Yamm

Open Now

Now Closed

一直聽聞Yamm嘅自助餐好食，但依間餐廳少有discount,對於知慳識檢嘅少奶黎講，真係唔想用咁多錢食Lunch...終於book到今日信用卡優惠...四月主題係喜極泰來，泰式主題+印度食品，有沙嗲，海南雞飯，冬陰功湯麵，泰式咖喱麵。。。當然，壽司，刺身都有。。。仲有牛扒，龍蝦漢堡，海鮮等等。。。老實講，熟食一般，冇一樣特別印象深刻，反而我至愛嘅甜品，有驚喜。。。Tiramisu好味，有lady finger係入面，有酒味，但唔會太濃，唔會太甜。另外，配合泰式主題，有冬陰功蛋糕，味道真係好似冬陰功，不過唔會酸，都唔會辣，好得意，好搞笑，可以一試。。。班蘭waffle + movenpick雪糕嘅組合絕對係冇得輸仲有一杯綠色嘅果汁。。。遠睇以為係五青汁，但原來是mixed fruit juice, 味道都唔錯，似橙汁，因為佢主要成份係橙汁呢總結，正價價錢3百幾蚊就唔抵食啦~如果有信用卡優惠~買一送一就可以一試。。。

每個國家，都有屬於自己的節日，適逢泰國潑水節，The Mira 內的自助餐殿堂 Yamm，在泰國政府旅遊局及美麗華旅遊支持下，第四年主辦泰國盛宴；今年主題是喜極「泰」來，更聯合曼谷素凱泰酒店，呈獻地道的泰式美食！ 泰國菜一向是自己鍾情的菜色之一，平日都經常光顧不同的餐廳，但人數太少，想食多幾款都好難，今次可以一次過品嚐幾十款由大廚精挑細選的菜色，自然食指大動。 頭4天的盛宴 (4月11日至14日)，會由來自泰國的主廚 Rossarin （Rin）Sriprathum 及Yamm泰籍主廚Danita Srisuwan聯手打造，各自呈獻不同的菜色。 By Chef Rin from Thai 泰式鮮蝦炒脆米粉 份量恰到好處，一口一件，口感特別。 香辣椰汁烤大蝦沙律 Celadon餐廳內深受歡迎的經典菜色，清新爽朗，蝦肉彈牙，但入口一陣辛勁，要小心。 泰式酸辣蝦湯﹝冬蔭功﹞ 泰國菜的名物，沒有人不知，每碗都是即煮，原隻大蝦肉質鮮甜，但要小心，大廚忠於原味，辣勁可不是一般人能接受的。 鱈魚海底椰黃咖喱 源於大廚的童年回憶，

農曆新年到現在，已有段時間無和家人午餐了，今日剛好大家有空，便到這裡共享自助午餐！佢哋有唔同的主題，今次係泰國菜式，在這為大家介紹一下吧今期主題 < 喜極泰來 >精選冷盤冰凍鮮海鮮區，不會偏咸而且海鮮新鮮爽口這個漢堡用上了龍蝦用做的蝦肉餅，好香每啖啖都是龍蝦今次有好多泰式甜點由於太多選擇及相片，只好簡化推介食評！前菜有沙律選擇，多款時令蔬菜水果令人食欲大增，其中大蝦沙律同墨西哥脆餅伴牛油果醬真的吃了兩三回串燒沙嗲的牛肉比較硬點，但雞肉則比較嫩滑！沙嗲醬很香濃，不錯日式刺身中的是有金䱽魚，今次是用芝麻醬汁漬物！好香芝麻同沒有魚的鯹味龍蝦鉗非常多肉又大隻，很鮮甜甜品種類繁多，其中的曲奇是由綠茶做，綠茶味香濃及曲奇軟軟的，每次我也會伴茶吃！真的很好的曲奇最尾的餐飲，我就選了breakfast tea with milk 真的是甜品配此熱茶一流！在午餐中有自助共應一款賓治，味道酸甜開胃整體來說：服務員安排坐位很好，是我預訂的理想位置，加水及叫餐飲也很有禮又快速，食物水準保持溫熱及整齊衛生！環境舒適，只係人流多的時候比較吵閙一點！甜品雪糕水果選擇很多，真的預留多d空間吃甜點

