8鍋臭臭鍋 (金巴利道) (已結業)

行過尖沙咀突然好想掃街食台式小食同時又好想食台式火鍋，本身打算忍痛二選一之際就搵到呢間可以滿足曬幾個願望嘅餐廳！ 我地當時候係午飯時段可以點兩個一人鍋套餐，分別點左台式麻辣鍋同芝士牛奶鍋。當大部分所謂可以揀唔同湯底嘅火鍋其實都係「換湯唔換餸」，呢度佢每一個湯底都會配上唔同適合嘅食材，非常細心！台式麻辣鍋午市套餐 (HKD91)芝士牛奶鍋午市套餐 (HKD91)火鍋食材上本身見呢個價錢無乜太大期望，但份量其實非常充足，質素一啲都唔遜色，最驚喜係個款式非常之多，以芝士牛奶鍋為例，裡面有白豚肉、日本南瓜、豆皮蝦卷、鳴門卷、貢丸等等；而臺式麻辣鍋都有牛肉片、甜不辣、魚柳、鴨血、沙白、支竹等等。而去每個鍋都有王子麵非常掛湯！ 最後當然都有點滷肉飯同幾款台式飲品過下掃街鋪癮！

台灣過江龍一人一個臭臭鍋,台灣人愛不愛吃我不知道，但我還是滿喜歡的，睇報道這種臭臭鍋在台灣成行成市。在台有40幾家分店的8鍋幾年前來到香港後，仍大受歡迎。臭豆腐從台灣總店直送，豆腐表面有小氣孔，帶著微妙的酸香，放進鍋中一滾，那陣香味叫人開胃。餐廳不同台灣店，走一人鍋套餐形式，價錢合理，每鍋近十數款材料，蕃茄、大白菜、米血糕、甜不辣、滷豬大腸、台灣貢丸、牛丸、肉片、牛肉等等，套餐可跟飯或粉絲，配台式飲品，食得豐富。疫情下沒有了晚市供應，所以我與朋友一起食午餐，我叫了招牌臭臭鍋，朋友叫了台式麻辣鍋，午市套餐98有一杯冰綠茶，我們一致認為臭鍋比麻辣鍋好味，臭鍋湯底相當入味濃烈，配料有大白菜、台灣貢丸、米血糕、滷豬大腸、豬紅、沙白蜆、鵪鶉蛋等等，跟粉絲抵食又滿足！我滿期待米血糕好可惜晤夠煙韌好失望，台式滷水豬大腸滿好食爽口又不油膩。

秋風起朋友想打邊爐，但可惜冇book到枱，尖沙咀附近啲火鍋店都已經full booking。經過見到8鍋臭臭鍋又唔算特別多人，所以就決定去治一治個邊爐癮6點9到開始等位，等得到唔算太耐，大概兩三個字就可以入到去我哋叫咗台式麻辣鍋同芝士牛奶鍋，其實我都幾鍾意一人一個邊爐又唔使用公筷又衛生望到好似好滿咁，其實個底浪咗好多菜，慢慢食下食下都食得晒。肉同丸嘅份量都係唔算太多，嗰半個王子麵簡直係成個邊爐嘅神髓！我叫嘅係台式麻辣鍋，湯底又唔算太麻但辣辣地其實都不過不失，食完之後又唔會話好口渴太多味精咁如果唔係太揀飲擇食其實都OK，因為入邊有好多款嘢食，每樣兩三舊都幾過癮。見到麻吉燒忍唔住叫咗一份！麻吉燒真係點食都好好食到最後一個完美嘅結束就係將個粉絲揼落個湯度煮，索晒成個湯底嘅精華，煙煙靭靭咁好了不起！你話佢係咪頹到好似食快餐店嘅邊爐佢又唔係，豪華到出去火鍋店每人食3/400蚊又唔係，佢就係in between嘅level，對得住自己個價錢嘢飲選擇又多，強烈推薦柑桔檸檬梳打，酸酸甜甜解膩一流

