大榮華酒樓

营业中

休息中

寫字樓一大班同事新正頭約食飯，唔想飲茶食點心咁悶，就試下大榮華的九大簋套餐。以前入嚟元朗，要飲茶的話一定會嚟大榮華，幾十年歷史喇。九大簋真的有九碟餸菜。我們今次點了加料九大簋，千五蚊有一圍。其中有雞有鴨，我們另外加了店內馳名的豬油撈飯及奶黃馬拉糕，味道不錯，很有家的味道呢！香茜燒米鴨，個樣幾靚，不過本人不好食鴨，所以都唔知好唔好食。圍頭五味雞，味道很好，甜甜地，雞肉也很滑很嫩。蘿蔔門鱔乾，最好味係蘿蔔，吸收左魚乾的味道，正！不過門鱔乾就無想像中咁好食，好似食柴魚咁。盆菜炆豬肉，五花腩整得幾好味。最正係d 芋頭。陳皮豆豉蝦，雖然唔係好覺有陳皮味，不過呢個蝦整得幾好味。時菜鯪魚球，比較其他餸菜，鯪魚球被比下去了。婆參炆北菇，一般的過節餸，無咩特別。枝竹炆蠔豉，勁鍾意呢味餸的枝竹，好入味，蠔豉也好好味！雜錦炒菜絲，呢味粉絲無咩味，感覺嘛嘛地。糖水是類似麥米粥的東西，有麥米，眉豆，淡淡的薑味，幾得意。奶黃水晶包，兒時回憶，也好耐無見過茶樓有呢款甜點。豬油撈飯只影到個飯筒。。。奶黃千層馬拉糕，好似無從前的好味，既不鬆軟，也沒有香甜的味道。

年三十，外賣自取一隻圍頭五味雞，同埋其他燒味點心。隻雞師傅斬埋，返到屋企砌唔返全隻雞，冇咗一邊雞翼、兩邊肩頂位。本身團年飯食雞係寓意飛黃騰達展翅高飛，而家殘缺不全，飛唔起，畀家中長輩話咗幾句，多謝晒呀味部師傅😮‍💨

因為成功搶到<賞你遊香港>的元朗一天團, 午餐就是大榮華的九大簋. 其他團友皆為8人一枱, 但我們剛好一家4口,  被安排在細枱. 就座後, 要先用涫水淥碗筷. 是久違了的公雞碗呀!豬油撈飯先上!     豬油撈飯  這就是傳說中的名物<豬油撈飯>. 今天走了很多路, 實在需要補一補. 豬油配豉油再撈飯, 假如有豬油渣和生雞蛋會更美味. 就因為我們只有4人, 所有食物都變為半份.    香茜燒米鴨   很正常的燒鴨    圍頭五味雞   醬料中帶著微微的藥味, 似是花椒八角丁香荳蔻桂皮羅漢果之類.    咕嚕肉   咕嚕肉, 菠蘿青椒, 洋蔥混有紫薑. 肉片變為咕嚕肉, 剛好一口一件, 肉質纖維短身, 容易咀嚼.  芋頭扣肉  芋頭及扣肉表面有南乳的暗紅色. 但玫瑰露酒的酯味很突出, 跟一般餐廳的扣肉有明顯分別. 南乳醬身加入玫瑰露酒, 特別香, 用來撈白飯一流.     陳皮豆豉蝦  不會要求是新鮮蝦. 只是蝦外層的豆豉味很香.   炒粉絲  小米不喜歡啡色或黑色的食物, 所以很喜歡這個軟綿綿又清淡的黃色炒粉絲.    時菜鯪魚球  4粒  鯪魚球較軟

✨惹味平價傳統圍頭菜✨.最近星期日約6點半，一行四人去咗位於元朗嘅大榮華酒樓食圍頭菜，當時大概8成滿座，雖然呢類咁傳統圍頭菜多數係上年紀人士先鍾意，但其實我都好鍾意食😋貪佢惹味邪惡好送飯(✽´ཫ`✽).當日仲見到老闆食神韜韜，好驚訝佢瘦咗超多，佢仲走黎推薦啲菜式比我哋！本身想合照但我怕醜又黎唔切反應🙈.大榮華圍頭菜確實好好食，而且價錢相宜食咗咁多野都係人均$150，環境亦做到真正嘅傳統懷舊感，不過就同健康扯唔上咩關係，每道都非常油，而且都幾重口味同味精，亦因為每道都係咁，所以下邊唔每次都提及🙈.▫️圍頭五味雞 $100（7.5/10）見幾多人推薦，肉質好嫰滑而且入味💓雖然只有半隻但絕對唔會骨多肉少ദ്ദി ˉ͈̀꒳ˉ͈́ )✧.▫️腐乳通菜牛肉 $100（7/10）炒得夠鑊氣，牛肉亦入味口感都幾軟腍，係幾好食😋如果腐乳味再出啲更正！.▫️花膠雞絲魚肚羹 $100（7/10）估唔到又唔錯，早排食咗另一間價位貴少少嘅酒樓同一道菜，但大榮華更好食.▫️燒汁茄子牛仔骨 $100（8/10）有驚喜！平時啲牛仔骨都好韌下，但呢間相對好軟腍易咬，加埋炆得夠淋嘅茄子真係超級好送飯🥰.▫️蘿蔔牛筋腩煲 $100（6/10）呢

