吉列牛忌廉烏冬專門店 (百樂中心) (已結業)

我們於25/2（六）約中午十二時四十五分左右到達餐廳。內裡人流不多，餐廳望出窗口的環境不錯👍🏻我們叫了蒜片牛舌芯，咖哩忌廉烏冬，牛裡脊肉黑燸米炒飯，秘製蛋卷，炸芝士薯仔年糕及飲品。❶蒜片牛舌芯($58)：牛舌芯較硬，不太好吃❷咖哩忌廉烏冬($88)：烏冬煙靭👌🏻，有一些肉及菇❸牛裡脊肉黑糯米炒飯($98)：其實只黑糯米米飯，有牛肉及蝦，味道麻麻❹飲品($38)❺蛋卷($68)：內裡是芝士，但蛋卷較細，也不飽滿❻炸芝士薯仔年糕($48)：最好味係佢，滿滿的芝士埋單要加一，服務一般，餐點到只是放在枱邊，要客人自己「搬好」

▪️咖喱忌廉烏冬完全冇諗過忌廉加咖喱呢個配搭🤣🤣面頭有一層厚厚嘅忌廉 好綿密Creamy嘅忌廉中和咗咖喱嘅辣味 而且食落都唔會好漏～ 烏冬份量算多而且好彈牙👏🏻👏🏻▪️秘製蛋卷蛋卷入邊有流心芝士🧀🤍仲有拉絲!! 個蛋亦都好香好滑 配上芝士真係好正🤭🤭 面頭仲有啲飯素增加口感同埋令個蛋卷更加香🫶🏻▪️炸芝士薯仔年糕好味!! 出邊有一層紫菜包住 外皮酥脆 入面好煙靭咬落口好軟熟 食到綿滑嘅薯蓉而且好多芝士流出 芝士味亦都好香濃🙈芝士有啲似cream cheese▪️醬燒黑豚肉釜飯熱辣辣🥹黑豚肉好入味 而且肉嘅份量算多 攞嚟撈飯真係一流😍😍記住要留返啲肉嚟撈飯 如果唔係啲飯就會冇晒汁 冇味🥹

之前每次和天使吃飯，事前都必做好預備，至不濟也會先選好餐廳。本來這天下午我們是不打算一起吃東西的，但難得我們同時都在銅鑼灣出差、時間又許可，再加上我們本身也在應該吃午飯的時侯工作，在情在理，也容許我們偷一段時間短聚一下。匆忙下，便來了這間風評不錯又在附近的餐廳。我和天使同時也點了招牌的咖喱忌廉烏冬，唯一的分別是我點的是雞肉，天使點的是牛肉。這個烏冬的賣相很特別，外表看來就像一個忌廉蛋糕。但當用筷子撥起忌廉，那浸香濃的咖喱立即撲鼻而來。真想不到，原來咖喱的香濃味道加上忌廉的香滑口感，會將咖喱的味道再推高一個層次。再加烏冬本身處理得很彈牙，基本上在沒有其他配料的情況下也會非常好吃。更何況雞肉的口感也算不錯，雖然不算很嫰滑、但入口也不算榎 -- 只要不是榎到過硬、又或者霉得不能入口，配上這個咖喱配搭，沒有不好吃的理由。我最後甚至將所有咖喱湯也全喝光。現在回想起來，也覺得很邪惡。這是其中一款另外的小食 - 蒜片牛舌芯。不知道是因為咖喱搶了味道還是什麼，這個牛舌芯平平無奇。調味沒亮點，牛舌芯雖然未至於榎，但無論口感和油份感也接近不合格。拿來送酒是可以的，但送酒的話，其實也有好多更好的選擇吧？另一

之前已經聽過朋友推介過呢一間忌廉烏冬餐廳，見賣相已經好吸引，成碗忌廉好似龍捲風咁，整得好精美。今次同老公放假嚟銅鑼灣早啲上嚟食個午餐先，叫咗呢一個忌廉咖喱烏冬，嚟到時見到個烏冬真係非常讚嘆，整得好好，好靚，而且忌廉融入烏冬原來係好好食嘅。令到個湯底非常濃郁，帶有奶油香味，一絕。我哋重點咗呢一個芝士薯仔年糕！好推介！好好味好軟熟呀，芝士好香濃。另外重點左呢個吉列牛set！店員好細心幫我哋點起左呢一個熱爐，俾我哋慢慢整熟呢啲吉列牛，再點佢哋比嘅醬汁好好食。連飲品嘅賣相都好精緻💙而且餐廳係用電子自助點餐覺得乾淨企理又快捷。

