心之食堂 (裝修中)

一聽到心之食堂呢個名，即刻聯想起日本套戲《深夜食堂》😂😂今晚大概九點嚟到，人唔算多，老細安排我地坐喺靠窗位置，呢度真係比到我日式居酒屋感覺!裝修唔會話太奢華，平實得嚟又會令人一見難忘。掛上牆的兩部單車、貼滿鐵板的木門......我地點餐係用本過咗膠的簿，用水筆寫上去再原本交比店員，都幾方便又環保﹗邪惡包首先上桌 (心形碗裝住嗰個，唔記得影獨照)﹗係紫菜包住兩片帶子，兩片帶子裡面又再夾住塊鵝肝，食到我朋友眼都睜唔開，好滋味呀﹗燒物方面我地嗌咗鹽燒雞翼、燒香草豬頸肉同蘆荀海老牛肉卷：朋友好鍾意個雞翼每一啖都好有味，醃得好好！我鍾意豬頸肉好大件，好有口感😍😍蘆荀牛肉卷粒大蝦的味道好突出，同牛肉味好夾，下次嚟一定會覆桌呢味!我地仲嗌咗汁燒牛肉飯同彩虹卷，牛肉飯雖然係用碗裝，但牛肉同飯量都唔少架，味道亦十分唔錯，十分推薦！彩虹卷唔單止賣相靚，材料仲好豐富😍唔使點醬油已經夠晒味道濃郁！最後仲有芝士炸雞（$68）同蒜香烤焗茄子（$68），炸雞連埋拉絲芝士，上枱熱辣辣，正😍茄子蒜味真係超濃，濃到我返到屋企仲有陣陣蒜味喺口腔散發出嚟😂鍾意飲酒嘅朋友可以慢慢揀啲酒品，但我地就無飲，嗌咗蘋果醋醒一醒胃！

.1️⃣原條鰻魚石鍋飯HKD$118鰻魚勁大條 勁肥美 唔好咁快撈飯先！等一等就會有小小飯焦飯焦既比例岩岩好 有軟有脆 夾鏝魚一流鰻魚汁勁多 每一啖都會食到真係一定要食！.2️⃣心之蛋卷HKD$88芝士勁多勁流心加左三文魚子係入面 蛋夠滑三樣野一齊好夾一分開D芝士流哂出黎 勁興奮加上茄汁同沙律醬係表面一流呀真係茄汁整成心之既符號勁有心思.3️⃣芝士炸雞HKD$68傳說中的拉絲 加上鐵板一上檯 ‘bulubulu’ 真係唔相機食先都對唔住自己佢既雞係日本餐廳會食到既炸雞 唔係korea 個種 皮功薄 一咬落去熱辣辣 仲勁juicy 勁多汁黎個芝士拉絲 真係好滿足強烈希望可以有甜辣炸雞再唔係bbq 或者蜜糖都得.4️⃣厚燒牛舌心HKD$58100%推薦！入面得3舊係貴左小小但我覺得真係好好食個人黎講太中意食牛舌厚燒得黎爽口又重牛味有口感得黎又唔會太over .5️⃣邪惡包HKD$38 @ 1脆脆嘅紫菜包住帶子入面仲有極肥美既鵝肝鵝肝油香味勁重你以為好油膩啦但有帶子的鮮味同生菜解一解 又幾fresh.6️⃣海膽HKD$60清甜的海膽口感好豐富海膽分量都幾多仲有黑松露.7️⃣天然蘋果醋HKD28我最愛的蘋果醋食左咁多野

係銅鑼灣收工，同事話想食下日本野，諗起之前好似黎食過覺得幾好食所以就再黎食。我地叫左鰻魚石窩飯，牛柳粒石窩飯，芝士炸雞，火灸牛柳串，三文魚同八爪魚刺身，呢度加埋咁多野都唔洗500$ 非常抵食。首先黎既三文魚刺身好有驚喜，超級厚切又好新鮮，而八爪魚就擺得好精美，幾鮮甜下。而二個石窩飯係必叫之選，因為真係好好食。石窩飯粒粒分明，食到最後啲飯焦入晒味仲勁有口感。我個人覺得鰻魚石窩飯更好食一點，因為鰻魚味滲晒落窩飯度，勁香口，愈食愈開胃。之後到火灸牛柳串，黎到先將d牛柳著火，影唔切佢最壯觀既一面。味道方面出奇地無咩特別，可能我期望太高，反而石窩飯既牛柳粒更出色。最後黎既係芝士炸雞，啲芝士熱熔左真係超正，炸雞啲肉都幾嫩，皮都幾脆。最後悔係無襯d芝士變成一舊舊之前同d炸雞撈埋一齊，不過d芝士就咁食都好香好"芝"味。地方唔算大，但都容納到廿幾三十人，有d單車擺設幾有特色，有差電服務好細心。

