同人鍋 (已結業)

昨晚與朋友原本打算食台式一人一鍋，但冇位，最終在山林道的同人鍋，見到過晚上九時後任食打邊爐都係百多元的廣告牌，決定一嘗。坐定後經店員大力推介，最終決定食豪一點，叫價錢貴近一倍的雞煲同用龍蝦湯，可選海鮮料的打邊爐任食。飲品任飲，都是些汽水、道地無糖茶及一jar jar的帶甜飲品。先來一個小辣的雞煲，幾好！夠惹味，葱頭爆得香，雞冇雪味。雖然只是和朋友共二人，但份量算幾多，而且熱辣辣的可當食火鍋前的熱身。食完雞唔係加湯落個雞煲，火鍋是另外上的，湯是用龍蝦去弄，但平心而論唔多feel到有龍蝦味。店員把今晚主角，有波士頓龍蝦及鮑魚的海鮮盤拿出來。基本上每人分到半隻龍蝦、一隻鮑魚及一隻瀨尿蝦，這三樣東西只可叫一次。龍蝦肉唔算多，只屬扼like而已，鮑魚不過不失，反而瀨尿蝦肉夠爽口，不俗。其他海鮮包括花甲、白鱔片、海虎蝦、松葉蟹鉗、馬刀貝、韓國蠔、帶子、魷魚、藍青口、花枝片及鑽石蜆則可無限添加。朋友最喜歡海虎蝦，不大隻但鮮甜彈牙。拿海鮮盤過來時，店員同樣精選了一盤火鍋料過來，全部可refill，我們添食得最多的是安格斯肥牛及黑豚肉，另一款紫薯水晶包夠煙靭，也值得一試。雖然連加一最後每人埋單都超過三舊

【#飲食】C+搵食團 || 首嚐另類火鍋湯底 - 尖沙咀同人鍋 = = = = = = = = = = = = = = = = = = = = = = ms. C 喜愛火鍋的程度，一年無論365日，春夏秋冬都是火鍋時間，想不到吃什麼就是去吃火鍋，最開心就是一大班朋友恰下恰下。一般火鍋配料當然重要，但同樣湯底也能帶出配料鮮味，一般都是豬骨湯、鴛鴦鍋、皮蛋芫茜鍋，今次就和朋友首次去了尖沙咀同人鍋首嚐另類湯底 - 花膠雞湯。 = = = = = = = = = = = = = = = = = = = = = = 同人鍋位於尖沙咀山林道，識搵食的人士一定知道在哪裡。設有兩款收費， 一款是普通任食火鍋，另一款就是無限時"雞煲海鮮肥牛火鍋"任食，講女搵食團當然選擇後者啦。 = = = = = = = = = = = = = = = = = = = = = = 同人鍋座位也有很多，而且枱和枱之間都唔會太迫狹，可以和朋友坐得舒舒服，慢慢食慢慢傾。 我們選擇的"雞煲海鮮肥牛火鍋"任食，就是先食雞煲，之後再用花膠雞湯打邊爐。先上熱辣辣雞煲，雞煲可以選擇不同的難度，辣與不辣任君選擇。我們叫了小辣雞煲，雖

吃雞煲後加湯打邊爐已不合時宜，最新玩法是吃完雞煲後火鍋湯底另上，這樣才可以享受兩種不同滋味！週日來到同人鍋，目的就是要和男友一起無限時任飲任食。食火鍋，食到盡！行一層樓梯上去後才知道這餐廳的面積好大，像一個大食堂的樣子，好像是一邊火鍋，另一邊是燒烤這樣。火鍋這邊有自助調味區任意使用。其實雞煲和火鍋有幾種配搭不同價錢，不過，在門口時已決定要吃288這個，除了雞煲還有整盤海鮮，又可以選擇原隻龍蝦湯底啊！飲品除了典型的茶和汽水，他們還自家製了一些清熱飲品，我們主要喝蜂蜜菊花露消熱氣，味道不會太甜，菊味香，不錯啊。另外不要忘記在facebook打卡和上載相片，每帳戶都有一杯雪糕送~為了遷就不能吃太辣的他，我們點了小辣。他們的雞件完全沒有雪藏的味道，感覺新鮮，肉質非常嫩滑，就算煲了好久，肉質都不會乾柴，是店家其中一個自豪的地方。醬汁味道相當濃郁，雞件全都好入味，不過比平常的小辣還要辣，男友不斷喝菊花露慢慢享受完雞煲，原隻龍蝦芝士湯底就上來了。乳白色的湯像牛乳，但其實芝士味好香。喝下去是濃厚芝士味，卻一點也不膩，還有龍蝦的鮮甜味道，讓我們不斷喝用這湯底非常有技巧，只在要涮熟食物時才能調高溫，否則要

