穴 (Moved) New Location

上星期已來過，感覺不錯，因此成為了我們的首選。我們二人要了一個自選餐($75)，然後再要了一客枝豆。自選餐可選兩種不同的井物。我要了鰻魚飯，另一位要了汁燒雞扒飯。這個餐還有三文魚刺身、沙律、麵豉湯及甜品。三文魚刺身 我沒吃刺身，但我吃了旁邊的海帶，鹹鹹的很好吃。沙律 沙律有車厘茄、青瓜、菜、檸檬等，汁酸酸的，很清新，不錯。麵豉湯 味道剛好，最重要的是夠濃。鰻魚飯 鰻魚不過不失，味道很好，但鰻魚本身的質素就不太好，有點硬，不夠新鮮。由於這個餐應該是一人用的，所以飯不是很多，食量小的話應該話可以的。汁燒雞扒飯 我試了一件雞扒，是雞胸來的，當然是沒那麼滑，但以雞胸來說我認為已經很好了。汁又是調得很好啊。甜品 甜品是芝麻或曲奇雪糕，上次吃過芝麻味，超級好吃，這次當然要再吃!自選餐是$75，枝豆不知是多少，但二人好像共吃了$102。真的好想再來啊...

有時候太多選擇，真的不知到哪裡才好。不過這次絕對沒選錯了!我們前幾天已預訂了座位，12:15pm到達的時候我們是第一檯客人。別以為這裡沒什麼人，其實很多檯也放上了"留座"的告示，我們離開的時候，即是大約1pm，幾乎全場滿座! 這裡環境比較昏暗，地方不算太大，人多的時候可能會有點逼。食物的款式很多，我選了最簡單的牛肉拉麵，跟餐的還有4件壽司及甜品。壽司原本應該是有三文魚、腐皮、吞拿魚等，但今天我不想吃魚生，餐廳很好地幫我把壽司全都轉為腐皮，但最後壽司只剩下3件，不過沒關係，它願意幫我轉換壽司的款式我已經很滿足了(有些地方是絕對不肯轉的)!腐皮壽司 壽司未見太出色，不過至少它不是太甜，可以入口，但又好像有點乾。牛肉拉麵 配料很standard - 即是有昆布、粟米，還有兩片日本魚片。湯底也是豬骨湯，雖然有點油，但吃完之後並不覺得口乾。牛肉不是肥牛，剛拿來的時侯還是有點粉紅的，不過很滑，是出奇地好吃! 麵沒什麼特別，但份量也挺多(也可能只是我食量小)。整體來說是不錯的。甜品 有芝麻或綠茶雪糕，我要了前者。不知這是自家製還是在外面買的，芝麻味非常濃郁，的確是很好吃很回味，為這一餐畫上一

六月十六日 (星期二)今日相約了同事吃飯,一行八人,到早已訂了位的"穴"我們倆剛來了一次,但味道頗不錯,因此不介意再來今次轉一轉口味,不吃魚生,改吃熟食...仍有驚喜!!!生薑燒黑豚肉飯老公仔和SL都點了這個黑豚肉燒得恰到好處,肉質鮮嫩而帶煙韌配上略咸的醬汁,非常匹配至於大大碗的日本飯,亦十分可口加上醬汁送飯簡宜一流滑蛋吉列豬扒飯還記得上一次吃咖喱豬扒時有點失望但今次可謂將功報過了蛋真的是很滑的,豬扒炸得外脆內鬆軟,很有口感,又不覺肥膩飯亦不錯,轉眼間我以非快的速度吃光每個餐還送上味道不錯的麵湯,三件頗新鮮的三文魚刺身最後更送上雪糕..(我們上次吃的是茘枝味,今次有愛的至愛cookies and cream!)而且免加一,真的頗超值,大家不彷一試!

