番茄師兄

营业中

休息中

番茄師兄 (深水埗)鍾意食蕃茄湯麵/通粉的我一早已經Bookmark了蕃茄師兄最近終於有機會去到了蕃茄師兄除了始祖深水埗店外於荔枝角及灣仔都有分店難得不用排隊就可以直入小小店鋪平日夜晚人不多所以相對寬敞滑一滑 $59配蕃茄湯底+通粉-騸牯鮮滑牛+炒滑蛋 騸牯鮮滑牛食落口感嫩滑肥美 炒滑蛋跟通粉一起上 我們打卡後才食 仍然非常香滑 蕃茄湯底為竭身那款 味道其實似蕃茄炒蛋加湯嘅味道滑一滑 $59配蕃茄湯底+大光麵-朋友點的檸檬雪梨露 跟餐+$18 淨飲 $24-檸檬跟雪梨味都明顯 飲得出的足料番茄師兄 (深水埗)深水埗基隆街255號地舖

最近見到蕃茄師兄出咗新嘅小食，就係雞子🤣🤣本身打邊爐就好鍾意食，呢間鋪仲要出四隻口味，有酸辣、沙嗲、威士忌麻香瑞士汁同埋芫荽雞子炒滑蛋。其實全部都想試🥲但係一個人又食唔晒咁多，最後淨係試咗酸辣味。酸酸辣辣好開胃，仲要有埋芫荽😋雞子多汁同脹卜卜會有口爆嘅效果🤣一貝子，蜆份量都算多同埋大大隻、帶子都有兩大粒，不過覺得個湯有啲鹹。檸檬雪梨露，樽底勁多雪梨蓉同檸檬碎，好足料同埋都幾解渴，又唔會太甜。不過希望下次去會有四人枱，今次同朋友三個人去，都係兩張二人枱同埋中間有隔板隔住，變咗坐斜對面嘅人係聽唔到大家講咩😂

本身好鍾意食番茄牛，但好難搵到十分滿意既店舖。大部分都會用茄膏去整，又或者有味精，食完好口渴。番茄師兄平時都會有好多人排隊，響唔起眼既街道，忽然會見到一堆人企響店前面等位。食完真係完全明白點解要排隊等。今次揀左滑一滑烏冬。有炒滑蛋，牛肉同新鮮番茄兩塊。炒滑蛋十分滑溜，份量多；牛肉有淡淡味極鮮醬油味，調味剛好，肉質鬆軟；番茄都好新鮮，唔會酸。滑一滑完全對得住佢個名。番茄湯底冇渣，但有濃濃既番茄味，可以直接當番茄湯咁飲，飲完唔會口渴既。見佢既logo下面寫類似：用心全意製作好番茄湯底。我感受到佢既誠意，亦覺得佢已經做到。檸檬雪梨露較細杯，味道酸酸甜甜，鍾意酸味既可以試下。入面會有少少雪梨肉沉底，唔係現成野，好味道。牛油炒雞髀菇好香口，一上枱已經好吸引，忍唔住食左一半先記得要影相。牛油同菇好夾，菇切細塊所以好入味，表面有炒香既醬汁包裹，非常可口。黎呢度淨係知佢出名係番茄湯底，冇諗過炒菇都咁好味，仲要係$29，份量多，抵到爛。試過食折左$70幾蚊既靚餐廳都冇咁好味，多數人煮雞髀菇都係入面淡味的。食到好好食既野，但價錢都係咁平，一碗麵都係幾十蚊，仲有咁多料，就算排得耐都值得既。講真，某d出名既拉

早前經過深水埗，終於去咗bookmark好耐嘅蕃茄師兄！我超愛蕃茄🍅無論生熟咁食，都好味兼有益～睇到宣傳單張話，佢哋仲會加入大量牛骨、牛肉去熬製湯底，真係未食都超興奮！🤤​ 今次我就order咗「一貝子」（另加炒滑蛋、雞脾菇、椰菜），朋友就order「芝SEE菇牛」～​ ​一貝子係番茄濃湯麵上，加兩件北海道刺身級煎帶子，再配4隻大花甲嘅組合。不得不讚，佢哋嘅帶子好軟滑鮮甜，外層又經過牛油香煎，外脆內鮮，非常好味。不過，大花甲我就麻麻，肉唔多，仲有少少硬。​至於滑蛋，我覺得做得好好，生熟程度適中，嫩滑得嚟又乾身，好高質！🤤​最後食到去湯底，我真係超鍾意佢哋個湯底，好濃郁嘅蕃茄及牛味，唔似出面食到咁，用味精調整，湯底嘅鮮甜係源自牛骨熬製，既濃郁又鮮甜，好有誠意！👍🏻​​ 朋友叫的芝SEE菇牛，我覺得比一貝子更好味，湯底一樣，但上面嘅免治牛肉粒加咗草菇炒，成件事好惹味，仲加埋芝士，簡直係邪惡之最！不過，口味偏膩，怕肥嘅人叫之前可能要斟酌下。​​ 另外，我好鍾意佢哋嘅小食紫菜墨魚丸，外層炸得香脆，入面嘅墨魚肉又爽口彈牙，好推薦！​​ 蕃茄師兄仲有一系列特飲～左為有機豆漿，右為檸檬雪梨露。