上次同同事在銅鑼灣百樂中心食飯，發現原來該大廈有很多不同的食肆，今次就試下該大廈的另一食肆 –心之食堂。心之食堂位於銅鑼灣百樂中心，在時代廣場行過去只是數分鐘。店內設計給人好舒服的感覺，枱與枱之間也闊落，是談天說地的好地方。心之食堂的食物種類很多，有小食、沙律、炸物、燒物、一品料理、主食、壽司、刺身等。坐下先叫了一杯烏龍茶及一杯可樂涼快一下。三文魚刺身及吞拿魚刺身是厚切的，口感豐富，而且肥美新鮮。邪惡包是火炙過又厚身又大粒又軟滑的帶子夾著熱辣辣入口即溶的鵝肝，配合得好好，推介。燒蘆筍海老牛肉卷，是牛肉味豐富的肥牛夾著鮮嫩的蘆筍及新鮮的蝦，燒得可口美味。吸睛的心之火焰鐵板牛柳串，絕對是這裏必食之選，店員送上串燒後加上汁及酒精然後點上火，營做火焰效果。牛柳燒得外脆內軟，牛柳入口即溶。燒菠蘿香甜美味。簡直是又睇得又食得的菜式。拉絲芝士炸雞好邪惡好美味，炸雞炸得外脆內Juicy，好味。熱辣辣的蒜片牛柳粒石鍋飯，蒜片炸得香脆美味，牛柳粒軟滑juicy，配上帶有少許石鍋飯焦及秘製黑椒汁，推介。

閨蜜生日想食日本菜食壽司,結果我就搵左呢間餐廳同佢慶生,之前響同一棟大廈食過中伏野,所以開頭都好擔心.入到去發現原來佢係一間好cozy的日本食堂,裡面有多款日本菜式,我地一行8人當然要大開"食"戒啦!雖然佢價錢唔算平,同埋受即叫即整影響,上菜時間頗長,但食物味道同創意係值得加分der~真心好食類心之火焰鐵板牛柳串$88佢上台嘅時候真係會即場點火!亦都因為咁,牛柳燒得恰到好處,唔會過熟,仲有火炙味道,最好味係D三色椒,好爽好多汁.咖哩薯餅$33+紫薯甘栗餅$33炸物一齊上環保又方便,紫薯餅比其他餐廳嘅紫薯更甜,裡面D栗子切到細細粒,每口都食到栗子~至於咖哩薯餅咖哩味唔算好濃不過整體酥脆惹味,而且唔會掛油,係值得試炸芋圓$38裡面D芋頭蓉好甜,就算外層炸得幾脆都好,裡面芋頭蓉完全唔受影響!鹽燒鯖魚$116鯖魚要整得好食唔容易,加上佢本身油脂肥美,用多少少油都會太油膩,呢度燒到剛剛好,亦只係加少少鹽吊味,魚肉夠香夠滑,外皮仲有少少脆,唯獨起骨需要花D心思香蔥石板牛舌 $68我必須講佢嘅味道同賣相係唔成正比嘅,雖然佢個樣同在場所有人Expect嘅差好遠,不過入口味道真心驚為天人!牛舌口感豐富特

同個肥b一齊收工，行完街係銅鑼灣附近食飯，成棟大廈都食嘢，天氣咁熱，梗係食日本菜啦～ 海膽蟹籽杯 $68嘩！係肥肥海膽呀！加埋澎拜嘅蟹籽，口感好豐富！新鮮嘅海膽係個口到慢慢溶好幸福啊！蟹子沙律 $68好大盤，鋪得好靚，有好多蟹子成晚食好多肉，呢盤菜可以中和返蟹肉忌廉薯餅 $38Woohoo！好creamy！外脆內軟！超級正！不過真係好熱，要小心d食！芝士炸雞 $58鐵板上，熱辣辣，最鍾意！芝士可以一絲絲咁拉起！炸雞都juicy！兩樣都係我嘅至愛！厚燒牛舌心 $58一串有三塊，果然係「心」質地係好好，唔un又無痴牙！肉味一流！份量細咗d～心之蛋捲 $88一睇名就知係招牌菜！一切開，d芝士好似熔岩咁流出黎，好正！好豐富嘅口感原條鰻魚石鍋飯 $88成條鰻魚上，好開心！石鍋好熱，有dd飯焦，連埋d甜甜鰻魚汁，好好味！食咁多嘢都係$535，樓上舖係抵嘅！又可以訂台唔洗等位，亦都無限時進餐，餐廳服務又OK，環境亦都OK！其實行完商場，唔係淨係可以係商場逼同排長龍等位食飯嘅～

