素年 (福隆大廈)

Open Now

Now Closed

不得不讚揚一下，這裡的店員真的是有超超超好的服務態度🙌🏻，絕對是我近來在香港任何一間打卡的餐廳～cafe之冠，雖然門口有一大條長長的人龍，但進進出出😂感覺時間十分快過！還可以在門的位置先打卡，拍照📷！🤗.👉🏻不可能肉醬意粉🍝hkd88份量多得嚇人😂（我和友人事後十分後悔叫了主個意粉）這次是我第一次品嘗impossible meat，是真的和真肉無差😳但意粉質感、質感。可能是期待值過高🙈感覺真的很普通...👉🏻冬陰功意粉🍝hkd88我和友人都十分喜歡的泰國茄子😍但個人覺得可以再辣一點，粉狀感亦可以改善一下，加上意粉可能煮熟了一段時間，口感沒有想像中的好。👉🏻沙茶醬燒粟米🌽hkd58超搭超好味，必叫！！！！

見好多人講到好好食，專登元朗搭車出去試吓，等了10分鐘左右便入座，餐廳𥚃面坐得好密麻麻，所以唔期望坐得舒服，之後點餐見到餐牌話他們份量大，請勿點太多以免浪費食物，於是點了個吉列豬扒咖喱意大利飯餐同一杯凍伯爵茶，等咗20分鐘終於有得食，份量確係大，賣相也很美，但食落之後發覺碟飯咖喱淡而無味兼且唔熱嘅，豬扒咬落去乜味都食唔到只有燶味，份量大有鬼用咩，食完埋單走人😡冇下次😤。註：餐廳收加一，只收現金同八達通

#素年 #sorriso_深水埗區-呢間素食好多人推介，而且份量又出名大，睇完報導之後終於去試下🍝【魚香茄子意大利粉】 $98 (8.0/10)採用新豬肉做肉碎、同埋用茄子豆乾豆瓣醬炒過嘅意粉，嚟模仿魚香茄子嘅味道，好大份味道的確唔差，但係略嫌豆瓣醬太濃，整個意粉都充滿豆瓣醬嘅味，似食緊豆瓣醬撈意粉多啲，魚香茄子呢味餸同個意粉夾唔嚟🍛【日式吉列豬扒咖哩意大利飯】 $118 (8.5/10)意大利飯用咗蘆筍、車厘茄、野菌，再配上咖喱嚟整，所以口感好豐富，一上枱俾佢嘅咁大碟嚇親，幾乎每枱都會點，個炸豬扒炸得好香脆，食落好似真肉，大份之餘仲有蘋果識落清爽又唔會好滯🥃【凍伯爵茶】 配餐$0 (8.0/10)大大杯，茶味既濃郁又清涼#sorriso_深水埗 #sorriso_九龍-📍【素年 YEARS】深水埗福華街191-199號福隆大廈1號地舖深水埗汝州街132號🕑Mon to Sun 12:00 ~ 22:00-#foodie #foodiehk #hkeats #黃店 #黃色經濟圈 #不專業食評  #相機食先 #黃店地圖 #食好西 #852foodie #foodstagram #food

上網見到呢間餐廳逆市開舖好多專訪，聽講兩個老闆無開餐廳經驗都搞得有聲有色本身朋友唔多食齋，平時好鍾意食焗豬扒飯，一見到日式咖喱豬扒意大利飯即刻叫黎試吓，估唔到真係大開眼界，朋友平時食量好大，飯嘅份量都好多，個豬扒基本上都食唔出係用齋整，咖喱有啲重忌廉味，所以好快就好飽，所以都食唔晒，新世代嘅齋真係大開眼界，對於食肉獸嘅朋友嚟講都好滿意我自己叫咗圖片嗰款芫荽漢堡，好鍾意食芫荽，估唔到份量冇令我失望，除咗有生芫荽好新鮮洗得好乾淨，佢個芫荽芝士醬勁濃郁，不過牛肉用齋整應該難達到效果，所以你會食得出唔係真正牛肉比較容易咬開午餐跟餐有伯爵茶或者玄米茶我另外加錢叫咗火龍果香蕉特飲，正宗新鮮即叫即正，好味好味🤪🤪😛😛有時間一定會再帶想嘗試新嘢嘅朋友嚟食🥰