呢間出名又排晒長龍嘅黃店 有幸早幾日食到店內文宣滿滿 客仔咩年齡層都有手足都唔一定淨係年輕人 好多前輩都好勇好黃🙏🏾講番間舖 味道又🧐📔黃店 番茄師兄 深水埗 提供免費學生餐 有義賣捐款 等等————————————————1.🍅滑一滑番茄濃湯拉麵🍜($49)試左少少 朋友點嘅 滑牛滑但無咩特別 拉麵有蛋香😋2.🥗田園風番茄濃湯通粉+炒滑蛋🥣($43)唔..唔加滑蛋會唔知食緊咩😥先講湯底 期待佢香濃足料 但換來係帶點酸味嘅蕃茄湯唔算好濃 唔太夠味 唔太香..🍅啲餸真係唔太掂 叫嘅菜料全部都係白烚就鋪上面😟菇係白烚味 粟米乾身唔甜 蕃茄又白烚 椰菜又白烚..得個蛋比番啲味😶 通粉比較喜歡有坑紋的3.麻香瑞士汁雞中翼🐔($14/2件)雞翼都較老身 肉偏乾但入味 瑞士汁唔錯4.檸檬雪梨露🍋🍐🍹($18)健康 淡口 有雪梨渣飲下 唔算好甜📒✍🏾整體分鐘: 5.5/10🤓🌥希望可以改善一下哦 聽閒之前個湯唔係咁淡口味的🙏🏾

最近唔少得掃黃, 支持黃色經濟圈💛又點少得呢間好有誠意的良心小店🍅番茄師兄🍅, 佢地不時送免費餐撐年輕人👍🏻而家都有派緊免費學生餐比有需要既同路人， 師兄話出示學生證就可以(中一或以上)，直至🇭🇰重光👍🏻多謝你地😭🙏🏻🙏🏻一去到已經見到門口派水又貼晒文宣, 店內一路播同運動有關既歌🎼, 真係好熱血好感動得黎又好sad!!😭 佢地IG仲癲到推介埋其他黃店, 甘有良心的食店點可以唔去瘋狂懲罰佢💰💰!!! (雖然老細話要抖抖, 甘就間唔中先去懲罰佢啦XD😆😆)講返食物先, 不得不讚番茄湯底好高質👍🏻暫時係我地食過香港最好既蕃茄濃湯😳, 蕃茄唔會煮到爛曬, 好爽口, 湯底好濃郁又有鮮味👍🏻飲完都唔會渴👍🏻唔小心連湯底都清埋🤤 第2日食返普通茶記既蕃茄湯麵已經不了, 返唔到轉頭呀, 點算呀Ching?!!😫😫麵身方面, 有上海麵、米線、日式拉麵、烏冬、湯飯, 甚至生菜底都有得揀! 我地就揀左拉麵, 夠晒彈口煙韌又掛湯~😋我地點左招牌的"犇犇有禮", 單睇個名已經知係有勁多牛🐗, 分別有牛面頰,牛坑腩同崩沙腩, 各自探用唔同的烹調方法, 牛好軟腍又足料, 真係誠意之作💛!而且餐廳仲用左騸牯牛,

