宴．鐡板燒 (亨環‧天后)

Open Now

Now Closed

又到每年特別重視的生日，經好朋友介紹下來到天后這間鐡板燒餐廳慶祝，看到很多評價都是靚景，真的很想親身去觀賞。 來到亨環搭電梯到逹24樓，向右一看飽覽整個維港海景和日落，非常吸睛，真的很感謝好朋友的介紹。 食材新鮮，由前菜, 主菜和甜品，廚師都非常精心製作，把每一道菜都做得色香味俱全，而且擺盤也不簡單，食物十分精緻，還有不少自家製的食物，尤其是 主菜中的蝦膏醬和魚子都特別驚喜。 每一道菜廚師都會逐一介紹，非常欣賞每一位出色的用心和堅持。 美食美景，過了一個難忘的生日夜，開心的時間真的是過得特別快，十分不捨，一定會再介紹其他朋友來品嚐。

高層景致一覽遊艇維港的美景。這家鐵板燒餐廳以其卓越的評價和一流的環境而聞名，讓您在品味美食的同時，也能欣賞維多利亞港的壯麗景色。如果您喜歡在品嘗美食的同時欣賞風景，這裡絕對是您拍照打卡的理想選擇！午餐鐵板燒的特價套餐「Lunch Special Menu」每位只需$448，給您帶來極高的性價比，一頓豐盛的饗宴物超所值🤩。現在就讓我們一起細細品味這豐盛的午餐：季節前菜：螢光魷魚：口感爽脆，帶來十足的鮮味🤤。季節刺身（兩款）：深海池魚王：鮮嫩肥美，入口甜美。油甘魚：腩夠厚身，口感幼滑細膩😌。精選壽司（兩款）：深海池魚壽司。真鯛壽司玫瑰岩鹽。鐵板燒：北海道帆立貝：燒至外脆內軟，搭配鮭魚籽，口感爽脆惹味。底下的海苔湯提供了豐富的鮮味🤩。沙巴虎蝦：超大只，味道濃郁，肉厚鮮甜，富有彈性🦐。香煎鵝肝多士伴藍莓醬：鵝肝煎至外脆內軟，入口即溶，搭配香脆的多士一絕🍞。美國牛柳（厚燒、薄燒）🥩：選擇了五分熟的牛柳，薄燒牛捲加入了香蔥粒，口感剛剛好👍🏻。而厚燒牛柳搭配蒜片和洋蔥沙律，讓您細味品嘗兩種不同口感的牛肉😋。鐵板炒飯配海帶面豉湯：櫻花蝦炒飯。炒雜菜。

喺香港要搵好嘢食講真係唔難嘅，但係要搵好嘢食得來又有親切感嘅餐廳就好少。我鍾意食鐵板燒嘅原因係如果坐吧枱可以睇到師傅煮嘢食，甚至可以同師傅交流，但當然有時啲師傅會比較cool一啲，不過今日嚟到呢間鐵板燒，師傅個個都好友善，除咗主動介紹用料食材之外，有陣時我有啲問題佢哋都會好耐心解答，師傅仲教我點樣炒一碟靚炒飯，真係好鬼Nice。講真有陣時食飯其實都唔係淨係食啲餸菜，更加重要嘅係成個過程嘅experience。呢度嘅食物水準好高，淨係食日本生蠔已經覺得物超所值，第一次食長崎縣嘅生蠔，個鮮甜味真係一試難忘，最緊要係當個aftertaste留喺個味蕾度，我竟然唔捨得佢走。仲有個巨型虎蝦令人難以忘懷，師傅將啲蝦腳都煎埋成為咗蝦餅，我選擇咗將蝦餅夾住紫蘇葉一齊食，真係非常好食！另外今日個甜品真係冇得輸，首先有兩粒黃豆粉蕨餅，然後仲有一個超級smooth嘅綠茶布甸，食完真係非常滿足。仲有記得唔好Miss佢哋嘅漬物，係自家製嘅，我唔講咁多，大家細心試吓幾種漬物嘅味道，睇吓分唔分到甜酸苦辣？係好有趣嘅組合。超級surprise嘅仲有佢地嘅吸物，奶白色嘅魚湯非常真材實料，嚟呢度唔係淨係食主菜嘅，配菜樣樣

