座銀

Open Now

Now Closed

跟好友在上環嘆完酒7時許正值晚餐時間，兩條女就即興行去歌賦街吃來自大阪的座銀。這間座銀 Zagin Soba會供應拉麵和沾麵並以雞白湯拉麵作主打，吃得豚骨、魚介湯多的我早已想來潮聖這夜終於有機會了，最後我們大約排了15分鐘便已經可以入座。我們選了湯拉麵及沾麵各一來分享，雞白湯拉麵＄138上檯賣相挺為吸引，掛碗邊分別是雞、豚叉燒各一片，然後鋪上新鮮即炸金黃色的炸牛蒡引人食慾。呷一口湯充滿泡泡的白雞湯口感柔滑厚身，鹹度恰到好處雞湯味香甜濃郁沒丁點膩感好味道，炸牛蒡帶點香脆口感但牛蒡味不算太突出，那大片的豚叉不太肥但口感柔軟只是欠了少許肉香，但那雞肉則嫩溜無比兼雞香滿滿慢煮的製法絕對功不可沒，拉麵粗幼亦合我咀嘴形掛湯力不俗吃下很可口。這兒的拉麵沒包好朋友溏心蛋在內真有點兒失望！所以我們也點上一隻棵木煙燻溏心蛋＄15來開心Share，入口煙燻是有的但我略嫌未夠溏心！另一碗雞沾麵＄148賣相沒湯拉麵那麼吸引！冷麵上鋪上了豚叉燒那雞肉在何方呢！原來嫩滑的雞肉早已置身於沾麵湯底中，而熱騰騰的沾汁同樣充斥濃濃雞香味。將較粗身的冷麵放入雞沾汁中掛滿湯吃下味道鹹鮮甜美好濃郁，我肯定絕對是重口味朋友的心水選

第一次同另一半黎中環座銀，適逢7月3日 星期日中午，預咗多人，預咗要排隊。大約2點20分左右到達，排隊等到大約3點可以入內之後等咗一兩分鐘後正式點餐。之後負評級體驗開始。點咗份雞白湯拉麵，一份海鮮雞白湯拉麵，同一份炸雞。等咗30分鐘左右，眼見比我遲入黎兩枱既食客拎到份炸雞，心諗唔緊要反正拉麵未到可以再等。之後再過10幾分鐘左右，第一碗雞白湯拉麵送到。實在太肚餓所以無等埋其他野上就食住等。點知食咗15分鐘，隔離枱上晒佢地點咗既雞白湯拉麵同海鮮雞白湯拉麵。心諗唔對路，之後第一次催單。再等10分鐘，我已經食晒碗麵，碗海鮮雞白湯拉麵先上。另一半終於有麵食。但份炸雞等咗50分鐘都仲未炸到俾我。心諗如果食晒啲麵都未上就埋單cancel個炸雞。但覺得會唔會係餐廳漏單咁再催一催單，個侍應話已經落咗單，整緊好快得。但一分鐘後，親眼見到同一個侍應拎咗份炸雞去咗另一枱（ 比我後5枱入座嘅食客 ）。最終埋單走人，cancel咗炸雞。就今次既體驗而言，食物質素無大問題，雖唔係話好好好好味，但都正常。但服務問題真係令我唔會再去。明顯地有三大問題。1）等待時間過長，唔計係門外等入座，單單等上菜都等咗差唔多成個鐘。目

座銀🍜喺個拉麵群見到好多人都介紹呢間必試嘅拉麵店一於約埋為食嘅朋友仔一齊試吓睇吓有冇打手由於落大雨冇行街所以早咗成個鐘到😅店員會幫我哋摺傘 放好之後嘅話題就係由冇wi-if開始講起(我要見老細）店員好有禮貌 態度都好好仲會經常印水衛生環境各方面都做到好足我又要講好過啲酒店講返食物成個拉麵連配料我都覺得好正湯好特別好似加咗啲忌廉其實我食唔到係雞湯味炸蔥好香口嗰片雞肉❤️應該用咗指定某個部位.食唔出.有一邊係爽口嘅义燒冇特別另外追加咗蛋唔係我隻蛋炸雞好食牛蒡飯估唔到又幾好味喎我對蛋始終有啲執着如果冇食蛋應該有95分