今日約左個好朋友尖沙咀晚飯，地點是朋友介紹的同人鍋！因為我是海鮮迷，所以朋友強調這裡海鮮任食且新鮮！同人鍋位於山林道與松山道交界。餐廳位於樓上。門口餐牌寫$288海鮮任食，可享用雞煲之餘更送花膠/龍蝦湯！事不宜遲到樓上去。餐廳座位頗多，飲品調味料位於自取區我最欣賞有很多有益飲料可選擇，而非一堆汽水只求把客人塞飽。我們拿了一渣蜂蜜菊花，清熱又解膩。配料menu上有很多食物，尤其海鮮選擇也不少！下單後，店員逐漸上配料及雞煲，雞煲選擇了微辣，但以我喜愛吃辣程度，我下次會選擇中辣。雞煲雞件沒有碎骨，大小剛好，而且好入味！我給5粒星！由於雞汁太滋味，我們就用響鈴沾汁吃，鬆脆響鈴加雞汁，果然超惹味！吃完雞煲後，店員就送上我們期待以久的花膠湯一打開煲蓋，被大大的花膠扒嚇到！這個湯底簡直是女性恩物呢！香濃清甜花膠湯配上海鮮，份外帶出海鮮鮮味！活鮑魚更新鮮得還在盤上蠕動其他一般火鍋配料都很新鮮！安格斯肥牛牛味濃，焯過大約10秒就足夠。是日埋單每人$317，單是食花膠跟鮑魚我覺得已經物超所值！同時可享受雞煲跟花膠湯雙重享受，對所有為食貓來説完全是福音！

喺朋友介紹吓，特登帶媽咪嚟到尖沙咀「同人鍋」撐枱腳，食雞煲打邊爐！店舖喺佐敦站D出口附近，行大概5分鐘即到達。門口大大隻字寫住「無限時雞煲海鮮肥牛火鍋」$288！食雞煲無限時真係第一次見，咁就可以慢慢食唔使俾人催埋單走！二人同行仲可以有「原隻龍蝦湯底」或者「花膠雞湯底」！正呀！店內環境非常寬敞，我同媽咪六點半去到，可能係太早嘅關係，所以冇乜人！坐低之後，即刻先去飲品櫃拎野飲，我哋揀咗酸梅湯同埋道地解茶！之後店員就好有禮貌咁同我地講解呢度有咩食，最後我哋揀咗雞煲，要微辣；火鍋湯底就揀咗花膠，媽咪話養顔喎！過咗一陣，先嚟雞煲！雞煲雖然叫咗微辣，但辣度絕對唔惹少！所以如果唔係好食得辣嘅朋友仔，即使只係叫咗微辣，都要有心理準備！雞煲雞件每件都大大嚿，啖啖肉，而且冇碎骨！肉質鮮嫩唔韌，份量目測都有完整一隻雞唔多！雞煲附上紅薯粉，熟透的紅薯粉呈半透明狀態，煙煙韌韌！食完雞煲之後就輪到花膠火鍋出場！鍋入面嘅花膠非常足料，大概有六隻花膠！而且湯底亦非常清甜，未打邊爐前，同媽咪一人飲咗一碗之後火鍋料隨後呈上。特別推介「安格斯肥牛」，勁重牛味！如果唔夠，可以無限添加火鍋配料！最後，期待已久嘅海鮮拼盤終於嚟