剛剛係銅鑼灣收工，一於同朋友在附近搵少少野食填飽個肚仔先~~ 上網查左一陣終於決定呢間「心之食堂」啦。上到去位於百樂中心12樓既心之食堂 見到門口有不少日式裝潢，店內佈置得非常精致，仲有幾架單車吊左起來，店主應該幾鐘意單車~~我地坐左係窗邊靚位開始叫野食，我地叫了汁燒牛肉飯、芝士炸雞、鐵板豆腐、心之火焰鐵板牛肉串、李小龍卷、芒果雪糕和青蛙王子。汁燒牛肉飯: 牛肉有咬口，醬汁就似甜醬油，一啖牛肉一啖飯好有滿足感！芝士炸雞: 剛上既時候將炸雞浸落芝士度，用少少力拉起已經可以有「牽絲」既效果，雞肉味亦好特出，味道不俗！我係第一次見類似 鐵板豆腐 既食物，平時見豆腐通常作為伴菜或湯料，熱騰騰既豆腐主菜又真係少見，我仲唔小心燙親嘴仔添，真係「心急吃不了熱豆腐」啦..之後就到鎮店之寶 心之火焰鐵板牛肉串 ，一見到佢原本無咩驚喜，點知老闆娘陰陰嘴笑，然後一倒，支串燒著左火？！當堂嚇一嚇，成個人醒神哂。李小龍卷 其實是蟹籽蟹肉手卷，味道唔錯~~甜品芒果雪糕上面加左朱古力醬，兩者夾得唔錯，幾好食。最後飲品青蛙王子，事實上佢係抹茶雪糕加薄荷SODA，感覺好清新，溶左的雪糕同薄荷SODA又可以混合成另一種味

今日去咗銅鑼灣搵野食，經過呢個百樂商場排曬長龍，咁岩醒起朋友介紹過呢度12樓有好野食，就衝咗上去食。原黎呢間野就係心之食堂，係食日式野，首先我地叫咗呢個芝士炸雞，因為我係一個芝士迷，芝士炸雞仲係啖啖肉，應該好好食，之後就叫咗一個心之蛋卷，個蛋卷上面有畫心心同埋寫咗個の字，而入面就有三文魚芝士痛買蟹子，都係好夾嘅材料，所以就叫咗了，另外我地仲叫咗石板黑松露牛油帶子我個人都超級鍾意黑松露，所以無法抗拒。跟住我地叫咗個主食，就係蒜片牛柳粒石鍋飯同埋兩個個名幾得以嘅邪惡包同埋一杯野飲，叫做藍蝶花白桃乳酸。首先黎嘅邪惡包同埋心の蛋卷，邪惡包原黎係兩片帶子中間夾住一片鵝肝，再用紫菜包住帶子同菜，睇幅相都可以見到佢個帶子都幾厚切嘅，同埋佢嘅鵝港真係好靚，食落去佢個紫菜仲係脆脆地，成個味道都好夾，之前未試過咁嘅配搭，所以真係好特別。不夠如果佢個鵝肝味再濃d就會再好食d。跟住佢個心之蛋卷：我地一切開，d芝士流曬出黎，好香，不過佢嘅三文魚同埋蟹子唔係分佈得好平均，某d位會好多三文魚而另一d位就冇乜餸，跟住佢有個心心同有個の字喺個面度所以打卡都幾靚。之後黎嘅就係石板黑松露牛油帶子（4粒），一黎到就超級香黑松

今日第一日入職，所以要搵間餐廳請朋友食餐飯慶祝一下。放工就去咗時代廣場嗰邊行吓，上網查下有咩好食，就搵到呢一間日本餐廳，佢喺銅鑼灣伯樂中心裏面。呢間係一間小店，座位唔算太多，但係好精緻。餐廳牆上面掛住嘅小單車好別緻，俾人感覺好似一間咖啡室。呢間餐廳好環保，落order係可以用水筆寫喺餐牌上面，之後抹返就可以再重用。我哋兩個都好餓，所以一坐低就睇主食。叫咗一個原條鰻魚石鍋飯同香草豬頸肉烏冬。原條鰻魚石鍋飯好好味，鰻魚好長，亦都好厚身，醬汁亦都味道濃郁。因為用石鍋呈上，所以仍然keep住個熱度。香草豬頸肉烏冬份量就比較少，但係豬頸肉就真係真材實料，用好多香草醃製，每一啖都充滿香草味道。鐵板黑松露帶子，粒粒都好大隻，煎得好香口，配上黑松露，味道更出，係前菜嘅首選。芝士炸雞鋪滿好多芝士，能夠拉絲，味道OK，但如果炸雞能更香脆就更好。呢度嘅推介就係心知火焰鐵板牛柳粒，呢個真係必食！佢會首先用火燒一燒牛柳粒嘅表面，齋睇個樣已經夠呃like。味道夠，牛柳粒好諗身，一啲都唔un，醬汁亦都好濃郁，連青椒同紅椒都入哂味。我最後連伴碟既燒菠蘿都食埋。大阪燒味道唔錯，整成心形，賣相幾好。裏面有好多蔬菜粒同章魚

