YAKINIKU KAKURA (黃埔天地聚寶坊)

Open Now

Now Closed

餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉，賣點係由日本直運九州產既A5黑毛和牛。餐牌：午市有燒肉定食，可以選唔同肉類組合12選1，配白飯，沙律，餐湯，小食，甜品，餐飲。另外都有8款午餐定食。落單掃QR code。黑毛和牛大判燒拼US牛板腱肉 $258 另加一招牌黑毛和牛大判燒係一大塊薄切黑毛和牛西冷，全塊燒好快食得，同溫泉蛋一齊食可降溫同有壽喜燒風味。和牛西冷算嫩口，個燒肉汁真係好好味。US牛板腱肉一客4片，夠厚身又嫩口，口感唔錯啖啖肉。伴有四片南瓜。牛舌盛合 $148 另加一牛舌盛合有鹽味牛舌5片同蔥鹽味牛舌5片，牛舌夠厚身又彈牙，鹹香十足。蔥鹽味牛舌就加左蔥花，另上京蔥條同檸檬，味道唔會太鹹，已經好夠味。 每個餐可以追加一款燒肉，價錢唔貴。US牛腹柳小排 加$58 另加一腹柳小排一客四片，唔會太肥，但係都好易咬開，口感好好，呢個價錢超抵食。餐配白飯，沙律，餐湯，小食，甜品，好豐富。沙律係沙律雜菜加車厘茄，加上少少酸汁調味。小食係辣青瓜條。白飯分量唔會太多，好有米香又有口感，送燒肉一流。餐湯係昆布湯，加有蔥花同白芝麻粒，味道都唔錯，唔會太鹹

《YAKINIKU KAKURA - 紅磡》呢排狂食燒肉🥴上星期同Pu媽 @pu.pu.purinn 收咗工去黃埔花園飲杯嘢順便食飯，由於我哋兩個都係燒肉愛好者，所以我就推薦佢去呢一間我成日都幫襯嘅燒肉店試吓佢哋嘅牛腸👍🏻咁多間分店入面其實我最鍾意黃埔呢一間，成個餐廳嘅感覺好有私隱度同埋更有日式嘅氛圍感🥰連日本通嘅Pu媽都話冇介紹錯💁🏻‍♀️檸檬威士忌梳打 $58我既最愛，呢度既價格唔算貴，威士忌既濃度飲落都幾高，飲一杯已經hyper hyper 啦😜啱晒我呢啲酒鬼，加入咗檸檬嘅清爽，用嚟送燒肉最好不過💁🏻‍♀️Suntory 生啤 $48生啤呢一個價錢真係唔貴㗎，同埋佢係1 pint 嘅價格，抵過出去酒吧飲💁🏻‍♀️大判燒！黑毛和牛西冷 $178每次介紹朋友都一定會叫呢一款和牛西冷，食落焦香有油花，點埋溫泉玉子嘅蛋汁一齊食特別滋味，我個人推薦至五成熟就剛剛好啦👍🏻💁🏻‍♀️日本蠔 $38呢一個蠔一客兩件，用蒜蓉牛油烹調，成個錫紙兜放入個網度燒滾就食得，蠔肉都幾鮮甜同大粒😍 $38幾抵食💁🏻‍♀️鹽燒牛舌 $98喺厚牛舌同薄牛舌之間揀，最後今次都係揀咗食薄嘅鹽燒牛舌，烤牛舌當然係食佢嘅軟嫩同埋口

