榕記車仔麵 (Closed)

晚晚OT到暈，基本唔想煮飯，連續幾晚都食淨餸，一蒸熱就攪掂，還以為今晚也是，點知.....返到屋企才發現連淨餸都沒有，明明記得有，可能人大了，不得不承認記憶差了。在無晒氣力的情況下當然出街吃最方便，落街吧！連行多兩步都唔想，就揀對面又快又平的車仔麵醫肚。麵店新開了一段時間，但一直都沒有幫襯過，門面幾特別，鑲了兩個單車轆，具代表性，還有貼了名星和菜式相片，幾吸引喎！內裏裝潢都幾特別，灰泥牆身配紅磚，寫上大大個店名，細看一下，旁邊畫上一輛小單車，真有心思！另一邊還有兩大塊簽名板和貼滿相片，但最搶睇還是兩輛真實比例的單車，難道店主是單車選手？地方都幾寬敞，有一排泊牆的長椅配二至四人枱，中間有多張四人枱，走入一點還預設了三排四至六人枱，及一個半開放式廚房。每枱均放有點菜紙、筆和三款調味醬。五張點菜紙不同顏色，分別有不同湯底的車仔麵、大碗飯、小食和飲料。***********************先來一碟唐生菜（$16）可配蠔油、腩汁、上湯或全走，我就揀了上湯。青綠清爽，少油少鹽，清新健康，岩晒我。***********************輪到車仔麵，基本可揀兩餸、三餸或四餸麵，再加餸就每

天氣突然轉涼，想食有湯面，仲要見到呢間車仔麵有胡椒豬肚湯底，就被吸引了！天氣凍梗係想食多啲，所以我同朋友各人都叫咗四餸麵。胡椒豬肚湯底有跟豬肚絲，夠辣，夠多胡椒味道，豬肚絲唔腥。豉椒鳳爪都幾辣，好冧，離哂骨。陳皮魚蛋好彈牙，要推介！醬爆福州丸好似鯊魚丸，都好彈牙，好味！溏心蛋有一隻，夠哂溏心，仲有茶葉蛋的味道。姬松茸養生湯底，有蟲草花，菇，仲有好冧嘅蘿蔔，最啱素食人士！手打牛丸夠哂彈牙，好香牛味，真材實料！南乳豬手都炆得好冧，唔太鹹。豬軟骨就比較大舊，可以再冧D,不過味道ok!好大碟的唐生菜！跟上湯，好清又唔油膩！薑汁好立克，店主嘩薑汁係自家製，有薑片和蜜糖，所以真係好夠薑，少少甜，同好立克好夾！右邊-檸檬生薑茶，味道較清，簡單飲得出自家製的薑汁味道！環境寬敞，坐得好舒服，仲有細心地每張枱都有編號，就唔會怕送錯單啦！

這間位於寶琳的榕記車仔麵門口吸引了我的目光，因外面放了兩塊board，貼滿店主和名人的合照，相信如果沒有一定的水準，難以吸引到眾星來光顧，故來吃個晚餐，看看是否真材實料!! 店內的面積頗寬敞，與一般很濟迫的車仔麵店大有分別，這舖的環境令人很舒服! 另外，店內裝修很有特式，牆上掛有兩架單車，中間還有一張與單車有關的海報，想必單車是店主的心頭好吧。車仔麵的湯底有三款，而主打的則是姬松茸蟲草花養生湯(素)和白果胡椒豬肚湯(辣)，這兩個特式湯底很特別，有別與一般傳統車仔麵湯底選擇，不得不提的是無味精湯底，非常支持!! 由於同行的朋友是素食者，姬松茸蟲草花養生湯便成為她的最佳選擇，而我則選擇了白果胡椒豬肚湯。除了湯底，配料都是車仔麵的重點，這店提供的款式很多又特別，尤其是南乳豬手、煙鴨胸、酸齋和豉汁鳳爪，沒有可能於傳統車仔麵可以選擇吧!!等麵之際，點了一杯熱豆漿，甜度適中不會蓋過大豆的味道，讚!!姬松茸蟲草花養生湯真材實料，味道清甜濃郁，一點味精也感覺不到，而且有湯渣附上，有桂圓和松蟲花!! 朋友點的是三餸麵($47)，選擇了溏心蛋、酸齋和蜂巢豆腐。溏心蛋水準一般，不過朋友大讚酸齋味道酸甜美味，