作為一個不折不扣的蕃茄迷，一早已bookmark了這間「番茄師兄」。門面以橙、紅鮮色為主調，貫徹蕃茄主題。湯底可在上海麵、米線、日式拉麵、烏冬4款中選擇。一貝子配的是上海麵，頗能掛湯。配餸則有大花蜆和帶子。花蜆數量很多，一碗有6隻，新鮮無沙。帶子2粒，煎香後再放在碗中，甜美，不太感到雪藏味。鮮氣逼人有鮑魚、大蝦，本應還有麻辣墨魚滑，當天店面缺貨，轉為墨魚丸。鮑魚比想像中大隻，口感不會過韌。大蝦鮮甜，蝦肉彈牙。今次選了日式拉麵作麵底，麵質較為煙韌，深得同行好友歡心。身在「番茄師兄」，湯底自然是蕃茄湯了。每一碗紅通通的蕃茄湯，質感濃稠，有著大量蕃茄蓉。酸甜度調得剛好，充滿蕃茄鮮香味，味精感低。雞中翼4隻，肉質偏實。慢煮瑞士汁非常有驚喜，外表顏色和一般瑞士雞翼無異。入口先是瑞士汁的甜味，一刻間卻散發出麻香；甜辣交融實在過癮。腐皮層炸得香脆，包著墨魚、蝦打成的起膠魚蓉漿，裡面還有粒粒粟米。魚蛋口感頗彈牙，較為普通的一道炸物小食，未見有任何特色。雞髀菇切粒再以牛油炒香，外表金黃吸引。菇粒入口未算很重油膩感，帶著微微牛油香。冷飲的檸檬雪梨露，原支冷藏，沒有放冰。味道清甜，有檸檬、薏米等沉澱在瓶底。

前排睇到網上介紹，今日終於慕名而黎試一下佢個蕃茄湯底。款式種類可以隨意配搭，重可以揀鍾意ga麵底，夠哂貼心👍🏻👍🏻👍🏻有選擇困難症ga我，最後決定揀D唔使揀甘多ga款式，👇🏻👇🏻👇🏻一貝子大蜆加帶子，非常足料👍🏻大蜆鮮甜，係2粒帶子略嫌overcook咗，個湯雖然冇介紹所講，啖啖都有蕃茄蓉，但係蕃茄味非常濃郁，會有D似濃味ga羅宋湯👆🏻👆🏻👆🏻慢煮麻辣瑞士汁雞翼係咪慢煮我真係唔識分🙈🤣，但雞肉算滑，唔算辣，開始食個陣只係似普通瑞士汁雞翼，但之後個嘴慢慢會開始麻痺沙嗲豬腩肉我個人就好鍾意，豬肉肥瘦岩岩好，有D似燒肉甘，食落好juicy,，加埋自家製ga沙嗲醬，味道非常好👍🏻👍🏻👍🏻最後一定要介紹e個自家制ga檸檬雪梨露，唔會太甜，酸酸甜甜甘，會令你非常開胃。總括黎講，鍾意蕃茄湯ga，絕對值得黎e間小店一試佢真材實料ga蕃茄湯底❗️

今日收工後同朋友去深水埗行街，行到咁上下就去醫肚喇。深水埗出名多地道野食，今晚就同朋友揀左位於基隆街既蕃茄師兄。呢間餐廳查實平時係深水埗行開行埋都經過無數次，一直都好想去試試，今晚終於有機會。餐廳面積不大，只有幾張4-6人台加少少2人台，但台與台之間空間夠，唔會有太擠迫的感覺，用餐環境不錯。我地總共叫左兩個麵、兩個小食、兩個炸物再加兩杯野飲。滑一滑湯底濃郁但不覺肥膩，炒蛋好滑。正一貝子大花蜆隻隻都好飽滿，帶子先封煎過亦都處理得好好，唔會太熟。70度慢煮麻香瑞士汁雞中翼呢個瑞士汁雞中翼有別與一般既瑞士汁雞中翼，餐廳經改良後係醬汁度加入麻香味配料，令雞翼甜中帶少少麻辣香味，十分惹味。78度慢煮沙嗲豬腩肉豬腩肉肥而不膩，配上沙嗲汁一絕鮮炸魚片頭魚片頭每粒都好飽滿，炸得香脆可口。鮮炸紫菜墨魚丸墨魚丸啖啖都爽口彈牙，足滿墨魚肉，唔似坊間一般溝面粉的墨魚丸。加入紫菜更加香口，美味非常。檸檬雪梨露(熱)桂圓紅棗桑寄生茶(凍)