呢間首爾過江龍係當地已經係人氣長龍店🇰🇷主打忌廉烏冬同吉列牛，同韓國分店一樣用厚身鐵板，除咗冇咁易黐底外，仲減少油煙🔥💗吉列牛定食($246)選用美國熟成牛肩脊🇺🇸先搽上麻油，再沾上麵包糠後炸至外層金黃脆皮，裡面依然粉嫩，再放上鐵板燒至心水熟度🥩牛扒脂肪分佈平均，肉質軟腍冇渣，肉味香濃。可配上自家製甜豉油或wasabi沙律醬，提起肉香外又醒胃。前菜有胡麻醬豆腐、胡麻醬蕃茄🍅同麵豉湯🍲另外配一碗灑上味素嘅珍珠米白飯🍚💗咖哩忌廉烏冬日式咖喱口味偏甜，辣度較低🥘烏冬軟滑煙韌，嫩滑雞肉大大粒🐔配菜仲有洋蔥🧅同磨菇🍄面層唧上特製薯蓉忌廉，質感綿密輕盈，撈埋一齊食充滿奶香更Creamy，完全唔滯🍜💗Citrus Ocean以柚子蜜同藍色糖漿調製嘅梳打，飲落冰涼清新，仲有柚子肉🍋💗Passion Punch熱情果梳打味道酸酸甜甜，帶少少清涼嘅薄荷味🌱💗炸芝士薯仔年糕($38)年糕外層炸至香脆，內裡煙韌軟糯，包住綿滑薯蓉🥔同流心芝士🧀食落鹹香幼滑，仲配埋爽脆紫菜🍘

久仰「吉列牛」大名！是日終於有機會啦！1. 咖哩忌廉烏冬（牛）$78一上枱見到成個碗面都係白雪雪，預感尼碗烏冬應該好”傑”（濃稠）。首先試下淨忌廉咩味先，嗯，係light cream呀！所以好放心咁撈埋下層的咖哩醬（同樣偏稀），最後變成一碗咖哩忌廉湯烏冬 🤤 🥢 啲味好夾，又唔濃，非常易入口，令人一啖接一啖！🥢 烏冬非常彈牙！又唔會有厚重麵粉感♥️2. 韓式甜辣醬單骨雞翼 $65必點！哈哈哈哈！雞翼作為小食一向好受歡迎，唔係追求大啖肉的話（小食唔係主食咼😂），韓式甜辣醬配炸雞翼比配炸雞仲正 3. 炸芝士薯仔年糕 $38一向好鍾意芝士年糕，食親放題都必點（其仔日式餐廳有都會點🐷）。🥢 比起濃稠的芝士醬做餡，吉列牛的芝士年糕似乎選用cream cheese，口感較輕盈，唔會一食就滯🥢 同樣年糕皮的黏糯感亦較低，食完唔會好內疚（自以為）😂4. 蕃茄濃湯黑豚肉shabu shabu $98加芝士（$12）、烏冬（$15）🥢 黑豚肉有大概5-6塊，大大塊，滿足口腹之慾🥢 蕃茄味亦都好出，即使同芝士味融合左🥢 建議如果加芝士的話，比好耐性啲似乎加左芝士會令邊爐鍋的沸點高左好多/傳熱能力低左 🤔 要用

第二次去吉列牛建議大家著d無咁靚既衫因爲食完會有油煙味😂今次吉列牛既牛肉好韌麻麻地好食除此之外其他每樣都好滿意~kobekyu單骨雞翼$65屋企人鍾意甜辣醬多d但我覺得依個好味~基本上係我食晒😂炸芝士薯仔年糕$38上枱時入面有流心~煙煙韌韌既年糕好難唔好食秘製蛋卷$68弟弟指定要食既入面有半溶化狀態既芝士非常吸引醬燒黑豚肉釜飯$88黑豚肉好入味撈飯真係一流~咖哩忌廉烏冬$78忌廉令咖哩變到好creamy咖哩味香濃😋 味道：★★★★★💰 價錢：$$

