大井町日式放題 (已結業)

荃灣千色匯附近,地點方便易搵食午市放題幾抵食,由11:30食到3:00都得食物方面最主要係選擇幾多,又分好晒類,唔會亂,可以好快咁簡好想要既野食我覺得食物質素中上,同普通日式料理既品質差唔多(你應該知我唔係指爭鮮)食物既分量(一份)唔多,可以一次過剔多少少上菜速度幾快(炸/燒既要等多少少)個人認為部分剌身會腥,最好除左野飲都預備杯茶啦題外話 : 我覺得個蜂蜜柚子幾好飲最推薦 : 火焰三文魚腩壽司 (入口即融)不推薦 : 蟹粥 (唔多鮮甜,無咩蟹味) 環境方面地方大,座位都寛闊但可能因為開門之前拖過地,入去果陣地下真係好少少濕服務方面剔完紙之後佢地會好快黎收幫你落單,都好快收走啲碟果啲整體黎講服務唔錯,又有禮貌

廿年朋友聚會。其實得三條友，兄弟住荃灣，咪就去荃灣囉，以前英皇舊址，成幢大廈成楝樓都差不多係飲食餐廳，七點鐘去到等lift 嘅人龍超過30幾人，好彩我哋去呢間放題可以搭電梯上，不用等，餐廳是三樓全層，地方闊落，食物款色如一般放題餐廳，沒有太大驚喜，刺身種類唔多但尚算新鮮反而熟食味道幾好，燒羊㗎肉多汁，雞亦亦好食，但牛舌就比較乾。辣汁煮蝦好味，但辣左少少，清酒梅酒啤酒任飲，飲品種類亦多，牛肉鍋都幾好食，大致只是漏了一張單，服務唔錯，落單快，收碟快，出菜亦快，總括嚟講服務好但食物質素一般。呢個價錢其實仲有好多選擇。

今日2位朋友生日，3人透過openrice訂位，十分方便。到達店內，面積很大，坐位寛闊。 經過6個雪櫃飲品區，飲品有樂天，陽光，台灣，啤酒……和沙律盤。 難得有酒店凍蝦，青口，翠螺有圖有真相，都很新鮮刺身真的厚切，有甜蝦（大），鮮帶子，三文魚，吞拿魚，油甘魚，榮螺，鮑魚片，北寄貝……重點：超大隻牡丹蝦，粗粗的，又鮮甜天婦羅方面：秋葵，南瓜，大蝦，冬姑，蕃薯仔 外脆不厚炸得很好，而最啖啖肉的是天婦羅蝦。最令我難忘是鰻魚炒飯，味道有99分。有多件鰻魚1cm x 2cm，不是切小粒的，鰻魚汁充足甜甜的燒汁。飯炒得粒粒分明，煙韌回味。我一個人忍不了食完，分量12小碗左右，一下子就清了。茶碗蒸有2款 咸：冬姑，蟹柳 材料普通，但蛋超滑QQ。黑松露炒雜菌，有香味但不是黑松露味道，有點失望創作壽司，有點失望，我們點了最吸引【井】海膽，蔥吞拿蓉材料。圖片只供參考海膽味道不是很腥，但太流質無論點海膽手卷都是一樣，沒有一片片海膽，賣相差了。另外叫了燒羊架和燒菠蘿片多次，因為非常香口又多汁。最後當然食甜品，我們點了M牌子朱古力味，很滿足一餐自取多件小蛋糕，款式漂亮咖啡蛋糕櫻花和菓子芝士餅布朗尼朱古力蛋糕泡芙

今天是阿姨的生日，所以今年和他吃日式放題慶生。訂了七點半的枱，但是還需要等大約10分鐘。食物種類頗多，刺身、壽司、創作壽司、軍艦、麵飯、蒸煮、一品料理、燒物、天婦羅等等，我們五人每樣都叫了少許。刺身很新鮮，吞拿魚是非一般的吞拿魚，是中拖羅啊，甜蝦大大隻，而且這裏有赤貝吃。對於日式放題來說，成本不低啊。壽司很新鮮，細細件，可以多叫幾款來試。我們其實叫了很多食物，但是由於上菜比較快，所以都影不切。這間日式放題的性價比極高， ＄268再+10%服務費，都不算很貴，我會再來的。