呢間日本料理喺呢個地點已經好多年了，次次餐期去到都係冇位，今次8:45去到竟然有位，可能同市況有關。而且觀察入面環境，地方唔係好大，只有約廿張枱，唔怪得知咁易座滿。格調以黑色為主，枱與枱之間好窄。打開餐牌，發覺入面好多錯別字，不論中文或英文，雖然印刷精美，但好似冇較對咁，你估好似我似家寫blog咁咩。1. 朝日生啤 Asahi - 佢地竟然寫做Asashi，不用多談，相信大家都知道隻味係點。2. 提子乳果特飲 - 係其中一款果酒特飲，加有Vodka + Soda，原來提子加Vodka味道係咁夾嘅，最緊要係提子汁入面帶有微微果香，唔知係咪咁樣，所以會有用葡萄嚟釀出紅白酒呢。3. 龍蝦沙律 - 屬menu入面推介菜式之一，佢有一舊舊嘅龍蝦肉，但又有龍蝦肉做嘅茸再混入沙律醬，醬入面又落咗少許Wasabi用來除腥味，再加上大量魚子，口感豐富，雖然份量唔多，但係當前菜一流，旁邊仲有幾片清涼嘅青瓜伴碟。4. 雞軟骨串燒 - 燒得頗為香脆，非常有咬口，鹽粉曬得均勻，非常惹味，佐酒一流。5. 牛脷串燒 - 與其他餐廳比較，呢度切得比較厚身，而且燒得唔係太耐，雖然入面仍然好juicy，但表面唔太香脆，口

六月四日 (星期四)聽秘書講,這裡的午餐很豐富又很經濟,今日決定和老公仔來此一試京都大廈內有很多日本食肆,要保持競爭力,一定要有高水準的食物!這裡提供很多午市套餐供選擇,價錢由五十多至八十多不等...日本菜來說,算是經濟經過一番相討,我們點了以下兩款:海膽+油甘魚蓉飯定食來到才知原來是分兩碗飯上的...份量十足海膽算新鮮,不腥,但亦不算鮮甜...以這價錢計,過得去至於油甘魚蓉,算是不錯,至少吃到油甘魚的甘香飯是珍珠米,有點黏配菜還包括雜菜沙律雜菜很新鮮,加上醬汁,很醒胃至於麵豉湯亦很清甜,吃了飯再喝湯...很不錯咖喱豬扒飯定食很欣賞這裡的咖喱,很香甜,帶一點辣刺激味蕾可惜主角豬扒唔生性,肉質還可,但一點也不新鮮,毫無鮮味配菜有炸薯角,一般水準每個餐都有雪糕...我們都點了茘枝雪糕是預料中的香甜消暑埋單$160...很豐富的午餐接着又到SOGO買明天的早餐了

其他嘢唔多講, 同之前一樣,但今次幫襯, 嚇然發現加晒價,加價都唔緊要, 但問題係加得太多太離譜囉! 好似平時食既既豬軟骨飯、滑蛋雞扒/豬扒飯等, 由 $48 加到 $59 !!至於我成日食既「七彩角切魚生飯」, 就由 $65 加到 $75 囉!其他所有嘢都大約加咗近 20%, 好過份喎!喂! 份量完全冇變, 咁既時世, 仲加價加到咁?!! 咁即係分別趕客啫!!!得啦! 唔會再去幫襯住囉! 直至價錢回復正常水平先啦!

勁耐冇幫襯過《穴》, 真係好掛住好掛住佢個「七彩角切魚生飯」,今日出街食飯, 梗係要幫襯噃次啦~ 順手睇吓佢既質素有冇變先!首先價錢冇變, 都係 $65一個定食, 啲料似乎都冇乜點變喎~ 不過應該係第一、二次幫襯既時候啲料最多最新鮮, 但以而家呢個時世、地區嚟講, $65 食到個算足料八成新鮮既雜綿刺生飯已經好抵!希望佢能夠 Keep 住質素啦! 但見佢差唔多日日 lunch 都 full, 過咗十二點 book 位分分鐘已經冇位, 就知應該冇咩問題既! Ref : http://hk.myblog.yahoo.com/joycewai616/article?mid=12994

