第一郡 (已結業)

黎到天后唔知食咩好? 行行下見到呢間傳統越式菜, 第一郡, 見到店內幾多人, 應該都好食掛😂坐滿左, 仲要喺中間加枱添, 場面墟冚🙈牛油果沙冰 - $30見到有牛油果既smoothie, 呢個味道好新鮮好少有, 一於做勇者試下啦, 真係有surprise , 杯飲品有極香濃既牛油果味😍飲落清新健康😂順化牛腱米線 - $65有牛腱肉, 有豬手, 有札肉咁多料都係收你一碗65蚊咋, 出面食個紅燒牛肉麵都要呢d 價啦, 佢呢碗咁多餸之餘, 個湯底飲得出係落左好多心機用左好多香料, 所以完全唔需要味精幫助👍友人好鍾意食呢枝醬, 極辣🙈迷紙蝦卷 - $20個蝦卷包得好靚, 仲有成兜秘製醬汁比你, 米紙夠薄👍斑斕綠豆糕 - $13呢個綠豆糕係另一個驚喜之作, 煙韌之餘又有斑斕同綠豆香味, 配合得天衣無縫👍

小弟向來都like越南口味，好似牛肉河嗰d。今日去朋友屋企作客，佢帶我落去食下午茶，話有間叫第一郡嘅越南野幾好去試一下。就係呢間Q1第一郡，其實個位置認真麻麻。唔熟路一般唔會行入去呢邊，附近好似d工廠，車房，倉嗰類野。寫明係越式傳統烹飪，好有期待。，菜牌得兩邊，落單個靚仔強力推薦星期六日先有嘅蔬菜燉牛腩，一於試下。佢每個菜下面都會寫明有咩料係入面。送嚟都幾多，牛腩有4-5塊，個汁有d蔬菜嘅甜味，紅蘿蔔，薯仔都好軟，好好味另外仲有配個法包，包沾上個汁非常正。個牛腩好軟熟，幾乎入口即溶。另外叫咗一杯牛油果沙冰，用料非常實在，口感好綿稠。味道一流。另外環境佈置都幾有心思，坐位亦好舒適。總括嚟講，值得一試。

去保險公司傾完保單肚仔都餓了~諗起附近有間之前深水埗食過既人氣越南餐廳~天后呢間唔洗等就可以入坐，一坐低當然先點一份蝦肉米紙卷，仲記得上次用一片蕉葉包住賣相靚之餘，仲帶點芳香。點知，賣哂了...只好試其他吧!沙甸魚軟包，麵粉味香香軟軟的~入面有甘筍絲、洋蔥、香蔥、芹菜，沙甸魚味道幾香又唔腥！蟹膏蕃茄湯檬($50) ，我覺得呢碗稱得上雜錦～湯底蕃茄香甜味濃，材料仲好多～有扎肉、豬紅，蕃茄仲係原個添！豆卜同平時食既唔同，豆味香比較厚身有質感蟹膏餅唔好以為好似炸蝦餅炸蟹餅咁實心既~ 而係似海棉軟棉棉，可以吸埋d湯，咬落去鮮茄同埋蟹既鮮味相當突出～順化牛腱米線落單時店員問要唔要加辣，老公就點小辣，其實都幾辣，不過令豬手，薄切既牛腱更入味。　份量都好多！　飲品方面，牛油果沙冰我覺得係必點既~沙冰感覺唔強烈，其實似加左少少冰既奶昔。入口非常smooth，好香好滑~ 飲一杯其實有d唔夠喉，但又怕肥..唯有留待下次多個藉口黎食越南嘢當然唔少得滴滴咖啡睇住佢一滴一滴落入杯中，就好似小時候玩沙漏咁，想佢快d滴又想佢滴多d~先拌勻杯底既煉奶，入口帶點90%既黑朱古力味道，甘香！

朋友介紹的平民飯堂，位於天后的第一郡，可以食到價廉物美的越式料理。店內光猛，走廊和座位都非常闊落。餐牌簡潔，清一色都是越式的食物！牛油果沙冰 $30牛油果的含量極高，而且打到極為幼細，奶味和牛油果味平衡得很好，又香又滑，正！凍檸茶 +$6檸檬新鮮，茶不苦澀。順化牛腱米線 $65叫了小辣，除了牛腱外，還有扎肉和豬腳。牛腱厚切，夠腍而且幾入味。豬腳都一樣又腍又入味，而且膠質都幾重。扎肉爽口，帶豬肉和魚露的味道。米線很滑，湯底味道不算濃，整體感覺不錯！烤豬肉撈檬 $50湯汁早已加入了在碗底，一撈就食得。烤豬肉軟身又入味，juicy 很黎仲幾惹味。拌勻後的檬粉很fresh，花生的味道亦十分突出，很不錯的一碗！可樂 +$5都幾抵飲。兩個人埋單百零蚊，都幾抵食啊。

