Video
3-min walk from Exit B3, Mong Kok MTR Station
continue reading
Telephone
37958848
62822283
Opening Hours
Today
08:00 - 22:00
Mon - Sun
08:00 - 22:00
Above information is for reference only. Please check details with the restaurant.
第二次黎食點心🤤因為質素唔錯 經驗十足既師傅用心自家製手作點心食得出師傅多年功架手勢👍🏻不枉係多間米芝蓮酒店及大型連鎖酒樓集團serve過🥣養生燉湯⭕️ 花膠螺頭燉赤肉湯 ($82)/ 蟲草花螺片燉雞湯($48)最鐘意飲湯既我倆第一時間叫左兩盅✌️兩款都好足料 比較鐘意花膠果款 較濃味餐紙上仲有其他湯品 比起出面選擇多🍞飽點⭕️ 馳名南翔小籠包 ($34)一籠三粒 皮算薄 但未至於一夾就穿整體做得唔錯👍🏻倒出黎都好多湯汁♨️蒸品⭕️ 月半彎晶瑩鮮蝦餃 ($22)上次食過蝦餃好正 可以兩粒散叫蝦仁勁大粒 好彈牙兩個人叫岩岩好 又可以試多幾樣野⭕️ 蟲草花上湯鮮竹卷 ($32)鮮竹卷算係我幾鐘意既點心依度有三條 脹卜卜餡料有紅蘿蔔🥕菜🥬肉等 都幾滿試左少少上湯 幾清 仲有蟲草花👏🏻用心🍳鑊氣小炒⭕️ 蒜蓉炒生菜🧄🥬 ($88)比起上次菜芯大碟同惹味 又多蒜🧄正🍮甜品⭕️ 大良薑汁雙皮奶 ($26)震騰騰好滑 薑味🫚唔會太重搶哂戲奶味🥛出 口感順滑 推薦要留肚食🤰🏻
continue reading
Bookmark咗佢咁耐 終於都去咗食🤣史努比呢啲後生女一向對點心冇太大興趣揀得食點心十成有十成都系陪屋企人食😂利申!!冇話後生嘅唔可以鍾意食點心 你鍾意食點心都可以好後生😂😂😂呢間鋿晶館有啲特別 除咗點心之外仲有小炒最得意嘅系佢有埋烤魚 水煮魚 酸菜魚等 仲可以加肥牛😂不過史努比就冇嗌呢啲 揀咗食啲點心小食~Order之後都等咗一段時間 嘢食嚟到熱辣辣即叫即整系值得加分嘅🤭-座位費 $8史努比當佢茶錢啦🤣畢竟平日唔收加一價錢都合理~👌🏿月半彎晶瑩鮮蝦餃(2粒) $22原來佢都幾大粒😳蝦餃皮煙韌有咬口 但就稍為偏厚同埋比較痴 易穿即使有汁都會漏晒出嚟 更何況佢冇乜汁 食落較乾身🤏🏿不過蝦肉多 又夠爽彈 而且帶啲蝦嘅甜味混合適量嘅肥豬肉 都算滑身 味道: 6.5/10性價比: 6/10👍🏿百花炸釀蟹箝(3隻) $62甚少食炸蟹鉗嘅史努比 都唔知點先叫做好但如果以史努比嘅口味去評賞 佢算唔錯炸衣酥脆 而唔太油膩好似撈咗蝦肉 食落幾彈牙雖然就食唔到一絲絲蟹肉 但食得出佢帶啲甜味唔sure系蝦嘅甜定蟹嘅甜🤣總之味道唔錯~配搭甜酸醬確實更惹味 但史努比個人prefer就咁食令佢本身嘅甜味更突出🤭味道: 7.5/10性價比: 