呢間長期都幾受歡迎，所以小編都唔執輸過黎試下，感覺幾好👍🏻 佢地係日本九州佐賀既超人氣燒肉店，亦會直送靚和牛🐮🤩 其他配料都特別同新鮮～ 裝修用木系🪵為主，同時佢地有設置強力抽氣系統，確保食完都唔會有油煙味😜(5 😍 係滿分，🤩係半分）椿 - $698 (好味指數：😍😍😍😍)懶人選擇就係叫餐😂 所以就叫左呢個，都幾多野食😜 鹽味牛舌 🧂🐮👅 小編向來都鍾意食牛舌🐮👅，而呢個鹽燒🧂就比較原汁原味，試到牛🐮本身既味道同埋清爽啲，亦都切得厚薄適中，有咬口得黎彈牙唔會韌～和牛腹柳小排 🥩牛小排🥩就切得幾厚身，所以幾有咬口，肉質細嫩，油脂豐腴，牛味🐮香濃，加上有醃過，所以燒起黎🔥甜甜地更加惹味，油香亦都更加突出～和牛赤身 🐮平時和牛🐮比較常見都係霜降，但宜家慢慢開始興赤身，即是脂肪比較少既部位，因為霜降既油脂比較多會容易啲食到濟，而赤身脂肪比較少，肉味香濃，一樣肉質細嫩多汁都幾好👍🏻特上牛牛胸腹肉 🐮牛胸腹指既係胸部到腹部既位置，有豐腴既油脂所以亦叫做牛五花，油脂同肉一層一層咁隔開，層次分明，這裡的，肉質結實帶油筋，今次既係薄切，風味濃厚，油花細緻，食落夠香口😋牛腸 🐮洗得夠乾淨，燒完🔥之後出面

今日我去咗黃埔食我最鍾意嘅日式燒肉—Yakiniku Kakura。之前喺銅鑼灣食過，真係好想再返去！佢哋嘅燒肉質量真係無得輸，食完一定會上癮。我試咗個「黑毛和牛大判燒盛盒」，呢個set lunch真係好抵食！有沙律、餐湯、泡芙、以及牛奶布甸，份量夠大，味道又好。特別係嗰個黑毛和牛腹前小排，肉質鮮嫩，燒到啖啖有汁，食落去簡直係享受。仲有熱檸檬茶，飲落清新又解膩，真係好適合配燒肉。整體來講，今日嘅午餐真係滿意，推介比所有鍾意燒肉嘅朋友！我一定會再返去嘅！

相隔幾個月，都係對YAKINIKU KAKURA念念不忘，今晚凍凍地最岩食燒肉，拉埋奴才爸去黃埔分店再食多次！🤭大判燒！黑毛和牛西冷🐃肉質鮮嫩，油脂分佈均勻，燒過後焦香味更為誘人😍店員幫手燒果然唔同啲🤭火侯控制得好好，燒到我地要求嘅熟度🤗黑毛和牛上肋骨中肉🐃肋骨肉juicy多汁，肉味濃郁，咬落去油脂香氣瞬間爆發🤯搭配少許鹽，更加突出肉嘅鮮味🤤黑毛和牛内橫膈膜🐃呢個部位ハラミ係老母嘅至愛😍肉質滑嫩得黎口感獨特，肉味香濃🤤搭配少少醬汁，可以令人感受到和牛嘅精髓🤩黑毛和牛上嫩肩里肉🐃呢款嫩肩里肉肉質細嫩，入口即溶，完全感受到和牛嘅奢華，絕對係燒肉中嘅明星🤭壺漬 KAKURA牛胸腹肉🐃胸腹肉經醃製過後香氣四溢，肉質軟嫩，先燒到外表微微焦香，再剪開燒多陣，咁就可以鎖住肉汁🤤佐賀紫菜飯🍚紫菜飯清新又開胃，微辣醬汁嘅調味搭配肉肉一同享用，真係絕配😍冷麵🍜奴才爸食嘅係冷麵，冰冰涼涼清爽可口，配上微辣配菜，令到個人更加開胃🤤今晚又一次享受到燒肉的美味，同肉肉帶黎嘅滿足感🥰期待下次再食YAKINIKU KAKURA🤭🤑 人均消費：～$500🤩 推薦指數：7 / 10📍 餐廳資料：YAKINIKU KAKU

