入麵 (已結業)

晚餐包主食、麵、飲品。薑母鴨（$90）薑母鴨湯底好正，唔油膩，有藥材味但唔難聞，最後差唔多飲哂。鴨件都有十舊八舊，肉質軟腍唔韌唔嚡。加$2轉蕃茄湯麵，茄湯幾好飲。麵份量多，唔淋patpat。珍珠奶茶，味道正常。回味醬骨架（$82）有三大舊及一隻糖心蛋。醬骨架好入味，醬汁微甜少咸。雖然叫骨，但都有不少肉食，肉質雖然唔可以用軟滑嚟形容，但都腍及唔嚡的。糖心蛋有流心效果。薑蔥蒜撈麵，麵份量同樣多，唔糊口。荔枝玉露，淡咗啲。PS：自助 scan QR code 落單。沒有加一服務費。

第一眼見到回味醬骨架（$64），即刻諗起N年冇食過嘅「麵點王」，一於試吓。揀完主食，就揀麵底，有撈麵有湯麵，今日都幾熱吓，所以揀咗麻香醬撈麵。最後揀埋飲品，凍珍珠奶茶。醬骨架有三大舊，再加半隻糖心蛋，同三片青瓜。餐廳好貼心提供膠手套方便“輪”骨。雖然望落好似比較乾身，但好在唔太嚡口，而且勁入味，醬汁咸度合適，用嚟撈飯一流。糖心蛋雖然不是流心，但蛋味幾香。麻香醬撈麵，芝麻味幾重，再加上甜甜哋嘅醬汁，味道不錯。要咗多汁，夠撈哂成碟麵。麵條軟硬度恰到好處，有咬口，唔糊口，而且份量不少，絕對夠飽。凍珍珠奶茶，茶味偏淡，比較普遍，只屬於合格之作。

石門京瑞商場係沙田去良心店集中地，但唔多見人介紹呢間麵檔。佢店仔細細坐得唔太舒服，但店員殷勤友善，食物質素唔錯，所以幾受街坊歡迎。叫左三個套餐，配日式、麻香醬、口水汁或薑蔥蒜撈麵，可加錢轉湯麵，之前食過番茄拉麵覺得偏淡，建議跟返撈麵。幼麵唔會太腍，醬汁叫左麻香醬同薑葱蒜，麻醬較杰身適合撈麵，薑葱蒜就好足料，麵底有落鼓油。跟餐飲品可揀珍珠奶茶、荔枝玉露、冬瓜茶或白桃綠茶，唔好甜嘅可以轉無糖綠茶。🍽回味醬骨架 ($78)回味醬骨架有三件，煮得幾入味同腍，不過要吮骨有啲狼狽，店家會提供膠手套方便食客動手，伴碟有溏心蛋同榨菜等。 🍽蒙古風沙風味牛仔肉 ($82)風沙風味落左唔少孜然粉，面頭仲有蒜粒，適合較重口味嘅朋友，牛仔肉幾嫩，唯獨呢碟嘅伴碟係提子乾同花生。 🍽日式燒雞 ($78)呢款係是日推介款式，比起燒更似炸雞，個皮好脆，肉質唔鞋但就乾左啲，配甜甜地嘅燒汁。 🍽和風芥末豚肉 ($66 )呢款唔係晚餐，散叫嘅餸，份量多到嚇親人，豚肉片輕輕炸過，油左些少，芥末少辣唔太攻鼻，賣相唔算吸引但味道不俗。餐牌：

🍗 素炸排骨口水汁撈麵 🍜喺京瑞廣場攪完證件之後搵嘢食，咦原來入素就係呢度！不過老公又想食台灣鹽酥雞。點好呢？🤔經過見到一樓嘅入麵 entrance . 撈麵個 Menu 都有台式鹽酥雞食，而且仲有幾款素食。咁就呢間啦，下次有機會先自己去入素。☺️入麵係感覺家庭式的餐廳，座位會有少少迫。當時12 點幾我哋即刻有位，不過過多一陣已經見到門口有好多人排隊。老公同小朋友叫咗回味醬骨架薑蔥蒜撈麵、鹽酥雞球日式撈麵，我就叫咗素排骨口水汁撈麵。素排骨好靚仔，仲配三條小薯條好趣緻。😆另外一碟口水汁撈麵，加埋份量十足。口水汁對我嚟講少少辣啱啱好，比起傳統嘅口水汁偏甜，而撈麵嘅口感好好味！素炸排骨外面酥香，裡面嘅素肉漿軟綿綿。下次試吓佢嘅吉列素牛蒡扒先 😋由於份量真係好大，我好努力最後都係食唔晒。不過我老公自己一份、兩個小朋友 share 一份就剛剛好。大家入開石門可以試吓 🥰

