Marble (已結業)

今晚朋友帶我去咗銅鑼灣皇冠假日酒店一間高級日法割烹料理餐廳「Marble」食晚飯，我哋叫咗 作 惠乃智 純米吟釀 及「Saku $1,680」，套餐包括1️⃣ 前菜蟹肉魚子醬配紫蘇葉天婦羅天婦羅 炸得非常香脆，而且清爽又不油膩，上面配上蟹肉及魚子醬，非常吸引2️⃣ 刺身刺身 有金目鯛及拖羅，兩款都十分新鮮，鮮甜美味，還加上紫蘇花穗色，味道清新，帶有花香及紫蘇味3️⃣ 鰻魚日本鰻魚 用炭燒方法烹調，鰻魚充滿了陣陣炭燒香味，食落口皮脆肉嫩滑，師傅特意放在昆布(不可食用)上，目的是令鰻魚變得更香，上面再放上了山椒葉，可一起食用4️⃣ 日本牡蠣大大隻嘅日本牡蠣 用咗羽衣甘藍嘅汁烹調，上面有海膽，紅色的是椒絲脆片，一次過可以食到不同鮮味及多層口感，正5️⃣ 宮崎牛三文治宮崎牛 口感緊緻滑順，又充滿肉汁，三文治麵包塗上白麵豉醬及紅豆蕎頭，可減少油膩，一對非常好的配搭6️⃣ 尾崎牛薄燒尾崎牛薄燒 十分嫩滑，配上溫泉蛋蛋漿一起食用，令味道更佳，師傅還特意附上一細小碗嘅白飯7️⃣ 和牛烏冬和牛烏冬 用上牛骨湯烹調，肉味香濃，好味8️⃣ 甜品海南島芒果、靜岡蜜瓜，兩款生果都非常清甜

位於銅鑼灣白冠假日酒店的「Marble Kappo」日法割烹料理，一路都Bookmark 想嚟，今日終於的起心肝訂位，同朋友來試下餐廳門口佈置高級而優雅，環境令人非常滿意。菜式設計有誠意，每樣都有驚喜，食物質數有水準今晚就來試下Omakase ($1680/位)包括: 前菜、刺身、炭燒日本鰻魚、日本蠔、宮崎牛三文治、尾崎牛厚燒、尾崎牛烏冬 和 日本水果。🔸前菜北海道海膽魚子配紫蘇葉天婦羅紫蘇葉天婦羅炸得好香脆，海膽香濃，入口即溶，再配上法國魚子醬，整個組合，十分夾。🔸刺身有兩款刺身金目鯛同拖羅，刺身十分新鮮，而且好肥美，上菜時師傅會在乾冰上加水，令到好有仙氣，打卡一流。🔸 炭燒日本鰻魚師傅即場用炭火烤日本鰻魚，超級美味，鰻魚皮烤得香脆，魚肉彈牙又鮮嫩，帶有炭燒香氣，讚🔸蠔是來自日本廣島的生蠔配上綠色的羽衣甘藍醬汁和紅色的椒絲，上面再有海贍，整個視覺效果好靚，一啖放落口，整個口腔好似在海洋一樣，生蠔肉質飽滿、口感細膩、清甜味濃，海贍再提升了甜度。絕妙🔸宮崎牛三文治這款是招牌菜，麵包烘得十分金黃，宮崎牛表面帶有焦香，熟度應該是五成熟，肉質軟嫩，肉汁豐富，好有牛香，麵包底搽上了白麵豉醬和紅酒

這位於五星酒店内的日, 法式割烹小店(kappo厨師烹割), 主打宮崎縣尾崎和牛;頗近歐陸式佈置，典雅貴氣;坐在日式傳统kappo的厨前席，正好觀賞厨師造菜過程;選了午餐Marble set:刺身-北海道帶子，鮪魚, 帶子鲜嫩，魚肉爽滑，刺身面放了紫蘇花，美觀又可混入 芥末醬油食用，以增刺身味道😋;法式牛肉清湯-以牛肉和配料慢煮過夜成之清湯浸熟薄切牛肉，肉片入口鮮爽，湯液味香醇厚，心機成果👏😋宮崎牛三文治- 以牛柳造成三文治餡料混入紅豆醬，外脆内軟，口感極佳，香而不腻😋;尾崎和牛薄燒- 全餐主角，温泉蛋先拌入和牛汁，肉味蛋香，佐暖口米飯，味蕾一大享受，尾崎和牛好口感😋😋芝麻雪糕配香濃咖啡作结局正好中和厚味牛肉的餘香😋😋完美的一頓kappo餐👏

同老婆慶祝紀念日當然要花d心思，我搵左好耐終於搵到一間Omakase店有提供燒鰻魚，因為我地之前去日本旅行時老婆食過一次即製嘅燒鰻魚，但呢幾年都冇機會再去日本品嚐。今晚訂呢間餐廳位於銅鑼灣皇冠假日酒店，名叫 Marble Japanese French Kappo，係一間日法割烹料理店。在日本割烹並不是指某一種料理食物，「割」意思係攞刀切割食材，「烹」就係指用火煮，割烹料理店意思就係直接坐係廚房前面，可以邊品嚐料理邊睇到廚師烹調的餐館。Marble Japanese French Kappo的開放式廚房除左可以欣賞到廚師製作料理之外，廚房背後的落地玻璃外更是一幅美麗的樹林景，環境非常舒服幽靜。😙我地今晚揀選的餐名叫作 Saku，包括左前菜、刺身、鰻魚、蠔同和牛等共8道菜。作 Saku $1,680天婦羅紫蘇葉松葉蟹配海膽今晚的前菜係松葉蟹配海膽，餐廳採用的海膽非常鮮甜而且好creamy，配上鮮味濃郁的松葉蟹肉，再加上香脆嘅天婦羅紫蘇葉，味道非常富有層次。😋刺身師傅揀選的時令刺身分別係北寄貝同金目鯛，賣相非常吸引，北寄貝刺身新鮮爽口，金目鯛甘香鮮嫩，配上有獨特芳香的紫蘇花，非常美味。😍燒