雖然呢日落大雨，但係冇損我要食美食既決心。其實銅鑼灣真係有好多美食！單單係百樂中心都已經層層有野食咁制。今次決定去22樓食韓國吉列牛忌廉烏冬。坐低就二話不說立即點份吉列牛定食，話哂都係呢到既名物，一定要試下。一份定食有一份吉列牛、一碗飯、昆布湯，仲有麻醬豆腐、車厘茄作為小食。食吉列牛既精髓就係食之前先要動手將內裏仍未熟既吉列牛放係爐上燒，爐仔十分的骰，啱哂一個人自助咁燒。燒之前細看吉列牛，估計係先上炸粉炸好外皮，再切開一塊塊整齊排列好。薄薄既炸皮包住仍帶著粉嫩色的牛肉，望見都口水直流。用筷子夾起吉列牛放係爐上燒，聽住從爐上傳來既滋滋聲，已經聞到令人垂涎欲滴既油脂因加熱而產生既香氣。燒咗陣之後，夾起吉列牛翻到另一面，立即見到熱力令原來的粉嫩色變得更淺色。要燒到幾成熟，完全係任由你控制。我個人就喜歡燒到表面有微微金黃色，但內裏仍保持粉嫩。放入口咀嚼，吉列皮一D都唔厚，而且變得更香脆，牛肉夠嫩夠鮮甜，油香立即充滿口腔，特別喜愛外脆內軟既感覺。食野點可以冇碗白飯？所以一份定食會有上面鋪有飯素既白飯，軟糯帶甜，配埋吉列牛食好夾。見到咖喱配忌廉，心裏面都覺得兩者「大纜都扯唔埋」，但係身為呢到既名物

Kobekyu為韓國品牌，在首爾弘大也有分店，主打吉列牛及忌廉烏冬。吉列牛為日本名物，想不到熱潮吹到韓國餐廳。餐廳位於銅鑼灣百樂中心高層，每晚繁忙時段均有客人排長龍等升降機，建議可早點來避開人潮。L形的設計看起來不算很大，卻能容納不少客人。通風系統不錯，不會很大油煙味，這點比旺角分店好。上菜速度蠻快，不消一會便堆了滿桌的菜。吉列牛定食 $148；吉列牛追加 $98定食包括飯素加珍珠米飯、麻醬豆腐、車厘茄、麵豉湯、沙律及自家製蛋黃芥末醬，配菜相對簡單，如能加隻溏心蛋更佳。主菜石燒吉列牛，一客有十多塊，絕不欺場；採用美國熟成牛的肩脊部位，肉質呈嬌嫩深粉紅，配合金黃色的吉列外層，令人食指大動。每一至二人有一個小石爐供自助燒肉，幾成熟悉隨尊便。個人喜歡五至七成熟，每邊燒幾秒就行，以保持肉質嫩滑。燒過的吉列牛肉香四溢，口感豐腴，一口一塊，啖啖肉；吉列外層鬆脆可口，調味得宜，不會搶去牛肉香。＊溫馨提示：移動石爐時要小心，以底部木板借力，避免碰到爐邊。雞肉咖喱忌廉烏冬 $78可選牛肉或雞肉，剛剛吃了牛，試試雞肉。賣相特別，看起來完全是蛋糕上雪白的甜忌廉，好奇跟咖喱烏冬放在一起會是甚麼料子。烏冬就埋在

