鏞記

Open Now

Now Closed

Yung Kee is a Hong Kong institution famous for its roast goose. With a history spanning over 70 years, this restaurant has mastered the art of roasting geese to perfection. The roast goose at Yung Kee is a culinary masterpiece. The skin is incredibly crispy, while the meat remains tender and succulent. Each bite is a harmonious blend of flavors that will leave you craving for more. For a complete dining experience, pair the roast goose with their fragrant fried rice or sautéed vegetables. The re

半年前曾因公司宴會光顧，真心覺得好味，今次家慈生日，決定和人一齊食鏞記正宗粵菜。是晚點咗:佛山汾酒滷燻蹄：酒香濃不嗆，味道唔會膩，做前菜開胃啱啱好蜜汁吊燒鵝掌紮:道菜考手工，鵝掌去骨包埋叉燒粒、鵝肝腸同鵝肝，用鮮鵝腸紮住塗蜜汁炭爐燒香，唔單賣相吸引，味道都極富口感香煎家鄉蓮藕餅：呢道菜比較家常，味道不錯但未算十分出色脆皮燒腩仔：燒腩仔皮薄兼脆， 脂肪唔多，腩肉嫰滑白灼薑蔥豬心蒂： 入口非常爽脆陳皮紅豆沙：陳皮味濃，完美結束晚餐全家上下一致表示滿意，應會再回頭，下次食點心。

就快離開香港，要趁宜家食多幾餐粵菜。個人而言，鏞記嘅粵菜水準超高，雖然價錢偏貴，但真心唔錯！  招牌乳豬一攞出嚟已經好香，夠曬大件，食落口皮脆肉嫩，肥瘦比例剛好，一啲肥膏感都無！另外Xo醬鬼馬炒帶子都好jeng，xo醬汁辣辣地、甜甜地，加埋帶子一齊炒，鑊氣十足。

今日專程去鏞記食特色菜 — 薑葱加拿大麵包蟹。麵包蟹切件非常仔細，食落一啲碎殼和異味都無。師傅用古法烹製，將切件上左蛋白和生粉再炸，完美鎖住肉汁和營養，令到蟹肉好滑嫩、鮮甜無比，加埋半凝固狀的蟹膏，口感濕潤濃稠，很值得大家親臨嘗試。

尋日老豆生日帶左佢去鏞記食飯，燒鵝肯定要叫啦。四個人點左個例牌，好香炭燒味，加埋個燒鵝汁同梅醬，好juicy好好食，每次嚟都一定要叫。 另外點左桂花蟹肉炒津絲，要炒得ｄ蛋好似桂花咁碎真係好考功夫，少ｄ耐性都唔得，食落ｄ芽菜仲好爽口，加埋一齊食好香，口感好豐富。 仲有牛腩煲，牛腩冇雪味，牛筋炆得好入味又岩岩好，軟腍得黎唔會太爛，個腩汁送黎送飯就最正。難怪老豆指定要黎鏞記食飯。

每次都會來食燒鵝，好好味雖然價錢貴，但係絕對值得。前兩日同屋企人來食，三個人一份例牌燒鵝，一個菜，一個炒飯足夠。燒鵝皮香肉嫩，酸梅醬先係精華，酸酸甜甜得來又開胃，好送飯。好多人專程來食佢嘅燒鵝，絕對係新鮮整出來，而且係可以睇到個櫥窗啲燒鵝，可以放心食。仲有個揚州炒飯，份量足夠三個人食，料好多，味道都唔錯。

連續食咗兩日排檔，有啲厭，難得來香港梗係要試下啲高檔嘢，燒鵝當然都要試下。鏞記酒家就在中環，可以遊玩太平山頂或者逛中環的街道時候來這裏用餐。酒店裝修很好，好經典嘅港式裝修。吃到菜品之後，不得不說鏞記真的名不虛傳，燒鵝真的很好吃，肉質非常嫩滑，滿滿的香氣，真的讓我佩服餐廳的廚師了，當然，還可以搭配上酸姜皮蛋，蝦餃，叉燒，芒果布丁等，更能打開胃口。

