大都烤鴨

营业中

休息中

烤鴨被譽為「中華第一吃」 更係御膳珍品添✨呢間滬菜館深得家中兩老喜愛 決定嚟試一試👅.📌烤北京填鴨 $298/半隻嚴選北京嫩鴨 皮好脆 肉質軟嫩帶點韌勁 連住少少脂肪 甘香唔油膩🦆用左果木燻烤 淡淡木香炭燒味🪵🔥荷葉餅好Q軟 包埋紫蘿蔔, 蜜瓜, 青瓜, 京蔥, 砂糖同秘製醬汁 味道清爽 層次豐富🫔.📌二崧炒鴨末 $98/2位呢到竟然有鴨架八吃‼️免治鴨肉碎好惹味 伴以香蔥同松子仁 更香口🦆揀左芝麻燒餅 烤至金黃酥脆 乾身唔油 平衡鴨肉味道 一啖食超滿足🙌🏻.📌淮揚灌湯小籠包(2隻起) $20每隻小籠包皮唔會太厚 夾起又唔易穿🤍新鮮蒸起 熱辣辣 咬開爆湯汁🍲肉餡飽滿軟嫩 豬甘鮮味濃香🐷.📌黑松露小籠包(2隻起) $32每隻肉餡加入黑松露 上枱已經聞到濃郁菇菌香 同豬鮮味好夾🍄‍🟫.📌清炒香菌小棠菜 $128小棠菜鮮綠爽脆 加埋大量雜菌 真係清炒 唔重口味🥬🍄‍🟫

雖然食過嘅北京填鴨唔多，但覺得呢間嘅都不錯，所以今次已經係第2次嚟食啦～ 不過其他小菜感覺都比較普通，賣相好似去咗大排檔🤣🤣 但為左北京填鴨嚟食都可以嘅，同埋星期一至四晚市主餐牌有85折，都算抵食。•🥢 烤北京填鴨(一隻)一隻北京填鴨會開兩碟上枱，所以配料同荷葉餅(包鴨嘅皮)都各有2 sets，配料有紫蘿蔔、哈蜜瓜、青瓜、京蔥、京醬同砂糖，都幾多款！荷葉餅有兩籠，每籠10塊，幾鍾意呢到嘅荷葉餅薄得嚟又好煙韌有咬口，包住鴨同配料食好夾！至於主角鴨就鴨皮同鴨肉會切到分開咗，但可以自己夾返一齊食，鴨唔會好肥，而且肉都多！•🥢 野菌炒鴨絲 一鴨兩食，所以叫左呢個炒鴨絲，鴨肉切成粗條，去晒骨，加埋野菌一齊炒，醬汁偏濃味，但食到晒成隻鴨。•🥢 鎮江肴肉 & 雕皇醉雞 (送)呢兩款冷盤都係送嘅👍🏻 醉雞嘅花雕酒味幾濃幾入味，雞嘅肉質都幾滑😋肴肉切成菱形再砌成雪花形狀，賣相夠晒靚～ 上層嘅啫喱同下層嘅豬肉比例為1:2，啫喱滑溜而豬肉鹹香唔肥膩，就算唔點汁都幾好食～•🥢 四喜烤夫呢個烤夫都係冷盤嚟，除咗烤夫，仲有木耳、冬菇仔同埋四季豆，全部都好入味，尤其是烤夫，吸晒啲醬汁，味道酸甜開胃🤤•🥢 尖椒花膠炒

知道下午茶主餐牌半價（飲品及套餐除外），所以同亞女就特登去試吓，我哋兩個人，星期四2:30去到，都有2/3地方坐滿，我哋點咗以下餸菜烤北京填鴨（半隻）奶油娃娃菜小籠包煎鍋貼黃金蝦仁炒飯北京填鴨脆，喜歡有多種配菜，撇除喜不喜歡吃，但相機食先，就係影得開心，不過就好似唔似有半隻，奶油娃娃菜味道ok,不過就比較大棵，食時無咁方便，小籠包、鍋貼皮薄多汁，好食，黃金蝦仁炒飯就比較油，不太喜歡，不過整體半價都係開心嘅