是日晚餐, order 如下:toro 薄脆 - 果然好味! d toro 都幾新鮮, 加上 d 汁同蔥花, 畫龍點睛! 值得一試!麵豉燒雞亦 - 好惹味!麵豉軟牛舌 - 係我覺得最好食 gei! d 牛舌整得好淋!! 入口 gei 感覺超正, 個邊又有 d d 脆, 一軟一硬, 正呀!!!! 大大件都燒得咁好, 難得! 又唔係平時食開細細塊鹽燒, 所以係呢度值得一試!海膽 fried rice - 普通. 海膽只見係眼, 唔覺係口.豚肉鍋 (辛口) - 湯底香, 濃, 豆腐超滑!! 唔夠辣味, 只係少少 7 味粉. 最失敗 gei 係 豚肉煮前好似未完全解凍, 係個鍋度仲幾塊幾塊痴埋一齊, 有冇搞錯!!!overall,食物味道偏濃, 幾惹味, 唔錯.店內非常黑, d 餐具桌椅乾唔乾淨都睇唔到!!!坐得好逼, d tables 放到好似"大 x 樂"咁, 隔離講咩都聽得到, 坐得非常唔舒服!!!樓下派傳單, 用餐前出示有 9 折 (即係免加一), 大家記坐拎!!

提早一日book 定位, 藉口預祝情人節 .....我們準時7:30 到埸, 原來大部份已被留位, walk in客只好被安排坐Bar位。細看Menu種類也頗多，只好依據“好孩子”的食評作指引　南瓜天婦羅: 最先上桌, 剛炸起非常辣口, 炸醬不厚, 但南瓜太過薄物, 索價40 多元只有4薄片, 似乎不是太抵食 。牛油果軟殼蟹卷: 殼蟹卷雖不是熱辣辣的貨色, 但也保持脆卜卜的, 配上牛油果的柔軟質感, 一口把一件卷物送人咀巴中, 而腦中則吐出一個”爽”未回敬 。味增盬燒牛"月利": 賣相好, 一層一層我樣子, 但索價50多元只有4 大粒, 但值唔值要食過先知 … 表面帶小小脆口, 但肉夠淋..加分, 鹽味適中, 還充滿著肉汁, 難怪會成為Top 5 。 牛肉炒飯,對我呢亭飯痴, 份量當然不夠 , 大約只有3 碗左右, 飯身分明不油配料足暗叫好, 但有小量牛肉還未炒開, 都可以合格 。 雜窩湯烏東: 由於唔夠飽呢個後加, 買相吸引, 有蝦天婦羅一隻, 雞扒一片, 東菇, 金菇, 生雞蛋...... 料十分豐富 , 而湯底清甜, 而烏東已被浸到淋淋, 扣了不小分數 。順帶一提是晚叫左

It used to be a good place for friends gathering and we went a lot in the past as food and price are ok.Last Sat tried again, it was totally another restaurant. Bad service and food. We ordered all recommended dish and just so so. When we almost finished and a waitress came to tide up and we already told her some were unfinished. She was all deaf and cleaned up all even chopsticks and plates. She didn't even say sorry and walked away. Then a captain gave us the bill. We were all shocked

http://hk.myblog.yahoo.com/goodboy_philip/article?mid=32135年廿九同小S子黎呢間0係銅鑼灣既 "穴", 之前試過一次, 味道幾好既! 至於今次點呢? 好唔好食? 又睇落去?地址 : 銅鑼灣駱克道491-499號京都廣場5樓龍蝦沙津: 飛魚子混龍蝦碎幾有咬口又醒胃, 建議師傅混沙津時落 d wasabi, 少少辛辣味道會更好! TORO 薄脆: 人氣 number 1 之選, 上次食過幾鍾意, 拖羅碎好嫩滑亦唔太油, 一口咬下, 上軟下脆口感特別 (係呀! 口感呀! haha...), 食完一整塊我會以 "可愛" 黎形容呢個 TORO 薄脆! 牛肉火鍋: 天氣涷叫個鍋, 小S子 good choice! 個火鍋同生蛋分開上, 夠細心! 因為唔係人人食蛋呢! 牛肉生生地上, 我 pick 左塊最生既食, 薄薄地肉質夠嫩, 係差 d 牛肉味; 小S子 pick 一塊半生熟食, 整體都滿意! d 湯熱熱地, 好快 d 牛肉都熟哂, 今次試食一塊全熟, 都好嫩, d 肉一 d 都唔老, 水準唔錯! 西京銀鱈魚: 日本熟魚中最愛銀

