座銀

Open Now

Now Closed

今日放工同同事去試公司附近呢間雞Soba座銀拉麵。之前經過成日見到條人龍已經知道呢間應該有d料到。呢次諗住6:00pm去到會少d人，但都要等左大約10分鐘先入到。起排隊時google一下，原來呢間係大阪心齋橋駅排名第一名No.1的雞Soba 座銀 拉麵，主打濃香醇的雞白湯泡湯頭加酥脆炸牛蒡既然第一次黎，當然要試下佢個招牌雞白湯拉麵🍜個泡沫雞湯香醇但不膩，碗拉麵一共有兩塊肉片，一片豬肉，一片係雞胸肉，兩片都好嫩滑，炸牛蒡口感爽脆，而麵條方面亦好彈牙。呢碗雞湯拉麵真係好高質，完全明白點解會係心齋橋No.1另外，我個同事就試左個雞湯沾麵，佢同我個comment一樣，但我試左佢個湯一啖，感覺上好似佢個湯比我個較濃味，沾麵麵條一樣彈牙。我地亦order左個炸雞小食，相對個拉麵，呢個小食就無乜驚喜。總括而言，呢間真係我食過最好食嘅雞湯拉麵。長期排長龍係有原因，但真係好值得推介

座銀得30個位都冇，長期好多人排隊，要早啲去食！坐吧枱可以睇到師傅煮麵，feel到佢哋合作無間。座銀專做各種雞白湯拉麵/沾麵，淨係得3款+/−期間限定，但加一後$160一碗，係幾貴㗎。*雞白湯拉麵 $148雞白湯用日本雞隻精心熬煮出嚟嘅雞白湯，再加入魚介湯、雞脂。湯頭相~當濃郁，好似將成件雞嘅精華濃縮到一碗湯入面，係最原始嘅真·忌廉雞湯味，濃厚但唔會過鹹。特製麵條都相當講究，掛湯能力啱啱好，索到湯又食麵嘅質感。碗邊有一片雞胸肉、豚肉，用70度低空慢煮嘅技巧，令肉質嫩滑又有肉味。唯一我唔鍾意嘅係炸牛蒡，略苦略油。

雞白湯拉麵:湯底: 正統濃郁雞骨香味。相比起泓一，更增添一種獨特嘅忌廉香味，濃而不膩，飲完成碗都唔覺得口渴。 但是與宣傳的泡沫雞湯有偏差，並沒有泡沫帶來的空氣感, 整體口感錦實,  液質。麵條: 鹼水黃麵，偏粗身，面身堅挺，但導致掛湯能力失色，麵條和湯感覺不太夾，未能有效吸取湯味。所幸鹼水味不足以掩蓋濃湯原味。叉燒: 豬肉叉燒腍滑，雞肉叉燒軟嫩，有香甜的肉香和煙燻感，表現在香港拉麵中數一數二出色。可惜沒有放在湯裏，整體感覺偏凍, 與滾燙的麫一起吃感覺怪異。配菜:  炸牛蒡只是裝飾，未能另拉麵增添另一層次，反而感覺少許鎅口油膩，畫蛇添足。竹筍雖爽脆清香，味道帶有淡淡甜香，但太碎，整碗麵沒有一條是完整的。總評:本人在寫這首篇食評前，已恆常在香港各地尋找能達日本拉麵水平的麵店，近期聲名遠播的丸京、奇蹟，我都有吃過，但完全未達到我心目中的理想拉麵。丸京不錯，但麵質偏淋，整體過於濃郁；奇蹟拉麵我則覺得平平無奇，湯底一般麵一般（豚骨湯底）。最近討論區各大網民都推薦座銀，而且本人上星期嘗試過泓一雞白湯拉麵，能夠作對比。所以今次慕名而來，只為了吃上一碗我滿足的拉麵。作為香港定價數一數二貴的拉麵，價錢未