最近咁啱想食片皮鴨，咁啱搵到呢間餐廳，咁啱見到佢做緊優惠，片皮鴨半價！！！！真係咁啱得咁橋🤣🤣🤣咁當然要叫片皮鴨食啦！嚟到成個賣相都好靚，有葱絲、蜜瓜、青瓜、蘿蔔條4個配菜，餅皮夠薄仲熱，鴨皮同鴨肉嘅份量都好足夠，鴨皮仲要好香脆，鴨肉唔乾，真係食完一舊接一舊🤤叫片皮鴨嘅時候我哋搭埋叫多個二食，叫咗個鴨肉末麥包(二位用)，呢個喺我哋食完片皮鴨之後先上菜，估唔到有驚喜，肉末味道好豐富，襯埋個包好夾，加上包仲熱辣辣，食剩嘅肉末如果用嚟撈飯真係一流🤤小籠包，皮薄多汁，價錢唔貴 值得一試👍🏻仲試埋個金沙蝦球，蝦肉爽口大隻，襯埋個金沙汁都好夾，唔會太咸👍🏻最近餐廳唔同日子仲有唔同優惠，值得回頭 哈哈

今次真係好想分享，我近來入咗 #香港片皮鴨群組，鐘意食片皮鴨嘅朋友一定要入！然而只係入群幾日就被燒著咗，星期日即刻跑咗嚟大都烤鴨 到食晚餐！媽呀！我同老婆係片皮鴨忠粉，成日都周圍試，而我覺得美食係值得你去俾多啲錢食，食落肚嘅嘢一定要好味！有食開片皮鴨嘅朋友都應該知，出需好多店即使片出嚟嘅鴨皮都一定會連住鴨肉，但大都烤鴨就唔係，佢真係片到鴨、肉分開，不過有朋友食過就過如果就咁食鴨肉會覺得 so。不過我女就反而勁鐘意，佢係奇特地鐘意食鴨肉多話鴨皮^^不過隨便佢啦！最重要佢鐘意食 (我知好多小朋友只食嗰塊薄皮添)。我哋2大2小，叫咗半隻片皮鴨 ($298/半隻)；再加咗一份薄皮 ($40)；叫咗蝦仁，夾住青瓜好好食；仲有小籠包、生煎包；同埋肉絲煎麵 (脆卜卜嘅麵)；成餐大概$6xx，我覺得價錢ok，最重要係鐘意食，只要鐘意食，貴少少都值得！

上次同朋友食過, 係我食過最好食既片皮鴨, 作為片鴨控, 今次同男朋友再過利食。而家星期一至五, 2點半後, 仲有五折優惠, 真係十分之抵。烤北京填鴨 ($278 半隻)皮肉分開, 鴨肉都有連少少既皮, 欣賞師傅有片走啲肥, 食過好多主打片鴨餐廳, 都唔會片走, 令整體感覺扣分, 另外而間配料都幾多, 徐了京蔥青瓜, 皮亦有配到白砂糖, 紅菜頭條同蜜瓜條, 抵得一讚!淮揚灌湯小籠包 ($55)合格高分, 湯足夠, 肉都夠鮮蘿蔔眉毛酥餅 ($60)愈來愈少點心店有, 酥皮夠香, 蘿蔔足料。總括而言，正價既話點心都拍得住酒店價錢，所以半價先抵食啦

片皮鴨係我幾中意既菜式之一😁 bookmark左幾間，今次就試左呢間先 (反正今日要出油麻地，宜家做推廣禮拜六日烤鴨全日都有半價🤣)同男友最近都細食左🙈 所以淨係叫左半隻烤北京填鴨，二食加左兩位用既荷香包鴨飯～烤鴨等左大約十五分鐘，個飯大約廿分鐘 (兩樣野餐牌都標明需時大約二十分鐘👍)半隻比我預期既份量少左啲，不過呢間真係明副其實既“片皮鴨”😁 皮同肉係分開既，啲皮色澤好靚👍👍 食落有鴨既油脂香，但唔會太膩，烤得好香脆，鴨肉唔會好乾身，鴨黎講肉質都幾滑🤤配料有京蔥，哈蜜瓜，紫蘿蔔同青瓜，好豐富👍 (個人認為如果有埋山楂條解下油會更好，好彩呢度既烤鴨唔算太油😋)荷葉餅好薄透👍 上菜果個出晒煙👏👏不過凍得好快 (如果有個好似泰式明爐烏頭魚下面既爐仔幫啲荷葉餅保溫就好啦😂 因為一凍左就硬身無咁好食)荷香包鴨飯食落有淡淡荷葉香，配料有鴨肉，冬菇，雞蛋，蝦等等，幾香，蝦肉食落係脆既😂個汁似係中式炆鴨既汁，偏濃味左少少，但啲飯粒太濕太淋唔夠乾身～幾欣賞呢間餐廳加一都係按半價後嘅收費👏👏 北京烤鴨值得試！😋