自問都食盡香港既拉麵，座銀既雞白湯沾麵真係香港稱霸♡(> ਊ <)♡，2點30去排，都排咗半個鐘，其實好想試埋同集團既鯛魚濃湯，不過每次都抵受唔住雞白湯嘅誘惑…… 沾麵依舊出色，雞白湯濃而不膩，食到最後一啖都有浸雞湯味係個口，強烈建議大家加埋個煙燻木溫泉蛋，係真係有浸熏過嘅香味(灬º‿º灬)♡ 比個隱藏食法大家，最後食完沾麵唔好走住，同廚師講加湯，佢會比壺超級熱嘅清湯（我飲過，唔係水，有餐廳加湯會加水…¯\_ಠ_ಠ_/¯）比你加落沾麵飲埋佢，一定一定要加！如果炸牛蒡可以多少少就好啦……

終於有時間黎到人氣雞白湯拉麵店，試試佢個雞白湯拉麵！拉麵靈魂一定係個湯底，雞白湯夠Creamy，唔太鹹，但有濃濃的雞味。之前試過其他雞白湯拉麵，表面同座銀真係分別不大，但湯底就差天共地，淡而無雞味，所以本身對雞白湯拉麵有抗拒。但試完啖湯就已經放心晒。拉麵唔冧而有彈性咬口，雖然有基本，但係香港有唔少連鎖都未必間間保持到。雞白湯拉麵最特色係炸牛蒡，炸得香脆！最後雞肉同豚肉都正常發揮，整體而言成碗拉麵都幾好食，可以之後再戰沾麵！

大阪過江龍 🇯🇵 座銀Zagin Soba，專注提供拉麵和沾麵，主打雞白湯，其湯極之濃香，無論係湯底或者麵質，都令你一試難忘！雞白湯沾麵 🍜配 煙燻溏心蛋 🥚 沾麵湯汁係極高度濃縮的雞白湯，就咁飲會覺得有少少咸，但係連埋煙靭既麵條就啱啱好！唯一缺點係湯凍得太快了！雞白湯拉麵🍜雞白湯湯底非常濃香，鮮中帶甜。用攪拌器打出的泡沫令湯底更綿滑！麵條軟硬適中，雖然嫩豬叉燒既份量偏少，但炸牛蒡絲卻非常出色，沾湯食會比較脆身，不過油左少少。📍 座銀Zagin Soba中環歌賦街7號地舖

一直都好鍾意食拉麵，今次嚟到位於中環嘅「座銀」，絕對比到我驚喜😋拉麵最緊要係個湯，佢嘅雞白湯龍濃得嚟又唔會漏，傑得嚟又唔會太過火，真係啱啱好🤣仲有佢個面底，唔會太淋又唔會太硬，總之樣樣嘢都啱啱好。絕對值得推薦比咁多位拉麵愛好者😇

雞 沾麵👍🏻👍🏻👍🏻湯底非常之有驚喜 除咗有濃郁嘅雞味之外湯底仲帶有少少酸味令成個湯底昇華咗唔少甚至會令你食到最後嗰啖都想繼續食 雞白湯拉麵👍🏻湯底十分之濃郁🐓不過麵有鹼水味 有少少失望本人認為沾麵嘅湯底更為出色連平時唔食沾麵嘅我都想再食過🤭另外，因為佢哋嘅面係唔跟糖心蛋嘅所以都額外叫咗一試糖心蛋咬落口有入口即溶嘅感覺👍🏻👍🏻仲有一大驚喜就係佢哋嘅座銀炸雞 👍🏻👍🏻👍🏻即叫即炸，外脆內軟雞肉係明顯有預先醃過雞肉非常之香滑 咬落去勁Juicy 反而跟麵嘅雞肉就冇咩驚喜🤷🏻‍♀️

