榕記車仔麵 (Closed)

去完朋友屋企探BB, 唔想食太多味精既野，於是朋友介紹樓下呢間車仔面，車仔面都冇味精？真係第一次見！叫左香港製造的炸魚皮 $16， 估唔到大包到咁！醃一碗豬肚湯俾我點魚皮食，卜卜脆，又香魚皮味，點下熱辣辣湯底，五秒左右，好正！結果多到食唔晒，俾朋友攞回家！朋友叫左鮮牛肉、蘿蔔、雞翼，我都試左，牛肉嫩滑，蘿蔔入味，雞翼都醃得好入味好林！我叫左蘿蔔、鹵水蛋、春卷，樣樣都好入味，我叫左姬茸蟲草花養生湯底，香濃的蟲草花味又鮮甜，湯底一d 都唔油，做得好出色！魷魚好有彈性，又入味！每人仲叫左支汽水，車仔面必備！

原來寶琳開左榕記既分店！！平時係九龍城食開，榕記係我最常去既餐廳之一，所以今次見到榕記個招牌我就毫不猶豫入去食呢度食物同飲品選擇都比總店少，走既路線唔同，但主打既特色車仔麵湯底依然可以係寶琳分店搵到。飲品我叫左杯凍豆漿，豆味都頗濃，甜度適中。蠔油生菜，菜睇落夠翠綠同新鮮我同男朋友都叫左碗胡椒豬肚湯底既車仔麵，一如既往有夠濃既胡椒味同洗得好乾淨既豬肚配料就點左榕記好清甜既蘿蔔，依舊高質鮮牛肉一上枱就盡快食，口感最好，放到最後食會韌左啲。配料仲揀左流心丸，之前無係九龍城個間見過，可能係寶琳分店獨有❓外表可愛但流心效果唔太明顯，味道似奶皇包既餡料。陳皮魚蛋，一向都覺得陳皮魚蛋好食過普通炸魚蛋好多，呢個陳皮味都ok，小小辣，如果個醬汁濃稠啲會更好。小食仲叫左個醬汁魷魚，份量都幾多，魷魚完全唔會韌，同樣醬汁再結身同濃味啲會更惹味～順帶一提，衛生好好，枱面好乾淨，值得一讚

最近家人出遊，自己一個吃飯。今晚簡簡單單，吃一碗麵，我喜歡吃麵勝於快餐店，一來快，二來清淡。麵店燈光柔和，裝潢樸素，木製桌子配上沙發椅，令人坐得舒適。看一看點餐紙，湯底有幾款選擇，分別是豬骨湯底、松茸和豬肚湯底，麵底可以選擇幼麵、粗麵、油麵、河粉、米粉、公仔麵等，配料選擇應有盡有，比較特別的有仿鮑片、有機紫菜、南乳豬手等，另加餸每款$8。⭐️四餸麵$52我點了姬松茸蟲草花養生湯，嚐一口湯頭，味道清甜順口，加上松草花和雜菌，感覺特別滋補呢！有機紫菜十分爽口，非常好吃呢！陳皮魚蛋比較軟腍，不夠彈牙，有淡淡陳皮的味道。另外豬軟骨熬得很入味，入口軟軟的。吃米線我一定會點酸菜，酸酸甜甜十分開胃呢！

如果不是因為跟買家約在寶琳站交收我想我永遠不會知道有間健康車仔麵店又如此讓人念念不忘榕記這裡主打無味精的養生湯胡椒豬肚湯及豬骨湯湯底店內裝修有別於其他傳統車仔麵店活力十足的感覺座位寬敞舒服又不擠逼連素食主義者也不用擔心服務人員態度很好招呼周到介紹得很詳細鎮店湯底姫松茸蟲草花養生湯(素)做湯底 我當然必須試試看清甜濃郁的養身湯味道感覺很健康我還特別追加了幾樣配菜在麵方面我就點了少少麵足矣冬菇 每一粒就像是一顆小饅頭般大小超級有份量南乳豬手燜得非常軟嫩就算是戴牙套的我吃起來也絕無難度姬松茸超大一顆榕記這裡用料豐富服務良好而且絕對是性價比高真材實料