🚩元朗☕️大榮華酒樓-講到元朗嘅酒樓, 應該冇人唔識大榮華xd由食神韜哥管理, 更係老字號, 專食懷舊圍村菜, 小編表示每次都係衝着豬油撈飯而去!!酒樓分咗三個入座時間, 如果一miss左, 就要等下一輪🤢好彩我哋平日去 都唔使等位xd-🥘豬油撈飯：其實就係蒸飯加頭抽同豬油, 事關冇乜地方可以食到豬油撈飯, 所以大榮華呢個菜式一直都好受歡迎, 細細個去食, 佢嘅豬油係好正, 帶一種臘味香, 加上頭抽係超惹味!!! (脂肪跟我say hi) 但而家去食有小小不復從前嘅感覺, 欠缺左嗰份香氣, 有少少同普通油冇分別嘅感覺😢-🥞🚩元朗☕️大榮華酒樓-講到元朗嘅酒樓, 應該冇人唔識大榮華xd由食神韜哥管理, 更係老字號, 專食懷舊圍村菜, 小編表示每次都係衝着豬油撈飯而去!!酒樓分咗三個入座時間, 如果一miss左, 就要等下一輪🤢好彩我哋平日去 都唔使等位xd-🥘豬油撈飯：其實就係蒸飯加頭抽同豬油, 事關冇乜地方可以食到豬油撈飯, 所以大榮華呢個菜式一直都好受歡迎, 細細個去食, 佢嘅豬油係好正, 帶一種臘味香, 加上頭抽係超惹味!!! (脂肪跟我say hi) 但而家去食有小小不復從前嘅感覺,

難得同朋友試下香港獨有嘅圍村菜，點味唔會好濃，因為要食返食物本身嘅鮮味，真係一試愛上！懷舊點心愈食愈滋味！好耐冇見嘅糯米包香軟煙韌;榮華臘腸卷嘅臘腸爆晒汁，唔油有咬口;3層馬拉糕又鬆又彈口;大包真係名符其實又大又多料；牛肉球放耐咗都唔會出水；素餃幾爽口！全部點心都非常足料！（HKD24~3x不等）小菜都一樣出色！蟹肉炒長遠嘅炒絲好爽身;蒸芋泥好滑，但蝦肉好彈牙，餸飯一流！臘腸炒芥蘭有啲媽媽嘅味道；圍頭五味雞一定要食，醃得好入味，成餐飯真係食唔停口！（HKD90/例）美咪指數：9.5/10抵食指數：9/10

忽然間諗起大榮華既豬油飯，今晚就即刻嚟左食依到食飯其實唔平，大部份既餸都係$87一個，海鮮、燒味或者其他特式嘢食當然仲貴啲😲雖然今次目的主要係佢既豬油撈飯，但都想試下啲特別啲既餸雞蛋焗魚腸($87)一個考功夫既傳統嘢食，唔係好多地方有得食，咁就試下啦唔試好過試。。。只可以話唔啱我地口味，食落好多唔同香料既味，芫茜、陳皮、薑等等，全部都係我地唔食既嘢好努力食都係食淨左三分一圍頭五味雞($87)依個啱我地食好多雞件嫩滑，半隻雞既份量都唔少煮得好入味，配飯一流主角既砵仔飯同豬油飯加左豬油同豉油，已經好香，就咁食一碗飯都得最後再加左半份奶黃馬拉糕($44)好香唔會過甜，每人兩件啱啱好最後埋單每人百五蚊左右，其實只為左佢個豬油飯

暮色四合，我們一行三人來到元朗大榮華酒樓。入坐後，我們分別叫了「圍頭五味雞」、「紅酒燴牛仔骨」、「一品豆腐煲」及半份「奶黃馬拉糕」。當天的餸菜大體感覺不俗！圍頭五味雞賣相尤佳！其肉質鮮美，柔軟細滑；紅酒燴牛仔骨內裡的牛仔骨、馬鈴薯及紅蘿蔔火候控制適中，下飯絕配！一品豆腐煲則較平凡，可謂不過不失！該酒樓聞名遐邇的豬油撈飯雖則有欠健康，惟偶一嚐之，亦無傷大雅；白飯混入豬油和醬油後，香氣四溢，益發往昔舊時農家氣味。整晚最感愜意為奶黃馬拉糕，其外貌悅目，入口鬆化，可見工夫！是夜結帳共港幣407元，以現時香港之物價，可謂便宜矣！