今次係小編第三次食「同人鍋」了！ 來「同人鍋」的原因是因為$288就可以嘆齊雞煲和海鮮火鍋，仲要係任飲任食，性價比很高呢！😏 平日火鍋仲無限時，😳 星期五、六、日或公眾假期限時2.5小時，另外每位加$10。 餐廳在裝潢上是簡潔實戰型， 沒有花巧的裝修，只有木製桌子和膠椅子。 我們被安排坐到靠牆坐位， 坐位寬敞舒適，更設有抽風系統， 食完就唔怕成身一陣雞煲味啦！😂🙈 飲品方面， 除了啤酒以外，汽水、各款罐裝果汁和茶都是任飲的， 值得一提的是店家很有心思， 連自家煲製的菊花薑蜜和蜂蜜菊花露都有，低糖又健康！☺️👍🏻 小編每次來都必喝蜂蜜菊花露，清甜潤喉， 打邊爐咁熱氣，梗係要飲返杯清熱解毒一下！😋 先食🐔雞煲， 雞煲有五種辣度🌶可以選擇， 因為朋友不吃辣，所以我們便選了唔辣。 雖然唔辣，但秘製醬汁仍然香濃惹味， 而且加入大量洋蔥和芫茜，香氣四溢， 雞件非常多，件件都很厚肉， 肉質嫩滑又入味，好味道！😋 雞煲還配上自家製響鈴和薯粉， 響鈴大大件，食落感覺不會太油膩或飽濟。 雞煲配薯粉是新添加的， 薯粉吸晒雞煲的醬汁，煙韌入味， 不愧是最完美的配搭！😌 唔夠喉仲可以任添呢！👍🏻

這天約的朋友是在佐敦區工作, 而正好我亦要去佐敦區覆, 朋友又想吃較特色的火煱, 順理成章地便來山林道的這家特色火煱店. 雞煲x火煱是這裡的特色, 我在香港暫未看到同類型火煱. 一般是雞煲直接加湯打邊爐. 店裡的桌子大部份是4人桌, 裝修走簡約路線, 算是整潔.地方亦算寬敞. 食具齊全, 今天只有2人光顧, 但獲安排一張4人桌, 坐得舒服. 這裡的形式是, 先上雞煲及響鈴, 薯粉. 吃過雞煲後再換另一湯底打邊爐, 而材料則先提供一些固定菜單, 吃過後還可任意加點餐單上的食物, 時間無限, 正適合一大班朋友聚腳吹水. 飲品可以無限自取, 除一些常見汽水外, 較特別的有忌廉溝鮮奶, 番石榴汁, 不愛甜的我選冰凍紅茶.這裡的雞煲質素不俗, 就著朋友不太能吃辣, 只點了小辣. 但雞的入味及嫩滑程度合格, 當然用上的是雪藏雞, 但在大量的蔥, 芫茜, 辣椒下, 完全到達交貨指標. 2人份量但雞足左半隻, 吃了這個雞煲其實已飽了3分. 這次的響鈴有點不太夠脆身, 還好不太大件. 薯粉會一併放在雞煲裡煮, 煮至差不多時, 薯粉的口感QQ的, 又吸盡雞煲辣汁, 吃得非常過癮. 吃畢雞煲後, 會換上邊爐