是日陰天，來到港島區搵拉麵食，原本想是想吃鯛魚湯拉麵的，但店舖的鯛白湯拉麵未能提供，便轉了一間拉麵店。下午不用等侯便可以入座了☺️餐廳menu 沒有太多拉麵款式選擇，大概有4款左右。是次選擇了雞白湯拉麵🍜湯底很濃郁又很滑，忍不住一口接一口喝，拉麵軟硬度適中；份量超足夠，眼看以為份量偏少，原來吃完超飽肚的。炸牛蒡超脆、超好吃😋碗邊掛有雞肉和叉燒片各一片，都是嫩嫩的值得令人驚喜的地方，整碗麵吃至完結都是暖暖的，溫度很夠❤️另外，亦點了溏心蛋，有滿滿流心，有點點煙熏味，頗特別。總括來說，環境坐得舒適，食物質素能讓人留下深刻印象，是值得一試的拉麵😋

呢間係隔離轉彎○de▽ 鯛白湯らーめん同一公司，雖然本身無特別關注拉麵但都自然有期望🤣平日晏就1點左右等左20分鐘左右就坐得低😌之前疫情比較嚴重嘅時候，其實已經買過外賣沾麵，當時覺得好驚艷😍，一向無特別中意食沾麵嘅我經常會念念不忘🥹一直好想堂食試埋個拉麵🍜雞白湯拉麵🍜果然無令我失望，麵質口感煙韌有彈性，硬度岩岩好，湯底勁濃郁，一上枱就勁香雞湯味🥹雞胸肉一啲都吾乾，真係好好食💓雞白湯沾麵雖然外賣食過幾次，但堂食始終要試下🤣但係比起沾麵，我更中意拉麵🤣沾麵湯略嫌吾係好夠熱，因為麵比較凍，我都係中意拉麵熱湯果種暖胃感覺🫢但同樣，沾麵湯更濃，味道比較重，鍾意邊個多啲真係因人而異😂-總括而言，呢間拉麵會無限repeat 🤣個人比較推薦拉麵，份量好夠，絕對唔驚食吾飽，我都認為絕對對得住價錢🫶🏻CP值吾錯又好食👍🏻

食過幾次座銀都係食雞白湯，今次見到呢期竟然出牛骨湯，中意食牛嘅我當然唔可以錯過啦。由於晚市限量供應5份，所以今日特登早啲食晚飯，好好彩6點15分到達嘅時候仲有。熊本A4和牛 牛骨湯拉麵雖然之前都有其他拉麵店出過以牛肉湯底作為基礎嘅拉麵，不過唔知點解都帶有清湯腩嘅影子，反而香料味比牛肉味更突出。座銀今次推出嘅牛骨湯拉麵，牛肉味發揮得淋漓盡致，完全突顯出肉味嘅濃郁，而和牛嘅油香，將成個湯底嘅味道層次昇華。雖然湯底肉味香濃，但我覺得更似一碗味道純粹嘅牛骨清底，舒服順口。和牛以切片同切粒兩種形式出現，以火炙烹調，外皮焦香，內裡鮮嫩。A4和牛嘅脂肪同紅肉比例相對平均，入口油香、肉香爆發出來。牛肉粒炙燒面積較多，比較有咬口，而切片部分可以品嘗到肉質嘅嫩滑，入口即溶。麵質方面，粗幼度適中，唔算好掛湯。不過我中意偏硬嘅口感，非常適合我，呢碗麵正正就係中間有啲夾生，口感煙韌。配菜方面，生紫洋蔥嘅微辛，有助中和湯底同和牛嘅油膩感。海鮮 雞拉麵魚介雞白湯，配菜有慢煮雞胸、豚肉、炸牛蒡。湯底比起招牌雞白湯更濃郁，以雞湯為基底，再加入魚乾蝦乾熬製而成，隱約滲出鰹魚的味道。雞胸肉多汁嫩滑，一啲都唔嚡口，豚肉個人覺

拉麵有好多種類，尤其而家香港越開越多過江龍拉麵🍜除咗最普通嘅豬骨濃湯拉麵，而家仲有醬油味拉麵、雞白湯拉麵同魚白湯拉麵等等😝不過講到我最喜愛嘅拉麵，真係非座銀莫屬！😋😋我覺得佢係全香港最好食嘅拉麵，我通常都會平日晚上6:00左右過嚟等位，呢個時候最快有位餐牌唔算多野揀，不過我每一次都淨係嗌雞白湯拉麵，湯底超濃，一啖拉麵一啖湯，食到最後會成碗清晒😝😝😝配菜有炸牛蒡、慢煮雞肉、叉燒、仲有我最愛嘅溏心蛋