去尖沙咀剪完頭髮唔知食咩好，就諗住嚟呢間朝下聖。之前週末去親都好多人，難得平日去到不用等位，店面尚算闊落，但可以枱之間距離頗窄。所見客人都是後生仔女，可能依家胃口也比較符合現在年輕人。叫了一個台式麻辣鍋，小辣，味道中規中矩，鍾意食辣嘅人可以叫中辣或以上，因為小辣🌶️充其量只能叫惹味。另外，奶蓋烏龍茶10分難飲…奶蓋感覺不夠新鮮，茶味也沒有很濃郁，總體而言只能算係解渴。朋友叫的抹香奶綠好飲好多。最後埋單兩個人吃了$300多元，以台式食物來計算貴，雖然體驗難得，但應該不會有下次😂重點是桌面環境清潔度沒有很好，而且可以枱之間距離狹窄，能夠清楚聽到隔離枱講嘢，對於情侶來講，不算推薦。如果一大班朋友，可以考慮。

我第一次食臭臭鍋係係美國食，一食就愛上左，所以當香港一開我就已經第一時間去試。試完之後都成日番黎呢度食鍋，其實個鍋大家可能會覺得吉野家美心大家樂都有。但呢個鍋我覺得真材實料，其實最正係啲醬。今次食咗招牌臭臭鍋同埋台式麻辣鍋，我次次返嚟都係食台式麻辣鍋，因為佢個辣我好鍾意，特別是係啲面，索曬湯個啲味。晚飯既話，我建議大家最好6:30或前去到入座因為7點開始就會好多人排隊有可能要等一個鐘。食飯時間只有90分鐘。總括黎講都非常好👍🏻值得一試！

我真係好鍾意好鍾意打邊爐😍 所以之前知道一開依啲一人一鍋小店 即刻勁興奮👻 依間我都已經第三次黎食 水凖依然👍🏻 相信好多人對依個店都唔陌生 就係台灣開黎好hit既臭臭鍋🙆🏼.小店一共提供左九款鍋類可以簡，每款都可以簡配飯或者粉絲😎 加$12仲有得轉滷肉飯🍚 唔夠喉仲可以加配料同嗌台式小食🤤 仲有台式飲品👀 聽講啲茶葉都係台灣採購返黎～ 所以我地嗌佐杯茉香珍奶綠飲住食😎 真係好爽 .沙茶牛肉鍋 / 台式麻辣鍋 $112個鍋一黎到就好似尋寶咁睇有咩配料😆 每款鍋物既配料都會有唔同，大約有15款，比較特別既台式配料有：米血糕（煙靭既感覺）、甜不辣（好似年糕😂）、鳴門卷、麻辣餃（對我黎講好似魚皮餃😂）當然仲有其他丸類同菜類。.講返湯底先，我覺得沙茶整得幾出色，沙茶味幾濃味得黎又唔會話太重口味，配佐我至愛既蜆仔更係神來之筆😍 而麻辣湯底相對下就比較遜色，麻辣控表示唔夠麻，沙茶湯底食起黎會比較特別😚 怕你唔夠味仲有調料可以加料 餐廳仲有完美比例推薦比你🙆🏼‍♀️.麻辣臭豆腐 $48因為我仲係臭豆腐迷😆 受唔住引誘所以嗌佐黎試下👅 煎得好香脆，但上面鋪得太多辣油，感覺上比辣味蓋過佐臭豆腐既香味🤔 所