E間燒肉質素真係好好arr🤤性價比又高已經係我最鍾意既燒肉舖之一🫶🏻非常推薦✐大判燒!黑毛和牛西冷必點🫶🏻入口即溶 油脂香到爆😍一定要點黎食配埋蛋汁超柔滑✐黑毛和牛上嫩肩里肉E間餐廳和牛好高質超級油香🫶🏻又嫩 油脂又香超級好食🥰✐黑毛和牛腹柳小排油脂感無上嫩肩里肉咁多 但牛既肉味同油脂感互相平衡🫶🏻牛味更濃✐黑毛豚無骨小排食燒肉必點 燒到香脆香脆 🤤🤤正阿✐KAKURA沙律🥗有泡菜，吞拿魚同生菜整體夠fresh‼️✐KAKURA牛肉飯牛肉飯必食 98蚊 上面既牛肉都好好食😋油脂好香 淋 而且份量好多性價比超高!✐甜品🫶🏻E間餐廳最後會送每個人一份甜品😆❤️

Yakiniku kakura 位於黃埔臨近年尾 當然要對自己好啲而且有午餐 內裏環境清潔 唔會油淋淋 又唔會一陣味 座位之間 唔會擠迫 亦有private QR code落單 嘢食好快就送上 套餐包 海帶湯 沙律 前菜 白飯 飲品 醬汁黑毛和牛大判燒盛合$368大判燒A4和牛西冷 必食 職員會幫手燒 而且會問幾成熟 和真係不同凡響 軟熟得黎又好易咬開 沾上蛋漿 又滑又滿足和牛裏腹小排 脂肪分布同樣平均 燒後仍然保持肉汁和牛背末脊肉 脂肪分布比前兩組小 但牛味濃美國穀飼牛盛合 $198牛板腱肉/腹前小排兩種肉類用醬汁醃好 所以個人覺得已經好夠味雖然肉類脂肪唔算好多 但係入口唔會鞋颯颯 唔會乾飯後甜品 杏仁布甸 迷你雪米糍啲餐真係好滿足 總括嚟講 呢間燒肉好值得食 職員友有禮貌 燒烤盤即叫即換

最愛嘅燒肉店，唔止燒肉，其他日式/韓式料理都超正。🔹腹前小排有厚度多肉汁，喺和牛嚟講唔算油膩。🔹大判燒！黑毛和牛西冷軟嫩又有滿滿油香。加埋蛋汁食特別滑。🔹冷麵麵條特別彈牙，湯汁冰凍而且味道酸甜開胃，仲有少少麻油香。🔹海老四隻大大隻，特別鮮甜彈牙。🔹宮崎黑毛豚香腸好重煙燻香又唔會太鹹。🔹帆立貝彈牙而且索晒牛油香。🔹海鮮泡菜湯酸酸地好開胃，同冷麵一樣有好香麻油味。🔹豆腐沙律爽脆嘅生菜加埋豆腐、紫菜，再淋上芝麻醬。係繼冷麵後另一解膩神器。🔹牛油男爵薯薯仔用牛油燒到外脆內軟。🔹火炙黑毛和牛壽司盛海膽多汁嘅和牛加埋海膽，好有鮮味好滿足！會再嚟食飯😍

聖誕將至，約咗朋友中午去黃埔食飯兼買聖誕禮物，經過黃埔天地聚寶坊，YAKINIKU KAKURA 剛剛開門，決定喺到食個午餐，店內已作聖誕佈置增添氣氛，我們選咗兩個燒肉餐再追加一點食物。黑毛和牛大判燒係必食，牛肉肥瘦比例啱啱好，油脂分布均勻，牛肉味同油香係恰到好處，而且非常嫩滑，隨餐奉上溫泉蛋混牛肉食更嫩滑。牛板腱肉都好軟，就係脂肪較少。海鮮盛盒有兩隻大蝦、6片魷魚、4粒帶子好豐富，大蝦爽口鮮甜。魷魚好大塊，同樣有彈性，燒到微微焦啲海鮮味突出，牛油帶子都算大粒，用錫紙盆加牛油燒最好不過。和牛腹柳小排，比較厚切脂肪比較唔錯，有牛味有口感。黑毛豚無骨小排，油脂好豐富，一燒已經增加火勢，直接接觸到火焰，燒得更香仲有焦脆風味。燒肉餐另跟米飯、沙律、海帶湯、小食同飲品，餐後仲有甜品送，係杏仁豆腐同雪糕泡芙，應有盡有，朋友都食得好滿意。

