湯煲私房火鍋

营业中

休息中

湯鍋是幾出名的私房火鍋，在openrice訂座儲下miles，感覺都幾溫馨，地方不算大，約可容納30人，枱與枱之間亦夠空間。難得來到湯底就選特別一點，黑蒜姬松茸脊骨煲滾起後可以喝兩碗先，黑蒜甜甜地，姬松茸菇味幾突出，湯底果真清甜好喝，不枉叫了這個。這裏比較出名手工餃，選了個雙拼：川色麻辣牛肉餃拼味增大根黑豚餃。價錢都幾貴，其實只有六舊，幸好真是好吃。川色麻辣牛肉餃麻辣味道不算太重，反而牛肉的鮮味特別香，中間包着濃濃的鮮肉汁，外皮索著黑蒜豬骨湯汁，真是很出色！味增大根黑豚餃比麻辣牛肉餃更加出眾，味增甜甜地，中間的大根令到餃子有爽口口感，豬肉更加適合製造餃子，全晚最出色的配料！墨魚滑都幾彈牙，比較結實。唐生菜價值不菲，不過滾湯很好味。店員很主動幫忙落配料和介紹菜式，態度和服務很好。整頓火鍋都很有自家製的健康新鮮感覺，都算物有所值。

出咗差個幾兩個月，兼且在外地真係食唔慣當地的食物，所以一返到香港就第一時間約朋友去吃火鍋。朋友幫我揀好咗地方，就係上環永樂街的一間樓上私房火鍋。地點好就腳，上環站E2出口一出，行一分鐘就要可到。上到來，感到地方不算太大，但是就好舒服，因為夠光猛，冷氣夠 (吃火鍋冷氣是很重要的)，仲可以一路食一路睇東張西望、愛回家。至於店員的服務是很貼心，會推介今日有咩特別好嘢食。調味料有12款，一格格地整齊排列著，鍾意點樣mix 都得。不過個人認為只要食材高質、新鮮的話就無需用太多調味了，所以只用了些少麻醬、豉油、香茜、香蒜、蔥粒。唔想吃得太燥，同時又唔想個湯底的味道太霸度蓋過食材的原有鮮味，所以選了【什雜豆腐白湯】做湯底。裡面除咗有好滑的豆腐之外，仲有幾款菜，例如白菜、菜心、生菜等，非常健康。其他食物就紅肉白肉都兼顧，點了墨魚滑、鱔片、宮崎黑豚腩肉、和鳳城水餃。【墨魚滑】一餅雪白墨魚滑上撒了幾片芯瓣，賣相幾靚，一睇就知好新鮮。淥分零鐘就可以享受到爽口彈牙的墨魚丸。【鱔片】刀功唔錯，雙飛厚切。食落非常爽，而且有點脆口感，非常鮮美。【宮崎黑豚腩肉】聽講我唔喺香港呢段日子，香港啲豬肉市場出咗事。今次朋友特

香港人最鍾意就係打邊爐，周圍都係火鍋店，但要搵間有質素，舒適，服務好既火鍋店就難好多。宜家火鍋店好有質素，包你食過一次番唔到轉頭。裝潢方面，以簡潔為主題，坐位夠晒闊落。服務態度都好好，好主動幫手落料，控制火候，解釋食法。就連醬料都好有心思，師傅自家制的蝦醬🦐有點似XO 醬，微辣，而且香口。 不過，由於宜度食材新鮮，湯底味道濃郁，唔點醬反而仲好食，個醬最好留番用黎撈面食。《黑蒜姬松茸脊骨煲 $288》宜度出名個湯底，打邊爐連湯底都飲埋你試過未? 剩睇食材，就知一點都唔簡單。當中黑蒜營養價值最高，抗氧化能力比白蒜高10倍，味道偏甜，最重要係唔會口臭。當打邊爐既尾聲，食出面既豬骨湯渣會覺得好鞋，但宜一家既脊骨絕對唔會鞋，而且豬骨肉味仍然係度。首先，等個湯沸騰幾分鐘，等松茸出味，品嘗一下個湯，個湯味道十分濃郁鮮味，感覺煲左十幾個鍾。鍾意飲湯既你記得飲多幾碗先打邊爐，因為落其他食材會影響成個湯個味道。 ⠀⠀⠀⠀⠀⠀⠀⠀⠀《蘇格蘭安格斯肥牛 $188》安格斯發源地其實係蘇格蘭，只係美國後來將安格斯牛🥩發陽光大。宜個安格斯牛既滿佈油花，口感豐腴，肉味香濃。另外，介紹大家一個食法，就係用黑蒜同肥牛或腩