好耐之前食過哩間8鍋臭臭鍋, 個陣時岩岩新開, 前幾日經過見到佢大排長龍,原來而家已經咁受歡迎, 攪到我突然又好想食! 聽日放飯所以今晚特登晏少少黎唔想排隊, 9點到左果然唔洗排, 但原來入面都仲係差不多full house坐位ok闊落唔少得調味料~蕃茄白豚鍋朋友唔食辣揀左蕃茄湯底, 朋友話湯底係偏甜既而且蕃茄味亦濃郁~ 有大大舊既蕃茄比你煲住~除左白豚之外仲有好多蔬菜配菜, 樣樣有d台式麻辣鍋重口味又嗜辣既我梗係揀麻辣鍋啦, 揀左中辣但原來都唔係太辣, 不過就好香! 哩個鍋既配菜就重口味d有鴨血豬腸等等。米血糕好味!仲有配左細細個泡麵~我揀左粉絲, 吸哂d麻辣湯真係正到不得了!百香果綠茶依度既飲品全部都好似平時係台飲店外賣既包裝咁, 依個百香果綠茶又唔錯喎, 因為我唔中意太甜, 又有清新既百香果香每個餐$112, 鍋入面樣樣都有d食下食下都好飽, 中意健康d既可以好似我朋友咁揀蕃茄湯食多d蔬菜, 重口味如我就仲多選擇! 不錯

天氣一凍，唔知點解就會自動諗起火鍋。話說大學時期曾經喺台灣住過一個冬天，而當年宿舍樓下有好幾間臭臭鍋變成左一班朋友晚飯既食堂，所以不期然就會想去食返當年既果種味道。好彩香港都有得食，前晚放工黎到都等左幾張枱就到，我地兩個人叫左台式麻辣同招牌臭臭鍋。臭臭鍋其實臭主要因為臭豆腐，所以接受到既就會好似我咁好鍾意。不過今次我就叫左麻辣鍋試試，入面勁足料，有見慣既豬大腸、丸、金菇、娃娃菜、牛肉（臭臭鍋係豬肉）⋯不能盡錄，仲有非常地道既泡面（王子麵！），以前喺台灣食一定會叫（另外可加飯/粉絲），另外當然唔少得豬血、米血糕同台式魚餃&凍豆腐，仲有估唔到會有沙白！成個鍋都非常好食，而且呢個份量絕對物有所值！麻辣湯底好鮮，當然仲有麻辣既香味，唔會死辣，有返到台灣食既感覺，而且料都好新鮮，牛肉好爽滑，蔬菜類都好清甜，食完成個人暖笠笠！絕對會再黎食。

火鍋就食得多，台式火鍋係第一次食，感覺好新鮮。8鍋臭臭鍋以一人一鍋嘅形式供應，唔至得8個鍋，近期仲推出咗咖哩奶蓋鍋，可見佢近貼潮流不段革新，而且大部分食材係由台灣入口，原汁原味。午市$88包一個鍋+飯/粉絲+飲品。中意食辣嘅我首推台式麻辣鍋，可以自選辣度。感覺上麻辣鍋嘅配料比較豐富同埋有台灣特色，餐廳亦都安排咗唔少加配材料俾唔夠喉嘅客人。麻辣鍋嘅配料有牛肉片、甜不辣、米血糕、麻辣餃、沙白、福州魚蛋、嗚門卷、大腸、豬紅、魷魚圈、炸枝竹、凍豆腐、娃娃菜、青豆角、泡麵。依度就淨係介紹幾款配料。米血糕，即係豬紅同糯米整成嘅糕點，煙煙韌韌，豬紅味唔重，反而糯米味好香。麻辣餃，皮薄餡多，soak咗辣味嘅餃超入味。沙白，即係貝殼類嘅海鮮，非常鮮美。牛肉片，片片都肥瘦均一，牛肉味又香~最後叫咗香芋奶茶+珍珠，香滑得黎又有濃濃嘅奶香味，而且珍珠非常多。