同朋友一齊嚟咗呢間日式燒烤店食燒烤🤣$148「活鰻魚」：大大一件超級厚肉，一邊係鰻魚皮一邊係鰻魚肉，咁我嘗試運用技巧慢慢燒，餐廳仲提供咗一兜蒲燒汁，大約80%燒好嘅時候我就開始一層一層咁塗上蒲燒汁🤣，成品係好厚肉夠鮮味甜甜哋嘅燒鰻魚，好食🤣$78「帆立貝」：用個錫紙兜裝住，應該連錫紙兜成兜燒，不過朋友將帶子夾出嚟放喺龜背度燒，一樣好味🤣$68「野菜拼盤」：有粟米、南瓜、花菇洋蔥圈，全部都新鮮，幾好味🤣$78「KAKURA沙律🥗」：材料應該有 生菜、韓式泡菜、紅椰菜、罐頭吞拿魚、芫荽蔥、蛋黃醬 等，全部一齊食幾清新🤣$58「凱撒沙律」：沙律菜新鮮再加隻溫泉蛋🤣$178「大判燒！黑毛和牛西冷」：「黑毛和牛西冷」薄切大大一片，店長哥哥幫我哋燒，睇得出有啲啲技巧，店長哥哥鉗住塊「黑毛和牛西冷」喺火爐上邊快速捲埋來回移動又再打番開片「西冷」然後繼續快速移動然後快速重複以上動作，咁大約15多秒就燒好，然後將「和牛西冷」放落有一個小碗裏邊有溫泉蛋同醬油，咁就食得🤣，「大判燒！黑毛和牛西冷」肉質非常軟熟又好牛味同埋夠滑🤣$88「黑毛豚無骨小排」：「無骨小排」外表好似「五花腩」，大約 60%瘦肉40%脂

黑毛豚盛盒 $148 Lunch😍平日有時都會吃燒肉🥓，今次在紅磡找了一間性價比高的燒肉餐廳午膳。環境很不錯，每枱有足夠的空間放置食物。午市定食五線包含了前菜，沙律，主菜，白飯，飲品，湯及甜品。😋燒肉肉質新鮮可口，燒熟了不用沾上任何的調味醬汁仍然覺得非常好吃。當然沾了調味醬汁也別有一番風味。🤤最後的甜品才是重點，杏仁奶凍，不太甜又滿滿的杏仁香味。再一口冰凍的雪糕糯米糍，為午餐造了一個完美的句號。🤩#小數怕長計 #慳家 #優惠 #著數 #小師奶 #美食

間佐賀人氣燒肉店喺香港有多間分店，今次約咗朋友去黃埔分店，因為地點方便，黃埔地鐵站一出就到🚇。店內座位寬敞，岩哂同朋友聚餐👍🏻。由於我同朋友都係食肉獸既關係，我地叫左好多碟肉~大判燒！黑毛和牛西冷🥩👍🏻極力推介❗️雪花分佈均勻，油脂豐富，配埋生雞蛋，味道超級好。店員仲會主動幫你燒，確保唔浪費塊靚肉🔥。黑毛和牛上嫩肩里肉、黑毛和牛腹柳小排兩款都非常嫩滑，燒完有濃郁嘅牛油脂香味，建議用生菜包住食🥬，可以中和返啲油膩感。塩味牛舌厚薄適中，唔會太韌，口感一流海鮮拼盤包括帶子、大蝦同魷魚，新鮮彈牙，海鮮控必點除左燒肉外我地仲叫左一碗小冷麵同埋豆腐沙律。小冷麵細細碗份量岩岩好，而且凍凍地既清爽得黎又唔肥膩。另外豆腐沙律亦都唔錯，麻醬配豆腐沙律菜，味道好夾最後就梗係唔小得飲品同甜品啦，飲品叫左白桃乳酸梳打🍑酸酸甜甜好好飲，而甜品係免費送既，有杏仁布甸同埋雪米糍呢間燒肉舖真心中意，耐唔耐都會去食吓😋✨

