川燒 (已結業)

位於佐敦渡船街,日本木系居酒屋裝潢,甚具原宿宵夜串燒屋的風味,我們平日晚市時去到,都好滿座,連門口位置都坐埋,好在嫂子特登預訂咗枱啫！ 打開個Menu真係眼花撩亂呀！樣樣睇落去都好好食,但係胃就得兩個,店員哥哥好有禮貌都有話俾我地知有咩係推介,嫂子叫的隨便叫,咁我就唔客氣喇！ 來想等齊D嘢食來影個大合照,但係所有order,即叫即燒,又唔想等到凍咗,所以唔等喇,燒烤嘢一定係趁熱最正嘅！ 🔮炸麻辣雞軟骨    雞軟骨酥炸香口,外脆軟骨醃得入味又有口感,麻辣程度也只是微辣而已,推介小食！ 🔮川香魚湯清酒煮花甲   天氣凍凍地,飲啖熱湯就最適合不過喇！以魚和海鮮熬成的奶白色的魚湯,再加上清酒的甘甜味,味道鮮甜又暖心！蜆肉大大隻又厚肉,脤卜卜的,非常新鮮,份量絕對足夠兩個人有多,我都忍唔住飲咗兩碗呀！感覺好滿足呢！ 🔮燒鮮白鱔    白鱔肥厚肉嫩,鱔肉有彈性,肉質入口竟然是爽脆的又新鮮,汁燒又惹味,必點！ 🔮汁燒原隻魷魚筒   先是材料夠新鮮,魷魚筒燒熟縮咗水都咁大隻,差唔多有15cm長,又圓碌碌好飽滿的,廚師一點也不吝嗇食材呀！而且火喉剛好,以慢燒的方式逐層來回塗上燒汁,外面香口惹味,魷魚身

行入呢條街, 遠處已經聞到陣陣串燒既香氣, 行入黎發現都有好幾間串燒舖頭行到呢間川燒門口, 就比佢部生啤機吸引左, 因為辣串燒最緊要既就係配生榨冰凍啤酒! 😍字畫都係以店名為題, 名為"川燒百味"除左生啤之外, 仲有好多款酒類飲品比你揀架實在有太多款串燒喇, 啱晒朋友黎一路飲酒一路食串燒一路傾心事, 情侶黎食你一串我一串都好溫馨架🤣🤣小弟飲酒好易紅, 所以就叫左杯青檸柚子梳打, 唔算太甜, 青檸味好清新😋打頭陣既係川香肉碎燒茄子, 大大份都只係$46, 肉碎既肉汁滲晒入去切開左既茄子入面😚再黎既係川燒豆腐, 一份$18抵到爛, 一黎到上台果陣, 豆腐上面既木魚絲會因為豆腐散發出黎既熱力而輕輕擺動, 好得意架, 望到好想食左佢😂😂燒手打免治雞肉棒, 呢個只係其中一串, 一碟有2串, $36, 仲配埋優質日本生雞蛋同秘製醬油比你點黎食, 拌勻蛋漿後, 入口感覺好特別, 值得一試😆川香魚湯清酒煮花甲一份$68, 呢個咁抵既價錢比足料你架, 絕對冇花冇假, 睇下D花甲隻隻都肥美有肉, 唔會淨係得個殼咁呃人, 個底浸住果D吸晒D湯同清酒既味道, 更具鮮味😎燒腐皮海鮮卷, 一碟2串$38, 外脆內

去開佐敦找米仔，梗係要順便覓食啦！見今日涼涼地，就去食串燒，去到渡船街附近，最後選了「川燒」，因為口碑有保証！燒蘇格蘭蟶子王大大隻既新鮮的蟶子王，有成隻手掌甘大，燒的時間剛剛好，整個肉非常肥美又鮮甜，係首個encore之選!川香魚湯清酒煮花甲香噴噴的酒煮花甲，上台時已芬香撲鼻，忍不住立即先嚐魚湯味道，果然鮮味十足，再嚐肥美花甲，每隻都很肥美，一隻又一隻，很也就比我同友人KO了！黑松露燒腐皮溫泉玉子濃濃的松露香味，已感受到果種味美！頂層有松露及蔥花，滑溜溜的溫泉蛋加埋荷包小袋的腐皮，一口過，味道很討好，創意十足！串燒黃金煲仔飯原來呢個黃金煲仔飯係一個糯米飯團，面層有色澤金黃的蛋汁，飯團咬下煙靱不鬆散，醬油調味適中，軟腍好食！燒羊架羊肉味道濃郁，肉質嫩而有彈性，燒得十分香口，不會很乾！由於太好味，我比米仔咬了一啖後，其餘都係我食哂！ Yummy！燒原條生燒粟米燒得外層微焦的粟米，上層放著木魚條碎，令口感增加，粟米不會燒得太乾，每粒粟米都脆卜卜，內裡還有很多粟米本身的水份!蜂蜜燒鳳梨鳳梨燒得不會太乾身，咬下菠蘿時還有大量汁液流出，非常清甜!店員服務態度友善，整體食物質數也不錯，下次有機會都會