聽人講呢間係寶琳開左分店，梗係要試下，終於唔使去到九龍城食啦。叫左姬松茸蟲草花養生湯底，湯底好甜，簡直可以單點一碗打包番屋企飲。三餸面要47蚊，價錢中等，但份量都好多。配菜叫左蘿蔔，流心丸，酸齋。蘿蔔好清甜！酸齋唔係話好酸，所以好好入口，好食！而流心丸最驚喜，睇外表以為係普通歎士流心丸。萬萬估唔到係，係蛋黃流心丸！從來未食過蛋黃流心丸！打邊爐配呢種丸應該好好食。朋友就叫左白果胡椒豬肚湯。佢平時都食開辣既，但佢都話湯底真係好辣。問過老闆，原來係用海南胡椒整，所以特別辣。我試左一啖，發現真係好辣，唔係好岩嗜甜既我。偷食左朋友既牛楠，好食。雖然唔係話煮得牛腩好淋，但好容易就吃到。最特別係有汁既配料佢會分開上！咁就可以點埋汁咁食啦，好貼心！

車仔麵通常比人嘅感覺就係重口味、重味精，個湯底來來去去都係腩汁、辣汁、咖哩汁，一係就咸一係就油，但係呢到嘅湯底竟然有姬松茸蟲草花湯同胡椒豬肚湯底，而且自稱真材實料絕無味精熬製，用住家湯做車仔麵湯底真係第一次見天氣涼涼地，我就叫咗胡椒豬肚湯底驅寒暖胃一下。碗麵一黎就已經聞到好香胡椒味，而望落去都好足料，每樣餸嘅分量都好多。平時車仔麵嘅湯我係一定唔會飲嘅，但呢個就點都要試下啦！一入口就feel到胡椒嘅辣，但唔算好勁，又完全無豬肚嘅內臟味，真心唔錯嘅個湯底。車仔麵餸大部分係大路野，但都做得唔錯。我一碗叫咗蜂巢豆腐、陳皮魚蛋、魚肉春卷同白蘿蔔，另一碗都叫咗蜂巢豆腐，仲有流心丸、滷水蛋同豬軟骨。個人推介蜂巢豆腐、流心丸同豬軟骨蜂巢豆腐比起普通豆腐更加吸湯，所以湯底好叫佢就特別好味流心丸我都係第一次食，咬落外面係普通魚蛋，入面就係奶皇流沙包嘅味，幾有趣豬軟骨煮得好入味，帶少少醋酸味，十分開胃另外我都有叫到小食嘅，但對比起碗麵就較為普通，無咩特別啦

家住附近，有日經過發現呢度開佐間車仔麵。午膳時間，同行3人，一試究竟。我地3個都係叫豬骨湯底，其中我叫佐豬皮，時菜，同鮮牛，幼麵！知道佢主sell無味精，但我真係冇食過，完全冇任何食物味既車仔麵，所有野都冇味，鮮牛冇牛味，湯底冇任何味，幼麵唔爽，淰gg同行友人都食到令曬頭,屋企mommy 煲既豬骨湯都冇味精,但從來都唔會係冇任何味道.鹽都應該落掛,感覺太似醫院病人餐.完全blacklist 佢!可怕既一餐我真係食唔落,太難食了

屋企附近開左間新既車仔麵，有啲同事食左都話ok~就約左朋友一齊試下😆👉🏿✨車仔麵（四餸）Hkd 52 💸 胡椒豬肚湯📌見到佢啲餸都幾特別下，決定叫啲未食過既試下☺️同朋友一人一碗～share啲餸一齊食🌟個人覺得佢既豬軟骨真心做得唔錯，又夠入味，軟腍腍好正喔👌🏽魚肉春卷都ok，入面啲魚肉冇腥味，都算幾特別。蘿蔔雖然會有渣，但勝在夠清甜～而且每樣餸既份量都幾多下，食到超滿足呀！湯底方面，佢既胡椒豬肚湯都算入幾味，唔會得個辣字，如果冬天食一定勁暖胃呀😍

以前總認為車仔麵間中吃就可以，雖好吃但始終油膩及有味精。自從於九龍城吃過榕記後對車仔麵的印象改觀，原來車仔麵都可以做得好健康的。分店鄰近寶林站，吃過車仔麵後再過斜對面聰嫂吃甜品很就腳。女友選腐乳唐生菜而 L 則比較重口味選了滋味拼盤，當中有豬大腸、南乳豬手、雞中翼及鹵水蛋。特別是豬大腸及豬手最好吃， 不騷彈牙而且很有口感。女友的白果胡椒豬肚湯驅寒都不錯，胡椒味重但可能因加入白果中和所以很易入口。油麵軟硬度適中，而酸齋及鮮牛肉(柔軟度剛剛好) 份量都算多。L 則選了姬松茸蟲草花養生湯底，基本上這就是一碗可獨立喝的湯。 湯料極多有粟米、紅蘿蔔、老黃瓜等。最適合平粗麵蘿蔔的 L ，配上粗麵、蘿蔔 (無渣)、酸齋 (甜酸度剛剛好)、 魚肉春捲 (口感不錯)、 秘製豬軟骨 (另上而且醬汁正)。L 清碗了，湯底夠味濃郁而且不油膩。亦沒有味精，吃後不覺得口渴。可能因為鄰近電視城，不少大台藝員都有幫襯呢!吃飽後肚子都沒有空間再吃甜品了。