我同細妹一向好鍾意東南亞風味，今次聽聞天后有間越式傳統餐廳，就決定搵一晚嚟試吓有幾滋味。餐廳位置唔算係人流多嘅地方，但係正所謂地上執到寶，問天問地攞唔到，根據過去幾年覓食經驗，隱世餐廳通常先至有水準😎行到身水身汗，首先叫咗杯涼浸浸嘅牛油果沙冰！飲落有驚喜，牛油果好香甜，沙冰打到好幼滑，幾乎飲唔出係冰，每啖都係牛油果肉😍😍，$30仲平過自己買牛油果🥑認真抵飲，抵過starbucks😆食越南野少不了越式法包，配料有腩肉、扎肉、肉鬆、青瓜、酸菜、芫荽、蔥、肝醬，始終係經典味道🤩成個法包烤焗過，外皮好鬆脆，厚度適中，令到麵包同配料比例得宜！$65以一碗麵嘅價錢來講唔算平，但係分量足夠兩個人分享。上面有大大塊魚肚，吸收晒上湯好好食。自家製拉麵果然係唔同啲，質地好滑，好有煙韌嘅口感。我斑斕蛋糕食得多，但斑斕綠豆糕真係第一次食，冇估到口感咁豐富，兩層滑嘟嘟又煙韌嘅糯米層中間有綠豆蓉夾心，未放入口已經聞到陣陣椰奶香味，仲有綠豆蓉嘅甜味，雖然細細舊要$13件，但係值得嘅👍🏽

兩步曲：食蟹膏蕃茄湯檬！早排係雜誌睇到依間越南餐廳連我既同事都大力推介搞到我真係真係好想試~臨放假前當然就要把握機會~來品嚐依個越南風情！深水埗算係創始店怕人當擠迫~又加上住新界東既我見到天后依間開左無耐~就當然揀天后店啦來到鋪頭已經滿座~店鋪門口就係店家既開放式廚房可以一邊等一路睇住姐姐係到整越式法包煮下麵打發下時間等左大約5分鐘到就已經有位一早想來食既我~當然會做足功課啦！心中當然已經有個必食清單牛油果沙冰 $30依個牛油果沙冰我同朋友都一致大讚！完全係牛油果奶昔~全杯都係牛油果同奶！！！！！完全飲唔到任何沙冰~足料到我想幫佢改名為牛油果奶昔~唔單止足料~仲要好幼滑順口！好鬼正！大力推介~滴滴咖啡(熱) $25去過越南既朋友仔成日推介我飲越南咖啡未去過越南既我一直有個心癮想試下~一來見住佢滴滴好過癮二來越南既咖啡口味好獨特，同平時飲到既絕對唔同越南咖啡用既咖啡豆係相對較重苦澀同平時飲到既西式咖啡有所不同越南咖啡既底部放左煉乳，並唔係糖或者鮮奶原因係煉乳既甜道可以中和咖啡豆既苦澀亦都造就左越南咖啡既獨特口味！而店家做到十分地道~同我一樣甘八卦想一嚐越南咖啡既你地一定要試下，十分得意！

吃過深水埗的第一郡，都它的牛油果沙冰和斑蘭綠豆糕念念不忘，媽時不時特地去買外賣。知道天后開了分店，也一直想去支持下。青檸梳打先點杯梳打解暑。三色蛋豬扒飯豬扒超大塊，少少硬少少乾，但不嚡不韌，淨明沒有過量的加工。醃得不錯，帶微甜，配蔥很夾。蕃茄和青瓜很新鮮。三色蛋不算特別，略嫌偏乾。白飯的飯香不俗。加配一隻鴨蛋，味道不錯，同樣偏乾，但加得值得。牛油果沙冰最期待的牛油果沙冰，沒有令我失望，打破了開分店會變差的魔咒。又濕又厚，牛油果味香濃，偏低的甜度恰到好處。蔬菜燉牛腩店員推介只限週末供應的燉牛腩。別看它細細碗，超多牛腩，炆得入味又嫩腍，還帶點黏，出期地好吃。紅蘿蔔和薯仔也夠腍。法包烘得外脆內軟，外層的脆不是硬脆，中間鬆軟的同時有重量，絕對吃得飽。法包吸滿醬汁，蔬菜味、牛肉味加少少甜，值得一試。斑蘭綠豆糕最後少不了這件甜品。軟腍腍又煙煙韌韌，充滿葉香，中間夾著適量的綠豆蓉帶來甜味。吃完再買多兩件回家孝順老媽。一家人經營，充滿人情味的小店，而且聽到他們的越南話交談，更有地道風味。還想試試即叫即造的法包，不過太飽了，只好留待下次。