7/10👍🏿蒜香虎蝦蒸飯 套餐$108單點$78 套餐就包一盅燉湯同一碟菜先講個蒸飯 飯底有炒香呈金黃色 粒粒分明雖然冇乜蛋香 但蒜味香濃 而且唔會好油淋上適量嘅豉油 又香又惹味😚On top有4隻蒜蓉蒸蝦 蝦肉爽彈帶甜味味道: 8/10👍🏿養生燉湯幾足料 有蟲草花 花菇仲有雞肉帶少少膠質 唔知系咪落咗啲花膠去煲🤭飲落清甜而唔油膩 史努比覺得唔錯但由於史努比甚少飲湯 對湯水嘅了解程度微薄資訊爸爸👨🏻嘅意見 佢話唔特別 但都值7分味道: 7/10時令蔬菜系娃娃菜 雖然唔系話好清甜但食落爽脆清新 啱晒嗰食點心嘅時候清清味蕾~性價比: 7/10👍🏿半肥不瘦叉燒腸 $34諗咗一陣 半肥不瘦 咪即系半肥瘦😂腸粉皮正常 爸爸👨🏻嫌唔夠滑但史努比覺得還好~叉燒切得薄身 但唔會話冇晒口感😳食落完全唔乾唔柴 仲幾嫩口🤣適量嘅蜜味 叉燒唔會太鹹或太甜配搭蔥花同類似翠玉瓜嘅蔬菜唔肥膩 味道啱啱好! 味道: 7.5/10性價比: 7.5/10👌🏿春風得意腸 $40以為紅色字系人氣菜式 但原來嗰啲系轉咗新菜式咁解大意咗添🥴腸粉卷住大大件炸物 可惜唔脆即使一上菜即食都完全唔脆包住大量雜菜同蝦肉感覺就似雜菜蝦腸 又或者系包住淋嘅春卷咁 口感一般同想像中有啲出入味道: 5/10性價比: 5/10👍🏿椒鹽一口豆腐方 $88史努比一向都好鍾意食豆腐 不論佢蒸定系炸🤭炸衣非常之薄 微脆口感沈上椒鹽同芝麻 雖然椒鹽味濃但不失芝麻嘅香氣豆腐嫩滑 基本上唔使嘴嚼就吞得😂呢個combination通常都好食!今日嘅亦唔例外 只系略為重口味咗啲同埋底部墊咗炸米粉 感覺有啲啲唔抵🥴但味道唔錯😚味道: 8/10性價比: 7/10👍🏿椒鹽魷魚鬚 $138晚市價錢偏貴 午市或下午茶會平一截 $68咋底部同樣墊咗啲炸米粉🥲魷魚鬚略為厚粉 同埋有啲鬆散 但可接受炸到非常香脆 略嫌有稍稍淋油 不過值得一讚嘅系魷魚爽彈有咬口完全唔會韌 同豆腐一樣椒鹽味重 所以偏鹹啱重口味人士🤣味道: 7/10性價比: 5/10*不設加一服務費*價錢中中等等啦但星期一至五去嘅話唔收加一😆所以turns out都唔算太貴每間點心都總會有佢哋嘅招牌菜 同時有啲水準冇咁好整體嚟講唔差 加上佢款式多 估計大人細路去都有嘢啱食🤭但就真系要揀啱菜式🤣經過可以一試啦~.整體評分：味道: 6.9/10環境: 7.2/10服務: 7.2/10衛生: 7.5/10抵食: 6.3/10@snoopy._.eating
continue reading