相信素食主義者們一定聽過或者已經光顧過「素年」這間文青風的素食Cafe，在2019年落戶深水埗後，短短兩年間已經開了第四間分店！素年 Years 每間分店的裝修都走簡約文青風格，用了很多木系元素，也會佈置上綠植裝飾店面。翻開餐單，包括了日式、西式、泰式等不同風格素食，當中清楚列明哪些菜式是蛋奶素、五辛及純素，一目了然。餐廳亦選用了近年流行的新派健康素肉，製作模仿葷食的菜式，很受非素食的客人歡迎。「素年」每間分店的英文店名都不一樣：深水埗總店的 Years、深水埗分店的 The Park by Years、荃灣分店的 Friends of Years、黃埔分店的 Be with Years。

素年是一間新派的素食餐廳，現時於不同地區共有4間分店🚩假日時在12點左右前往深水埗分店，門口已有一條小人龍，可見是非常受歡迎的餐廳🔥當日點了他們其中一道招牌菜 - 日式咖喱豬排意大利飯🍛 ($118) 豬排飯保留了傳統吉列豬排的外形，但其實是以新豬肉製成的🥩。豬排的外皮金黃酥脆，當咬下第一口時，酥脆的口感仿佛真的在吃傳統的豬肉。素肉本身質地細膩，咬勁十足，與傳統豬肉相似，每一口都帶來了滿足感✨義大利飯比較濕潤，正好中和了吃炸物時的油膩感。另外飯裡面亦有不少蔬菜及菇類🥬，所以進食時口感非常豐富。另外值得一讚的是即使店舖忙碌，店員的服務態度依然很好👍

一直都想試下素年，但見經常等位或要預約，某晚平日途經walk in竟然有位，即管試下，餐廳主打全素食，如果鐘意大魚大肉就未心適合。同時叫咗兩款不同 蝦意大行飯，分別"黑松露炸蝦帶子意大利飯"及"泰式炸蝦香辣冬蔭公意大利飯"，飲品分別是香橙芒果奇異果果汁及Iced Latte。先講兩個飯個炸蝦係腐皮炸成蝦形，入口鬆脆，但沒有蝦感覺。黑松露炸蝦帶子意大利飯，帶子係雞髀菇做，而其他材料用不同香菇加埋意大利飯，非常香口好食。至於個 泰式炸蝦香辣冬蔭公意大利飯，一般小辣，主要是小蕃茄，香菇，蘆筍和茄子，意大利飯配冬陰公味道就一般。至於飲品香橙芒果奇異果果汁就小小酸，相當醒胃。另外一讚店員服務態度，非常有禮貌。黑松露炸蝦帶子意大利飯香橙芒果奇異果果汁泰式炸蝦香辣冬蔭公意大利飯

朋友約咗好耐話想食素年，想清清腸胃咁話, 我地行完玩具街就慢慢行去餐廳,去到都唔算多人, 餐廳擺咗一啲雜誌同埋植物做裝飾，幾有文青氣息！我地叫咗個三文魚蕎麥麵定食,第一次食素三文魚,咬落口感似蒟蒻，仲有其他小菜，燒豆腐口感唔錯，表面燒得脆脆的,但入口算嫩滑其他小食有茄子，南瓜同水果！算係素食初體驗！朋友就點咗越式炸蝦魚腐豆腐撈檬,撈檬有青瓜絲,只椰菜絲生菜等等嘅配料，素蝦係用腐皮包住沙葛同埋甘筍，外皮炸得香脆,老母同平時喺越南餐廳食到嘅差唔多！

中午去咗食黑松露炸蝦意大利飯同茄子肉醬意粉。首先個意大利米唔係熟哂，有啲仲係硬嘅，而且米嘅品種好似劣質茶餐廳煮出嚟嘅飯，口感好差；另外茄子肉醬意大利麵仲衰，我同朋友食咗一啖就唔想繼續食，個醬好似李錦記嘅魚香茄子醬包+大家樂口感嘅意粉，難食。不過都有好嘅位，就係一碟好大份，兩個人其實一碟就夠，如果唔追求味道都可以嚟，因為一定飽同抵食，同埋服務態度都幾好嘅。