雖然今年冬天比往年來得溫暖，但剛巧打算跟朋友預早團年的時候天氣又忽然轉涼，這個時候就特別想吃火鍋，但現在很多餐廳晚飯都有限時，能吃上兩個半小時已經是恩賜，在街上看到同人鍋的易拉架，說任飲任食火鍋無限時都是$288，雖然價錢不算特別吸引，但勝在差不多價錢可以慢慢食，不用趕頭趕命就決定試試。＊＊＊＊＊＊＊＊＊＊＊＊＊＊＊＊同人鍋位於山林道和松山道交界，距離佐敦港鐵站只有數分鐘路程，非常方便。任飲任食無限時雞煲肥牛火鍋，連海鮮類都有得任食。甫到時由於時間尚早，店內只有一兩枱食客，但一到七點晚飯黃金時間，食客亦魚貫入場。店內裝潢簡潔，無論膠凳或桌上的顏色膠杯都帶點大學canteen的味道。飲品採自助形式，雪櫃內的飲品都可任飲，比較特別的有芒果汁、石榴汁和韓國牌子的烏龍茶及龍井茶。如果想飲熱飲，還可選蜂蜜菊花露或菊花薑蜜。火鍋配料雖然沒有一般火鍋店選擇多，但大路的火鍋料也有提供，亦有比較少見的水晶包和飛魚子魚蛋腸。趁火鍋未到，每人先拿一罐飲品，我就選了這個石榴汁。雞煲我們點了小辣，入面除了雞件，還有洋蔥、蒜頭和唐芹。雞件肉雞不會過鞋，小辣辣得惹味又不會吃得太辛苦。紅薯粉是吸味之物，最適合放在濃味

平時打邊爐都一定會遇過一種情況，就是要在平和新鮮之間二選一。但以後都不用煩惱，因為俾我找到間質料上盛而且是任食的火鍋，加上不設時限，經常都爆滿。今年冬至家人都去了旅行，得我獨自找樂子，所以把心一橫就找來相同處境的朋友，去【同人鍋】大快朵頤。因為冬至大部份人都在家食飯，難得平時一位難求的【同人鍋】可以walk in。門口有一大磈牌穿著無限時任飲任食，每位都只是＄288 。餐廳在二樓，走上一條樓梯後就會到用餐的地方。地方光猛清潔，以白色和木色為主，營造出一種與傳統打邊爐食肆不一樣的年青感。與其說是餐廳，不如可以形容為一個裝修到好像studio的餐館。餐廳用上好stylish的櫈和吊燈，整個感覺就好跳脫，新穎得來又好有格調。出期的是明明是打邊爐的地方，但一點酒煙都聞不到，空氣清新，通風又充足！打邊爐除食物外，我最著重的就是環境，最緊要舒適又清爽。每張枱上都內置了一個電磁爐，既方便又不佔空間。看了看餐牌，基本上我平時打邊爐食的材料全都有。職員隨即上前為我們解說用餐的流程，他們先會上一鍋雞煲，吃過雞煲後就會端上二選一的鍋，有原隻龍蝦湯底或是花膠雞湯底兩款。每款食材都會先上一次，那吃過後就可隨意任

一到冬天，無雞不歡的小編又周圍去食雞煲火鍋啦！🙈😂 山林道眾所週知多美食， 最近得知有間新開的餐廳又有雞煲又有火鍋，仲要任飲任食，連海鮮都可以任食，梗係要試下啦！😍😍😍  平日火鍋不限時，😇 星期五、六、日或公眾假期才限時2.5小時，另外每位加$10。  我、小妹和朋友三人一起來， 我們預早幾日book左位，八點半準時到， 但只剩兩張空桌，看來餐廳都頗受歡迎呢！😏 餐廳在裝潢上是簡潔實戰型，沒有花巧的裝修，只有木製桌子和膠椅子， 我們被安排坐到中間位置，坐位都算寬敞舒適。 靠牆座位更設有抽風系統，食完就唔怕成身一陣「雞煲味」啦！😂🙈  飲品方面，除了啤酒以外，汽水、各款罐裝果汁和茶都是任飲的， 值得一提的是店家非常有心思，❤️ 連自家制雪梨茶和蜂蜜菊花茶都有提供，而且標榜為自家煲製，低糖又健康！ 我個人來說就比較喜歡蜂蜜菊花茶，微甜潤喉，打邊爐咁熱氣，梗係要飲返杯清熱解毒！😋  先食雞煲， 雞煲有五種辣度可以選擇，因為朋友不太吃得辣，所以我們選了微辣。 秘製醬汁香濃微辣，而且加入大量洋蔥和芫茜，香氣四溢， 雞件都算多，肉質嫩滑入味，幾惹味！😋  食完雞煲，就到打邊爐時間啦！