將軍澳新都城新開左間榕記車仔麵，係九龍城既榕記分鋪。平日夜晚去食，唔算太多人，walk-in 都即刻有位。榕記有2款必食既湯底。姬松茸蟲草花養生湯（素）白果胡椒豬肚湯（辣）（含豬肚絲）我同男朋友就各自揀左一款湯底連埋3個餸。秘製豬軟骨、豬大腸、豬皮 😂全部都係豬🐷🐽豬軟骨唔算好冧，但係豬皮就好冧，煮到好入味，入口即溶，感覺充滿著骨膠原😚。另一碗就有蜂巢豆腐、豬紅、魚肉春卷。豆腐索曬湯底既精華，食落肚即刻覺得好暖胃，啱曬宜家入秋時分食哩個湯底。全部有汁既餸都會額外用碗或者碟另上，唔會沖淡左餸既原汁原味。提提大家，叫左特色湯底就唔洗特別加汁喇，始終食番湯底既原味先最好食。另外店主提醒，叫特色湯底既話，儘量揀番清淡既麵底，例如米粉，河粉，就更加食得出湯底既精粹喇！我地仲加左小食，醬汁魷魚（辣）同埋 牛腩汁通菜。魷魚真係好爽口。通菜唔會煮得太老，唔錯。

「舊味道買少見少，如果能力允許，希望可以把味道保留下來。」呢句說話係【榕記車仔麵】既老闆講既，當時睇到呢一篇報導就想去試一試，點知原來係屋企附近既...所以好快就同朋友過黎試一試...門面新淨，入面環境唔算大，但望落裝潢上有點似東南亞風！有別於其他傳統車仔麵店主Tone顏色為黃綠，好有活力！座位又舒服又闆落。仲以單車為主題，其實真係幾得意！👅分別有三張點餐紙：－正常豬骨湯底車仔麵點餐紙－特色湯底車仔麵點餐紙－其他小食點餐紙姬松茸蟲花養生湯配四餸幼麵 $52姬松茸蟲花原產自沖繩，係一種有效強化免疫功能及紓緩重症病情的保健食材！除左高品質既養身藥膳材料之外，整個湯底保證不加入任何味精，但為彌補湯底缺少肉類鮮味，所以在用料上非常堅持，味道清甜且甘香自然可以當保健湯水飲用啦。✨✨其實出面真係好少有得食素食類既車他麵湯底，因為車仔麵本身的雞湯底不符合他們的素食要求！但呢度有我朋友話真係好開心！相信會吸引不少素食客人會前來一試呢！四種配餸我就選擇左有機紫菜、陳皮魚蛋、時菜、雞中翼。陳皮魚蛋透岀一陣陳皮既甘香味，幾特別。雞翼分開擺放，保留返原有既彈性，略嫌味道淡左一點。時菜同紫菜份量多，普普通通，不

平時係寶琳行街都唔發覺有呢間鋪頭，決定去試下新野，如果唔係成日食連鎖店好悶。黃色紙係特別湯底，見到湯底個名又幾特別，就叫左姫松茸蟲草花養生湯幼麵，實在係想像唔到係咩味。朋友子叫左白果胡椒豬肚湯底，咁就兩個湯都可以試味啦！我叫左三餸，蜂巢豆腐，貓耳，鮮牛肉。原來貓耳係木耳！一黎到，梗係要試豆個湯，好甜！甜既車仔麵我都係第一次。但又估唔到，同個麵又幾夾！蜂巢豆腐吸左湯都變到好甜，而牛肉食得出好新鮮。蘿蔔，酸齋，豬軟骨。偷飲佢個湯底試下，好重胡椒辣味。呢個好岩鍾意食辣既人！蘿蔔就好甜，放係咁辣既湯入面竟然都冇一絲既辣味。酸齋好特別！另一個好驚喜既係，陳皮魚蛋。除左魚蛋味之外，仲多左陣甘甘地既陳皮味！醬汁魷魚，佢好淋，唔會好乾身，但醬汁好似有D少，我都係鍾意食。腐乳通菜，腐乳味好濃。滋味拚盤，推薦呢個，可以一次過食哂四種小食。豬大腸整得好淋，唔會要咬好耐都食唔到，而雞翼都整得好入味。