今晚又去上環等友人放工，突然好想打邊爐，於是上網搵一下上環有咩地方可以打邊爐，看到這間火鍋店好像不錯，於是訂好枱跟友人一齊十下十下。這間火鍋店位於上環的樓上舖，餐廳名都說明了是私房，所以不算很大。餐牌上的選擇也沒有出面大型的火鍋店多，但一定夠新鮮。他們的醬油中有一款是他們自家製的，落有蝦米等材料，咸咸辣辣幾惹味!清香椰子雞煲($288)，湯底揀選了椰子雞湯，聽店員說湯底是用上椰青水的，上枱時煲內有椰青水和椰子片，水滾後店員會幫忙落雞，雞大概有半隻，附上青檸和薑蓉食雞時可用。落雞後大概5分鐘左右，湯就可以飲了!湯非常清甜，好有椰香味，雞肉好嫩滑，雞味都幾濃!呢個湯底好正!蘇格蘭安格斯肥牛($188/半份)，半份份量都幾多，牛肉油脂同肉的比例均勻，食落牛肉味都幾濃!西班牙黑毛豬梅肉($128/半份)，這裡的豚肉油脂分佈也是很均勻，唔會太油，豬肉味都幾出。黑木耳($68)，這裡黑木耳的份量都幾多，食落爽口而且吸收了湯的味道，很鮮甜!菜心苗($68)，近排發覺中式湯底要食返D中式D既菜會更加好味，菜心煮耐一點，吸收湯的味道會更多更鮮甜!味增大根黑豚餃($88)，這款餡料第一次食，口感幾特別，餃

有同事介紹「無限極」附近開左間私房菜， 係用燉湯黎打邊爐嘅專門店， 小編最鐘意打邊爐，梗係唔可以錯過啦！ 而用燉湯黎食火鍋嘅火鍋店係香港並不多， 不過小編試過好幾間， So far「湯煲私房火鍋」係最好食！😏 餐廳環境簡潔企理， 以白色為主調，燈光充足，坐得舒適， 我仲見到佢有箱房， 下次team dinner可以包房啦！🙌🏻☺️ 打邊爐混醬混得多， 但店家嘅認真係連醬料都自家製！（敬佩）👏🏻 師傅自家調製嘅蝦蟹醬， 以蝦膏、蝦醬、蝦干、蝦籽、蟹膏等為材料，食落鮮香惹味， 點少少就有畫龍點睛嘅效果， 餘韻仲留係口腔好耐～😊 不過店家嘅食材都好新鮮， 所以即使唔蘸醬都好好味！😋 店家介紹所有湯底都係零味精， 只用新鮮材料熬起嘅老火湯， 呢到仲有好多好獨特嘅湯底：天麻川芎白芷魚頭煲、黑蒜姬松茸脊骨煲、冬瓜陳皮水鴨煲。 黑蒜姫松茸脊骨煲（$288） 姬松茸，又稱「巴西蘑菇」， 多數用於煲湯，有強身保健嘅功效！ 呈橙黃色，肉質緊密有彈性，香氣十足！ 材料十足，浮係湯面都有6-7隻， 雖然用咗脊骨煲湯， 但係並無多餘嘅油脂泛起，