九月廿三日, 今日又忍唔住同班同事出咗街食飯,因為佢哋話去《穴》呀, 我又勁想食個「七彩角切魚生飯」喇~~今次其他三個同事都話想食, 於我我哋決定先叫兩個, 睇吓師父今日心情靚唔靚先~等咗一段時間, 見到出咗好多個「七彩角切魚生飯」, 今日似乎好多人落 order 喎~終於嚟咗啦! 依? OK 喎!! 份量同上次食差唔多, 仲幾多鮮帶子添呀! 即係今日師父心情好啦!立即再幫同事們叫多兩份, 班同事話係我叫個份量先咁正常喎~上次佢哋自己落 order, 啲刺生既份量即刻少咗同冇咁新鮮喎~等咗好耐, 再嚟多兩份, 一樣咁大份喎~~ 唔會好似之前咁份量差咁遠!!不過今次真係好多人幫襯呢個飯, 連個大碗都唔夠用, 要用另一個款頂住先啦!今日雪糕係曲奇同荔枝味, 我哋全部都叫晒曲奇味, 因為荔枝味上次食過好似藥水味呀!呢次四個「七彩角切魚生飯」都唔錯, 只係啲三文魚腥咗少少, 但都係果句, $65 唔駛加一既大大碗魚生飯, 仲有個雪糕同麵豉湯, 咁抵食去邊度搵?更詳細資料及圖片請看 : http://hk.myblog.yahoo.com/joycewai616/article?mid=109

今日同friend 慶祝生日，滿心歡喜黎呢間出名的日本菜試下，點知失望到極點!1. 卷物: d 飯散晒，夾都夾唔到!2. 蟹粥: 等左一粒鐘至黎到，但係成陣海水味，重非常之稀!3. 鹽燒雞翼: 雪味重到不得了，吞都吞唔落!4. 其他食物只算過得去.最嬲係，sushi bar 師傅代我們切生日蛋糕, (切餅費$50!!!), 居然大庭廣眾面前食左其中一舊!!! 我真係大開眼界! 之後同經理投訴，佢話佢管唔到廚房，只係做行政的. 我覺得今時今日，噤既服務態度真係好唔得囉!

我的母親大人牛一,我們一家總動員以及我男友到我們的至愛食店--穴哈哈,由於沒有6人坐位,被逼去坐廂房,除鞋果d,有門果d,當然冇話最低消費先坐得啦..食物一向高水準,有我至愛的雜錦魚生, 好新鮮,好鮮甜其次就是餃子pizza,pizza底,扮餃子餡既餡,基本上佢係小型pizza,唔是餃子,不過好好味再黎一碟牛肉炒飯,估唔到日本料理都可以炒得咁香咁好味,牛肉醃得很好味,帶起成個炒飯既味道,好好味還有麵豉雞翼,雞翼醃得夠入味,我個人好鐘意佢甜甜地果種味道仲有好多,豚肉炒麵,炒得好香,好夠味;仲有冷麵,烏冬果d,,我唔記得d名,總之好好食不過價錢實在太貴,次次成家人食都要一千蚊落樓,所以我地都係一年一,兩次先去食

見到咁多好評, 所以特登去試下...(10/31) 7pm一去到, 話full-booking, 最快都要9.30先有, 但係轉個頭又話有table, 於是去食, 所以結果係唔使等...環境, 暗暗地都算有氣氛, 坐bar table, 見住d師傅整壽司, 成個感覺都唔錯..叫左新推介o既 toro 脆餅 ($80), toro ok, 油份足, 入口即溶, 下層o既米餅烤得香脆爽身, 1d都唔油, 的確唔錯, 可以一試。另外叫左牛油果軟殼蟹卷, (around $50).. 得4件, 唔抵, 蟹炸得脆, 但略嫌太乾身, 好硬... 唔可以話好食, 太普通, 同求其一間壽司店無分別...再叫左個刺身飯 ($280), 話係"自選", 原來材料係由師傅任揀, 都算啦, 果個waiter話好大碗, 足夠2個人食, (相亦係show到係一盤!!) 出到黎, 只係1大碗仔..過份!! 最激氣係我地已經要求多三文魚, 結果有 2件咁多!!! 好離諳!! 三文魚ok, 不過唔係鮮甜, 帶子、甜蝦亦唔算出色, 反而魷魚唔錯, 但係d飯壓到好實, 唔好食, d醋亦到撈唔勻, 時酸時無味... 不過有幾