睇演唱會之前行深水埗買電腦用品，突然好掛住番茄師兄的蕃茄湯底，所以又再次來到番茄師兄了。 其實之前食過已經覺得好味，所以寫了讚好的食評， 今次再次光臨感覺依然非常之好， 看見餐牌上也增添了 很多新款食物，而最吸引我的就是這裏的蕃茄湯底，使用大量新鮮蕃茄淆製而成。 上次來吃過一貝子和犇犇有禮。 今次點了豚豚圓圓$58（ 選了上海麵加炒滑蛋$5）， 因為犇犇有禮$78 （ 日式拉麵加芝士$5）實在太好味了，所以今次又再食過， 見到餐牌上有新款小食秘製沙嗲牛柏葉$28，飲品點了檸檬雪梨露$18和亞答子柚子茶$18。犇犇有禮 ～食材用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵了香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿的蕃茄蓉。 今次跟上次一樣都是選擇了拉麵， 麵的質地彈口煙韌， 一食落口就知道係高質拉麵，牛腩類有好重的牛味香味四溢！ 今次加了芝士， 雖然很邪惡， 但芝士香味令到整碗麵的味道升上另一個層次，更加濃郁入味。豚豚圓圓～ 厚切大塊豚肉， 半肥瘦啖啖肉。 還

我一向都很喜歡喝番茄湯，當我知道深水埗有一間以番茄濃湯作主打的餐廳，就當然要去試吓啦！原來這𥚃的蕃茄湯底是用新鮮騸牯牛腩及牛骨熬製，牛肉是採用新鮮騸牯牛，肉味較濃，肉質肥美。犇犇有禮 $78 - 這碗犇犇麵，看字面都睇到都知道用了三種不同部份，分別是新鮮牛面頰、新鮮牛坑腩和新鮮崩沙腩。番茄湯底的確很濃，還滲著新鮮番茄和牛肉的味道。一貝子 $68 - 這𥚃除了牛牛出名外，還有其他選擇，我就試吓這个一貝子。碗內有四隻新鮮大花蜆和兩隻北海道刺身級帶子。蜆肉和帶子十分鮮甜，和番茄湯都很夾。鮮炸魚片頭 $24 - 魚片頭很爽彈，有五大件，炸至金黃色，還可以點些酸甜醬，更加開胃。鮮炸特級魚蛋 $24 - 魚片頭已是很爽弾，但這個鮮炸特級魚蛋就更加彈，喜歡食魚蛋的香港人，真是要試試。秘製沙爹牛柏葉 $28 - 牛柏葉用了沙爹醬煮，但就不會太辣，牛柏葉很入味。78度慢煮沙爹豬腩肉 $28 - 肥瘦適中的豬腩肉用了沙爹和洋蔥煮，甜甜的洋蔥跟沙爹汁令豬腩肉味道提升。檸檬雪梨露 $10/午餐 - 正價 $18，午餐加$10。這杯熱檸檬雪梨露很滋潤，檸檬的酸和雪梨甜味很清新。桂圓紅棗桑寄生茶 $6/午餐 -

自己都幾中意食濃味既蕃茄湯底，朋友就話知道深水埗有間食蕃茄湯既幾受歡迎，就帶我試下。餐廳內外都唔算難搵，餐廳採用紅、黃顏色為主，配合返主打蕃茄湯底。食物選擇主打都係蕃茄湯底，但都可要求加錢要魚湯底，亦有小食同炸物。70度慢煮麻香瑞士汁雞中翼 $28有4大隻，食落冇麻香，同煮得唔夠入味，比較平庸。鮮炸紫菜墨魚丸 $24有4粒，外層冇沾炸粉，屬生炸，唔脆口，口感正常冇乜特別。犇犇有禮 $78牛面頰、牛坑腩、崩沙腩，另加左炒滑蛋(+$5)，揀左配米線。全店用上騸牯牛，即係已閹割嘅牛隻，脂肪比較多，牛味更濃郁，湯底都係採用騸牯牛腩及牛骨熬製，加上大量蕃茄，十分濃郁！牛肉味亦濃，肉質鬆化稔口，吸到湯底，再加滑蛋都夠嫩，成碗清甜、飽肚。鮮氣逼人 $88有鮑魚、大蝦、墨魚滑，另加粟米粒(+$3)，配烏冬。湯底同樣咁濃郁，鮑魚及墨魚滑都好彈牙！檸檬雪梨露 $1818:00前入座，惠顧湯麵夠$36以上可加$6配呢款飲品。用玻璃瓶上，標榜岀面飲唔到，飲落雪梨味較岀，唔甜，中意玻璃瓶仲可以+$5拎走個樽。信陽毛尖蜂蜜冷泡茶 $1818:00前入座，惠顧湯麵夠$36以上贈送，所以呢款$0。是為中國十大名茶，飲