公司開年飯，老細竟然帶我哋去食鐵板燒，受寵若驚第一次係香港食鐵板燒，呢度環境好靚，可以望到成個維港灣，我哋專登早收工過嚟睇埋個黃昏佢有好多款set選擇，老闆話事，揀呢款都唔平，呢set 有帆立貝，鮑魚，龍蝦，仲有和牛。回味中。。先來前菜3款，攞盆好精緻。再有兩款刺身，幾新鮮。燒左口魚加金槍魚手卷，好特別，一啖入口，入口溶化，估唔到咁夾。跟住就係燒帆立貝，睇住師傅燒，別有一番風味好厚身加埋魚子一齊食兩種口感溶合埋再配海藻湯，清甜好飲。師傅仲送咗佢哋自家製漬物，款式好特別，每樣都好好味可能因為我鍾意食漬物。主角 龍蝦，出場了，每人半隻，好大隻，肉很厚，師傅用龍蝦本身膏來炒，勁香，食完仲想再食。和牛，有厚薄選擇，我就同同事每人一半，厚身好淋配埋炸蒜蓉片一齊食一流，薄身就包住蔥花一齊食，入口溶化。最後有碗蟹肉炒飯，師傅抄緊時候已經勁香，粒粒分明，乾身，夠火候。最後來到甜品，已經好飽，呢個係焦糖多士，煎到脆卜卜，配埋海苔粉，係一款超好食甜品好滿足的一個晚上，多謝老闆帶我哋去食好西

媽咪唔得閒同我去日本旅行，反黎同佢食好西補數😆平時問佢d野好唔好食，佢只會答可以😒今次佢話好食😋😋餐廳位於高層，望住維港，可以飽覽風景♥️前菜：北海道白粟米，鮮甜清脆，熊本螺鮮甜有咬口🥶佐賀真蠔，八成肉，肉身大隻又較肥美😆回味季節刺身：拖羅同油甘魚，新鮮鮮味燒右口魚邊身金槍魚手卷，♥️♥️有新意，食得成口魚油好滿足，食完好難忘蝦膏煮西班牙蝦，蝦膏肥美，蝦身爽口自家醃製三文魚籽配帆立貝加上鮮海苔湯，三文魚籽帶出帆立貝鮮甜😋香煎鵝肝配藍莓醬，鵝肝肥美，藍莓醬自家製黑豆可以減油膩😋甜品係抹茶布甸😆😆布甸好滑，口感剛好，值得一讚♥️♥️

平時食鐵板燒基本上就只會有熟食，呢間鐵板燒餐廳糅合左海鮮刺身，食嘅時候會覺得好驚喜，同時間有師傅準備時令刺身，仲有熱辣辣嘅鐵板燒🌟😍前菜有北海白粟米，咬落去清甜冇咩渣。沖繩本菇水雲，酸酸地好開胃。刺身北海道先仙鳳趾真蠔食落去酸酸地，原來系加咗青檸啫喱😀蠔味重口感幾香。油甘魚腩 超拖羅食落去好爽口，因為係腩位同時間油脂豐富，好好味呀🌟推左口魚邊壽司上面有大大嚿吞拿魚蓉，之後就係用火燒過嘅左口魚邊😳啲油脂已經滴晒落下面啲飯到，底部就係雪魚乾脆卜卜非常之好食。帆立貝用上新鮮帆立貝，屬於刺身級數超大粒勁新鮮，帆立貝做到半生熟，所以咬落去入邊仲係好軟滑，淋上新鮮海草木魚清湯。面頭加上醃過三文魚子，師傅用心處理過，所以一啲都唔腥沙巴虎蝦啲糕拎咗出嚟整成醬汁，真係超級鮮味，隻蝦好大肉質爽😳而且有彈牙感覺！美國牛 入面夾咗蔥蒜，咬落去好香好香！牛肉油花遍佈均勻，咬開見到裏面仲係非常之粉紅，牛味香。蔥蒜比例平均合適，不夠咸先點鹽，配洋蔥沙律平衡油膩。鵝肝超大件，油脂香，夾埋多士食有多重口感真心正😁炒飯屈機級數，落左黑松露😍所以好香，餐廳真係好有誠意，炒飯都係好高質