今天來到將軍澳寶林的榕記吃晚飯，因為想不到吃什麼最好就是來車仔麵店了。想吃什麼就點什麼。雖然這裡地方細細，但裝潢擺設特別有心思，也有無障礙的通道，對輪椅人士親切。燈光亦很有格調。一入去被釣在牆上的單車嚇了一下，然後座下來發現收銀處也是一架手推車仔的樣子。這裡地方也算舒服，沒有很迫的那種感覺。食物方面都是那些東西吧信大家也吃很多了，不過也有些特別的東西例如仿鮑片、貓耳和陳皮魚蛋等。這裡的價錢算是OK的。付比起付近的食市算是很不錯的價錢了。送到上來賣相也不錯，份量還算可以我還試了些小吃有辣味魷魚、車仔麵叫了魚肉春卷, 陳皮魚蛋, 大腸和豬紅配姫松茸蟲草花養生湯。大腸豬紅分開上, 認真細心。湯味道不是很濃很味精那種，剛剛好沒有太濃。辣魷魚我自己覺得不夠辣，不吃得辣的朋友也可以試一下。

打算和朋友來個quick dinner，第一時間想到這間車仔麵。地點不難找，在寶琳地鐵站出來拐個彎就到。每人一碗四餸車仔麵1. 姫松茸蟲草花養生湯(素)湯底配腩汁米粉 四餸是蛋黃流心丸 雞中翼 雞絲 蘿蔔 配上豆漿2. 姫松茸蟲草花養生湯(素)湯底配腩汁油麵四餸是陳皮魚蛋 酸齋 魚肉春卷 墨魚丸 配上豆漿再點了一碟腩汁娃娃菜。一見到蛋黃流心丸上個笑哈哈，不禁會心一笑！濃郁的蛋黃味，配上清甜的蘿蔔，味道不錯！特別一讚那湯底夠天然，沒有味精的湯是喝得出來的！雞翼細心地另上，保持濃味的口感，咬落多肉又嫩滑。試了朋友的酸齋酸酸尾尾十分醒胃。墨魚丸頗大粒彈牙！腩汁娃娃菜份量很多，只要$16好食又抵食！豆醬不會太甜，推介！方便好食又抵食的車仔麵！

想試榕記車仔麵好耐，但一直唔經九龍城食唔到，早排去開新都城，見到榕記分店梗係要試！款式無九龍城咁多，我就選左蟲草花湯底～再叫左個辣魷魚～～ 個湯底好有屋企feel，清清地無味精，有湯渣，又可以當湯飲，就無叫飲品了～個豬皮分開上，好細心～～個魷魚好惹味，但就越食越辣，噴火～食餐車仔麵要近六十蚊，都唔平，不過感覺好健康，又有湯飲，都唔錯～

寶琳的車仔麵店不多，榕記開了，多了個選擇。車仔麵湯底有近年新興的養生湯底，感覺比較健康。點選了豬骨湯底加沙爹汁，沙爹汁夠香。油麵，面質不錯。友人選了蟲草花湯底，湯底味道不錯，較濃味的配料，豬皮豬紅會另上不過車仔餸方面竟然没有牛柏葉，尤魚。後來發現，單點小食就有尤魚的影蹤。豬紅質地比較老身有渣。豬皮夠味，但較薄身，咬口不夠。陳皮辣魚蛋好味，有陳皮味，亦夠辣味。酸齋是另上的，食完咸食啖酸酸甜甜的酸齋，零舍開胃試了友人的蘿蔔，夠淋又夠味

呢間係我暫時食過最好味GE車仔麵~ 就係位於將軍澳GE榕記啦!店鋪裝修舒適，坐落令人感覺好舒服同想坐耐D..MENU上面亦都清淅介紹有D咩選擇，好容易就會揀到...姫松茸蟲草花養生湯湯底真係有姫松茸，蟲草花，仲有黃瓜，龍眼肉同唐生菜etc.味道不濃不淡剛剛好，而我個人喜歡吃酸菜，另外加左酸菜令湯底更顯酸酸甜甜，十分好飲同開胃，難得吃完麵後會飲埋湯!讚!!蠔油冬菇同秘製豬軟骨另上，蠔油冬菇大大件，有3份，煮得好冧，而且入味十分好食，而秘製豬軟骨也不錯，但可以再煮冧些白果胡椒豬肚湯(辣)以為會好辣，其實只係胡椒既辣味，所以接受到!醬汁魷魚(辣)個人覺得真係好辣，剛放入口覺得還好，魷魚彈牙，但後勁非常辣，中意食辣GE人真係會好中意!總括而言，環境舒服座位距離合適，裝修都幾新淨環境乾淨，可能我地食果陣時間尚早，人流未算好多，但呢間真心非常抵食又好食，月兩人食得好飽都只係130左右。

