Video
7-min walk from Exit B1, Jordan MTR Station
continue reading
Telephone
23225851
Opening Hours
Today
12:00 - 02:30
Mon - Sun
12:00 - 02:30
Above information is for reference only. Please check details with the restaurant.
8月尾初秋次夏，行開油麻地，不如黎個打冷午餐。我們搵到依間潮州菜館，點咗：蠔餅用左咸鴨蛋做個脆漿，所以蛋味特別濃郁。蠔仔多又大粒，每口都係蠔仔為主，配上胡椒粉和魚露，超好味😋而且又唔會太油膩，佢哋好有心機做呢～生炸韭菜餃超酥脆香口，咬落爆汁，充滿著濃郁嘅韭菜味，豬肉多汁。有驚喜⭐️鮮雞粥雞油溶入粥內，好香雞味呀！雞肉咸咸哋、配粥好好味。米粒煲到開晒花，口感綿綿，帶雞香，仲有蔥粒、芫荽爽口，青香～滷水拼盤超多料，包羅萬有：鵝腸 -超爽口又入味豬大腸 - 超入味，洗得乾淨，肉質彈。粉腸 - 好粉既質感，又重五香滷水味。豬耳 - 好爽脆、肉質彈，充滿骨膠原。豬腩肉，肉嫩又帶五香味，尤其是肥豬肉部分，口感好得意。墨魚片，充滿墨魚香。仲有一配料好似紀花蚌，超級爽口🥰點少得紅腸，咸咸地好惹味😘仲有吸收晒滷水精華既爽口芽菜。配冰凍啤酒， 超窩心佢哋連杯都雪凍埋。
continue reading
喺網上都有人推介這間潮州小店，根據資料去到佐敦道，其實超近遠東酒店對面行入吳松街，近街口，非常方便。店舖裝修以平實為主，由於比較早到，未到晚市所以比較冷清。餐牌嘅設計都好特別，好有潮州菜特色。餐牌非常多選擇，於是叫咗鹵水拼盤，韭菜豬紅，豬雜西洋菜湯，飲品叫了青島啤酒同凍檸茶😁凍檸茶超大杯，係咁炎熱嘅天氣，好舒暢！青島啤酒28蚊一支都好抵飲👍好耐冇食過豬雜，見到餐牌有豬雜西洋菜湯，當然要點啦！上枱時聞到好香嘅西洋菜味道，湯入面有豬潤，豬腰，豬心加入西洋菜超夾，好好食，湯也濃郁，豬潤好爽甜，感覺啲材料非常之新鮮，呢個真係要推介👍😋韭菜豬紅，都幾正，加咗少少紅辣椒可以刺激味蕾，這個也推介👍主角鹵水拼盤比起上面嘅菜式，味道一般。總括嚟講這間潮州菜館回頭指數非常之高，有機會再嚟試下第二啲菜式先，漏咗唔記得講很多市民話香港食肆招呼唔好，但依間嘅潮州菜館工作人員非常之熱情，招呼唔錯，小編支持留港消費刺激香港經濟，加油💪
continue reading
朋友未食過潮州野,今次同佢黎食平靚正既潮州菜,我地叫左好多野share,埋單只係三百頭,價錢相宜。叫左碟無骨既鵝肉片飯,中意鵝肉同滷豆腐既比例,味道互相平衡,五十幾蚊黎講都算多肉食。朋友想食菜,叫左個西洋菜都好唔錯,好清爽,同埋我地叫左麵然後加菜,25蚊就有咁大碟菜,正!我地分別叫左蝦雲吞河同埋水餃麵,2樣都豐富多料,加左d醋食已經好好食。仲叫左碟生炒蜆,有風味同埋豆豉味好出。仲有d野想試,鴨蛋蠔餅好少見又地道,但朋友唔想食所以我冇叫,下次一定要試!
continue reading
爸爸愛到潮味莊打冷，這天我就陪他來這裏開餐。說實，每次看到餐廳的玻璃窗廚，掛著又肥又大的墨魚，都會令我口水直流。而個人認為餐廳的食物質素挺高，加上免加一，既超值又抵食。滷水鵝片飯鵝片口感軟嫩，肥瘦適中，帶有點點脂香，配合滷水香味，鮮而不鹹；而下層墊有滷水豆腐，嫩嫩的，非常好吃。滷水生腸生腸口感Q彈得來又爽脆，一點都不靭，有滷水鮮香，份量非常多，下層有芽菜墊底，口感豐富。滷水自選雙拼飯滷水墨魚挺厚身，口感彈牙爽身；滷水豬耳爽脆有嚼勁，佐飯一流。蜆芥鯪魚球送上來時鯪魚球是剛炸起，金黃色的，外層香脆，內層爽彈不腥，蘸上蜆芥醬即時有提鮮作用。
continue reading
依間餐廳真係幾好，先講滷水紅腸墨魚同鵝片。紅腸同墨魚滷得好入味，口感彈牙，鵝片亦非常嫩滑，每一啖都充滿滷水香味，令人回味無窮。再講咸蛋炸蠔餅，外脆內軟，咸蛋黃同蠔肉完美結合，味道濃郁但又唔會太膩，食落去真係滿足。搭配白飯，將滷水汁淋上飯面，簡單又美味，令人食指大動。飲品方面，凍檸檬利賓納係一個清新選擇，酸酸甜甜，飲完好醒神。而王老吉就正好平衡咗滷水同炸物嘅熱氣，清熱解毒。整體而言，呢餐有傳統風味，味道出眾，性價比高。無論係朋友聚餐定係家庭聚會，都係一個好選擇。下次一定會再嚟試其他菜式！
continue reading