適逢平安夜，公司秘書拉隊出去午餐食餐勁嘅（簽老細張卡🤣）！一行七人，因為二人一台嘅禁令，包起咗間廳房。一於每台叫個二人餐，再叫半隻「烤北京填鴨」share~=========================揚州午市套餐（兩位用）$338套餐有六道菜，包括前菜、主菜、湯羹、小籠包，同埋麵食。◊ 大都二小碟裏面分別有「烏鎮餚肉」同埋「醬蘿蔔」。「烏鎮餚肉」上層晶瑩剔透，底層夾雜着肉碎，整體較鹹，配上陳醋醒胃。「醬蘿蔔」頗大件，蘿蔔爽口，帶醬油香，亦偏鹹。◊ 糖醋魚塊有七至八件魚塊，配料有菠蘿、青紅椒、洋蔥、椰果（？！😅）相信廚師選用罐頭雜果，糖醋魚塊有椰果嘅配搭幾新穎，但係熱嘅椰果食落有些少奇怪 😅 魚塊炸醬偏厚，加上唔係即整嘅關係；上枱時，已經腍晒 ☹️◊ 西芹百合炒帶子不過不失，百合西芹爽脆，可惜帶子有雪氣味 ☹️◊ 淮揚灌湯小籠包小籠包皮薄、多湯；見到裏面嘅湯汁盪下盪下。◊ 清水雞湯雲吞雲吞有兩粒，皮薄；仲有一件雞，雞件完整，相信係臨整好後加入碗中；碗底有火腿碎，但雞湯冇火腿味，飲完口渴 🙈◊ 蔥油拌麵先將碗底嘅豉油醬汁與手打麵條混和，面頭有爆香嘅蔥段，亦有新鮮蔥花，但因為爆香嘅蔥段爆至

突然間好想好想食小籠包同埋片皮鴨，諗住搵間坐得舒服D嘅中菜，所以就決定咗【大都烤鴨】喇😋【烤北京填鴨】每塊片皮鴨咬落去都脆卜卜，好似食緊紫菜咁🤣而且鴨肉好嫩，一d都唔韌，果然係招牌菜👍🏼【淮揚灌湯小籠包】上枱熱辣辣出晒煙嘅小籠包，望到都流晒口水🤤🤤🤤咬開表皮，入面嘅湯汁多到接近滿瀉😮豬肉餡鮮甜夠juicy，正呀😍【荷葉包鴨飯】每啖飯都充滿荷葉香，而且好足料有好多鴨肉🤩

上星期慶祝母親節 去左K11食烤鴨~「大都」意思即是北京，並保留傳統特色以掛爐配果木薰方式烤鴨，確保原汁原味🤤。-☆ 烤北京填鴨 HKD$258/半隻片皮鴨分開鴨皮同鴨肉，鴨皮片走哂皮下脂肪，食落脆卜卜而唔會覺得油膩，抵讚👍。面皮採用荷葉餅，每一層都有紙隔開好貼心，質地雖較挺厚，反而無咁黏手同埋食完仲無咁滯添，食多幾片都無問題。-☆ 元貝鴨絲羹 HKD$88/2位用食到元貝既香味，配料非常豐富，羹湯唔會太杰，亦唔會食到成口粉漿，不錯的。-☆ 雕皇醉豬手 HKD$88花雕味濃香口，因溫度夠冰凍令豬手非常爽口，口感極佳。另外豬手骨唔多，所以食得幾方便。-☆ 桂花翅炒花膠 HKD$198蛋炒得過到左火略為嫌老，但幸好桂花翅同花膠均為出色，口感爽口嫩滑，亦唔會太乾，味道得宜。-☆ 酒釀丸子 HKD$45/位丸子用上芝麻湯丸，比平時食開既細細丸子不同，較為特別👍。有酒味唔會得死甜，幾突出既一道飯後甜品。-▪總括而言味道水準中上，菜色選擇多，價錢不算太貴，還境舒適，唯一美中不足係繁忙時段需限時90分鐘。