前幾天同屋企人突然5:30先book去食的dinner buffet ，可能好full所以坐係門口，不過book枱時又唔講如果知道就唔去食，枱面食完的碟冇人收，食物種類勁少，又唔好食，攞食物的地方又細又迫，好多人迫埋一齊，拎得好辛苦，refill食物又好慢，生豪唔新鮮，壽司見到都唔想食，甜品種類好小，個斑斕窩夫有苦味，如果以呢個價錢來講絕對唔會喺度食，又唔係平，去洲際好過，超級無敵失望😞垃圾垃圾，食得好唔開心，好彩唔係去慶祝生日，請我都唔會想去

來呢度食自助餐慶祝生日, 點知食到火到來.我們三人訂了七點半, 大約7點9齊人, 就開始出去搵食.坐的地方近拎蠔的地方, 但長期排住7-10人, 而開蠔都好慢. 所以我們只拎了兩輪 (共6只, 三個人分) 就無再拎了, D蠔瘦到呢, 連青口都大只過佢.凍盤方面, 8點半前都見到好多蟹腳, 蝦, 螺..龍蝦基本一出就俾人拎晒, 最多只剩下幾只鉗, 到9點後, 蟹腳都差不多無晒, 之後再出的都幼到好似牙籤甘, 見到都唔想拎的.龍蝦仲衰, 開邊龍蝦無晒, 只係得鉗,  我見到個廚師係度執野, 就問, 仲會有龍蝦出嗎, 佢話, 已經無晒了, 唔係呀, 龍蝦之夜無龍蝦, 仲要收我700蚊一位, (HKD668 加一)結果我向接待處反映, 之後有個經理來了, 話今晚太多人喎, 食材唔夠喎最後, 拎了兩只, 開4邊, 俾我們三個人分,真係來食自助餐好似乞食甘陰公.熱盤方面, REFILL都好慢的.日式食物, 刺身只有三文,吞拿, 八爪魚等大路野. CHEAP到爆.塊燒牛肉, 望到同大渣樂的有得比, 又瘦又過熟.真係行了4,5圈, 都唔知有乜好食, 結果我居然拎兩輪三文魚壽司,俾700蚊來食三文魚壽司

在泰國每年泰曆六月作為一年的起始，潑水節的時間在泰曆六月的月圓日前後，而節日活動會持續3-4天好有氣氛呢！而今年的潑水節正正今天起至15號在泰國盛大舉行！連續第四年主辦這泰國盛宴的Yamm，於4月11日在泰國政府旅遊局及美麗華旅遊鼎力支持下，隆重為喜極「泰」來盛宴揭幕！令未能到泰國親身感受節日氣氛的我也能用嘴巴來慶祝盛事！ 餐廳今次更請來於城中享負盛名曼谷素凱泰酒店Celadon的餐廳的主廚Chef Rin，在4月11-14日親臨香江跟Yamm的泰籍廚師Danita Srisuwan，攜手打造多款泰特色美饌給大家大快朵頤！這位便是Chef Rin來到時有幸親嚐到她即席烹調的冬蔭功好幸福耶！ 材料超豐富的泰式酸辣蝦湯即是冬蔭功，堂煮亦能散發那*泰*香氣是必吃項目！ 接下來為大家介紹Chef Rin其餘6款美饌，香辣椰汁烤大蝦沙律香氣非凡，辣度不太強大蝦又爽口很好吃開胃！ 鱈魚海底椰黃咖喱夠特別，海底椰我通常用作湯料，估不到煮咖喱也很不錯！ 泰式香草焗鱸魚肉質保持得嫩滑，那香料的味道完全滲透進魚身，香氣無語倫比！ 泰北和牛臉頰咖喱麵好友們紛紛盛讚美味，麵條亦從泰國運到很爽口呢！ 還有特