另一文提到我打算在文英街要做個串燒店小比拼，今晚就選了曾經光顧的這家，重溫川燒百味！川燒走新派路線，不時有創新款式，雖然取名川燒，實際上辣度可隨客人口味調節，完全不辣亦無問題。採取比較健康的做法，食品並不見油膩，而且提供不少豆腐、素菜及海產燒物，最重要是燒功不俗。見到有是日海鮮，名碼實價，售完即止，儲貨有限，馬上下單，選了珍寶元貝及筍殼。設計一樣的菜單，原來已經換上了一些新菜式，不竟上次來已經數個月了。雪梨海底椰 先潤一潤，甜蜜之味善待味蕾，好好迎接以下串燒大餐。首先送上的是新菜式燒一口脆腐乳 外貌如簡單的燒豆卜，咬一口亦只有暗暗的腐乳香，一不留神不會察覺， 豆卜燒得剛好，外皮微焦有靱度，內心不乾，作為第一道菜，如餐前小吃的香口豆卜。燒特級牛脷蕊 川燒的招牌之一，厚切的牛脷，口感實在，燒至香口，每次吃到皆不失望隨桌有孜然粉及辣椒粉可加，食味更加香惹。鹽燒西班牙橡果黑毛豬 一串三件，形態各異，全身沾滿香料淮鹽，肉質嫩而有彈性，不愧為黑毛豬，唯只嚐到一件，未能試真！黑松露燒腐溫泉玉子 必點之選，腐皮做的開口荷包小袋，載著流心溫泉蛋及黑松露醬，以青蔥點綴，層次分明，口感香軟亦有咬

次次唔係邊爐就大排檔小炒，今次一於食串燒吹水，好彩一早留左位，去到見到門口好多人等位，入到去一眼望晒，唔係好大，大约九張四人枱，還有間可坐十幾人既party房，見到全店坐爆，坐低同幾個朋友每人一杯Asahi啤酒飲吓和枝豆食吓先再點嘢食，睇張餐單都幾多野食，還有些套餐可以自己燒玩吓，呢間店號待應都幾好傾，問佢有乜好食推介，佢就推介左幾樣，還說食過唔好食同佢講，佢唔收錢，其間佢還送左個雞泡魚干俾我哋食，每樣食物大约要等15分鐘以上，一路食住枝豆一路等，啲豆都幾大粒唔老，個鹽份啱啱好唔太鹹 我哋叫左蘇格蘭蟶子王,好大隻味鮮,爽口彈牙 汁燒原隻魷魚筒,燒汁味道可口,口感好軟川香魚湯清酒煮花甲,花甲味好鮮,不過個湯就辣左少少 燒鮮白鱔,鱔肉嫰滑可口,味道鮮甜 燒日本廣島生蠔,蠔肉肥美新鮮燒特級牛脷蕊,厚薄適中,口感軟冧好味美國牛柳粒,牛味甘香可口,可一口食晒燒日本黑豚肉露卷,露筍和黑豚肉好嫰,恰當好處野椒汁燒牛肋骨,肉味好濃,好juicy秘制醬BB燒豬肋骨,醬汁美味可口,肉質軟滑燒韭菜,香辣野味,冇燒過火還有汁吾係纽西蘭大磨菇,肉厚鮮嫰,咬落多汁黑松露雜菇,黑松露好香,更加帶出個菇味最後

