚味，同出面街啲普通鰻魚飯真係唔一樣。飯鋪滿蛋絲同紫菜，同鰻魚一齊食，仲好味，記得要留低1/3飯加啲昆布湯，仲加啲紫菜芝麻食，泡飯係另一享受，我超推大家一定要試，但依家全部野都係自助，所以自己記得食到咁上下，就自己去攞湯啦！佢哋加咗部售賣機可以自己點餐添，方便好多同好有日本feel

我係一個貪心既人係人都知🙈 食嘢想食多啲豐富啲都好正常呀，你話係咪先😆 今次去到一間crossover既餐廳，野郎既石板牛同埋鰻工房既燒鰻魚，2樣我都想食好耐🤤 今次仲唔一次滿足哂我兩個願望✌.▪原條蒲燒鰻魚丼  HKD$98哩個丼既鰻魚同飯係分開2個盒上，丼盒好別緻好有日式感覺🇯🇵 原條鰻魚即點即燒，燒好後切開成3塊放到盒上，一口鰻魚一口丼飯，口感特別滿足💓 鰻魚配上香甜濃煙既燒汁，味道剛剛好，十分美味，好想再encore呢😋 而餐廳建議鰻魚飯可配以昆布高湯另一種食法，今次我無試，等下次試下先~.▪牛柳150g  HKD$128150g對女仔來說份量剛剛好，店員端上既時候，會見到有一塊廚房紙鋪喺面以防彈油，很細心呢💕 而牛柳表面夾附少許炸蒜片，吃落味道更加突出。店家建議切一塊燒一塊，這種吃法能避免牛肉燒得過熟，保持肉質鮮嫩🥩 而調味料除了枱上的燒汁外，還可因應個人口味自由加上岩鹽、山椒粉、七味粉、白松露蒜蓉等等，很多選擇呢~

聽前同事講原來工作附近(銅鑼灣) 開了一間叫野郎 Stone X 鰻工房的日式餐廳。身為日系粉當然不能錯過！menu有好多不同類型的肉。餐廳長這樣。 餐廳裝修得非常日式 😍我跟朋友都叫了蒲燒鰻魚丼因為我們都打算叫其他食品，所以叫份量最小的鰻魚飯。 但其實這個份量對我來說也不小，鰻魚燒得剛剛好，鰻魚味好濃，入口即溶。 😍我跟朋友另外叫了一夜干雞扒，雞扒真的超級大。 雞扒煎得剛剛好。你可以配不同的醬料來吃，我自己喜歡加一點紫菜配燒肉汁吃。 😍日本芝士豚肉腸豚肉腸芝士份量剛剛好，不會太小。吃起來好juicy 😍出面有不同的醬料讓客人選擇。 ☺有燒肉汁，蒜，芥茉醬，紫菜，辣粉同芝麻等鰻魚肝白貝湯我叫了這個，喝起來味道跟味噌湯真的很不一樣，很特別的味道。 我吃剩3份2的時候看到餐廳原來有昆布高湯提供。 我按指示加入芝麻跟紫菜入湯裹面。清新的高湯配上濃濃的鰻魚飯真的比沒高湯的好吃，所以剩的3份2 都是配高湯吃。 當然每個人口味不一樣，我朋友喜歡不配高湯吃。 🙈

野郎Stone呢間石燒牛本來就好出名～鰻工房嘅人氣度都唔差🤣今日就一次過試哂佢地～我地嗌咗 蒲燒鰻魚丼 (原條) $98飯同鰻魚分開裝～賣相好精緻好靚鰻魚係啱啱燒出黎，即叫即整，送到黎仲熱嘅～鰻魚好厚好肥美、冇骨，個汁都好好味美國上級牛小排150g $118+$30無限加飯/意粉/薯蓉/湯同沙律 仲有鑵汽水出面可以自己攞唔同嘅醬料～有燒肉汁、蒜蓉醬、岩鹽、柚子汁等等仲有芝麻同紫菜碎，我就加咗落個白飯度，連埋飯素一齊食～牛小排油脂分布幾好～肉質嫩滑但係要快啲食，因為我食得好慢，燒耐咗，最後啲牛就韌咗🥺😢-總結我地覺得鰻魚飯好出色～又唔算貴👍🏻推介