自從七月去完台灣後，一直很想念台灣的味道。這天，經過「8鍋臭臭鍋」，傳來陣陣台式火鍋的味道，令我再次想起台灣的美味，就這樣，我和友人很快就決定了當日的晚餐！店內環境寬敞，枱與枱之間距離不會太近，但燈光比較暗。作為一間火鍋店，清潔、衛生算是不錯。「8鍋臭臭鍋」顧名思義就是主打台式臭臭鍋的餐廳，會不定期轉換8款不同鍋物，還有期間限定鍋。除了臭臭鍋外，也有一些台式小食以及飲品。我們當天點了「招牌臭臭鍋」和「台式麻辣鍋」。兩款鍋物份量都很足料，每鍋均有12款不同的配料。臭臭鍋的藥材不算很強烈，但鍋如其名 - 臭！喜歡吃臭豆腐的食友，一定會喜歡。麻辣鍋是很地道的台式味道，很香的藥材香濃，中辣已經辣得很過癮。可惜的是湯底略咸，如果將咸度稍作調整，相信味道會更好！吃火鍋，醬料也很重要。我們也參考了餐牌上調較醬料的3+2+1建議，味道果然不錯，大家可以參考看看喔！這裡的飲品沒有套餐優惠，每杯正價為$25-$30。看見「盆栽奶茶」的名字，感覺很有趣，所以點了一杯嚐嚐。「盆栽奶茶」其實是朱古力奶茶配曲奇碎碎。味道很好，不會太甜，每啖都是濃濃的朱古力味和奶茶味，加入曲奇碎碎令整杯飲口感層次更豐富！小小建議，

黎親尖沙咀都係食韓國野多係呢條韓國食街有1間台灣野, 所以忍唔住試左雖然果日無食到招牌臭臭鍋, 但呢個麻辣鍋都算排第2受歡迎同推薦叫左小辣但對於我呢種唔太勁食辣既人黎講都好夠辣, 入面既配料好多, 有鳴門卷, 金茹, 貢丸, 魷魚, 大量肥牛, 2個人share再加小食都應該夠!同埋雖然枱上有好多調味料, 但完全可以唔洗落, 因為啲野入哂味男朋友試左黑麻油雞鍋, 佢話一黎到有好濃郁既出前一丁味, 佢好中意呢個味配料都係差唔多, 唔同既係無牛但有大量雞我地好貪心咁叫左1個小食 - 炸花枝丸好好食切開左勁方便入口, 又彈牙每個鍋有一個飯/公仔麵/瀂肉飯, 但我地係食唔哂架野飲緊係拎住走!!!百香果綠茶唔記得叫少甜, 如果唔係就好完美

已經係第3次光顧LA!!呢間一人一鍋真係唔錯架, 雖然未至於超好食, 但可以過下打邊LO引, 同埋佢D選擇都多, 野飲都係加$6, 一人一鍋TOTAL都係100蚊左右, 今日仲加左個小食, 所以TOTAL每人$120左右!! LUNCH打邊LO好正, 人又少D, 野又好似可以食多D, 仲有成日時間比我消化添!! =]之前已經試過招牌臭臭鍋, 所以今日我試呢個藥膳羊肉鍋跟粉絲($88), 朋友就揀左台式麻辣鍋(中辣) 跟粉絲 ($88), 其實鍋入面既配料都係大同小異, 主要係個湯底有分別, 所以因各人喜好同個日既心情揀自己既湯底就得!! 鍋入面有海量既娃娃菜, 豆卜, 魚丸, 金菇, 枝竹, 響鈴!!我既羊肉片有羶味呀!!好中意!!就係要有呢個羶味羊肉啦, 如果唔係我食牛肉得LA!!個藥膳湯底其實唔係太大藥材味, 只係有好少好少, 所以係完全接受到, 我仲覺得幾好味, 個鍋仲有魚餅, 貢丸, 椎山, 冬菇, 粟米同埋蓮藕片。至於朋友既麻辣鍋中辣都唔係好辣, 食得辣既朋友就唔好叫小辣啦!!!佢個鍋除左牛肉仲有, 麻辣餃, 甜不辣, 豬紅, 米血糕, 大腸, 魷魚圈同埋1/4個公仔面, 好