趁著米飯班主生日月就同佢食好啲，就揀左同佢食鐵板燒。位於天后嘅「宴．鐡板燒」環境開揚，餐廳設有兩種座位設計，包括可以一邊享受食物一邊欣賞到廚師的烹調手藝嘅吧枱座位及在窗邊嘅普通椅子座位😊一踏入餐廳就見到落地大玻璃，可以望到維港兩岸，飽覽維港夜景👍我地坐係吧枱及窗邊嘅位置，一邊享受開揚嘅夜景，一邊享受食物一邊睇住師傅烹調食材，師傅亦會一路介紹菜式同食法，真係大飽眼福，肚皮又滿足。宴 Dinner Lobster and Beef set $1,680/人🔹️季節前菜 水雲醋配蕃茄 | 富山縣螢光魷魚 | 黑梅貝一坐低，店家馬上端上3款前菜🥰水雲醋配蕃茄一上枱就醋香四溢，水雲醋口感順及有嚼勁，配埋蕃茄一齊食🍅，酸溜開胃👍🏻富山縣螢光魷魚 春天當造的螢光魷魚飽滿，口感爽脆，鮮甜且有海水味，配搭酸麵豉一齊食，濃烈的味道與酸麵豉搭配，清爽豐富。黑梅貝肉質爽彈，肝臟豐滿濃郁👍🏻🔹️季節刺身大池魚池魚魚味淡身但味鮮，肉質鮮嫩肥美，魚油甘香細膩。拖羅拖羅顏色粉紅，油分適中而無筋，入口即溶而魚味濃厚。🔹️燒右口魚邊身金槍魚腩手卷最底係灸燒過嘅鱈魚片，係飯上放左灸燒過嘅右口魚邊，最頂係金槍魚腩蓉😍右口魚嘅魚油滲

今次同男朋友去咗呢間位於亨環．天后嘅宴．鐵板燒，24樓嘅「宴」坐擁無敵大海景，可以欣賞會展同埋避風塘嘅景色，份外浪漫💕我地揀咗呢個special dinner set，以晚市鐵板燒黎講，呢個價錢都算幾相宜～⁎⁺˳✧༚ 前菜左邊係日式蕃茄酸酸地嘅湯，酸湯就好似果醋咁開胃；至於右邊嘅枝竹雲丹，食落有嚼勁，而配埋甘甜嘅海膽同wasabi，味道更有層次！⁎⁺˳✧༚ 北海道真蠔同平時食嘅令和の怪物蠔不一樣，呢種蠔係海水味同礦物質重，上面嘅酸酸甜甜嘅啫哩中和左海水嘅鹹味，口感亦相當滑嫩。⁎⁺˳✧༚ 刺身（兩款）右邊嘅赤身配咗白松露油同海鹽，食落有淡淡嘅松露香（但唔會有媒氣味XD) 而左邊嘅鯛魚 口感煙韌，簡單嘅調味已經食到本身嘅鹹香。⁎⁺˳✧༚ 手卷燒香咗左口魚（鰈魚）既油滴落飯裡，上面鋪上吞拿魚腩蓉，兩種油脂豐富嘅魚都有甘香嘅味道，底部唔係平時較常見嘅紫菜，而係採用鱈魚片，令到口感更加保持清脆，食落真係令人好滿足！🥒中間亦有不少漬物如牛蒡、青瓜、大根等，口感爽脆，酸甜嘅味道亦為我地解膩；清清味蕾。然後就進入到鐵枝燒嘅部分。⁎⁺˳✧༚ 燒帶子師傅自己加工過嘅三文魚子唔會太鹹同埋有腥味，煎咗嘅帶子係

天后呢間Omakase位於頂層，環觀維港景色，好有居高臨下嘅感覺。餐廳分咗梳化區同高枱區，仲有個露台睇維港景色，好有格調😍今次揀咗$1380 宴Dinner Set，有前菜、刺身同鐵板燒，性價比都幾高。🍽️ 前菜有牛蒡、蒜、溫室青瓜、紫蘇同蘿蔔，顏色配搭望落去好豐富。🍽️鱈魚白子酸酸甜甜，幾特別。🍽️螢光魷魚好有口感！🍽️北海道牡蠣鮮甜得嚟又夠creamy，上面仲有橘子啫喱，好清新。🍽️真鯛先食刺身，配白松露，再食厚燒非常肥美，好香魚油味。襯住紫蘇花食，好味到鮮豉油都唔使點！🍽️拖羅蓉•鱈魚棒•左口魚用咗鱈魚棒做底，配埋拖羅蓉同鮮甜嘅左口魚，好有口感同層次！🍽️澳洲龍蝦 用龍蝦膏熬成龍蝦汁，可以先試原味，再點檸檬汁食又別有一番風味。仲有紅綠雞冠草，酸酸甜甜，好有口感。🍽️法國鵝肝 鵝肝好肥美，火喉岩岩好，輕肝心香脆得嚟又有柔軟嘅質感，入口即溶，用咗意大利黑酷同日本黑豆，味道更加香濃。🍽️美國牛柳有分厚燒同薄燒，厚燒牛柳好有口感但又唔會過熟。薄燒牛柳入面包咗好多脆蒜，加咗少少鹽調味，完全唔同口感！🍽️黑松露蟹肉炒飯用咗原粒黑松露，貨真價實。蟹肉新鮮，飯粒夠乾身，好入味。🍽️黑糖蕨餅日本必食甜品，彈牙得來又唔會