夜媽媽上完堂，和好朋友肚餓了，想吃個不太貴的晚餐，見到這間環境頗舒適的車仔麵店，決定入去一試！我和朋友叫了一堆食物一起分享，特別覺得開心和好味！😋✨豆漿：甜度適中，不會過甜濃濃豆香味✨炸魚皮：一上菜我和朋友都嘩的一聲！超！大！包！😍吃上去很新鮮很脆口，啖啖都索索聲！而且仲大大塊不會像其他店有時會碎晒。✨辣味魷魚：辣汁香香甜甜辣辣的！不過口味很按個人喜好，我覺得辣味剛好，而我的朋友覺得太辣了。不過有一點值得讚是，魷魚飲質超爽口及嫩滑！✨腐乳唐生菜：賣晒通菜！本身想食腐乳通菜！但原來腐乳配唐生菜也很夾！生菜新鮮爽脆腐乳很鮮甜和鹹香不會過鹹那種，但是很有鮮味！很久沒吃腐乳了，滿足滿足！✨蟲草花雞湯米線配鮮牛肉、蜂巢豆腐、牛丸、魚肉春卷及沙爹汁：雞湯鮮甜無味精湯頭入面有青紅蘿蔔龍眼合桃蟲草花超養生配料樣樣都味道不錯，加上惹味的沙爹汁，令人一啖又一啖食完整碗米線☺️！✨胡椒豬肚湯：我本人十分推介👍👍👍豬肚又淋又滑白蘿蔔清甜湯頭胡椒味重但難得的沒有味精很清甜但有胡椒辣味，令我一飲再飲不過不吃得辣的朋友（像我的朋友）就可能不懂欣賞了😂環境舒適整潔，吃得很滿足呢！☺️

今日一個人去左將軍澳食飯，朋友突然開會好忙，我就唯有單拖食個簡便晚餐。寶林有間車仔麵，環境乾淨整齊，餐廳主打自家製湯底，非一般車仔麵油膩湯底，我就去試下啦！湯底我叫左姬松茸蟲草花湯底，蟲草香甜唔會有好大陣藥材味道，聽落好似藥材湯底，入口反而好香甜好解膩，清清地完全唔會油膩，飲一啖覺得好滋補，湯底好驚喜！我叫左牛腩和豬大腸，牛腩好軟腍，炆得好入味，入口無咩肥肉，中間帶點油脂，肉質鬆化香口！豬大腸完全唔肥膩，清洗得乾淨唔會有躁味，入口爽口嫩口，的確令人非常滿意。我另外加點左一個醬薰蹄，入口爽口，唔會油膩，配車仔麵都好合適，最鐘意中間果層果凍口感！下次帶朋友再黎食過！

今日同媽媽喺寶琳行街，本身諗住去坐地鐵返去，但見已經係晚餐時間，返去煮會搞到好夜，就順便喺附近食埋飯先走。經過見到一間車仔麵店，睇落入面裝修幾靚，於是決定一試！原來呢間好多明星都食過，令人深感期待呢！佢哋嘅湯底都係無添加，零味精，除咗普通嘅豬骨湯底，仲有特別嘅姫松茸蟲草花養生湯同白果胡椒豬肚湯！我同媽媽決定一人試一碗唔同嘅味道，大家都係揀索湯力強勁嘅米粉~佢呢度幾好，配料同湯麵係分開上，咁就唔會搞到啲湯咁重口味。(豬骨湯底係一齊上)嚟到梗係即刻試咗啲湯底先，媽媽個碗豬肚湯入面好足料，有唔少豬肚絲，食落仲要好新鮮，湯頭辣辣地好開胃！配麵食好正！我嗰碗蟲草花湯都唔差，飲落勁清甜，但配麵嚟講就會豬肚湯好啲，如果淨係飲湯就蟲草花湯好飲啲💕各有千秋！配料全部都好食，特別一提豬軟骨，應該係自家滷製，味道唔會過咸，肉質又有咬口，突然覺得出面嗰啲又咸又入口即溶嘅可能係罐頭貨😂小食方面要左碟油菜$16同南乳豬手$33碟油菜$16真心唔貴而且菜好新鮮！豬手有五舊，豬毛挑得幾乾淨，皮好煙韌嫩滑，好多筋肉，南乳味調味適中，唔會太重口味，唔錯唔錯！依家出邊閑閑哋食碗麵都要呢個價錢，呢度可以飲湯，配料又唔差，感覺