上星期去Yakiniku kakura 沙田分店食過，佢嘅大判燒簡直係令人念念不忘😍今日經過黃埔見到有分店即刻同朋友入去嘆返個優質午餐😂佢哋嘅午餐好豐富， 百幾蚊起有多款燒肉海鮮嘅套餐選擇， 套餐仲包括有沙律，餐湯，小食，甜品， 飲品添👍。我哋叫咗個黑毛和牛大判燒拼us牛板腱肉餐， 海鮮盛盒， US牛腹柳小排，日本蠔同冷麵。佢哋嘅黑毛和牛大判燒真心正， 油脂豐盈入口即溶, 加上溫泉蛋汁一齊食更加嫩滑。US牛腹柳小排油脂更豐富，燒烤後油香撲鼻， 加上特製醬汁更添美味。海鮮新鮮甜美，盛盒入面嘅阿根廷紅蝦大大隻，啖啖肉， 加上海鮮上面灑咗海鹽調味，更能帶出每款海鮮嘅鮮味 👍冷麵又係必叫之選，佢哋嘅冷麵配料豐富 ，麵質爽口彈牙 ，酸酸甜甜好醒胃❤️套餐入面嘅甜品亦絕不馬虎，每份都有兩款甜品， 杏仁奶凍同雪米糍，杏仁奶凍清香嫩滑唔會太甜 好啱我👍

好友最喜愛食牛肉，今晚特意去位於紅磡黃埔天地聚寶坊（第11期）地下G1及G3號舖的 YAKINIKU KAKURA 食晚餐，環境舒適，坐得舒服。我和好友點左個 大判燒（黑毛和牛西冷） $178，Omakase Course每位 $398(二人起)： Omakase 沙律，泡菜三點盛，鹽味盛：鹽味上牛舌，葱鹽味若雞，海老（2尾）；燒肉汁盛：特上牛胸腹肉，黑毛和牛精選2款，野菜，牛板腱肉；石燒雞肉泡菜鍋飯，海澡湯，甜品。另外點左份生菜 $28。整體黎講係材料新鮮，店長代燒5成熟的黑毛和牛西冷十分好味，牛味香濃；用生菜夾著燒肉來食，好滋味！

每逢想食燒肉嘅時候，都會想起「YAKINIKU KAKURA」。朋友屋企附近就有這家分店，我倆便齊齊大吃一番。😋是日選擇：🥩大判燒！黑毛和牛西冷 🍽大判燒海外限定，店員奉上後，會幫忙處理。黑毛和牛西冷大大塊，色澤粉嫩，油脂均勻分佈，沾上蛋漿，入口更滑嫩，回味無窮。 🥩火炙黑毛和牛壽司🍽入口甘香，和牛味道濃郁。 🥩活鰻魚 🍽肉質厚身，質感彈牙，魚皮焦香，最後擦上甜甜的醬汁，啖啖肉，很香口。 🥩黑毛豚脛肉 🍽有嚼口，肥瘦均勻又爽口。 🥩黑毛和牛腹柳小排 🍽肉質細緻，如醬汁可以少一點點，那會更美味。 🥩日本產雞肉拼盤 🍽三款不同部位，味道獨特，各有特色。 🥩若鷄雞脛柳 🍽雞味濃郁，口感彼為特別。 🥩牛油男爵薯 🍽馬鈴薯吸收了牛油味道，很香甜。 🥩帆立貝 🍽肉身豐厚，味道鮮甜。 🥩日本蠔 🍽細細粒，新鮮，沒有腥味。 🥩青森蘋果乳酸梳打、巨峰提子乳酸梳打 🍽青森蘋果、巨峰提子的香甜果香味，酸酸甜甜，好好飲！ 🥩甜品 🍽奉送杏仁豆腐及雪糕糯米糍，滿足的一餐！