入秋之時, 就係品嚐燒烤既佳節, 相信識食一族都不會不認識佐敦文英街, 而近期我係附近就發現一間燒烤佳店 – 川燒. 佢以四川風味聞名作燒烤特式賣點, 相信在該區已很快打出名堂了.川燒簿餅 $28精心處理的腐皮包裹著蔥花蒜蓉, 外皮部份更是以高溫燒至帶點鬆脆, 加強了口感, 香蒜就把全個簿餅味道都提升了. 雖說配料簡單, 但要把味道綜合得如此平均, 是做得很吸引.燒芝麻湯丸 $22雷沙湯丸相信大家都試得多, 同樣以乾身外形的燒芝麻湯丸就別樹一格了, 除了傳統湯丸的黃金配搭 – 綿滑麻蓉及煙靭軟糯湯丸皮之外, 外層再加烤燒效果, 賦與了第三層口感, 咬下時, 由鬆脆至煙靭, 再由煙靭至香甜, 層次多變蜂蜜菠蘿 $20輕量蜂蜜被燒至像一層透光既玻璃一樣, 視覺效果特別, 菠蘿味亦甜酸適中, 燒過的微溫令食物更易入口.吾係紐西蘭大磨菇 $28望落好像乾身收了水的大磨菇, 咬落時卻有想不到的豐富多汁, 而餐室也必然為你呈上一對如鋸西冷扒的大刀叉, 因為大磨菇的闊度真係闊到SAMSUNG NOTE II咁闊, 厚度厚過砵仔糕, P.S.: 我覺得個名改一改會吸引, 有創意但破壞左美味既聯想. 黑

這天要加班，差不多11點半左右才離開公司，公司附近的食店都差不多關門，於是便跟寶寶走到佐敦文英街搵食。這附近很多串燒店，這次試了一家之前從沒有試過的「川燒」。店內的裝修以木為主，雖然鋪面不大，但每張的空間都很足夠，能讓食客坐得很舒適。餐單選擇很多，除了有各式各樣的海鮮、肉類外，最令我感意外的是這裏連蔬菜的選擇都很多，食串燒也不一定要成為食肉獸呢！涼拌子薑松花糖心皮蛋($20)很精緻的賣相，皮蛋晶瑩剔透，一點也不刺鼻，反而帶有淡淡的孜然香味，可惜欠缺了一點流心蛋黃。而子薑十分清甜，一點也不鞋。皮蛋拌著點點蔥花和子薑食，十分開胃。炩蘇格蘭蟶子皇($120)很大的一隻聖子皇，啖啖爽口的聖子肉。燒烤的時間掌握得剛好，能保持其彈牙的肉質。加上香蔥和燒甜了的蒜蓉，更添其鮮甜海鮮味。燒鮮白鱔($38)白鱔外塗上了香甜的燒汁，燒至外皮稍稍香脆，而鱔肉還是保持其嫩滑。而且白鱔肉十分結實，食得出其用料新鮮。酥炸珍寶軟殼蟹($38)賣相不怎特別，但一夾起來便看到滿滿的金黃色蟹膏，令人食指大動。蟹殼炸得鬆脆，但依然食得到軟殼蟹蟹殼的咬感。金黃色的蟹膏味道鮮美濃郁，食過以後簡直齒頰留香。川香魚湯清酒煮花甲($

除了近年興起的韓國燒烤外，川式串燒也曾經在香港紅極一時。最近天氣開始轉涼，朋友就提議去佐敦渡船角食串燒。佐敦渡船角是一個舊式住宅屋苑，由八座大廈所組成，全部皆以《文》字為首，因此該處便稱為八文樓。渡船角也可說是川式串燒的集中地，皆因一條短短的文英街就已經開了六至七間串燒食店，由於食店有太多選擇，於是還是參考開飯的意見，是晚我們選擇了該處綜合排名最高的「川燒」。川燒座落於文英街，交通未算是太方便。不過如果是駕車人士，該處泊車相對較易，餐廳門口設有咪錶位，可供停泊之用。甫進店內，店員就勤快地安排入座及送上餐牌。這裡的串燒和小食的種類十分豐富，我們這晚就點了以下幾款:涼伴青蔥皮蛋豆腐($30)：凍豆腐上放上皮蛋碎及青蔥絲，豆腐底部有豉油作調味，豆腐口感很幼滑，這個特式小食尚算不錯。蜂蜜鳳梨($20)：一串鳳梨有八片，表面沾上蜜糖香煎過的，甜甜的但仍然保留到鳳梨原有的鮮甜味，十分開胃。黑松露西蘭花($48)：用錫紙包裹後烘焗，一打開錫紙，黑松露的香味透過熱騰騰的煙飄來，香氣撲鼻，西蘭花和黑松露的味道異常配合。個人建議一定要攪拌後享用，否則吃下去會因有些西蘭花未能沾上黑松露而失色。川香魚湯清酒煮