細佬成日話呢間片皮鴨好好食，成日都會黎食今日媽媽生日，就決定同佢食個LUNCH跟住再去睇場戲片皮鴨係必點既, 由於我地有4個人, 所以叫左一隻放落枱賣相已經好靚, 每一塊鴨件大細都切到好平均!包住片皮鴨塊皮好薄，每一層都有用紙隔住，好細心!!個片皮鴨唔會好肥, 因為師傅會起左D肥油，皮同肉會係分開既，個皮食落係脆既, 食多幾件都唔怕膩！有砂糖同埋京醬做調味，個人鍾意2種都落哂!!另外佢有4款配菜比你夾埋一齊食, 以前食片皮鴨都只係有京蔥同青瓜, 呢度竟然有蜜瓜絲同埋紫蘿蔔!!真係第一次夾埋呢2種配料黎食!! 好有新鮮感,,好味!荷香包鴨飯食入口好香既荷葉味, 飯粒唔會太硬 (好多時出面都係用隔夜飯所以好硬)裡面鴨肉既份量都ok既, 仲有甜甜地既醬料, 如果人多都可以一試既花膠響螺燉雞湯呢度既燉湯一d都唔平,,$98一個但打開見到好大舊花膠呀, 旁邊仲有d津白, 入面仲有螺頭同雞件, 好足料, 成個湯所有餡料都食哂個湯好清甜, 冇多餘既油係面, 燉得好好!淮揚灌湯小籠包個小籠包個皮唔會蒸到乾哂, 打開既時候見到個皮都係濕潤有d湯汁係面夾起既時侯要好小心,,一夾起d湯汁就墜左係底,,好驚會

其實已經係上年11月尾既光顧，都差不多攤到凍晒啦，但對大都仍有印象，所以趁還有印象寫番對大都的食評 !一直都好想來大都吃烤鴨，但由於大部份飯腳人數聚多習慣邊食邊吹水和即慶，而大都必須分時段，而且需要早一點預約，故此一直都未有機會；適逢與友慶祝生日，是次4人組合，人少少最適合不過!北京烤鴨是京菜的代表作，講究皮脆肉嫩，不過，要在香港吃到原汁原味的烤鴨就非常困難，皆因好吃的，價錢自然高；相宜則水準普通， 幸好食烤鴨唔使遠赴北京，在K11「大都烤鴨」算是出品有保證的烤鴨地方，熏烤方法、切法，聽說也是參照北京而來，所以味道及賣相與傳統的北京烤鴨沒有太大差別。站在店舖正門旁的玻璃窗一看，可看到烤爐、荔枝木及烤鴨，隻隻脹卜卜的飽滿肥美。北京烤鴨的傳統做法，是用荔枝木來烤鴨，熱力逼出油脂，當油脂滴在果木上，便散發煙熏，所以烤出來的鴨會有陣陣果木香。這裡同時還看到師傅片鴨的刀功。雖然揀咗晏果輪，但由於限時，所以我地決定等齊人先入去!我們被安排在4人卡座，由座位望向大門方向的店內環境，環境也不錯。 這兒大部份座位均是四人卡座，予人整整齊齊的感覺，有別於一般中式酒樓食肆的圓檯。感覺新派一點!這兒非一般的餐