出開黎石門，又要搵下附近有乜野好西食😋叫呢間人流麵算多，加上佢真係響轉彎位入面😂所以就入去試下🤤$64日式桂花叉燒配豬骨濃湯拉麵🍜見有桂花兩個字以為有桂花味🥲點知冇🥲上碟係好薄的腩肉片☹️豬骨濃湯拉麵則不過不失。$62回味醬骨架配薑蔥蒜撈麵🍝有三大舊豬骨架😚啱晒鍾意損骨嘅我😋😋😋骨架炆到連骨都好稔，入哂未味，有啲軟骨位增加口感👍🏻肉質有醬汁點綴下唔會乾柴👍🏻撈麵蔥蒜味好充夠，唔會好油，麵身乾爽一條條，唔會過稔👍🏻黎而薑味唔夠突出🤔跟餐包一杯飲品，叫咗珍珠奶茶🧋同埋荔枝玉露🥺荔枝玉露好多果肉，但成杯嘢真係太甜🥲而珍珠奶茶就反而唔夠甜☹️總括而言，午餐分量足、包飲品尚算抵食，有機會會想試埋豬手👍🏻

叫左兩個下午茶set，第一次嚟，好似撈麵出名啲，就先試下佢其中兩款撈麵。鹽酥雞球麵配珍珠奶茶$46叫左麻香醬撈麵底，落咗好多麻油，麻香味十足，好惹味。鹽酥雞球正正常常，炸粉唔會好口厚，都有啲肉食下，質素ok珍珠奶茶就正正常常冇乜特別，啲珍珠都整得幾好，甜甜地有嚼口。回味醬骨架麵配珍珠奶茶$50日式撈麵底，有啲豉油麻油咁，個麵一樣都是很惹味。回味醬骨有啲似豬手，店家提供膠手套，開頭諗唔明膠手套用黎做乜，原來用手食真係易好多😯，食唔出佢用咩醃，鹹鹹地咁，不過好入味，肉質唔老，又唔可以話真係好”回味”，正正常常的一味菜，ok啦😂個糖心蛋幾正😋唔知呢一餐係咪油得滯，食完好濟，夜晚都唔想再食嘢了，慳返餐又幾好😅

尼間黃店主打唔同辣味/日台式口味既食物，素食者亦適合，夠貼心。入座前要量體溫，仲會有消毒搓手液。lunch set價錢大約$55-60，可以揀1款主食，1款撈麵/湯麵，1杯台式飲品。叫左主食回味醬骨架set($60)，鹽酥雞球set($56)。回味醬骨架有3大件，侍應貼心地提供膠手套及盛骨碗，方便食。醬骨架煮得夠入味，肉嫩唔乾。伴碟仲有糖心蛋、榨菜、青瓜、紅蘿蔔。日式撈麵好大份，男仔食可能都覺得好多。面頭灑上柴魚乾、粟米，攪拌日式醬汁一齊食。麵身屬硬，個人覺得口感更好，因為如果麵條煮得太軟，就會撈唔起，變成一patpat，所以餐廳煮麵時間控制得好。鹽酥雞球有起碼7件，炸得夠脆，食落唔會覺我好熱氣，而且肉滑仲有d肉汁。伴碟仲有薯角、青瓜、紅蘿蔔，有心思唔會單調。將麻香醬拌勻之後，成碟麵都好香麻醬味，再加d粟米點綴。跟餐飲品揀左珍珠奶茶、冬瓜茶，正正常常唔會過甜，難得珍珠奶茶唔駛加錢。整體，抵食既lunch set，而且睇menu會眼花，因為真係好多選擇，咩都想試。