布吉回來後，一顆心無時無刻不想念泰國的風景美食；適逢泰國潑水節／泰國新年，The Mira 內的自助餐殿堂 Yamm，在泰國政府旅遊局及美麗華旅遊支持下，第四年主辦泰國盛宴；今年更聯合曼谷素凱泰酒店 The Sukhothai Bangkok，呈獻地道又美味的泰式盛宴！  由即日至本月14日，客席主廚 Rin (右) 呈獻曼谷 Celadon味覺之旅（Celadon 是城中享負盛名的泰國餐廳之一，被權威旅遊雜誌「Travel + Leisure」譽為曼谷最優秀餐館），食客不用搭飛機就可品嚐店內招牌菜，簡直爽極了！其後直至4月29日，Yamm 泰籍主廚 Danita Srisuwan (左) 也會繼續帶來美味泰菜，好好滿足泰菜迷。 事不宜遲，馬上開始介紹：一開首甜魔媽媽就被充滿泰式風情的 香糯米片配新鮮椰子及泰國香蕉 Khaao Mao Khulook 吸引著，不過很快注意力又移到 鹹蛋黃椰汁糯米飯糰 (บัวลอยไข่เค็ม ใน มะพร้าวอ่อน)，好特別的組合，後來一試味道傾城！一定一定要試；旁邊的 班蘭椰汁米布甸 Khao Faang Prek 以及鬆軟的 泰式綠豆糕 Kha

見到某信用卡買一送一優惠 ，立即申請 兩星期後 ，申請到張卡再上網訂位， 一共用左一個月時候才能食到 好豐富好滿足的自助午餐。 今次去到 服務員同我講主題是東南亞美食。 龍蝦鉗 好大隻好厚肉 ，長腳蟹 好肥美， 三文魚和吞拿魚 好新鮮， 最靚嘅燒牛仔肉， 葡撻 ，豆腐花 ，超大的白灼蝦， 台灣肉骨茶 好鮮甜， 有六款我最愛雪糕， 叉燒燒鴨油雞 ，印度薄餅 ， 粉麵亦有很多選擇， 裝飾得好靚的西餅和蛋糕 ，西式麵包，講唔曬有咁多嘢食。 飲品方面 得一款， 是超好味的雜果汁 ，另外酒店還送凍飲一杯 。（但完全沒有中式點心和飽）去片：

試過同一酒店嘅Room One, Coco, Whisk, Cuisine Cuisine，試過lunch, dinner, drinks & afternoon tea sets，今次就到佢嘅afternoon tea buffet。食物嘅款式算多，冷盆熱盆，中式西式日式泰式，相信男女老友都啱食。壽司款式唔算好多，只有三文魚、魷魚、腐皮等，亦都冇刺身。相對地熱盆就算豐富，串燒、蒸蛋、牛仔骨、海鮮、炒腸粉、南瓜湯等好多選擇，連海南雞飯、泰式燒雞、辣酒煮花螺都有。對於我嚟講，都係甜品吸引啲，加上Mira嘅cake 向來都好味，難怪有差不多三分一嘅食物枱都係甜品。Tiramisu、抹茶布甸、抹茶撻、朱古力撻、木槺布甸、曲奇、木瓜雪耳糠水......唔可以話全部，但大部分都好好味!!另外仲有啲係雪櫃keep住凍嘅，有番石榴奶凍、希臘乳酪......好似主要係啲比較健康嘅甜品，冇咁吸引，但好啱長者們。雪糕方面當然唔少得，仲要係好吸引，因為係movenpick，仲有六種口味 (雲尼嗱、朱古力、士多啤梨、意式奶凍、焦糖、熱情果芒果)，可惜唔係自助嘅，每次都要排隊order，而同一個人又要負責整wa

I visited the restaurant for tea buffet on a Saturday with my family in a group of five. Staff at the reception desk were very efficient and we were arranged to be seated at one of the booth seats. The buffet have a large variety of selection and a few made-to-order stations. Around one third of the food selection is vegetarian so it is friendly for people with dietary preference. The quality of the food was good. For main course, I would personally recommend trying the Hoi Nan chicken rice and

