Essence

营业中

休息中

落機後，伴侶帶我來到位於東涌的諾富特東薈城酒店Essence食自助晚餐，星期日的收費是成人$336/位，另收加一。Essence樓底高，枱與枱之間不會密麻麻的，環境舒適。食物選擇一般，而且食物質素平平，並沒一款菜式可予人深刻印象。有基本款式的刺身，三文魚、吞拿魚及八爪魚，刺身厚切，質素尚可，不算好鮮甜。清蒸龍蝦🦞龍蝦是一批批輪流蒸好，食客排隊領取，不會擺到放涼，龍蝦亦是這次自助餐中最受歡迎的餐點。龍蝦蒸得恰好，肉質不會過熟，質感爽口。有些龍蝦亦很多膏！是最值得吃的海鮮～～雖然餐廳沒供應生蠔，但有燒蠔，蒜頭豆豉燒蠔，味道不匹配，寧願是芝士焗蠔之類。以為燒雞翼夠穩陣，可是雞翼燒得不夠金黃均勻之餘，連味道亦豪不惹味。熟食方面，實在選不到很好吃的，都屬普普通通。甜品反而有些不錯，朱古力蛋糕、葡撻，以及蝴蝶酥都好吃！朱古力蛋糕香濃而不會過於甜膩，蝴蝶酥香甜酥化，葡撻的焦糖面微甜，富蛋香，酥皮鬆脆。最令人滿意的是供應MÖVENPICK雪糕，有5～6款口味，職員舀的雪糕球都夠份量！收費三百多元的自助餐，價錢相宜，食物質素與價錢都算成正比。若特意走來光顧，就不太值得。

踏入十月，又到一年一度蟹季，最近我就發掘到位於東涌的諾富特東薈城酒店Essence由即日起至11 月 30 日推出期間限定新主題「蟹」趣無窮自助餐，每位成人價錢低至$300有找，就可過足蟹癮！內裡環境寬敞，極高樓底充滿空間感，座位之間不會排得太擠。古雅的竹枝及大紅燈籠般的燈飾，鋸齒形的牆身鑲上玻璃鏡，然後以格子木屏風作為裝飾，折射成不同的光影，散發典雅的東方韻味。全晚海鮮款式源源不絕地供應，refill 速度亦夠快，海鮮控必能大飽口福。每位自助晚餐客人可獲贈一隻清蒸大閘蟹，配合純熟的火候控制，以生薑和紫蘇蒸製，無需過多調味，保留原汁原味。掀起蟹蓋，金黃甘香的蟹膏當然是亮點所在，鮮味濃郁，就如品味奶油般軟滑細膩。食buffet的十居其九都是衝著海鮮而去，冰鎮海鮮包括法國麵包蟹、泰國加菲蟹、青口、鮮蝦、蜆和翡翠螺。新主題buffet 增設了不少蟹品熱葷，例如薑蔥炒蟹、泰式黃咖喱炒蟹、雞油花蛋白雕蒸蟹、芝士焗蟹蓋、干燒蟹肉伊麵、墨西哥辣蟹沙律夾餅、焗蟹肉酥皮湯、水蟹粥、蟹黃擔擔麵等等，來一場海鮮盛宴展開食欲之秋。薑蔥炒蟹炒得夠鑊氣，鹹香入味，呈現港式懷舊小炒風味。泰式黃咖喱炒蟹辣度不高，更能

上完昂平360，一直都知呢間自助餐好抵！落山時見到，即刻打電話去訂！居然仲有位！而且而家做7折，價錢好抵！所以三大三小浩浩蕩蕩去到，佢原先比長枱我哋，我哋怕小朋友坐唔定，餐廳好好咁轉咗張圓卡位比我哋！開始出去攞食物，食物種類選擇雖然唔多，但質素都唔錯，我哋由沙律食到甜品，都無覺得有差嘅地方！而且難得在飲品任飲，咖啡奶茶自助式，味道唔差！沙律爽脆新鮮好味！海鮮類種類唔多，唔會有生蠔！蟹腳及蝦唔錯，魚生只有大路嘢，不過刺身師傅好爽手，切好多！質素都唔錯！扒類唔會嚡，尤其羊扒，湯係羅宋湯，配麵包好味，即煮意粉煙韌好味！甜品雖然係大路嘢，不過味道唔錯，雪榚係牛記，味道都算多！店員好有禮，收碟又勤快！食物區嘅店員都一樣！平靚正嘅自助餐！