📍宴．鐡板燒 (亨環‧天后) (天后)天后電氣道54號亨環‧天后24樓🌸環境🌸係24/F 可以睇到維港夜景同銅鑼灣維園景色🔻1. 季節前菜（3款)馬糞海膽 湯葉 清新你嘅味蕾✨沖繩縣水雲 靜岡縣蕃茄 酸酸味味開胃 螢光魷魚麵豉醬 濃味嘅爆汁 內外夾攻🔻2. 季節刺身（2款）拖羅真鯛 ✨白松露油 所以唔使豉油同Wasabi兩者本身都已經夠入口即溶，再加上農鄉嘅白松露油更加帶出嗰種香味同魚油嘅鮮味🔻3. 燒右口魚邊身金槍魚腩手卷✨用燒香嘅鱈魚片做底，咁就唔會有好似紫菜咁樣會林。燃燒香碟魚嘅油就會流落啲飯度令到整體更加香，上面嘅拖羅帶嚟嗰種層次感嘅享受，由於影條曬命，所以都係可以唔使囉豉油同Wasabi🔻4. 漬物✨用糖水浸嘅沖繩苦瓜 走咗好多苦味 帶回甘牛蒡🔻5. 帆立貝配鮮海苔✨燒北海道帶子係鮮海苔湯 上面有魚子旁邊既都食得，用沙律豉油🔻6. 鐵板銀鱈魚✨燒銀鱈魚 魚皮分開上 首先單獨食 然後再食銀鱈魚 成隻碟嘅所有嘢都食得🔻7. 澳洲龍蝦✨半隻龍蝦 用龍蝦膏做個汁 師傅話如果嫌太濃味嘅話，可以逐啲逐啲咁加啲檸檬汁上去。不過我個人覺得好求，所以唔需要。🔻8. 宮崎和牛（厚燒 或 薄燒）✨

🎉終於有機會可以黎到位於天后•亨環頂樓既「宴 • 鐵板燒」，呢度可以望哂灣仔、中環同埋尖沙咀一帶海景🌊今次一於決定試下佢地既Lunch Special Meal套餐($448)😙兩個人就可以試哂唔同款式♡季節前菜螢光魷魚係Gavin媽最愛既日本料理季節前菜，魷魚經師傅特別炮製過，口感彈牙鮮嫩軟腍🥹♡季節刺身▶系撚鯛◀比較清淡既鯛魚，味道更鮮甜，肉質結實有彈性😚配搭師傅炮製既蘿蔔辣椒汁，味道反而唔算辣，完全食唔到辣既我都接受到▶油甘魚腩◀食落更充滿水份，入口即溶🤤就算配埋師自家製既洋蔥紫蘇葉汁一齊食，都唔會影響鮮味♡是日精選壽司▶池魚◀肉質緊實而爽口，略帶啲啲油香～味道比較鮮甜😌▶黑目魚◀肉質細緻又好味，第一次食✨有驚喜!!!♡沙巴虎蝦呢個真心不得了，蝦肉非常爽口彈牙，醬汁係由師傅將蝦膏慢慢烹煮而成既，非常惹味！係完全充分利用哂成隻蝦製作而成🦐♡帆立貝配解海苔大大粒新鮮帆立貝鮮甜爽，鋪上滿滿三文魚子，配上師傅自家製海苔調味好特別啊😙♡美國頂級牛肉牛肉可以揀厚燒或者薄燒🥩今次餐廳店員比哂兩款我地試，薄燒配埋師傅自家製既蒜～好香呀😌厚燒都好有口感，我地order左五成熟，岩岩好♡香煎鵝肝配藍