老公今晚特意安排我的生日飯，和我到銅鑼灣皇冠假日酒店Marble內品嚐日式料理。 餐廳以黑色為主，走型格路線，開放式廚房前有一列吧檯供客人邊欣賞大廚製作食物一邊品嚐，餐廳另一邊有客房，可以比一班人圍埋食。Menu只有一個套餐，其他都是單點食品，老公選了套餐，免除大家選擇困難。 前菜天婦羅紫蘇葉上放上松葉蟹及海膽，紫蘇葉非常香脆，入口聽到索索聲，松葉蟹的鮮甜味十分特出，配上棉滑鮮甜海膽，好夾好好食。 刺身刺身用乾冰盛載上碟，非常夢幻，金目鯛肉質爽口甜美，魚的鮮甜味在口腔留有餘韻，及北寄貝上沾了青檸柚子汁，微微酸味更能突顯北寄貝的甜，北寄貝肉質爽甜，美味非常。 鰻魚新式的烹調方法把鰻魚提升到更高層次，先把魚皮煎到香脆，脆的程度猶如吃炸魚皮，魚肉則棉軟嫩滑。鰻魚汁甜度剛好，整道菜都十分出色。 日本牡蠣兵庫縣的蠔用法式煮法烹調，配上脆脆的羽衣甘藍，蠔肉身好厚，脹卜卜，一咬蠔汁在口腔滲出，海洋的味道立刻湧出，除了感嘆已經無言，太好吃。 宮崎牛三文治炸宮崎牛柳，配上麵鼓醬及洋蔥蕎頭，用烘烤過的牛奶麵包夾著，看到粉嫩的牛柳已經急不及待要品嚐，厚切的牛柳竟然是棉軟非常，外脆內軟，甜甜酸酸的調味料好惹味

環境5分：高級酒店餐廳樓面高，好有貴氣，Ｄ燈光好romantic，吧位格局非常開揚同闊落，睇住每個廚師分工合作，非常悅目，滿分。衛生5分：酒店四周圍都有搓手液，開放廚房一目了然，好乾淨企理，啲水全部係樽裝新開，衛生一樣畀滿分。服務5分： 服務員同師傅都好friendly，廚師非常整潔同有條理，服務員加水加酒都冇停手，中途都問咗幾次對食物滿唔意同夠唔夠飽，都係滿分。味道5分：1)      頭盤係松葉蟹肉，海膽，魚子醬同一塊炸過嘅紫蘇葉，三樣貴價食材同一時間放入口中，真係無比鮮甜同新鮮，呢類頭盤真係食多多都唔夠。2)      刺身有兩款，甘目鯛好軟身，象拔蚌非常爽甜。3)      日本墨魚切到非常細一片片，當然非常多片，然後撈埋個醬汁，第一次咁樣食，非常驚喜同好食。4)      燒鰻魚非常嫩滑，沒有骨，加埋個鰻魚汁，聞落去非常香。5)      宮崎牛三文治兩片烘到非常香口嘅麵包，中間夾住非常厚身嘅和牛，和牛煮到啱啱好，用手食，大啖大啖咬落去，肉汁非常juicy，真係一分錢一分貨。6)      兩片薄燒嘅尾崎和牛煮到啱啱好，幾秒時間就足夠，加埋隻日本溫泉蛋配埋碗白飯仔，非常別緻同

今日真係Blue Monday，唔係添！應該話係Deep Blue Monday，點解？天都未光就爬起身返工，搬搬抬抬，仲差不多企足一日，還未收工就已經同自己講：今晚一定一定一定要食餐好，豪食一餐才對得住自己！臨收工時，同事就介紹了這間她激讚的餐廳給我，聽到我流晒口水，那就坐言起行，馬上坐車去。餐廳門面感覺好低調，又有啲神秘…..按門而入，型格的牆身中間鑲了店名「M」字，很酷！眼見一排吧枱和兩間獨立房，地方不算大，但每個座位挺闊落，坐得舒適。我的最佳位置當然是能欣賞着大廚們精湛廚藝的吧枱啦！以IPad 作為menu，很環保！餐廳只供應一款dinner set，還有一些A La Carte 和 多款Drinks。不用費神，就點Dinner Set 作 Saku （$1580)，一共八道菜，大滿足！********************先付 Appetizer 為炸紫蘇葉配海膽及魚子醬，一出場就如此矜貴，讚！紫蘇葉炸得香脆，一點也不油膩，跟甘香油潤的海膽和鹹鮮的魚子醬一起吃，鮮香、油潤、脆口集於一身，滋味得很。好開始！********************嘩！刺身 Sashimi 霧着