這間位放尖沙咀金巴利道的「8鍋臭臭鍋」真的臭得有道理，令我一試便愛上和港式的臭豆腐比，真的各有特色，而且臭臭鍋內材料非常豐富，滿有台灣的特色。招牌臭臭鍋 ＄112招牌臭臭鍋，湯底濃郁帶有臭豆腐的臭味，臭得十分吸引，加上豐富的材料 (娃娃菜、白豚肉、臭豆腐、台灣貢丸、米血糕、大腸、豬紅、沙白、鵪鶉蛋、蕃茄、炸菜絲、韮菜、金針菇、鳴門卷、炸枝竹、粉絲) 真的連湯都飲晒。台式麻辣鍋 $112台式麻辣鍋材料豐富，麻麻辣辣的刺激着每一粒味蕾，精神為之一振 (娃娃菜、牛肉片、麻辣餃、甜不辣、福州魚蛋、豬紅、沙白、米血糕、大腸、魷魚圈、凍豆腐、金針菇、炸枝竹、泡麵、鳴門卷、青豆角）台灣腸(蒜味) $36切片的台灣腸加上切片的蒜片一齊食，濃濃的蒜香味道加上蒜片的香脆，把微甜的台灣腸味道提升到令一層次，實在過癮。金桔檸檬梳打 $30金桔檸檬梳打金桔味香濃加上檸檬酸酸甜甜非常醒胃。荔枝梳打 $30荔枝梳打荔枝的特有味道，香香甜甜越飲越想飲。

常常跟朋友在尖沙咀覓食。有印象在OR看過這家好多好評就去試試。作為一個台灣常客，或者我不應該抱有希望。鍋物有好多款可選，配料隨款式固定。我們兩個女生選了招牌臭臭鍋跟台式麻辣鍋。再加點了台式火鍋必備鴨血一碟。朋友的臭臭鍋，偷吃了一下。不夠臭，可能係適應番香港人口味。配料很多款，每款少少。聽說沒有一款談得上特別好食。臭臭鍋都叫有點臭，我的麻辣鍋仲陰公，不香不麻，只有辣。同台灣麻辣鍋相差十萬八千里。一邊食一邊想念起台灣無X鍋。最淒涼係麻辣鴨血，花幾十元加點，一樣是沒麻辣的香氣...得個辣字。好食的話辣得辛苦都要食，唔好食真係唔想傷腸胃，最後決定放棄。不會有下次了。

朋友話帶我食好野，帶到我來到尖沙咀區，從繁忙的街道信步到靜中帶旺的金巴利道，看到「8鍋臭臭鍋」個大招牌才停下腳步，眼看台式一哥火鍋都有不少人在排隊，明顯一人一鍋在香港也挺受歡迎的吧⋯入到去店內頗闊落一眼望晒⋯燈光黃黃暗暗，裝修都偏台灣風味，有著二人枱、四人枱及一些拼枱！坐得挺舒服的一人一鍋，一共有九款全部是套餐形式兩款超人氣招牌臭臭鍋及藥膳羊肉鍋加上一款新品上市台式葱爆鍋仲有其他款既就係台式麻辣鍋、牛奶鍋、沙茶鍋等等，看到這⋯突然火鍋癮起非常快手選擇了兩個鍋店員隨即來個溫馨提示叫我們可以根據指示調教醬料完美比例混醬，3+2+1 豉油，蒜蓉，沙茶醬等等既配搭相當好味我認為沙茶醬配搭肉類是非常好食惹味的好快兩個火鍋就已經到了等多幾分鐘再滾多會就可以吃了藥膳羊肉鍋 $112真心聞落似係肉骨茶嘅味超級吸引，可能我非常喜歡這陣味吧入面放滿配料，慢慢地加熱。配料大概有包括鳴門卷、香菇、豆卜、羊肉片、粉絲、大白菜、台灣貢丸、炸枝竹、粟米等等。貢丸彈牙、羊肉又夠爽口濃味！我們先飲兩口藥膳湯底，飲落又唔算太濃，但飲到陣騷味，不錯的！湯底好快就已經飲左好多了，配料其實已經慢慢溶入藥鱔味道中⋯好夠味呀！一人