講起中環拉麵店，座銀既人氣一直高踞首位，呢晚黎到好好彩只係等4-5張枱，20-30分鐘左右就入得😍真失禮，呢次係我第一次食座銀😂所以必定會試招牌雞白湯拉麵🐥再加多隻溏心蛋🥚全雞宴🤣雞白湯拉麵 $138煙熏溏心蛋 $15雞湯底係拉麵界黎講真係top果隻，師傅將湯打出泡沫，超濃郁creamy, 每條麵都做到掛湯既效果，淨飲湯底亦感受到口感綿滑，咸度適中，飲晒成個湯都唔會太口渴🥰🐥而且湯中有少少紫洋蔥絲，香得黎又唔會蓋過雞味，味道又提升左麵質軟硬度都岩岩好，不過係湯底面前，拉麵變左配襯🤣個湯實在太好味🤣麵量我就覺得岩岩好，女仔食黎講應該都飽🙈旁邊既炸牛蒡絲都好食，可以試下岩岩炸好乾身同埋浸埋落湯之後2個口感，幾特別👍🏻雞肉同叉燒我就覺得太少🥹各一片🥹2塊肉應該都係用低溫煮，尤其雞胸肉好滑好軟，得一塊完全唔夠喉😭另外溏心蛋正常發揮，有少少煙熏味既，不過就唔係好食到嘩一聲果隻😂整體黎講拉麵真心好食既，亦都會想再食，不過要百幾蚊食碗拉麵仲可能再排隊等半個鍾以上先有得食既話，就真係要諗諗先，到拉麵癮起先再去🤣

個人認為係全港最出色既雞白湯湯底🎖，無論湯底或麵質，都係無可挑剔.可以揀沾麵／拉麵，但個人偏好沾麵，麵條粗身掛湯，鍾意濃味嘅人就可以揀沾麵.全店專注做高濃縮雞白湯，配以獨創既cappuccino打泡法，奶泡綿密，濃香極致而不死鹹，每一啖都好似有一百隻雞係入面🐣(🤪雞全部都係雞.jpg).唯一缺點係堂食冷氣好大，湯底好快會凍，而且不設翻熱服務，一定要趁熱享受♨️***💰預算: 人均約HK$120***

海鮮。雞拉麵 $138湯底比原先雞白湯濃郁好多，味道好有層次，雞同海鮮嘅味道溶合埋一齊，牛蒡亦都炸得好脆，另加溏心蛋都好入味，所有野都好正❤️座銀炸雞 $48反而e個得獎炸雞唔覺有咩特別，屬正常唔叫都可以總結：無論雞白湯定加左海鮮，佢都各有千秋，雞白湯打完泡會再creamy啲，而海鮮。雞拉麵就重口味啲，之前有朋友去日本食過，都話香港呢間總店整得最好食😂雖然價錢比一般拉麵店貴咗好多，但個人覺得偶然一次當獎勵自己都係值得嘅😁地址： 中環歌賦街7號地舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️⭐️價錢：⭐️⭐️⭐️

呢間大阪過江龍嘅日式拉麵店🇯🇵 人氣十足！ 耐唔耐我就會掛住佢嘅雞白湯而嚟👅🎌雞白湯拉麵 (hkd138)湯底絕對係佢嘅取勝之處！雞味非常濃厚 而且佢哋特別係湯底打出一層層泡🫧 令到口感更加綿滑同埋creamy🤍 拉麵掛湯 低溫叉燒同埋雞胸都好軟熟 加上香脆嘅炸牛蒡 整體都十分讚❤️‍🔥💮雞 沾麵 (hkd148)沾麵嘅麵質感覺比拉麵再煙韌啲 湯底比拉麵嘅更濃郁 雞味更突出🐓 係稍為偏鹹一點 另外略厭湯底唔夠熱🥹 整體黎講都好不錯 但個人都係偏好拉麵～🤭