星期日去銅鑼灣行街，行到不知時間過，看看手錶已經兩點鐘。我的「牛魔王」朋友非要拉我去吉列牛忌廉烏冬專門店吃吉列牛定食，說是很特別的很好吃的。我們入座時間已過了中午繁忙，所以人數不多，地方算大，兩邊有大窗戶，很光猛開揚，好適合傾計食野。怎料，大約去到兩點半的時候，客人陸續進來，原來這裡的捧場客真不少喎。朋友說吉列牛定食非常受歡迎，來這裏一定食這個，所以我也點了一客試試。每桌子上面都有一個小火爐用來吃牛用的。吉列牛定食擺放一個盆上，旁邊放了凍豆腐、芥末沙律醬、蕃茄、麵豉湯，好別緻。牛肉外面用麵包糠炸過，嫩紅色的牛肉若隱若現，已經好吸引。我們因應自己的喜好將牛肉放在小火爐上面燒熟，這個方法真是想得周到，能顧及到不同客人的需要。牛肉很靚，一啖咬落，閉上眼睛，便立刻感到牛肉肉汁滲入口腔，每一啖都充滿牛肉的鮮嫩味道，好享受啊!就算喜歡熟一點的牛肉也保持着肉汁，一樣唔韌，超讚!再沾上沙律醬配上珍珠米白飯，非常好餸飯，冇幾耐又讓我們吃清光。秘製蛋卷，薄薄的外皮包著芝士，夾起便見到流心及拉絲的效果，再吃入口時感覺香軟綿綿的芝士溶在口中，好好食，正！ 吃蛋卷千萬不要等得太久，否則芝士凝固了便失去這種風味。

講起吉列牛，呢樣食物印象中大約係兩三年前侵襲香港，之後越來越多餐廳引進呢個潮流。身邊總不乏鍾意食牛嘅朋友，令到唔喜好牛嘅自己都總會試過幾間吉列牛專門店。要喺咁多間餐廳突維而出，每間餐廳都絞盡腦汁，推出一啲能夠吸引客人嘅特色菜式。今日約左男朋友嚟呢一間吉列牛忌廉烏冬專門店，顧名思意，除咗吉列牛之外，另一個主打就係忌廉烏冬。八點鐘去到餐廳樓下電梯大堂，長長嘅人龍排到出門口。無他嘅，成幢大廈有八成以上都係食肆，又正直晚飯時段，大約等左10分鐘，終於成功抵達餐廳。一出電梯，門口已經貼左好多有關吉列牛嘅報道，同埋大大個燈箱招牌。有趣嘅係，可能香港大部份人都覺得吉列牛係日本傳過嚟，睇到門口嘅報道，先知原來呢間餐廳係由韓國人引進。慶幸提早訂咗位，足以令我哋喺細小嘅餐廳獲得一席。急不及待翻閱餐牌，去餵飽飢餓嘅腸胃。吉列牛定食係必點嘅，但因為擔心忌廉烏冬食唔晒所以冇叫，反而選擇叫多幾款小食試多啲。炸芝士薯仔年糕 $38一客有兩件，外層包上一片紫菜，紫菜下面就係炸得金黃香口嘅薯仔年糕。薯仔年糕口感煙韌，真正外脆內軟！芝士包裹係中間，切開一半，超治癒嘅畫面出現！欲斷不斷嘅芝士可以拉出絲，一睇都知軟熟。雖然係

落住微微雨，又寒風凜冽，最好食啲辣嘢暖吓身呀。中午時段上到嚟，都冇咩人，真係隨便坐都得呀。睇咗餐牌，先點幾個小食先。炸芝士薯仔年糕，芝士味唔覺有，年糕冇味，中間仲要凍嘅添。骨付豬肉腸，煎得幾香，醬汁都好好味，豬味又濃，但係好似仲有陣雪味咁。滋味單骨雞翼，雞翼上面啲粉有好多種，但我地就覺得太多添喇，而且都算辣，同埋食完會好口喝架。吉列牛定食咖哩忌廉烏東，二人前嘅定食，份量夠唔夠就見仁見智喇。先講牛，五成熟，因為切得太細件，吉列嘅味道感覺唔到。若果覺得唔夠熟，旁邊有塊鐵板，放上去加熱煮多陣都得。麵豉湯唔錯。咖哩忌廉烏東，咖哩味好香，食多幾啖仲覺得辣添，好在有忌廉去中和番。烏東圖身嘅，好掛汁同好彈，入面仲有啲菜、牛肉添。定食餐送汽水，我地轉咗特飲，唔錯丫。