🔹白果胡椒豬肚湯（辣）三餸麵$47（魚肉春卷，豬紅，豬大腸）+腩汁首先，豬肚湯係冇鹹菜嘅味道嘅，職員表示佢係東南亞嘅煮法，所以胡椒味比較重，帶少少辣，而且好清，冇味精。豬大腸同豬紅係另上，豬腸得好入味，而且唔會好難咬，豬紅亦都好有腩汁味，完全唔會覺得有味精，魚肉春卷就已經切開一粒粒，好重魚肉味。🔹姬松茸草花養生湯（素）$42兩餸(牛筋丸+豬紅）幼麵個湯底好出色，相信出面都好小機會 會試到，好似平時既中湯咁，因為係素湯 所以係無煲湯既肉味，好岩食素既朋友。牛筋丸比較普通同埋得兩粒，而豬紅就好入味。🔹白果胡椒豬肚湯（辣）三餸麵$47（蛋黃流心丸+豬軟骨+鮮牛肉）+腩汁蛋黃流心丸😂好似食緊奶黃包咁，好特別，之前都未食過。豬軟骨同鮮牛肉都好入味，平時食車仔麵都比較小有得選擇。🔹滋味拼盤(南乳豬手+滷水蛋+雞翼+豬紅）$36$36可以試到晒4款，真係好抵食，特別覺得南乳豬手好出色。車仔麵來講十分高質，而且真材實料，完全冇味精，值得一試。分數:9/10

今日同家姐2 個變左孤兒仔因為Daddy 唔係香港無人煮飯食所以我地2個又要去出搵野食得我地2個人就近近地去左TKO-新都城行左陣街本身諗住去食上海野 但行到鋪頭發現隔離開左間新既車仔面咁我地就一於試下新野 – 榕記車仔面裝修不錯，唔係cheap cheap 污穢既車仔面鋪頭呢間既湯底係有特別架 有普通既豬骨湯底特別既係有姬松茸蟲草花養生湯 (素) 同 白果胡椒豬肚湯我地家姐都叫左白果胡椒豬肚湯, 湯底好好味 好濃 連D 豬肚都好爽好食而D 送都係得小小, 份量適中我食左豬軟骨, 好食 大家鍾意食既都可以試下另外叫左小食 – 滋味拼盤 同醬汁魷魚滋味拼盤 有豬大腸, 豬手, 雞翼, 滷水蛋 (推介) 好入味醬汁魷魚, 唔錯, 魷魚好lum 唔會咬唔開Good good. 簡單一餐, 下次可以帶daddy 黎食

今天因有事要來到寶琳站與朋友見面，因為時間尚早就到附近商場走走，發現原來這個商場的店舖也不錯喎，各式各樣的小店也很好逛，下次一定要約朋友來逛街。朋友說附近有一間車仔麵是很養生的，有什麼蟲草花、胡椒豬肚……我聽了就二話不說去試了。這間店舖原來跟地鐡站只是隔一條馬路而已。 店內的裝修很有特色，這個大大的磚牆就寫上了店名。更用了單車做裝飾，我想店主應該喜愛單車甚至是搭單車的高手！開始點菜了，拿起點菜單不久已被~必試二字吸引住了，原來就是友人所説的養生湯底：胡椒豬肚及姫松茸湯，我從未試食車仔麵咁養生架！另外點蔬菜果行可以選擇全走，啱哂我，店主很貼心知道少女們怕油怕肥，不是每一間也有的！加分於是我與友人選了幾個餸及選了各自不同的湯底就下單了。轉眼間熱騰騰的車仔麵就送到我們面前了，好香呀……你們看見到嗎，有兩個笑哈哈再玩上面呢，這是店舖的招牌菜：蛋黃流心丸，很可愛啊！再近嘅望一望他們，真是令人心情更加愉快，我又想說，店主真的很貼心啊！而且這碗胡椒豬肚湯裏面的豬肚的份量實在令人驚嘆，當我把豬肚放入咀的時候，他是爽完無比，帶點胡椒嘅香味。因為據我所知洗豬肚其實是一項可艱巨的工作，要令到豬肚沒有異味真的