每次想揀返間餐廳chill下既時候，第一時間都會諗起去食鐵板燒，我鍾意鐵板燒嘅視覺加嗅覺享受，而且食材都會有一定水準。所以每次想犒賞自己辛勤工作既日子都會考慮左食鐵板燒先。今次是天后嘅呢間宴 鐵板燒，其實係因為之前都去過佢哋同集團嘅瀧宴，覺得水準好高，跟住留意到呢邊嘅宴 喺餐牌上邊有少少嘅改動，加上呢度可以睇到日落，所以決定過泥試下！首先上左前菜，用左爽甜既日本白粟米配一粒螺肉，師父已經好貼心咁拮起左粒漬煮既螺肉！跟住一人一隻日本生蠔，配左啲類似柑橘啫喱係的確帶出到生蠔既鮮味同時可以突顯到生蠔既creamy之後有季節刺身同埋一份手卷，今次我唔食魚生，師傅亦都安排咗全部火炙處理俾我，逼出咗魚油更加香。手卷嗰度用咗漢字金黃香脆嘅鱈魚乾取代一般嘅紫菜，好有新鮮感！之後師傅俾咗今日嘅食材我哋打卡～整體都好有光澤，睇落好新鮮❤️同時亦都俾咗一個醃漬物拼盤俾我哋鮮膩，當中我特別推介山藥同埋沖繩苦瓜🤣首先上咗帆立貝配海苔高湯帆立貝生熟到控制得剛剛好突顯咗師傅嘅功架，而且我特別想稱讚上面嘅三文魚籽，師傅話特別醃製過，所以更加鮮甜，而且唔會過咸，口感亦都係好彈L彈L咁😝沙巴虎蝦大虎蝦用咗牛油黑椒同埋鹽去煎

今日同朋友嚟咗景色醉人位於亨環.天后24樓嘅宴. 鐵板燒吃了一頓豐富嘅午餐。食得好開心同埋滿意。鐵板燒師傅好細心咁向我哋解說每一道菜嘅來源同埋烹調方法，用料上乘，性價比高，味道一流！前菜係兵庫縣嘅螢光魷魚，師傅用日本麵豉醬烹調，冰冰凍凍，口感特別又清新。我們好欣賞佢嘅刺身，係真鯛和油甘魚，好鮮甜美味！尤其真鯛掃上了一層薄薄嘅白松露汁，而且灑上一片片雪白嘅真雪鹽，齒頰留香🥰。壽司就係用上左深海池魚同埋小池魚，兩款壽司，口感各有不同，別具風味！廚師用沙巴虎蝦頭的膏造成一個美味嘅醬汁跟蝦肉一起烹調，真係好鮮甜，好好味！蝦肉係比較爽嘅，可以同啲蝦膏汁一齊食或者分開食，吃出不同嘅層次。香煎鵝肝拌藍莓醬係一個令我比較印象深刻而且特別欣賞嘅菜式。香煎嘅鵝肝醬跟多士一起食，配以黑醋藍莓汁，熱熱的好夾味。擺盤嘅黑豆精美，黑豆係用日本甘露煮嘅，煙煙韌韌，好特別。巧手廚師嘅烹調下，吃到美味新鮮又精心配搭嘅菜式，加上餐廳嘅環境舒適，景色怡人，我們今天享受了一頓很豐富嘅午餐😍🥂

Mon 18th May good day to dine細個喺天后長大，而家偶然都會入呢區食嘢。每 次嚟都覺得佢變咗一次天，新舊香港嘅大熔爐。地鐵A1出口直行3分鐘，呢個building 對我嚟講係「新」嘅，入口、left lobby、left 細細，觀光lift一直上到頂樓。加少少幻想就去咗東京咁。佢有個細細balcony，我早到咗少少到，可以喺嗰度睇住日落，都幾chill。佢哋啲地方食嘢就係可以唔使點諗，摸吓個銀包有幾多錢，然後隨便點個大中細餐，Chef 隨便問吓你有乜嘢敏感？唔食？然後就可以躺平等食。回味重點：- 生蠔。鮮甜爽口大隻+啫喱汁冇得輸。- 唔記得乜嘢魚生片。口感好Firm、味帶清甜。- 帶子。鐵板燒+帶住個 鮮海苔 魚湯 上，做得好。其他嗰10樣8樣嘢水準都幾好。