近幾年拉麵界特別流行雞白湯，這家以雞白湯為主打的拉麵店，只售3款拉麵。雞白湯拉麵 $138奶白的湯水具有濃厚的雞味，但又不覺得油膩，口感還有種膠質感。海鮮雞湯拉麵 $138湯底和原味一樣都是同一鍋雞湯，另外加入了魚干蝦干煮成，海鮮味道濃郁，完全蓋過了雞湯的味道。細麵條口感Q勁、紮實，非常掛湯！叉燒低溫慢煮，呈現粉粉紅紅，口感軟軟嫩嫩有彈性，雞肉嫩而不柴。牛蒂絲炸至表皮呈金黄色，爽脆！燻製玉子 $15煙熏味配上綿綿溏心蛋黃，意外地搭，蛋黃味極香。

去完中環睇展，見到座銀5點幾已經有人排緊隊，身為香港人+未食過嘅人類就梗係排埋一份啦🔥😈！好彩排左一陣就有得入去 👻座銀主打2種拉麵，小編同朋友就梗係叫哂黎試啦！ 👀🧡雞白湯拉麵 $138食拉麵要做嘅第一樣野就梗係飲啖湯先啦！雞湯濃郁，飲落去仲有陣奶香味🥛仲有啲炸牛蒡做配搭，甜甜地同拉麵一齊食有唔同嘅口感，好特別！ 🤪🤪🧡雞 沾麵 $148沾麵個麵底同雞白湯拉麵一樣，但湯底就略為不同，湯入面仲有啲雞肉，好滑好入味🥹。沾麵個湯明顯會比湯拉麵嘅咸啲，雞味都濃好多。叉燒好滑好易入口，但略嫌太薄，如果可以厚返小小就好啦！🤫🤫🧡燻製玉子 $15玉子同出面嘅拉麵店差唔多，不過值得一讚嘅係，個玉子流心流到瀑布咁😆______________________________味道😋: 8.5/10環境👀: 8/10服務👨🏻‍🍳: 7/10抵食💰: 6.5/10座銀Zagin Soba

想試吓寫食評好耐，作為第一篇梗係寫間好嘢😂雖然間舖頭要行一段斜坡有啲攰但係我覺得絕對值得去！今日平日同埋可能中秋節前夕大家要做節唔算好多人，接近7:00都唔使等位。我叫咗佢最出名嘅雞白湯拉麵🤤佢用blender打過啲雞湯，令佢呈現奶白色，一望就覺得佢好creamy，好滑。啲湯飲落除咗滑之外仲係好濃好鮮甜嘅雞味，啲麵亦都唔錯成功做到掛湯。炸牛蒡就咁食都OK但係如果浸一浸啲湯成個感覺唔同晒，即刻升級咗好多，可以話除咗湯之外係呢碗嘢嘅主角之一！個低溫叉燒同埋個雞都係非常之軟熟。整體嚟講成碗麵非常出色，雖然相比起出邊嘅拉麵價錢係偏貴，但係絕對值得一食。然後因為食嘅時候冇諗住寫食評所以有兩樣嘢係冇影到相嘅… （下次要開始記住先得）anyway, 呢兩樣嘢我都想講吓其中一樣就係我哋加咗一份糖心蛋，首先當然糖心係做到嘅，但係特別之處係你會食到淡淡嘅煙熏味另外一樣就係炸雞，咬開都有肉汁，佢冇特別嘅醬汁只係比蔥花你送，但係我覺得已經非常之好整體嚟講我覺得呢間拉麵係絕對值得一試，係唔係全港最好食嘅拉麵我唔敢講，但係佢絕對係全港最好食嘅雞白湯之一！

Unexpected visit to this place today during lunch time. Was super busy with the lunch crowd. I am not a big fan of chicken. I only found out that they do chicken broth ramen after I sat down with the menu. Oh well, what can I do? I ordered their signature ramen and absolutely loved it. It was ramen in their thick creamy chicken broth, much tastier than I expected. Will go back again when nearby