BeautySearch 一向喜歡吃惹味的串燒，聽說佐敦有間明星串燒店 - 「川燒」，甚為出名，經常吸引了不少明星到訪，而且串燒花款多多，過百款川式串燒，這夜就吸引了饞嘴的BeautySearch到來。門面雖然不算很大，卻非常有氣派，予人一種吃中式美食的格調。「川燒」，莫非是來自四川的串燒？雖然，近來 BeautySearch 對辣的接受度提升了，但四川以辣聞名，不知道這次對辣的挑戰會否難道太高呢!? 為免過辣受不了，所以，開餐前 BeautySearch 先向職員了解可否走辣及小辣，以免造成浪費。店內貫徹中式卻又有少許時尚的格調，不會予人有種古舊的感覺，反而多了點點日式味道，除了大餐位置，店內還設有一間小房間，可容納10至12人左右，攪小形聚會一流！先來一碟清新的「炙燒香草芝士蕃茄」，新鮮的蕃茄，掏走了中間的種籽後，再釀上世上既邪惡又味美的芝士，再搭配店子獨有的香料，輕輕一燒，不但保留了蕃茄原有的鮮味，芝士與香料沒有把蕃茄的鮮味蓋過，反而增加了箇中的滋味！好多時吃花甲，朋友或店員都會說花甲要有點點辣才味美，所以，BeautySearch 今日就嚐一嚐「川香魚湯清酒煮花甲」。川香代表麻

想來一場吃惹味的晚間真的不熱氣不愛吃~走來吃串燒,吃了先再講吧~呵呵餐廳有分戶內和戶外我當然要了在戶內,享受冷氣來嘆美食還想說戶外那有客人愛坐的呢~?錯了我這想法~好多三五外籍人士愛飲大大柸的生啤,來閒聊~最緊要是吃得開懷~ 吃飯時有優惠是不能放過的來之前已經早訂了位~星期五晚上能不訂位嗎~?除非想等位吧!玩遊戲,餐廳送的禮物,菊花茶降火,烏龍茶解膩多飲都無問題打開一張ORDER紙已經分好類別,新鮮海鮮,健康素菜,風味肉類特色小食,飯,飲品,啤酒等等~訂位的優先來了下酒必吃的燒雞泡魚干川香魚湯清酒煮花甲 HKD58來了一花甲湯來暖暖胃先,花甲不是很大,但數量超多,湯內有了魚和花甲的海鮮味而且有清酒的酒醇味道哦~有一整的胡椒原粒在湯內.難怪帶一點點的辣~燒川香麻辣腸 HKD20有點似台灣的腸質感,別看輕麻辣度,吃後辣味會在口中散發的.只是肥肉是多了一點~燒自家製墨魚八瓜魚 HKD28外型很像XO醬煎出來的蘿蔔糕店員放下來時我立即問是什麼因為聯想不到是我點的墨魚八瓜魚外層燒致金黃,表面塗上了甜的燒汁,有八瓜魚粒在內的,十分彈牙和咬嚼十足.燒海殼王 HKD148煮魚,燒魚滿要控制火侯時間得

雖然居港多年，但香港有些角落卻從未踏足，若非陪朋友到偉晴街處理租務問題，相信不知何日才會來這一帶。辦完事，接近晚飯時間，友人帶我到這條食街，從街頭至街尾都是食肆，有些還未開鋪，好友帶我走進這一間，店子不大，牆邊放滿酒樽，陳設頗有氣氛，是三五知己相聚的地方。友人告訴我串燒每碟份量不多，可以多點幾款試試。先來清爽涼拌黑木耳，本是淡而無味的黑木耳，切絲冷凍後，放些芝麻醬拌吃，口感清爽，而味道有很大轉變，作為消暑前菜真不錯。香炸孖滋脆雞翼，用了大隻的雞全翼，用香料醃過，炸至金黃，又香又辣，十分刺激，最愛外層的皮，很脆!燒珍寶大元貝，手掌般大的大元貝，以蒜茸覆蓋燒烤，肥大肉厚的元貝，吸收蒜茸的香味，份外鮮甜，連留在殼上的蒜茸元貝汁也喝掉。黃金燒大虎蝦，看樣子和顔色，蝦的健康狀況甚佳，在背上放了些鹹蛋黃茸燒焗，因很新鮮，所以蝦肉有彈性，鹹蛋黃咸香惹味。川香魚湯清酒煮花甲，以日本清酒加魚湯煮花甲，花甲肥美鮮甜，連魚湯都很美味。黑松露燒腐皮溫泉玉子，以腐皮作袋子，內放雞蛋做成温泉蛋，一口放入，讓黑松露和蛋汁在口內爆發，異常過癮。秘製醬燒BB豬肋骨，約一呎長的燒豬肋骨，經孜然粉醃過，增加惹味，肉質不韌，