印象中回想以前小時要去元朗探親戚，坐過一種叫「豪華巴士」的單層巴士由市區入去，入去時由於屯門公路都還未建好，要經由海邊的青山公路入去，入一次去感覺要數個小時才去到元朗，入到元朗都覺得只是元朗大馬路兩邊才有一些的樓宇而外圍還有很多的農田，還有去到元朗一定要買老婆餅出來，這些就是我兒時對元朗的感覺。當然現在去元朗有很多很快的方法去到，在元朗市中心的人數和樓宇和以前相比也是大相逕庭，而今次在元朗進餐的就是大榮華酒樓。榮華於1950年由劉培齡及趙聿修兩人創辦，兩人在新界當時還是郊區的元朗開設了榮華酒樓，樓高四層，另設餅食外賣服務。1975年在元朗安寧路開設大榮華酒樓，但不是一直由當年經營到現在，因為在1994年時結了業，原因是生意不佳，但到了1998年12月重開，並由廚師梁文韜主理，並引入了價廉物美的圍村菜，令生意大增，也吸引了很多的食客慕名而來。圍村菜就是新界鄉村人的家常小菜，鄉村人自己捉魚和種植農作物，可以第一手得到一些新鮮和當造的食材，而一年有24個節令，鄉村人就會選擇適合時令的食物，用簡單的烹調方法來做菜，所以最能帶出食物中最原汁原味的地方，「不時不吃，不鮮不吃」便是吃圍村菜的八大真言

傳統中式圍村菜一向不是我杯茶. 成班friends山長水遠入元朗, 大家都想食D地道食物. 第一時間諗起大榮華. 雖然九龍灣有分店, 始終都係想試總店, 食一定要去老字號!6PM到大榮華, 等大約30分鐘入座. 我地十分buy time, 在等位時已search下有乜推介點定餸! 主菜大部份$80一碟, 價錢簡單清楚寫明, 不錯!5人叫了7餸+豬油撈飯. 以招牌菜為主.奶皇馬拉糕 - 一籠有八件. 新鮮蒸起, 很熱很香很鬆軟! 平時食的馬拉糕中間沒有料.這馬拉糕中間夾著奶皇, 幾好味! 奶皇比較淡, 可以再甜點會更好味.圍頭五味雞 - 同其他食家意見一致, 外表和味道基本上同豉油雞一樣. 食唔到'五味'. 應該係雪雞沒有雞味, 加上上菜時又唔熱, 沒有驚喜.註: 我地最後打包了半碟, 不是因為好味, 只是不想浪費.金沙蟹粉扖西蘭花 - 大路野, 不過不失. 可以多點蛋皇同蟹粉.雞蛋焗魚腸 - 新鮮蒸起, 外面焗得很香脆, 很多魚腸, 朋友十分欣賞. 我只食左一小口, 魚腸不是我杯茶.鳳凰蟹肉炒長遠 - 炒長遠即是炒粉絲. 炒得都乾身, 有蛋, 韭菜, 粉絲, 很少蟹肉. 講真很普通,

極寒冷年初三拜年後到元朗搵食, 在又新街吃了串燒及黑豆豆腐花後,小表妹食神付身的致電大榮華,回報說道這個時段人齊就有位,一於拉隊拜訪肚腩比我們更大的韜韜。傍晚五時半,以為我們這組"早鳥"可即時入座,原來酒樓晚市已在五時開始,店裡已更多人更早到場等候,元朗居民都是早吃飯的一群唷, 在擠迫的一樓"大"堂裡忍受著寒風等了四十分鐘後,晚上六時十分樓上那層也開放後才能入座。樓上那層像額外間出幾間貴賓房似的, 其餘單位都是酒樓的會計部、採購部所在, 依稀還看到一間會計師行辦公室在, 莫非提供一條龍核數服務取籌時知客小姐同時給予一張餐單,好讓客人順道點菜,我們本也在等候時在點菜單上劃好心水菜式,入座後原來座位上還有其他選擇,其中九大簋還有分精製($1080/12人)或迷你($650/6人),新年流流吃九大簋耶,多好。客人點了九大簋後,侍應會換上古早味的公雞碗!!做戲做全套,要是換上同是古早味的竹筷更有圍頭風味唷。冷冰冰天氣下最好飲碗熱湯,另點一客例湯,是日為很好意頭的好市大利湯,以蓮藕、蠔豉及豬脷煲成的老火湯鮮甜濃郁,蠔豉的鮮味令熱湯更香,侍應也適趣的每碗也分一片豬脷一件蓮藕,這兩片"湯渣"前者煲得