以往每年中秋過節都是吃中菜，今年就決定反傳統地吃日式放題，和家人來到荃灣的大井町日式放題。獨佔全層，面積廣闊，座位寬敞舒適，充滿空間感。食物選擇極多，足足有十三張紙之多。這裡服務不錯，點菜後很快就上枱，而且侍應很勤快地執拾收碟，不怕一枱都是一大堆吉碟，亦沒有出現漏單或點錯單的問題。刺身夠新鮮爽口，沒有腥味，款式甚多。花之戀、汁燒和牛壽司、青瓜鰻魚反卷壽司的飯size不會太大，不過米飯就比較易散。蚧肉瑤柱蒸蛋熱騰騰的蒸蛋軟軟嫩嫩，彷彿吹彈而破。鹽燒海蝦、燒雞串不會燒得過乾。尤其推介燒菠蘿，滿載著水果的香甜味，不像平時生食時那樣酸澀。日式炒雜菌以牛油香，帶出菇菌類獨有的鮮味。柚子汁炒魷魚炒得香口，不過魷魚數量就不多。焗蠔北海燒、焗迷你蟹蓋size比較迷你，以芝士焗更添滋味。想不到日式放題會有意式焗薯吧 而且也是出乎意料之外的好味，軟綿的薯蓉夾雜著薯仔粒，口感豐富，加上酸酸的蕃茄醬十分開胃。鐵板牛柳粒一碟份量不少，肉味濃郁。鹽燒牛舌經鹽烤不會帶出過多油脂，但是卻能保持鮮香多汁。燒羊架燒得略焦，稍嫌有點乾。炸物質素亦不俗，點了榴槤炸彈、墨魚漿餅、紫心薯餅，炸漿不會過厚，作為紫薯控最為推介紫心

幾個朋友一早預訂左位置黎試下呢間放題，順便補祝其中一位朋友生日。紅假前夕，收費係$258/人/2hr，唔係話好平價，俾多少少都食到大_屋系列。餐廳位置頗多，算係食過比較闊落嘅放題，特別我地7位，可以坐圓枱，比較方便傾計，唔會話頭尾嘅朋友遠到零交流！餐牌選擇都算豐富，一般放題有嘅都有齊架喇，刺身、壽司、炸物、燒物等。飲品方面自取，除左有道地罐裝/包裝飲品，有汽水、啤酒、果汁、陽光系列飲品，居然仲有熱維他奶(笑)。自助吧仲有少量沙律、水果、甜品，不過當日我地食第二輪，有啲甜品尚未fill齊。豆腐/綠茶味gelato：試左豆腐味，味道突出，雪糕質地都算滑，而且獨立包裝，比較衛生。另外仲有幾款味道嘅雪米糍。通常食放題我地都係先點刺身、壽司類，後點熟食啦，照呢個模式落單，一般放題都好快會上到刺身，不過呢間奇怪地係不停好快上熱食，最終刺身等左超過30分鐘先食到第一盤呢！（鐘意食刺身嘅可能要密密寫）刺身有三文魚、北寄貝、中拖羅、帶子、白肉豚、油甘魚、赤貝、八爪魚、赤蝦、鮑片、甜蝦、希靈魚等，乜都點左啲。賣相唔錯，但就唔係樣樣好食三文魚算係食過放題比較靚，雖然唔係腩但都幾肥美，冇乜筋位；北寄貝、八爪魚

今日準時放工，心情輕鬆，又與同事繼續發掘下公司附近的美食兼吹水聖地。最後揀左大家喜歡的日式放題~刺身拼盤，自由配搭，瘋狂點了多件我喜歡的甜蝦/三文魚/帆立貝，入口鮮味無比! 除了刺身吸引，想不到連配角玉子也很香甜~多款壽司，白飯軟硬適中，款款味道濃郁，其中最愛和牛壽司，牛肉味濃，肉質細緻，滲出點點油香，加上洋蔥提昇鮮味，令人食指大動!吞拿魚他他沙律，嚐到吞拿魚刺身的鹹鮮味，加上天婦羅碎/蔥花/千島醬調味，口感豐富，甚具日式風味 ~芝士年糕，金黃的外皮薄而香脆，內層香滑流心的芝士，與軟綿煙靭的年糕互相融合，芝味不太濃烈易入口， 味道襯絕，必點!飲品種類繁多，有十款以上揀，連維他奶暖櫃都有，非常貼心~ 甜品，兩款牌子屬高檔，質感柔滑細緻，份外香甜味美~整體質素甚佳，滋味十足，尤其以高質牌子雪糕作結，令我們大感滿足!

星期日晚上時段6:30至8:30客人不少，但也不算多，反正沒有全場滿座，空桌輕易可見。地方尚算寬敞，前往取飲料的路上不會感到擠迫，但每一桌客人之間的距離依然甚近，不過以放題餐廳來說環境算是不錯，我也喜歡它的燈光暗中有亮，就是整體偏暗，但在射燈配合下挺明亮，不會黑沉得沒精打采。飲料選擇很多，酒類飲料不單只有啤酒，還有數種有氣果酒，果酒酒精含量比啤酒低，只有4%。我嘗了白桃與荔枝味果酒，雖然果味明顯是人造，但並非討厭的藥水味，甜甜的果味混入輕微酒氣易於入口，若嫌喝汽水太沉悶，果酒是不錯的飲料。每次吃放題的重頭戲必然是一大盤刺身，這裡的刺身毫不讓人失望，新鮮與鮮甜並在，甜蝦的甜味最為突出，赤貝爽口，其他也讓人滿意。刺身質素好，想不到壽司更上一層樓。以上三款分別是柚子醬拌油甘魚腩、燒和牛壽司拌黃芥末籽、火炙三文魚腩，還有忘了拍照的火炙左口邊，全部都是必須點項目。既有入口即溶的油脂香，又有鮮甜味道，炙燒的做法更提升了濃郁程度，質素比各大迴轉壽司店要高。左邊的名字是井，不曉得那片是什麼魚，面頭有着海膽與松露醬。其實是什麼都不用管，單是為了松露醬就必須點，松露醬入口即霸佔滿腔，非！常！香！右邊是蔥花