一直bookmark左素年，今日終於有時間嚟試下! 平日未夠下午一點已經有唔少人等位，炎熱天氣下仲等左差不多30分鐘...睇餐牌嘅食物全都好吸引，完全睇唔出係素食!先叫咗一份泰式春卷，雜菜飲料，不過不失，要靠沾泰式醬帶出味道!黑松露帶子意大利飯: 帶子是厚厚的鮑魚菇做，賣相做得超級似! 黑松露飯煮得好香，而且份量勁多，吃了一半已經好飽!至於日式吉列豬扒咖喱意大利飯, 這個真的超級推介而且有驚喜! 重點係豬扒好juicy, 外皮炸得好脆, 但裡邊嘅肉一點都唔乾, 好好食! 配上兩片爽口的蘋果, 仲有充滿咖喱香的意大利飯, 大大碟好快食曬! 至於不可能肉醬意大利粉，酸甜味好突出，而且有不少"肉碎"，夏天食好開胃! 午餐仲包一杯斯里蘭卡伯爵凍茶，唔錯!過咗午飯時間後店鋪多了唔少座位! 如果唔肚餓下次可以兩點後再嚟食! 見到有人食burger賣相都好吸引呢!

聽聞呢一間食素嘅日本菜味道唔錯，就係深水埗就已經有兩間分店😆，可想言之有幾多人嚟捧場，今日就嚟到其中一間分店試吓，本身諗住Walk in入去，但原來要預約，同埋有用餐時間😌，所以就叫我哋下一輪Walk in下，大約等左9個字度🌝，終於入到去，其實面積唔算大，枱與枱之間相當逼夾，基本上大聲少少隔離都聽到你講咩😩，二人枱只可以僅僅放兩個餐，而佢哋菜式都唔算太多，不過素食既款式都比較新穎同特別，我哋就揀咗兩個餐，小食同埋嘢飲😍🍜稻庭烏冬定食 $108 :佢嘅一個餐都唔平，人均都要過百，呢一款稻庭烏冬配咗麵豉湯，伴碟睇落去相當唔錯😍，款式又夠多，有炸番薯波波，乾豆腐，技豆同埋紅火龍果❤️，烏冬裏面只係得腐皮，食落味道普通，素食黎計唔算特別，仲要$100以上，麵豉湯又淡，整體真係非常一般😩😩🍔秘製冬陰功醬照燒吉列豬扒漢堡 $138 :另外一款聽個名就知佢特別嘅冬陰功吉列豬扒漢堡，首先佢底層有冬陰功醬料，之後將素豬扒炸至金黃色，食落感覺有啲粉😩，唔係好夠逼真，而包皮都係冇乜烤過，好乾身，不過豬扒就炸得幾好，另外配左薯角，味道可以，炸得均勻🍠香芋番薯波波 $58 :呢款都唔錯，雖然佢冇煙韌感，但炸得剛

日式定食個麵豉湯唔咸烏冬彈牙，上面仲有甜腐皮溏心蛋時間控制得好秋葵乾身，唔會滑散散😋凍豆腐，好juicy醃菜好好食，我係腌菜控甜品係綠茶蕨餅，CHEWY!呢個set絕對有下次🤤

見openrice好似幾多好評，諗住黎試下，點知未入去已經一肚氣我地到左係出面等，留低左電話，門口等左10分鐘，然後又有客人黎，見佢都留低電話，係我地後面一齊等。又等左10分鐘，見食客埋單，諗住到我地啦，突然有個店員行出黎，同我後面既客傾左兩句，發現原來係識既，然後就俾左佢入先佢係你老細就話姐？？使唔使大細超到咁出面啊？有無諗過後面既客人會點諗？？我都懶得講後面啲食物係點，麻煩你地搞搞啲店員服務態度先並唔係全部店員，我入到去個個都好好，係一位帶位女店員問題。希望正視及改善

星期日真係全院滿坐，餐廳都安排得好細心，門口有專人登記，盡快安排入坐。有熟客，亦有假日專程嘅外來客。好彩只等左10分鐘就可以有位。主菜即時烹製，所以都要耐心等候，食物賣相好靚，味道亦都係滿意。因為星期日真係好多食客等候，店員會提早叫埋單，所以食完都好趕下，唔可以一齊吹下水咁囉。餐廳有加一收費，只收現金或八達通。

每逢初一十五都找好味素食餐廳，呢間絕對係選擇之內😋意粉硬度剛剛好，好煙靭🍝意大利飯硬度也是恰度好處，不會太硬，也很入味，吉利豬扒內脆外軟，像真度90%👍食物大大份性價比很高👊🏻就連咖啡都好好飲，好幼滑☕️隔離個嘴刁人士都話好正，一路叫住好飽一路繼續食曬為止🤣真係可以encore🫰🏻