只有5人不能訂檯, 幸好walk-in 都不是太full~地方極度隔涉, 仲要係電話被侍應呀姐教路由朗屏西鐵站出口行, 搵到傻.....一張小菜紙疑似有好多選擇, 但其實好多都係同款主菜只係唔同煮法而已我地總算點左好幾個都係呢度既拿手菜上菜速度挺快的, 話咁快好幾味送都一次過上檯了~我地放棄左燒米鴨就要左圍頭五味雞, 雖然入味但出奇地係凍既!! 暖都唔暖 搞笑地雞頭同雞身既豉油色完全唔同, 雞頭好深色, 不敢懷疑究竟雞頭同雞身係味黎自唔同既雞?!?!完左入味既五味雞之後, 反襯下有南乳花生豬手。比較淡身，南乳味唔太重做得唔錯既乳香酥炸鱔球, 酥炸香口而且魚質嫩滑。可惜鱔球比較薄身, 如果可以淡淡肉就唔錯另一味都鍾意既係農家燒汁煎藕餅, 油炸熱辣辣。入面仲有好豐富既豬肉, 唯一美中不足就係食唔到蓮藕, 貌似完全融係豬肉入面, 都莫講話奢侈有蓮藕粒了..之前聽人講過雞蛋焗魚腸都係著名作, 黎到怎能不試呢?! 用砵仔焗真係好有特色, 似是特別有「砵」氣~ 外層焗得太過火, 好硬。問過侍應但佢既答覆竟然話「係咁架啦..」魚腸比較腥, 即使落左胡椒粉都去除唔到陣味.. 可能係我食唔慣罷砵仔豬油

剛過去的星期二是爸爸正日生日, 一家人相約到大榮華酒樓慶祝, 為免去到要等, 所以先行訂位。 7:00pm去到, 約七至八成滿, 比想像中少人呢! 或許是平日的關係吧! 點菜全由家人作主, 菜單是每月轉款的, 大多數都是$52。 波士頓龍蝦(芝士焗) $160: 另加伊麵底$20, 約一斤四兩重, 落單後會拿過來給你過目。 見到價錢都會擔心質素問題, 因為少見如此便宜。 一上檯果然有驚喜, 有咁上下件頭, 很厚肉, 鮮甜爽彈, 但就不太覺有芝士味, 伊麵沾汁吃還不錯, 不會過稔。 麵醬蒸寶石魚 $5x: 見侍應如此落力推介, 一試無妨啦! 別說未吃過, 連見也未見過。 魚已分開兩邊, 已去掉幼骨, 肉質爽身, 一片片的, 嚐過後才發現用麵醬蒸魚效果甚佳。 瑤柱扒豆苗 $52: 每頓飯都要點些蔬菜來平衡一下。 豆苗炒得不會過老, 少許油膩。 乳香酥炸生蠔 $52: 數過有十隻, 當然不會是珍寶蠔般大, 鮮味欠奉, 而且幾厚粉, 炸得過火一點。 乳豬拼海蜇 $52: 我只嚐過海蜇, 由小到大都愛稱它為「橡筋」。 很煙韌, 彈彈下, 少許辣味。 圍頭五味雞 $52: 事前心裡暗測必定會叫,

發覺自己有時真係幾懶, 明明次次食飯都有影低相, 預備食食評, 結果到宜家都只係得幾篇= =. 同埋幾乎寫親都係好食果d(除左一間, 果間真係超差, 想知邊間可以睇番我之前寫果d).上個星期日入左白泥釣魚, 不斷落雨, 結果零漁獲. 好彩大榮華都無令我失望~ 七點半左右去到大榮華, 是夜竟然不需等位就直接入座, 一個好開始的晚餐.總共6個人, 叫左1羮8餸+馬拉糕. 飽到差小小反肚. 未講野食, 就要先讚一讚果度d侍應, 服務非常之好, 真係我加左唔小分.講番食物,栗米魚肚羮 - 唔計阿媽整的, 呢個係我試過最正的. 如果你平時都喜歡, 必試!! 乳香酥炸鱔球 - 我怕鱔多骨,所以無試, 不過呢碟餸都俾我d朋友清晒, 應該唔差.香茜燒米鴨 - 阿姐強烈推薦, 我自己覺得, "ok la".圍頭五味雞 - 好咪, 隻雞d肉好嫩, 不過我自己就只係食到豉油味, 究竟其實有邊五味呢? 拖地叉燒 - 肥瘦適中, 不過食落好似老左小小鳳凰蟹肉炒長遠 - 又係阿姐強烈推薦, 不過食落普普通通, 唔算特別好食炸軟殼蟹 - 呢個整得好油, 唔好食, 勁唔好食 鹵水拚盤(豆腐&蛋) - 真係好入味,