呢間食點心小菜每次坐車經過都見到好多人食，今次終於有時間坐低食下。聽講點心師傅之前係米芝蓮酒店做過，全部都係自家製即叫即做，而家仲食到手工點心都幾難得。雪山叉燒包 $36個皮薄薄地一片脆皮焗得幾脆身又夠熱，包身夠軟熟，餡料唔少叉燒醬偏甜五福臨門 $50蝦餃,燒賣,粉果,菜苗餃,薑汁紅棗糕各一粒。每粒都足料，餃皮唔易散開有D煙韌，味道都唔重脆炸北海道牛奶 $30薄薄地一層炸漿夠脆，牛奶味勁香脆皮炸乳鴿 $58乳鴿比較細隻，我覺得有少少燒過左火，因為有D位置食落都比較硬。不過大部份皮身都夠脆，肉雖然唔太但，但呢個價錢都接受川芎白芷天麻燉斑骨湯 $58足料嘅老火湯，湯水色夠濃，飲落好香川芎味，幾補身椒鹽排骨 $128椒鹽味幾夠，不過排骨唔算大粒但份量算多。炸得幾香身，辣辣地魚香茄子班腩煲 $138熱辣辣滾起勁香魚香味，斑腩好多茄子，味道鹹香夠味，斑腩夠多肉夠入味，餸飯食好岩豉汁欖角鱔片飯 $79荷葉籠仔蒸出黎，打開籠蓋勁香豉汁味。鱔片幾厚身肉質幾爽彈，D油滲左落個飯到食起上黎勁香
continue reading
坐車時常經過彌敦道都會見到鋿晶館，每次都係坐滿了人，今日中午過來大約等了10分鐘，目的是為了試試即叫即蒸的點心和原盅燉湯。花膠螺頭燉赤肉湯$82，材料十足兼且味道夠濃，大約半盅都是豬肉和花膠螺頭 淮山杞子，滋補養顏之選。飲茶必食嘅傳統點心一定就係蝦餃燒賣，點了黑松露北菇燒賣皇（2粒）$20和月半彎晶瑩鮮蝦餃（2粒）$22，可視乎人數而選擇4粒或2粒，比較有彈性，蝦餃 燒賣質量都唔錯，尤其蝦餃更加係皮薄餡靚。雪山叉燒包$36，招牌菜式之一， 外皮鬆脆，餡料甜甜地，打卡都唔錯。煎釀虎皮尖椒$39，每碟有四件，微辣🌶鳳爪排骨蒸金鳳飯$38，採用了較為短身的瓷盅盛載，所以飯的份量不是太多，排骨肥瘦適中。椒鹽豆腐$52，香口惹味，略嫌外皮 未夠鬆脆。香麻炸煎堆$30，充滿芝麻香，沒有油膩感。大良薑汁雙皮奶$26，幾滑幾香，薑汁味再濃一些就更好味。鐵觀音每壺$30，閒日（假期除外）全日免收加一服務費。
continue reading
餐廳係自家製品牌，朋友話師傅以前在日本東京做過富麗華好多年，專serve高層同明星，返黎香港後响好多間米芝蓮酒店同埋大型連鎖酒樓集團做主管，經驗夠晒豐富。餐廳晚市除左鑊氣小炒，另外仲有特式菜，我哋樣樣都點左d。月半彎晶瑩鮮蝦餃 (2粒)：蝦餃皮薄，蝦肉大隻，新鮮爽口，包到漲卜卜，幾好。鮑魚北菇燒賣皇 (2粒)：賣相吸引，鮑魚夠味，肉味濃帶肉汁，食落有淡淡香菇味。蟲草花螺片燉雞湯：跟餐時令燉湯，菇味濃，有螺片同雞香氣，唔多油，好甜好飲，養生之選。花膠螺頭燉赤肉湯：除左花膠螺頭，仲有淮山杞子同湯骨，燉出黎肉味比較濃同清甜，真材實料。娃娃菜：跟餐時菜，加少少豉油已經OK。蒜香石斑片蒸籠仔飯 (套餐)：份量足，石斑片厚切，就咁蒸已經夠鮮夠甜，飯好香蒜味，整體好好食，推介。老壇酸菜魚：份量多，有酸菜、雲耳、芽菜同寬粉等配菜，魚片切得大塊，肉質嫩滑，有鮮味，小辣辣度亦剛剛好，唔會過辣。整體味道酸酸辣辣，好惹味，係幾好食。生炒骨：賣相唔錯，有紅椒、青椒同菠蘿做配菜，排骨剛炸起非常熱，夠鑊氣，味道酸酸甜甜，有層次感，好開胃。羅漢果雛菊茶：自家製特式飲品，清熱潤肺，夏天飲都幾啱。
continue reading