特別推薦大家✅雞白湯拉麵✅雞 沾麵《雞白湯拉麵》第一啖已經好好食☺️，個湯好濃好甜，佢係打到泡狀但唔會太咸，會想飲埋d湯🐤🍲隔離有d炸牛蒡絲好脆👄，就咁食又得，浸埋湯食又有另一番風味麵質比較彈牙同硬身，食落爽口d，叉燒同慢煮雞胸都好淋、好軟滑，好正ahh🤤🤤💰$138《雞 沾麵》麵身比白湯嗰個粗，食落會再彈牙d🦷，個湯比白湯咸，雞味會再濃郁d🐣🐣，但配沾麵就啱啱好，一樣有塊雞同叉燒👻如果兩個麵比，我哋覺得上面好食d😌💰$148*我哋勁好彩，weekend 1215去到，唔洗排隊‼️不過食咗一陣，就開始有人龍🚶🏻‍♂️🚶🏻‍♀️🚶🏻**同鯛白湯一樣，我哋都有嗌到💰$15燻製玉子，食拉麵一定要有，有燻嘅味道🔥***大食嘅話，可以試埋💰$48座銀炸雞🍗，佢都好食，不過未到必食level🤭

喜歡吃 拉麵 的人一定有聽過來自大阪的座銀吧 😋 這次經過中環去吃了雞白湯拉麵，因為是平日關係，基本上是沒有人。所以可以安靜地享受拉麵，很棒 🥳 好吃好吃。店內可以點的東西不多，專注提供拉麵和沾麵，不過每項都很好吃就是了！🔸雞白湯拉麵 $138雞肉湯底濃厚，濃得似似忌廉湯😂而且配有炸牛蒡絲、洋蔥絲同蔥花，加上雞肉再加拉麵真的是爆炸好吃。是會令人想念，然後回頭再食的味道。🔸座銀炸雞 $48即炸即吃真的很棒，肉汁會爆出來；有一點可惜的是，就只是炸雞，缺乏了一點層次。可能是拉麵太出色，令炸雞反而失色。

平日,十二點前到,避過午餐時間,所以不用排隊.點了一碗雞湯拉麵,第一啖感覺普通,湯底濃郁,有鮮味,沒有過咸.但其後越飲越好飲,有追飲既欲念.麵條彈牙,條條分明,沒有過熟,口感恰到好處.雞肉,感覺用慢煮棒煮過,肉質嫩滑.整體質素過高.價錢偏高,但份量偏少,麵底感覺比其他拉麵店少四分之一.幾口就吃完,加上加一的話,一碗要$150.另外點了日式炸雞,不錯,多汁,雞肉嫩滑.總結,以它食物質素,還會願意返來吃的

一直都聽人說這裏的雞白湯拉麵很出名終於鼓起勇氣排咗一個鐘頭隊試由於隔離新開咗一間食蠔嘅沾麵都係佢哋同公司呀分輕咗啲人龍都叫做唔係好多人排但係都等咗差唔多一個鐘入到去坐咗喺bar 枱一個人自己食午飯時間都幾多人但我坐咗好耐 都冇人拎嘢飲畀我 最後都叫做有杯凍茶嚟到呢度一定食雞白湯拉麵加咗隻蛋雞白湯一嚟到試咗佢個湯先雞湯好濃好好味都打到起曬泡牛蒡好脆好香雞肉都係正常嘅味道好食叉燒都係ok啦唯一面唔係我心目中諗咁不過可能呢種面係大部分人比較鍾意食整體嚟講都算唔錯見到隔離嗰個食客仲嗌多碗食添或者下次可以試下沾麵可能再好食啲