與朋友到炮台山，他以前曾經在那區工作多年。今次去到威菲路道，見相鄰有兩間越式食店，我們就選了一間食傳統順化米線的試試。食店的裝潢是傳統的小餐館型式，地板鋪上階磚，中堂其實有很多位置，一般都會擺放可分拆的長枱，可以多十個八個座位，現在留空就會使餐館有更大的空間感及沒有那麼擠迫。原來餐館的總店在深水埗，而這裡開業了大約十個月。與老闆閒聊，原來都是一家人做，老闆娘是正宗越南人，所以敢講做的是正宗越南菜。打開餐牌，只有底面兩頁，選擇不算多。我們點了順化牛腱米線($65)、蟹膏蕃茄湯檬($50)。我們來到的時候已經時間不早，差不多八時，原來食店是收九時，所以有些想叫的，如米紙蝦卷都已售罄，就只叫了一個牛油果軟包($33)，飲品方面芒果沙冰也沒有了，就只要了兩杯牛油果沙冰(每杯$30)。所以經常說早些到，有著數。順化牛腱米線是他們的招牌食品，當然要試。湯底並不走熬十個八個鐘的濃湯路線，所以並不濃稠，但清得來帶點甜，有金不換的香味。材料除牛腱外，還有豬蹄、札肉、洋蔥、芽菜、蔥花及米線。牛腱腍滑，豬蹄更加炆得骨肉分離，整碗米線肉的份量非常多。蟹膏蕃茄湯檬的湯底亦非很濃，湯的蕃茄味亦不很重，但有蝦膏味。

第一次食呢間越南野，估唔到質素幾好，可以作長期飯堂！先講下佢既Bang Mi法包其實我地係簡左軟包 因為細份啲驚太飽食唔落飯烤豬肉軟包，超足料，芫西多到跌出黎！仲有酸葡萄，夾埋咸既豬肉食，好複雜既味道但好正！個包軟過法包，個人鐘意軟啲易咬！三色蛋豬扒飯，三色蛋其實係類似蒸水蛋，有啲蘿蔔絲有啲豬肉碎咁，都幾特別未食過！豬扒係香茅香味，都幾林！順化牛展米線有好多送：一隻大豬手、兩三塊大牛展、兩三塊厚札肉、爆多芫西豬手好林呀！牛展都係，又夠厚身！札肉係非常有味同係越南食既一樣咁好食，impressive!湯底唔辣但惹味！牛油果沙冰不錯，清清地青檸梳打，梳打另上，都係唔錯：下次會再食，因為好抵！

之前一直知道有呢間富有越南🇻🇳特色嘅小店—「第一郡」係深水埗， 聽聞老闆娘係越南華僑，所以煮得一手正宗越南風味～ 不過個時並無分店， 但而家港島區有分店啦！👏🏻 逢星期五都要係天后上堂嘅小編， 梗係要黎拜會下啦！😏 和深水埗店一樣， 主打越南檬粉、三文治和糕點。 之前去越南餐廳只懂吃生牛肉河， 但原來越南粉嘅款式仲有好多～ 就好似呢個Q1麵（$65）咁！ 湯底以鮮蟹🦀熬製，味道鮮甜味美～ 越南拉麵爽口帶嚼勁， 配上魚肚、蘿蔔吸晒湯嘅精華，😌 帶子鮮甜，冬菇軟腍入味，必試呀！😋 米紙蝦卷（$20/卷） 是這裏嘅招牌菜之一， 這個幾乎是每枱都係必點！😎 丄枱時蝦卷係用大塊蕉葉包着， 除左可令米紙更軟熟煙韌， 更可撕一圈才咬一口，成條拎住食超方便。😂 餡料好豐富，有鮮蝦、豬肉、檬粉、金不換和薄荷葉， 蘸上炒香嘅花生碎秘製海鮮醬，味道更香更惹味～👍🏾 呈淡綠色嘅牛油果沙冰（$30） 沙冰打得超滑身，整杯都沒有碎冰或冰粒， 每一口都好creamy， 牛油果味都幾突出， 可以說是小編飲過最好飲嘅牛油果沙冰～😎