收在新假期FB張帖。知道東薈城酒店有下午茶自助餐任食馬卡龍。優惠期由24/5 - 26/7.只限星期六及日有下午茶自助餐。所以馬上乘港鐵至東涌東薈城酒店。有好多野食。有中餐同西餐。馬卡龍可以任食。日式菜有冷麵，車仔麵。中菜有叉燒包。湯有南瓜湯。有牛肉粥。甜品有菓凍同乳酪，有雪糕。飲品有蕃茄汁、菓汁同埋咖啡。D野食好正。馬卡龍好食，有好多款味可以品嚐。個南瓜湯帶有酸味。都好飲。甜品有菓凍同乳酪我本人食咗好多。好食。日式菜冷麵好彈牙。但無雞蛋做配菜。埋單要$138 + 10% = $151.8大人細路都啱食。

星期六去行東涌, 我地一早已訂了酒店食dinner buffet, 好耐冇食過酒店buffet了, 所以呢晚係好期待~我地6:30pm入場坐低, 環境優美, 我倆已急不及待即去夾野食, 印象唔錯兼好味既食物如下:所有沙律是王道 - essence有成十幾款沙律. 每次放4-6款出來, 咸牛肉暮仔沙律啲薯仔軟硬適中, 咸肉粒又厚又濃味配薯仔一流; 蘆荀野菌沙律又係十分美味, 用橄欖油撈落啲蔬菜度更顯光澤及可口; 黑芝麻豆腐沙律啲豆腐好入味同脆口, 沙律只有豆腐感覺都唔錯~~剌身都ok, 大量三文魚, 煙三文魚, 其他白肉魚都源源不絕咁供應, 我最愛的鮑片很美味, 可大口咁食真係過癮~~白汁芝士焗薯粒 - 同沙律一樣, 啲薯仔粒焗既時間岩岩好, 半熔既芝士配入哂白汁芝士味既薯仔口感一流, 真心食左3次, 好正~~韓式燴豬柳 - 醬汁好惹味同醒胃, 豬柳炆得好入味, 醬汁中食得出有泡菜獨有的辣味, 呢個菜式不失有深度~羊肉雜菜湯 - 好飲! 唔係加牛而加羊肉及羊骨酥香可口(當然唔食羊既朋友係唔會鍾意此湯的)~自助任配order燴意粉 - 我地只試左茄汁雜菜燴螺絲粉, 茄汁超多/濃, 螺絲粉彈

今日無無聊聊到東薈城行Outlet,個肚突然發出聲响，系時候補充一下，行經諾富特酒店見到Essence的餐牌，自助午餐$158加一，看看餐廳環很寬敞，於是一試；一般食物齊全，三文魚,燒味,凍蝦,甜品,烤牛肉及羊肉都有,不過D烤羊肉完全無味，要不斷加燒汁;剛巧餐廳主題是(四川)，有水煮牛肉但略為行貨，只是很多辣椒在鍋内加D肥牛，D餃子又是加D辣椒油就當四川菜！不過如要求唔太高，以價錢，食物供應加上餐廳環境,這處都算是好選擇，坐下坐下我覺得張櫈坐得很舒服，有D唔想走！原來食得太飽……哈哈

每年都會泥一次Essence食自肪餐，因為真係好好食，食材新鮮。今次食中午，因為我遲到，職員都會打俾我，幫我改時間，但都繼續留返個位俾我。入到去即刻開始搵野食，不過都發現，平日的時間都幾多人食自助餐喎。冷盆好好食，有冷麵，有每次我泥食自助餐都會食的德國薯仔沙律，好濃的薯仔味，有一個青瓜香桃腸仔，整體上夾得好好。之後進軍青口，凍蟹，魚生，鮑片，真係好新鮮，不過今次無翡翠螺，好失望，因為真係想食翡翠螺而泥。熱的食物有好多，白汁焗雞皇，個雞好滑，而燒汁雞扒吸收哂燒汁，正。炸墨魚圈，好硬。炒飯炒麵，味道一般，媽媽煮得仲好食。有秋刀魚，好鮮味，好多肉。燒賣味道一般，仲有雞包仔，冬菇味好香。仲有咖哩等等‥‥‥甜品好多款，最好食都係泡芙，同埋朱古力布甸，好濃朱古力味，仲有木槺布甸，芝士餅，朱古力噴泉。窩夫熱哄哄，加上奶同士多啤梨汁，正。仲有朱古力、芒果雪糕，味道一般。下次都係食晚飯好d，感覺上似多d野食，同埋會多人d，氣氛又會好d。服務員收碟好快，見無水又會好快加水，環境好靚，而且價錢都平，值得推介。