K11 的大都烤鴨店開業初期經已備受好評，除了名字令人聯想起北京人氣烤鴨店「大董」之外，大都的招牌烤鴨特別以果木製造出煙燻效果來燒烤嫩鴨，也令大家食指大動。不過近期數次光臨大都，發現服務開始走下坡之餘，出品亦沒有開業初期的高水準。 繡球腎仁, 3/5頭盤的繡球腎仁主要是吃刀功，腎仁砌成繡球般的外型，口感爽滑，但味道略為普通。 蝦籽美人腿, 3/5蝦籽美人腿是每次到來必點的菜式，貪其爽嫩的口感，不過今次同樣是空有賣相，味道沒有以往的那麼滋味。 烤北京填鴨, 3.5/5當然亦是每次到來必點的重頭戲，填鴨依舊是皮脆肉香，只是感覺沒有了之前果木煙燻過的味道。 荷葉包鴨飯, 4/5每次見到這款荷葉包鴨飯，也是説同一席話，賣相可否吸引一點？這道菜絕對能夠保持水準，醬汁濃郁，加上香氣四溢的鴨肉，簡直是啖啖滿足。 雪菜毛豆百葉, 2/5些少菜蔬可幫助中和一下鴨肉的肥膩，較清淡的雪菜毛豆百葉似乎最好不過。可惜越簡單的菜式往往越容易失手，這道菜不點也沒有太大損失。 金陵驢打滾, 4/5想不到甜品居然將熱葷技術性地撃倒，第一次吃這款金陵驢打滾，味道有點似紅豆糯米卷。口感軟糯可口又點少許煙韌，吃落

自從沙田十八進駐香港後,似乎烤鴨的水準都給提升起來,但始終價格偏高,未必為大眾所接受,月前得知有一間以烤鴨作主打的店子在尖沙咀開業,早已經心思思想試試.是夜得朋友幫忙,可以免最低消費訂了店內唯一的廂房,真的要說聲謝謝!由於地方所限,以卡座位居多,廚房採用近年較受歡迎的開放式設計.而餐牌內更附有烤鴨的正確食法,又真的夠細心.曾在深圳香樂園的食評提到,淮揚菜以”刀功精細,刀法巧妙”見稱,加上嫻熟的擺設,精妙的色彩配搭,令到涼菜都成為藝術品,而今次淮揚十小碟更加令人期待.鹽水鴨肝是十小碟中水準最欠穩定,第一碟散發出胭紅的肉色,粉嫩的口感,非常誘人,不過再點的一碟卻是雪得太久,令肉質產生變化,偏向死實,這一點真的要注意.牡丹蝦可說是其中一款刀功表現,蝦仁剖成開半,伴青瓜片,排成花卉外形,十分亮麗,教人賞心悅目.將鴨腎介成花球形狀的繡球腎仁,不單造型漂亮,就連入口都是爽脆彈牙,還可以說什麼?而酸辣黃瓜皮是將黃瓜表皮切下卷成圈,然後再醃好,帶有淮揚菜中青瓜卷的風味,但無疑平實得多.至於烏鎮餚肉就有點令人失望,肉質鬆散而薄弱,只可以憑賣相扳回不少分數.在前菜中另一賣點可說是蠔油蘑菇,每件細少的蘑菇,

單看這間食肆的名字，大家應該可以估到這裏的主打食物是烤鴨。食肆是剛開張的，所以凡惠顧一隻烤鴨的首1000名食客，可獲發證書一張。本人亦為了這張證書，特意冒名而來。由於烤鴨製作需時，故此一坐下來便向侍應點了一隻烤鴨。翻看餐牌得知這裏烤鴨的特別之處，在於烤製過程中，會配用果木來燻烤，令淡淡木香滲透入鴨身。在等候過程中，十分期待烤鴨的來臨，果然烤鴨的賣相十分討好，鴨身脹鼓鼓的。亦不能不讚廚子的刀功，鴨皮切得十分薄，並不會像普通的酒樓製作馬馬虎虎，好多時鴨皮會連著厚厚的鴨肉。另外，荷葉餅亦厚薄適中。而烤鴨的配菜亦有些特別，平常只會有青瓜條、京䓤絲及京醬，但這裏還有哈蜜瓜絲、紫蘿蔔絲及紗糖供客人選擇，感覺有點新鮮。期待永遠是最美麗的，這感覺好快被幻滅。當吃下第一口片皮鴨時，頓時感到有點兒失望，首先鴨皮並不夠脆身，而且十分油膩；其次鴨肉啖而無味，再加上配上紗糖食用，覺得有點格格不入。此外還點了一客水晶鴨舌，外表十分精美，但只可以形容它是徧甜的滷水味啫喱。凡惠顧半隻或全隻烤鴨，可以加錢將鴨架另行烹調，這裏共有十款烹調鴨架的方法。本來想試試鴨鬆鴛鴦米泡飯，但好可惜已經售罄。所以點了另一款叫“二鬆炒鴨末