天后這個區內都有不同種類的食肆林立，要突圍除了食物質素要高，定價也不能太貴。【第一郡 Q1】正符合這兩項條件。而且朋友之一直都介紹呢間越南小店既野食好好食又唔貴雖然推介的是深水埗總店，但得知佢開了分店，而我今日又經開呢頭擇日不如撞日,就黎新鋪試下有幾好食先！【第一郡 Q1】位於天后威菲路道 6 號，其實就係天后同炮台山交界，未至於難去，但由港鐵站走過去都要大概8分鐘呢！見到深啡色的門面就岩啦！就係呢間！座位分成左右兩邊排列，朋友跟我說比深水埗總店闊落，門口有個半開放式廚房再入面就係烹調一試湯或大製作的廚房吧！地方唔算好大但係人來人往，不斷有人出出入入...應該生客熟客都喜歡這裡的食物吧！裝潢上一間越南小店來說，就比較簡單，唯一特別小小就係搶眼既階磚地板同埋燈罩，因為用了尖頂草帽做裝飾，帶點越南風味一位姐姐送上餐牌，三張餐牌選擇...食物種類不多但感覺好似好正宗咁！因為老闆娘阿容姐係越南華僑所以將自己拿手嘅家鄉菜發揚光大！見餐牌有平時既撈檬、湯河、米線、法包、小食、甜品同飲品都有！就每樣試小小！烤豬肉軟包 $38 先到面層因為有烤過又帶少少脆，但出到黎麵包好軟熟, 暖暖的包配入面既食才真

遠近馳名越南小館👍🏻之前都聽過深水埗Q1好岀名近日仲起天后開咗分店見嗰日喺銅鑼灣聽完talk 所以就順便去試下💓落order嘅時候 佢就話俾我知米卷同埋綠豆糕都賣晒啦😭仲話好多時晏就就無添 下次一定早啲去‼️唯有試下佢嘅檬粉同越式法包啦💋💓蟹膏蕃茄湯檬 $50我以為蟹膏係一pat pat架但呢到嘅混合左蛋 變左方塊 口感結實 更實在👍🏻湯底有淡淡嘅蕃茄同香葉味 不錯的💓💓雞絲撈檬 $50份量超多 雞絲舖滿成個碗🙈醬汁已經起碗裏面 夏天食 最適合不過☺️越式法包 $40法包超級足料呀‼️‼️裏面滿滿配料 扎肉 酸蘿蔔 青瓜 肝醬等👍🏻法包好脆口💓上枱時已經分開兩件 非常方便呀牛油果沙冰 $30🥑🥑🥑🥑🥑大推呢個呀 好重牛油果味👍🏻沙冰又滑 勁想encore呀🍽 第一郡 Q1🔎 天后威菲路道6號地下B舖

男友早在數月前在網上看見推介第一郡的文章后，便一直想和小丫頭結伴一試。但深水埗對作為港島人的小丫頭來說實在有點遙遠，偶然得知它們最近在天后亦開了分店，於是與男友在太古城拍拖欣賞完Snoopy的pop-up store后，決定坐電車前來醫肚。電車站木星街下車，走了6 分鐘左右便來到這間位於內街的小店。店面不算大，僅十張枱左右，卡位一字排開、位置闊落。餐廳食客絡繹不絕，但基本都是一批前腳離開、另一批後腳就到。我們星期六晚上七時半來到，剛好有人離開我們就跟著入座。抬頭還有一塊電視熒幕，滾動播放著溫柔的越南民謠。餐牌上的食物選擇未算太多，無須多猶豫，小丫頭選了它們的「名物」蟹膏蕃茄湯檬及牛油果沙冰，而找不見生牛河的男友則點了雞絲湯河及米紙蝦卷。最先上桌的是牛油果沙冰（$30），沙冰質感濃稠幼滑，味道是純粹的濃郁牛油果香，嚐得出無添加的味道，甚至連糖應該也沒有放，味道淡淡但果香濃濃，適合口味清淡又或者戒糖的人群，例如我們。沙冰因太濃稠一開始有點難吸，隨著冰粒逐漸融化，沙冰依然濃稠但變得較為易吸且更幼滑，看著飲管外因沙冰而慢慢凝結出的小水珠也甚是有趣。米紙蝦卷（$20）， 原塊班蘭葉緊緊包著紮實的