當天星期六又對飯餐了無頭緒，老公忽然想到東涌 Novotel 酒店推出才兩星期的 Tea Buffet，抱著新意的念頭試試 Essence 的出品吧，儘管 Dinner Buffet 不是那樣的吸引我們，常去的反而是酒店另一 Outlet - Ole 的 Sunday Brunch。已記不清上一次享用 Tea Buffet 是什麼時候，應當是我倆的黃金舊事，那時我倆是Tea Buffet 常客，不單享用應有的美食，相熟的侍應還不時為我們送上廚房的特製食物，小則春卷、大則羊架，每每吃得我們抱腹而歸，跟著便甜甜大睡直至第二天清晨，現在肯定無復當年勇了！Essence 門前放置了宣傳的 Stand，以頭帶粉紅小花的蛋糕作招牌。在餐廳內走了一圈，食物種類不算多，冷的有沙律蔬果、三文治、日本冷麵；熱的有雞肉串、咖喱角、蝦多士，西湯、麵包、粥品、炒飯麵等、甜品按比例也算不少，有各式糕點、即製格仔餅、Pan Cake 及 Chocolate Fondue 等。老公試了一點 Soba，味道還可以，但麵條則過份軟腍了。有三款三文治，試了蛋沙律，夾有爽脆的青瓜及生菜，唯蛋沙律份量不足，較為乏味。咖喱角及蝦

上月去了趟旅行，回程剛好於周日中午前返抵赤臘角機場，為了延續旅途中的歡樂，待航機一降落未刻下機時團友便即時致電 Essence 訂枱，相约一起吃過自助午餐才分別。 我早聽說東涌 Novotel 内的自助餐食物質素很高，但取價就遠低於市區的高级酒店，據傳媒報導這處的自助晚餐要預訂三個禮拜才可拿到枱，今天正好順道來先試一試它的自助午餐水準如何 。 自助午餐時段由十二時半至下午二時半，我們由機場坐車剛好十二時半前抵達，侍應見我們拖着一大堆行李，便安排我們坐進内面一張靠近落地玻璃的小圓枱，由於靠着高台邊的欄干，旁邊留有足夠空間放行李，服務夠細心值得一讚！這裹面積不少，座位可容納二百多人，據說這餐廳是名師設計，餐廳像劇院一樣刻意分成一级级臺階，而食物的吧枱及厨房就位於中間的位置，所以大部分客人都可看到厨房及食物，而且令到客人不用走大段距離取食物，設計果然有心思，我們坐近窗的位置更有天然光照射，令人充滿渡假中的悠閑感，在這種環境下用餐真的惬意，希望食物也同樣能令人惬意吧！安頓好後已感肌腸轆轆，富然立刻開動引擎馳呈食場，讓我先四周看一偏有甚麽食物再取食，食物種類認真不少，中、西、日、印、星馬菜也

比二百幾食呢一餐我覺得唔值, 二百幾可以食得更好。今次係第二次黎呢度, 第一次食覺得唔錯所以再黎但今次食物種類少左,例如冇左生蠔同龍蝦仔等, 沙律也少了選擇青口好似唔同上次, 難食左, 好腥-.-最好笑就係其中一隻東風螺入面係冇螺, 而係有隻死左既寄居唔知蝦定蟹, 都幾嘔心熟食冇乜特別, 甜品也是, 唯一覺得唔錯係佢嗰啲意粉,我叫左個白汁意粉, 雖然料唔多, 但加埋芝士落去真係幾好食~另外羊架都唔錯, 肉質很淋~魚生也可以~雖然食到好飽, 但下次應該唔會再黎...希望佢有所改善啦, 最少多返啲野飲, 連野飲都冇, 得水同奶茶-.-