石門區返工，經常見“入麵”好多人等位，令我都好好奇，有一兩次八點去，麵品都已經售罄，終於等到今次。Menu比較簡單，基本上就係㨂咩肉配咩汁，原來佢有飯，不過麵店就梗係要食麵！撈麵都有幾個風味，最後揀咗日式燒汁雞+麻香醬撈麵 & 回味醬骨架+薑蔥蒜撈麵。醬骨架味道略濃，係好食嘅，有啲似紅燒。不過就“難去食”，有啲肉係骨同骨中間，即使提供手套，但我懶😅， 所以有少少哂咗。 至於日式燒汁雞，雞肉有少少乾，個汁就幾好，甜甜哋， 同以往認知的日式燒汁有點不同。我反而覺得主角係麵，原來係似上海麵嘅質感，淋淋哋，粉粉地，唔係彈牙個種，不過我鐘意✌️不論配薑蔥蒜定麻香醬都各有特色，粉粉哋嘅麵變凍食就唔會太粉，恰到好處，若冬天食就會略嫌凍。不過整體係推薦的！

今期推薦～回味醬骨架配蔥油撈面～蒙古風沙牛仔肉去到石門見到有很多新的食肆，大部份都是小店經營，沒有分店，所以走進這間台式餐廳，發現很有驚喜。餐廳樓面偏小座位也不多，但是食物的水準很好，叫了兩個餐和一個小食，味道都很不錯。餐牌上的食物名字改得也十分特別，那個醬骨架配蔥油撈面，骨架十分入味。另外那個蒙古風沙牛仔肉十分香口和惹味，和糖心蛋十分配合。另外，要了一份炸魷魚鬚，味道正常，但份量比較少，飲品少甜整體都是偏甜。

早兩天見到「入麵」發帖話有新出品，今日趁天氣寒冷走去試吓，一入門口親切有禮嘅員工招呼入坐，首先叫左個新出品「薑母鴨」口水撈麵及每次來都叫嘅「回味醬骨架」撈麵，醬骨架一如既往都係回味一試再試，首次試薑母鴨，湯底有好多片薑及好重藥材味道，需然多薑但飲落啖湯不覺得辣，鴨肉係鴨肶肉，食落啖啖肉，再配上腐乳醬尤其好味，最後不得不提個衡氣活血嘅藥材湯底，食完隻鴨飲埋啖藥材湯，全身發熱，非常適合近來嘅嚴寒天氣，幫助驅寒！

本來冇想過入去食，但阿仔同門口員工好好傾，又見自家製麵，膽粗粗試下。叫左回味醬骨，真係好好味。個骨好入味，醬的味道比普通的叉燒醬好味。店員好細心，預備手套比我地渣住食。骨底下墊著菜，又有青瓜和番茄🍅，最有趣係加埋炸菜。撈麵個麵質不錯，醬汁惹味（有日式、蔥油蒜、麻醬選擇）。撈麵都幾大碟，加埋個餸好飽呢！阿仔叫左新出的骨法雞翼，話好入味，好味。飲品方面，叫了荔枝玉露，小朋友話好飲，我覺得比較甜。有機會會再食

推薦！！！逢星期五都係Lonely食晚飯的日子，今日興致勃勃想在石門食d嘢，行佐幾間食店，都覺得唔想入去。我見到呢間食店，就行過去睇餐牌，有個女服務員出黎同我介紹晚市套餐，我再睇佐一陣子餐牌，入面顧客唔係好多，我就入左去啦！我揀佐1號套餐，冇加一，$78送飲品。「回味醬骨架」配「麻醬撈麵」先到的是「骨架」，入面有車厘茄、榨菜同好多塊骨架，如果不配榨菜，就咁樣食d骨架，味道係夠的。如果配埋榨菜就會鹹d。所以根據你自己口味去選擇是否會撈勻榨菜一齊食。然後就係麻醬撈麵，一撈就有香噴噴的麻醬味撲鼻而來，佢好似係自家制的麵，煙韌配上麻醬，好好味呀！值得一試！👍👍👍