媽媽朋友介紹試下呢間Yamm，閒日星期一至四每位$668。媽媽朋友有MiraPlus 有75折Coupon + $200 Coupon 可以一齊使用，好抵食咁，二黎3月1至4月30日做緊”龍”情饕宴，幾款龍蝦主題既美食刺身有4款，錭魚，醬油吞拿魚，三文魚同八爪魚，試左其中2款，幾新鮮生蠔有Franch及Iceland 2款，細細隻，即開即食新鮮。食到9點半，仲有人係度開緊 一直對凍食龍蝦都一般，龍蝦膏好鮮甜，肉質好彈牙，不過我比較中意熱食鵝肝，唔錯，煎到外脆內嫩龍蝦配牛油果好味，龍蝦海胆蒸蛋釀蟹蓋，淡口左D，可能我比較喜歡濃味啦，炒蟹食左2轉，惹味。呢款用紙船樣式盛載既龍蝦小吃都好好食，印度咖哩唔錯呀。。。中途停賽，食返個沙律先好多甜品款，款款都唔錯班蘭窩芙就麻麻，無乜班蘭香味最後點左餐飲，一壼熱茶同檸檬分開上，一杯熱檸檬茶作結尾，好飽呢P.S. 女廁好暗，但D射燈太勁，其實照唔到鏡

由於早前嚟食過Lunch Buffet已經覺得相當唔錯，諗緊過幾日就係爹哋嘅正日生日去邊度慶祝？點知上網睇嗰陣咁啱睇到一篇係介紹呢度嘅Dinner Buffet係用龍蝦嚟做主題，啱晒一直都超鍾意食龍蝦嘅我們，所以我們就揀咗去尖沙咀The Mira Hong Kong嘅Yamm食自助晚餐慶祝爹哋生日！喺正式開始可以攞嘢食嗰陣，我們見到師傅非常有心思咁將啲波士頓龍蝦堆砌成一大座波士頓龍蝦山咁，感覺相當壯觀，可以話係全場最矚目嘅影相點，而且每隻龍蝦都有超多膏，肉質非常爽甜彈牙，真係超正呀！龍蝦蟹肉海膽蒸蛋釀蟹蓋係將啲蟹肉撈埋啲蛋白一齊蒸，之後再加埋啲鮮甜軟滑嘅海膽同蟹籽喺面，夾埋一齊食，令到口感相當豐富！火焰龍蝦配蛋黃牛油及菠菜洋蔥係將頂層嘅蛋黃醬用火輕輕燒過，底層就係煎香咗嘅龍蝦粒同菠菜，夾埋一齊食感覺好惹味醒胃！龍蝦蟹肉釀牛油果係將啲龍蝦肉同蟹肉，再加埋啲三文魚籽，放喺軟滑嘅牛油果上面，食落感覺好清新，而且賣相亦非常吸引！龍蝦雜莓沙律就不過不失！蒜香黑椒炒龍蝦鉗炒得都幾夠鑊氣，香辣嘅黑椒令到味道更加惹味！龍蝦天婦羅壽司係將龍蝦炸成天婦羅，之後包喺壽司飯入面，味道唔算好濃郁！講到呢度，可以

真係估唔到禁多年第一遍食評係劣評，重要係期待左好耐嘅自助餐未去食已經聽聞yamm質素幾好，lunch都有生蠔同龍蝦，收費中上所以都對佢好有期望而且仲要係預祝生日，千揀萬揀先揀yamm，點知中咗大伏一入到去見到有龍蝦鉗蜆凍蝦青口，每樣都攞咗啲點知啲龍蝦完全冇味蜆同青口又細隻隔離啲芝士剩係得一隻軟身嘅羊奶芝士比較好其他嘅芝士因為完全冇講到係邊一款都唔知食緊乜沙律完全冇得揀 6-7款premix沙律有四款都係泰式 辣到傻又係完全食唔到沙律菜幾新鮮同埋好多沙律dressing有款藍梅乳酪dressing唔錯魚生有吞拿魚三文魚八爪魚同埋鯛魚壽司種類比較多而且係即刻整 但係魚生就好似擺咗好耐全部都好乾身熱葷選擇好少 得芝士通粉,烤鴨,烤雞,牛腩,燉豬肉,龍利柳同埋牛面珠淨係牛面珠比較好食 其實其他全部冇咩味熱葷上面有炸越南豬肉米紙,黑松露炒蛋,意大利雲吞配鵝肝粒同埋串燒攞 越南豬肉米紙非常油 串燒ok 黑松露炒蛋淨係有蛋冇黑松露意大利雲吞算係最好個個 啲熱葷全部都唔夠熱隔離有一款咁大把嘅印度咖喱雞同埋黃姜飯最奇怪係佢將印度芝士薄餅擺咗係個中式蒸爐入面搞到淋哂濕晒燒排骨同西冷仲好笑 硬到個師傅切都切