馳名九龍城的榕記車仔麵於將軍澳新都城開設分店，前陣子係將軍澳做完野，就去左試下有幾好食啦！七點幾黎到已經座無虛席，都幾受歡迎哦呢度主打松茸蟲草花養生湯同埋白果胡椒豬肚湯等等特色湯底，每日新鮮熬製！仲有各式配料同粉麵任君選擇，隨意配搭點左個原味豬骨湯底同特色蟲草花養生湯同埋油菜配蠔油，生菜碧綠夠新鮮，冇榨凍豆漿天然嘅大豆味先黎左碗養生湯既車仔麵養生湯本身已經好足料，有蟲草花、桂圓肉、紅蘿白等等，所以飲落非常鮮甜，帶菇菌香氣，係冇加味精的，好有家的感覺！車仔麵材料都好豐富啊，有紫菜、豆卜、羅白、豬皮、牛腩等等，當中最欣賞既係牛腩，每天新鮮炆煮，非常香軟且入味！豬皮都清潔得好乾淨，夠爽口另一碗豬骨湯底車仔麵都好豐富幼麵底夠爽口！雞翼好肥美大隻！冬菇炆得軟林入味特別推介有流心奶黃丸丸的外表印上了哈哈笑圖案，內餡係甜甜的流心奶黃，夠哂趣緻同埋陳皮魚蛋帶有陣陣甘香陳皮味

榕記係九龍城都幾出名，而且親自食過幾次，食物質素的確極高，遠超車仔麵呢個level，聽聞係將軍澳開左分店，今日經過就黎試下啦～滷水併盤，有豬手，大腸，雞翼同蛋，份量比想像中大得大，每一樣野都滷得好入味，特別要讚下食材處理得好好，豬手一條毛都冇，大腸亦洗得好乾淨～姬松茸湯底，同係九龍城果間一樣係招牌湯底之一，非常香濃既菇味，成個湯飲落極鮮甜，忍唔住一啖又一啖，餸就特別叫左d索湯既例如係蜂巢豆腐，一d都唔好浪費個湯～仲有豬軟骨，味道不錯但可以再煮淋d~

本身諗住食其他野 睇餐廳門口 睇話九龍城好出名 試下 但失望 由餸到麵 可一不可再 樣樣都吾夠味咁 同埋細細碗 性價比相對非常低 見新開 將軍澳又吾多車仔麵 但失望之作 未試過九龍城原本個間 但食完都感覺不用試了

車仔麵到到都有，選擇眾多，食車仔都想養身又想食得健康，就真係唔係到到都有，今日搵到呢間係將軍澳♥榕記車仔麵 ♥，佢既湯底會係你意想不到的～入到去環境都幾光猛，而且整個裝修睇得出係花左啲心思，配色方面都令人幾舒服～呢到主要有幾個主打湯底，圈出你想要既湯底就可以，分別有：姫松茸蟲草花養生湯（素）、胡椒豬肚湯（辣）、豬骨湯底姫松茸蟲草花養生湯（蘿蔔、魚肉春卷、秘製豬軟骨、柱侯牛腩）米粉 腩汁 $52一上枱就聞到好香嘅蟲草花味，而且佢嘅面頭真係有唔少啲蟲草花喺度。蟲草花湯底味道好濃郁，而入面既米粉都索哂啲湯味，蟲草花湯底再配車仔麵嘅配搭真係好特別。佢嘅蘿蔔炆得好淋，而且冇蘿蔔果種苦澀味，而且同樣佢同米粉一樣都索晒啲蟲草嘅味道，食落口真係覺得自己好健康。佢既魚肉春卷都幾唔錯，食落口個口感都好好，唔會煮得太淋或者太硬，而且魚肉都帶點甜味，鹹香惹味，同埋無油膩感覺。秘製豬軟骨有佢獨有既味道，不過佢既骨是有點硬度，不是入口即溶那種感覺，不過唔算太硬，都好容易咬開，豬肉咬口就正常，豬軟骨既秘製好特別，會令人食到停唔到口，非常好食！柱侯牛腩相對有點乾身，不過湯底的味道能令牛腩的味道提昇，有意想不到的感覺。