武士拉麵 (已結業)

週末同男友岀沒，有點掛住係日本食拉麵既時光，梗係醒起我的排行榜首，武士拉麵！上次食完已經好掛住了.店舖位置只有十個左右，週末兩點去到都仲有位，等五分鐘左右都有位，十足日本d拉麵店咁對住個廚房食，我覺得都幾warm，老闆都會好細心咁對待每位客人.枱面上有黑椒，香辣油，芝麻，同特製魚油，可以一試！都幾香，但唔愛魚鮮味既人就可以試少少再自行決定枱面上有齊餐具同綠茶.九州地獄  (辛辣地獄湯底)湯底濃郁，會想飲曬個湯，我簡左粗麵，大概中辣吧，所以大部分食辣既人都應該會食到的麵質彈性控制得幾好，彈牙既，好有係日本食既感覺.足利將軍拉麵  (黑蒜油豬骨湯底)本身就喜愛黑蒜油既香味，口味又偏濃，真係啱曬我，老闆話正宗既黑蒜油湯底係有小小甘甘地，店舖都係用真正同新鮮既黑蒜油 好欣賞個湯底，同埋d叉燒食真係好match，仲有隻蛋！食得岀小店用了很多心機炮製依碗拉麵.溏心蛋要加十蚊，但值得加既！蛋味岀，食拉麵真係應該要有蛋先完滿.拉麵叉燒肥瘦分佈得好平衡，咬開又唔會散開，算係我係香港食過比較滿意既拉麵叉燒.餐單如下，好細心有日文餐單呢！.食定老闆都好細心咁問滿唔滿意個拉麵，同客人會有交流，服務不錯，會繼續

人可能會對錯過的人和事感到失落，說到食野都是一樣，有些好美味的東西，你沒吃過同樣後悔所以決定到朋友介紹下的拉麵店，搵食。拉麵店外貼上不同報章雜誌文章，看來是有名氣的，電視Video播放著自家湯底的烹調過程，越看越著迷，且後職員建議我們先選定拉麵,減低等待時間。位置約10個左右，所有食客都要坐吧檯食，基本坐下就會面對師傅，師傅努力煮麵，可以知道師傅為每位客人碗麵落足心機。《武士拉麵》的每一款拉麵，代表不同將軍，而每一個將軍，代表不同的湯底同口味，今次我點中德川將軍，食左佢。等待開飯同時不忘留意店內裝修，發現背後能掛衣物，這貼心服務是大型連鎖缺乏的。德川將軍拉麵送到，另外半熟玉子，叉燒，木耳，紫菜，豚骨醬油湯底，稱得豐厚味濃第一要試是湯底，因為湯底是拉麵的靈魂，老闆所選用特定的瀘水器過瀘水，保持最原本的鮮味。所以湯底味道十分香濃。拉麵水準很高，很彈牙。流心蛋的玉子，晶瑩欲滴的溏心效果，一口咬下半熟的蛋黃香味溢滿口中。真是太幸福啦。叉燒，未入口似時平平無奇。食落沒有多餘的油份，經問店員後得知用火槍在表面平均地燒，目的是鎖住肉汁，難怪有入口即溶感覺，小總結，第一次到拉麵店光顧，整體由湯底，麵條

鐘意食拉麵既我今日去到位於柯士甸道既武士拉麵搵食。由於以前係附近一帶讀書，重回舊地，有一種親切既感覺。可惜周圍既食店大部分已經轉哂。今次黎武士拉麵係被佢個湯底吸引！聽講呢度既湯底係熬足八個鐘而成既豬骨濃湯，既然咁正，一定要黎試下。我同朋友揀左一濃一淡既拉麵，我想食真d佢個湯底，所以揀在相對淡d同原汁原味d既豐臣將軍拉麵(蔥油湯底) ($98) , 朋友就揀左味道濃d既足利將軍拉麵 (黑蒜油豬骨湯底) ($98)大概等左10分，熱辣辣既拉麵就送到。兩款拉麵賣相機本上一樣，但蔥油拉麵湯底明顯比黑蒜油豬骨湯底淺色。拉麵一送上，就傳黎香濃既豬骨濃湯味，急不及待飲一啖濃湯，果然無令我失望！豬骨湯底味道真係好濃郁，完全感受到所有精華都集中哂係碗湯度！而且調味適中，唔會太咸。另外，我呢碗豐臣將軍拉麵係加左蔥油，所以會食到淡淡既香蔥味，整體配合不錯。飲完湯急不待要試下個麵，我揀左硬麵，呢度既拉麵係中幼身，幼身拉麵一般比較易淋，但呢度既拉麵做得幾好！食到最後d拉麵都大致能保持硬度。玉子呈半流心狀，食到濃濃蛋味，但咸香味不足，醃製得有d唔夠入味叉燒燒得好香口，但只有薄薄兩片，食完有d唔夠喉，如果可以係厚切