每半年要食一次既座銀客觀上主觀上都係全香港最出色既拉麵( •̀֊•́ ) ̖́-好多間日本過江龍都係初初開果排有日本師傅係度坐陣都算唔錯做耐左 日本師傳走左就水準大跌更甚係無好食過座銀既味道食左幾年都算無乜走過樣個雞白湯一樣咁濃咁香 忍唔住會飲哂個人中意佢拉麵多過沾麵沾麵個湯濃厚到有些少金寶忌廉湯既感覺(´･_･`)座銀的確係貴既 仲要加一但其實要搵好食既雞白湯好難係香港中過幾次伏試過只求厚身 厚到漿嘴又試過 好清好淡到唔似雞白湯又有間成個擺盤抄足座銀 味抄唔抄到就另一回事近年開多左唔少主打豚骨以外湯底既拉麵店 感恩希望會搵到間同座銀一樣會想不斷回頭既( ⋅֊⋅ ).ᐟ.ᐟ✿✿✿✿✿✿✿✿✿✿✿Follow @lastbitematters for more

🐡鍾意食拉麵🍜，但我細個食親都中伏-.- 所以而家幾乎都唔會食拉麵。但今日個胃痛痛地，想食啲唔太濃味嘅暖嘢，加上我咁錫我嘅寵物，所以決定陪下佢食拉麵😎 點知食完之後令我有少少欣賞咗拉麵😗🤏🏻🤍雞白湯拉麵 ($138)食麵第一啖要飲湯☝🏻 啲湯飲落勁滑，飲落個口感好似有啲竭，但又未竭到好似粥咁樣一粒粒，佢睇落都依然係水狀，打呢篇嘢上openrice搵翻啲嘢食名個陣見到餐牌話呢個湯底係用咗泡沫咖啡☕️嘅打泡法，所以好口感綿滑，我諗我食到嘅就係呢個感覺😗佢係好鮮甜，同埋好濃郁嘅雞白湯，但濃得嚟又令個胃好舒服😚 係好足料嘅濃，唔係重口味個種濃。拉麵就唔多講，因為我本身唔係鍾意呢隻麵質，我覺得軟硬適中嘅🍜 雞胸肉同豚肉都幾滑幾好食👍🏻 炸牛蒡我就冇特別鍾意雖然我唔係食開拉麵嘅人，但我會重視湯底多過麵同料，咁當然整體感覺都好重要😋 我覺得呢間拉麵幾好食😻🤍雞白湯沾麵 ($148)沾麵比拉麵嘅味道係更加濃郁，但同樣都係食得好舒服，唔會覺得好膩👍🏻 我試佢湯底個陣都「嘩！」咗出嚟😋 🐡：個人覺得呢度嘅沾麵好食過拉麵，主要原因係湯嘅雞味比拉麵濃得多😋 沾麵煙靭，掛湯度高👍🏻 雞肉算係比較冇咁出色嘅地方，但

今日係中環辦事，突然間想食日式拉麵，於是就行咗去歌賦街嘅「座銀」，由於係食晏時間，遠遠已見到門口有多人排隊，等咗約25分鐘始能安排入店，一入門口已聞到大部份拉麵店冇嘅特別味道，侍應親切招待，清茶可選熱或凍，今日咁熱自然要咗凍茶。食物就叫咗此店招牌菜「雞白湯拉麵」和「座銀炸雞」，另外再加多一隻「果木煙燻溏心蛋」。1.雞白湯拉麵.拉麵軟硬適中，雞白湯本身雞味十足，再經迷你攪拌器高速打製，湯底更加香滑濃厚，感覺有少少似忌廉湯，其他材料有慢煮嘅雞胸肉和豚肉、洋蔥絲、大蔥及炸得香脆嘅牛蒡簿片，入門口聞到嘅特別味道就係炸牛蒡傳出，湯靚配料正。😋2.座銀炸雞.炸雞一客有3件，香口肉嫩唔會太油。😊3. 果木煙燻溏心蛋.雞蛋微微透出煙燻香氣，生熟度剛好。🙂小總結：「座銀」食物水準高質，環境衛生加招呼好，個人認為係日本過江龍拉麵嘅王者之一。👍