說起放題大家都會想起旺角，其實新界區也有不少選擇，這次便來了荃灣的大井町日式放題。餐廳位於大鴻輝中心，平常晚餐繁忙時段常常看到大堂打蛇餅，食客排隊等升降機至門外，幸好大井町在三樓，乘扶手電梯便行，不用排長龍。時間尚早，可以坐窗口卡位。除了冷盤熱飲，還有一排飲品櫃，任君選擇。每桌有兩大本字典般厚的餐牌。不消一會兩個女人便點了滿桌的菜。炸物點菜單位以件數計，每款也可以試一下。榴槤炸彈蠻特別，外脆內軟；芝麻雞翼炸得香口惹味！忍不住加碼；還吃了炸餃子和脆香雞粒。蒸焗芝士焗蟹蓋帶子北海燒味噌焗蠔鐵板料理想不到日式放題也有這麼多熟食料理，是壽司和刺身外的特別選擇。怪味雞香辣過癮。鐵板牛柳粒啖啖肉，十分惹味。燒物燒菠蘿燒雞翼蜜汁豬腩串有驚喜！豬腩燒得微脆，肉香足，蜜汁甜。鹽燒海蝦單純以鹽調味更能帶出海蝦的鮮美。一品料理清酒煮蜆刺身來到放題的主角──刺身盛！！看到鄰桌的一大盤刺身，突然覺得我們兩個點得太收歛。點了三文魚、北寄貝、帶子、甜蝦和八爪魚，肉質鮮嫩爽口，盤內有冰塊保持刺身的溫度。火炙壽司火炙壽司是我們的最愛！！！選擇繁多，目不暇給。燒和牛壽司拌黃芥末籽火炙海膽醬玻璃蝦火炙三文魚腩火炙三文魚腩最

前排見到荃灣大鴻輝又有一間新開既放題開親係荃灣 第一時間都會覺得唔好食不過都見到有好多人寫好評所以覺得好應該黎試下都開左一排 終於黎試前一日打電話去book位 聽電話個職員都好有禮貌7點半前埋單就198 之後就238 都唔平下 間間放題都係咁上下價錢當日去到門口兩個職員好有禮貌咁問我地有位未咁我地未夠鐘又未齊人 佢叫我地坐住先夠鐘我地就入左去 個職員俾左張雪糕券我地 每人可以揀一杯之後就開始點野食 第一時間梗係點左刺身先佢都有好多款刺身選擇 我地每樣叫啲 好快刺身就到 全部都好新鮮另外 仲叫左其他野食叫左牛油粟米 燒菠蘿 清酒煮蜆 牛舌 羊架 呢啲就全部都普普通通啦 冇話特別好食同唔好食叫左焗蠔同焗帶子 但佢地唔係原隻上 如果原隻上會更加令最推介係個個燒蝦 黎到已經好香 食落好夠味最後出面仲有自助區 有啲生果同沙律 仲有個甜品櫃 另外有個櫃全部都係菓子 野飲都有好多個選擇開頭入座既時候淨係個部分既卡位有人 食完之後出面已經full晒呢到既侍應成日都會過黎睇下有冇野要收 好有禮貌 唔會望到有野都唔做 不過大部分都係姐姐 好少後生仔女

早排同舊同事食飯，知道師姐下年初計劃去韓國濟州，但未定跟團定自由行，話晒小弟2012年都去過一轉，手頭上都有唔少資料、地圖及單張，所以，約咗今晚食飯聚一聚兼交收。佢話耐無食放題，投其所好，就食番餐放題，有時啲嘢就咁「橋」，一喺就成年無食放題，一食時隔兩個月又食一次。雖然大井町位處荃灣食廈大鴻輝，好怕嚟呢度因為等電梯煩，不過，餐廳晌商場層，並非大廈層，所以搭扶手電梯上去就可以。餐廳佔商廈全層，地方非常之大，而且，最鍾意喺間隔成唔同大細嘅卡位，卡位嘅隔板又專登整高啲，變相有個私人空間，唔會受隔離枱咁多騷擾。一入門口轉個彎，有個自助區，食開日式放題嘅朋友都知，主要會喺飲品、甜品自由取用專區。由於選擇多，都唔可以唔介紹一下。飲品3組大雪櫃，韓國、本土嘅樽裝、罐裝及紙包飲品，款式多達近廿款。不過，今次心水之選唔太多，所以，隨意揀幾罐飲吓。果汁、熱茶想健康少少，另一邊位嘅果汁、熱茶可能啱你，不過，朋友試過啲果汁，話麻麻哋，因為味道偏甜。沙律、生果自由區除咗飲品，仲會搵到沙律同生果，雖然規模細，但總提供多個選擇俾有需要嘅客人。此外，酸薑、八爪魚仔亦晌度搵到。自助專區嘅甜品就唔介紹住，等臨尾先一次過講