近日看過不少人對深水埗番茄師兄的好評，愛喝番茄湯的窩夫當然要去試試。番茄師兄主打番茄濃湯麵，多款湯麵的中英文名字都很有心思。欣賞環保的落單方式。點了一杯檸檬雪梨露($18)，加五元要了一個可帶走的「師兄玻璃飲品樽」。印象中從來沒有喝過檸檬雪梨露，檸檬味不會太酸，很多雪梨蓉沉澱在樽底，喝得出是真材實料，值得一試。窩夫點了一貝子($68)湯烏冬加雞髀菇($5)，一貝子其實是指兩款貝殼類海鮮，分別是新鮮大花蜆和北海道刺身級帶子。大花蜆帶腥味，叫人非常失望。至於帶子，餐紙上的介紹説帶子會用牛油煎香，但窩夫完全吃不出香煎的味道。幸好番茄湯底和烏冬都算有水準。蝦子餅點了犇犇有禮($78)湯米線加炒滑蛋($5)，用的是新鮮騸牯牛的三個不同部位，三個部位的口感都不一樣，最難忘是入口即化的牛面頰。炒滑蛋也有驚喜，來自湖北的雞蛋蛋香特別濃。桌上放了百里香和秘製的麻之一滴，不妨加入番茄湯裡令味道更豐富、更有層次。

今次介紹香港深水埗地區名店，番茄師兄🍅👨🏻‍🍳。深水埗地鐵站出口直行8分鐘轉右就到。夜晚8點半依然好多客人，因為越來越多街坊知道正了！此家麵店，以番茄🍅濃湯拉麵🍜，配以上等牛🥩及其他一眾新鮮食材。食品用心經營製作，遊客、本地人都值得一吃再吃😋犇犇有禮🐮（$78）- 牛面頰、崩沙腩及牛坑腩店其中主打「犇犇有禮」用新鮮牯牛各部位肉做餸，內有牛面頰、崩沙腩及牛坑腩。不愧為新鮮騸牯牛，牛坑腩則煮到軟身，有重重嘅牛肉香味，肉感會比較鮮嫩，色澤深、味道更濃郁。牛面頰肉嫩，帶點筋位，咬落有嚼勁。蕃茄🍅湯底，用牛骨加入蔬菜去淆煮，入口香甜，沒有令人討厭腥酸味。聽老闆👨🏻‍🍳說，濃湯每日用30斤蕃茄及30斤牛骨牛腩淆湯的，食材非常新鮮，選用本地最強進口商，唔會用冰鮮牛肉，$78元有如此出品實屬超值七十八度慢煮沙爹豬腩肉🐷（$28）沙嗲汁是店自家調配，慢煮豬腩肉又香又淋，不會太油膩，秘製沙嗲醬汁加上了洋蔥，香濃惹味中更帶爽甜口感味道豐富。信陽毛尖蜂蜜冷泡茶🍵信陽毛尖🍵，中國人十大名茶之一。想不到店家這樣有誠意，為客人準備如此香茶。茶味濃且持久、回甘長，飲後非常醒神。選用蜂蜜調味，避免甜味蓋過茶香。鮮氣逼人

要把一樣事件做到極致就要專心專注的去做來這裡當然要點他們的蕃茄湯滑一滑就是滑牛肉加滑蛋麵新鮮牛肉果然是與別不同鬆軟鮮甜肉味濃非常美味滑蛋的確滑一滑煎功一流拉麵用日本拉麵店常用的南天製麵蕃茄湯底是整碗麵的靈魂用牛骨加入蔬菜去淆煮入口香甜沒有令人討厭腥酸味四十八元有如此出品實屬超值朋友的犇犇有禮也絕不欺場有牛面頰牛坑腩崩沙腩等店家選用本地新鮮騸牯牛牛味特濃入口質感軟腍炸物點了炸紫菜墨丸和墨魚蝦條丸類用在六十年代元朗起家的學利咬一口便知道非等閒之輩再來七十度慢煮麻辣瑞士汁雞中翼雞翼入味麻辣味微微滲出再點七十八度慢煮沙爹豬腩肉沙嗲汁是自家調配的味道豬腩肉肥瘦相當入口相當邪惡飲品同樣做到一絲不苟檸檬雪梨露喝得出是真材實料由其濕紙巾的包裝設計到食材的用料到看得出老闆那份對出品的認真和堅持但願生意蒸蒸日上你也能每日樂在其中