中午同同事去鏞記食飯，點咗隻燒鵝同埋叉燒，燒鵝真係好好味，炭燒香味真係第二度食唔到，隻鵝唔肥但食起上嚟唔會乾，點啲酸梅醬又開胃又好味。叉燒都係我食過最好味嘅，好厚身，肥瘦適中，有少少燶，食起上嚟好香。鏞記係我係香港食過最好食嘅燒鵝。

趁長假期成班親戚一齊食飯，提前訂咗鏞記四樓嘅貴賓房，呢度比樓下大廳清靜，好舒服。叫咗好多個餸：1⃣️燒鵝、叉燒呢啲都係必點，燒鵝皮香肉嫩，叉燒肥瘦適中。2⃣️魚湯竹笙浸豆苗，魚湯味道好鮮甜，竹笙好厚，豆苗煮得剛剛好仲好鮮嫩。3⃣️紅燒茄子班頭腩煲，頭腩好入味，茄子索晒汁送飯就最正。4⃣️XO醬炒澳洲帶子，XO醬味好濃，完全唔會蓋過帶子嘅鮮味，食落仲好爽嫩。                         5⃣️生炒臘味糯米飯，粒粒分明，好味。個個餸都好好味，而且服務態度好好，全家人都覺得呢餐無得彈。

同朋友行到威靈頓街，見到鏞記個大招牌就去試下。四個人點咗三個菜，一個係前菜，金鑲脆皮嫩豆腐，好嫩滑。另外兩個係叉燒同埋蒸水蛋。叉燒好爽口肥瘦適中，水蛋好嫩滑，好好味。因為有個朋友唔鍾意食燒鵝所以無叫到，下次自己一定會來試下。

鏞記啲前菜同埋點心好精緻，好好味。皮蛋酸姜按份點，一人半隻溏心皮蛋加酸姜，好爽口，中間溏心部分超正。點心就叫咗蝦餃同蛋撻，都係細細粒，但係蝦餃好新鮮，蛋撻酥脆。值得一試。

價錢俾普通燒鵝要貴，但係燒鵝好好食！可以係出面個櫥窗睇住師傅斬燒鵝，皮香肉嫩，環境又正。再加上服務態度一流，始終高檔舒服好多，想來感受一下香港酒樓的可以來鏞記體驗一下，真的不錯。

今日去到見到咁多人排隊等位唔想排，干脆去買外賣翻去食。要咗半隻燒鵝，係櫥窗度睇住師傅即斬裝盒，色水好靚，一摞到即刻趕翻屋企趁熱食，仲好正！皮仲好脆好香，鵝肉好嫩，飯未煮好已經食曬咁滯，真係好好味，個個都忍唔到口。睇來下次要早啲去，堂食應該會仲正。

平時嚟鏞記都係食燒味多，燒鵝，叉燒，乳豬全部都好正宗，好好味！今次侍應介紹咗個椒鹽海參扣，原來海參扣係海參食道。從來無喺出面食過，今次我第一次試，海參扣咬落原來係好煙韌彈牙，口感十足。椒鹽味道剛剛好，拎嚟送酒一流！真係一試就愛上啦。

香港機場鏞記的服務態度真係太差了，四點幾到，無幾個人，以為沒到時間食晚飯啦，結果叫咗嘢食先發覺原來係D嘢太難食所以無咩人，基本上都係鬼佬光顧多，好多亞洲人入來見到個餐牌就走了，因為賣相太差，價格且不論是否相宜，首先，個個叉燒燒到過晒籠，100幾港紙渣過灣仔後街外賣⋯而且我屋企人搵嘢係個袋攞蘋果出來放檯面，佢話唔可以帶出邊D嘢入來食，真係做壞招牌，唔會再去都會叫身邊人唔好再來，由於食物賣相太差連相都唔影