去了一個星期日本旅行，回到香港無可避免地想念日本的食物，於是放工後便在尖沙嘴區找尋日式拉麵，發現了這一家從沒有試過的武士拉麵。平時來到這條街大部份時間都只會留意周遭的韓式餐廳，這次來到才知道原來還有一家門面很小的日式拉麵店在其中。放工後大約8點半左右來到拉麵店，門外已經有幾位食客在等。拉麵店外貼滿了不同飲食雜誌的內頁介紹，看來這家拉麵店算是挺有名的。而店外的電視機不停播放著自家湯底的烹調過程，越看越令人覺得肚餓。等了大概十分鐘左右便能進入食店。食店的店面蠻小的，只有10人左右BAR台形式的座位，不過每個位的空間都算還可以的，未至於很迫夾。而每個座位前都放了香菜和脆蒜等調味料。店內裝修一點也不日式，不過門口附近放滿了不同的日式小擺設，而座位後的牆身還有衣架，方便客人擺放外衣和手袋等。BAR的對面就是廚房，可以看到師傅煮麵的過程。留意到廚房的牆身掛有幾個設定不同的計時器，是師傅用來控制拉麵的軟硬程度用的，以嚴謹的方法令拉麵保持水準。定番的拉麵有6種，亦都有期間限定的特式拉麵。看過Menu以後，我們便在點菜紙上選了自己喜愛的拉麵。除了拉麵湯底以外，和一般香港拉麵店一樣，食客可根據自己的口味

還記得早年在一個落雨的下午在尖沙咀遊蕩，同一個位置也是拉麵店，當時叫作東京アグラ，因為下著雨還是有十數人在排隊，就心生好奇了。最近重遊舊地（？），鋪頭名字轉了，人龍少了，但仍然是一堆日本的報導。原來武士拉麵的拉麵師傅，師承自東京アグラ的師傅。師傅後來在灣仔開了東京アグラ，徒弟繼續在原址經營武士拉麵。不過對一般食客即是我而言，這些故事聽了就算，只要知道東京アグラ的長谷川忍師傅，在日本很有名，然後其徒弟在香港經營武士拉麵就夠了（這不是谷阿莫版本）。這裡的佈局是很常見的開放式廚房加上不算寬敞的吧枱座位，鋪租不菲嘛，值得體諒。枱頭有拉麵胡椒、魚介油和一些醃物。還有奇怪的綠色飲料，噢原來是綠茶，綠茶是頭一回遇上，不過在日本試過遇上冰凍麥茶，不一定配冰水。背後能掛衣物，這貼心是連鎖店很難做到的。 這裡的拉麵有鹽味豬骨味醬油味等，都是日本常見拉麵湯底，不過坂上似乎不是戰國時代的將軍吧？（笑） 追加配料裡有蟹棒和帶子，比較少見。另外還有布甸呢。 店員推介的是九州地獄拉麵但我又不能吃辣，問一下店員有甚麼其他推介，最後還是老樣子吃沾麵，因為店員提醒沾汁也會帶微辣，就問我要不要走辣，既然可以就這麼做吧。沾麵

下雨天，又凍又濕，食翻d熱野暖肚是常識吧。路過佐敦，太多選擇都唔知食咩好，經過一間拉麵店見門外有介紹個湯底點整，好吸引呀，幾十斤既豬骨，加上三款魚乾及蔬菜煲8小時。因係因為呢段片吸引左我入去食一碗織田將軍拉麵(鹽味豬骨濃湯)，店員話呢個口味會比較清。黎到既時候，當然要先品嚐一口湯頭，豬骨味香濃，帶點鹽味。之後我再加入左少少魚油，湯底開始有變化，除左豬骨味，仲有魚香味！真係大大提升左湯底既味道。我選擇左較幼既麵，好彈牙，原來師傅係有計時確保拉麵既彈性。叉燒好大塊，半肥瘦既一塊叉燒，好香好滑。溏心蛋，蛋黃好流，好香，蛋白就有香濃既滷水味，超讚呀！