火鍋是香港的傳統菜式，自問自己也很愛吃，只是已經有一小段時間沒吃了，無意中發現到上環有一間私房火鍋，平常真的好少去上環，總感覺這區沒有什麼好吃和好逛的。以前男朋友在上環工作，所以對於那邊的路也算略懂一二，湯煲私房火鍋雖然就近地鐵站，入口卻在一條小街道處，向來對於橫街窄巷的衛生感到懼怕，但為了吃好東西，還是需要經過的。場內環境十分寧靜，給人的感覺很好，我到的時候只有一枱客人，環境以白色為主色，坐也坐得好舒服。燈光也充足，有點黃黃的燈光，柔和得來又不會令人感到睏倦。說到是私房火鍋，價錢當然比起一般的火鍋放題昂貴，一般的火鍋放題大概二百多元，散點的私房火鍋，每人至少要花五百元，但無可否認，質素大多也是有保證的。食材的種類跟一般的散點火鍋店也差不多，就不多說了，只是想說一下老火湯煲的湯底，只是一個湯底也要二百多元，如果是不好喝的，應該會被人罵到2046。本來醬料就沒有什麼好說的，店員卻為我們介紹一個很特別的醬料，叫蝦蟹醬，他說是廚房的師傅自家調製的，裡面有蝦膏、蝦醬、蝦干、蟹膏、蟹籽等材料，真是第一次吃這種醬。有很濃郁的蝦肉味，個人認為蝦的味道比蟹佔更多的部分，吃完後。味道亦在口中徘徊很久店員

在港島區工作的好友知我這天休假,就相約我到一間在中區剛剛開張的私房火鍋店一聚;得好友告知,乍聽之下該店名字看不端倪,但當親臨惠顧之後,發覺真是拓闊了眼界,滋養了味蕾,潤澤了身體!與好友相約於中環地鐵香港站的C出口,從那邊走過中上環交界的永樂街1號算是比較接近的位置;而大廈所處的街道的入口,從永和街走進去是最方便的!乘搭電梯到達餐廳所在樓層後,一開梯門已有個醒目的招牌呈現在眼前;內裡的裝潢廠簡約明亮,甚具時尚氣息;餐桌椅的鋪排寬敞,置身在內感覺非常舒服!由於餐廳是私房火鍋的關係,所以好友預先打了電話去訂位,順便預算了每人的筆值,由其是新鮮而量少的食材,好讓餐廳一方做好準備!侍應的服務態度很親切,我倆甫坐下便推介我們要一試由餐廳大廚親製的酸梅湯;一入口,就知這絕非池中物,酸梅與甜味的互相平衡,中等的濃度,入口之後的回味甚為悠長,確是消暑與清熱下火的極品!隨後大廚親自前來了解我倆的飲食口味與習慣,一番交談之後,我們接受其建議,選了很特別的湯底--遠年陳皮薑母水鴨湯;而食材方面,其新鮮的本地牛是必食之選;另外,點心類與肉丸類食物是有大師傅每日手製;根據大廚的推介選好食物後立刻落單,與好友邊等邊

餐廳裝修簡約，以木色為主，感覺舒適，食物價錢都算合理。值得讚賞的是服務很殷勤，兩位侍應不停為我們取去湯面的油、添水和更換乾淨的碗碟，實在很好。天麻川弓白芷魚頭煲湯底我們選擇了至愛的川弓白芷魚頭湯底。不單止有兩個大魚頭，而且魚頭很新鮮，魚湯又鮮甜，我們差不多把湯喝盡才開始吃火鍋。紐西蘭頂級雪花羊肉片未吃已經看出羊肉片很新鮮，有別於一般冷藏的，而且油脂分佈平均，不會太肥膩，吃起來有少少羊膻味，正合我們口味。墨魚滑雖然份量少了一點，但墨魚滑十分新鮮和彈牙，是一種很好的火鍋材料。鯇魚鰾因為魚鰾本身沒有味道，要靠魚湯添味，所以便不及其他食物好吃，但口感還是不錯的。川色麻辣牛肉餃麻辣味的牛肉餃不是很辣，但吃起來麻麻的，有一點刺激，適合不大嗜辣的我們。芥蘭苗平時我們吃皇帝菜，今晚試試芥蘭苗，料不到很新鮮幼嫩，吃起來沒有渣宰 ，剛好中和了火鍋的酒肥膩感。送的甜品很有誠意，南瓜布甸和蕃薯糯米滋很美味，連火龍果和哈蜜瓜也很甜。