今天和朋友去銅鑼灣行街，行到晚飯嘅時候開始盤算附近有咩食店可以覓食，上OpenRice search後見到依間在耀華街的<心之食堂>評分很高，於是就上去一試升降機上到12樓之後就會看見大大個logo，有粉紅色心心，紫色花花和粉色櫻花，絕對是女生最愛店內的位置不多也沒有花巧的裝修，絕對是小店式經營。不過最顯眼的相信就是這架掛在牆上的單車，有一點文青的風格店內最角落頭就是採取開放式設計的廚房重地，可以看見老闆和老闆娘(我猜)在裏面默默耕耘。我們先點了這個火焰鐵板牛柳粒。兩條頗有份量既牛肉串插左係一舊厚切菠蘿上，上枱後侍應會倒上點著左既酒精，火焰效果非常震撼搞到隔離枱都忍唔住影相牛肉粒一口一粒，好嫩滑，牛味甚燶三色彩椒經火焰洗禮後有少少焦，出現焦糖化效果，幾香甜。菠蘿亦唔簡單，酸甜度十分平衡，而且好多汁，食完串燒之後食返舊，清新解渴心之蛋卷亦是我在OpenRice上看見很多朋友都會點的菜色。整個蛋卷都整得非常嫩滑，彷彿就是剛剛好變熟凝固的狀態。而且內裏有很多的蟹籽粒粒增加了蛋卷的口感層次，再伴上美味的蛋黃醬和一點點茄汁，雖然不是什麼昂貴的食材，但口感和味道都是一級棒的(其實有

朋友約咗我去食飯，選擇了銅鑼灣的心之食堂，位於百樂中心，我到達的時候需要等電梯， 走的時候等了許久還未有電梯，原來是要打電話到管理處，人手控制電梯上來， 感覺很奇怪。餐廳內座位不多，約有八至九張枱， 地方較細。燒鯖魚飯鯖魚本身多骨，但喜歡吃魚就不會怕，鯖魚表皮煎得香口，肉質嫩滑鮮甜，配上珍珠米煮成的心型飯，外觀精美。彩虹卷有炸蝦、蟹子、青瓜、牛油果、魚鬆粉、黑魚子及紫菜，非常足料，一啖可以食到多款材料。蒜片炒牛柳牛柳粒很腍，帶有蒜香。炸三文魚皮炸得很鬆脆，即使放到最後食，口感依然。厚燒牛舌心一串牛舌是我最愛的串燒之一，質感爽口煙韌。芝士炸雞炸雞炸得夠脆，但外面粉醬略厚及較咸，芝士很多，是mozzarella，所以又軟又香。心之蛋卷蛋餅包著芝士及蟹子，剛煎起食，芝士還在溶化中，加上每啖都有蟹子的爆醬感覺，蛋煎得剛好，非常滑。總括食物質素不錯，價錢中等，店員收碟快。

銅鑼灣有很多不錯的樓上小店，今晚等朋友下班後我們來到這間食物質素極高的「心之食堂」食晚餐！這間隱世小店的店內佈置偏向文青風格～環境很舒適，還滿適合跟好友聊天的！我們點了很多食物、不論是小食還是主菜都很好味而且很值得推薦呢·心之魚生飯魚生新鮮，看似很細碗但其實份量不少！蒜片牛柳粒飯一口一粒牛肉粒食起來方便，而且牛肉粒的肉質也不會韌、醬汁再加上石頭鍋飯令整體更加分！原條鰻魚石鍋飯在網上看到很多人都有食，所以我們決定試下這個鰻魚飯！接下來是小食，我很欣賞這裡的小食除了價格平民之外、份量又不會過多。這樣反而可以試到更多小食！⇣芝士炸雞 芝士控必食推介：★★★★★芝味濃郁而且雞肉肉質嫩滑！芝士他他炸蝦李小龍卷鹽燒雞翼未食已經聞到鹽燒的香味香蔥石板牛舌平時我最喜歡的烹調方法是燒，這是我第一次嘗這種烹調方式的牛舌，沒想到原來這樣煮出來的牛舌也可以這麼好味、這麼爽口！另外，醬汁都好惹味，用來配飯更佳！最後，當然少不了招牌菜 --- 心の蛋卷餐廳雖然人流不多，但其食物質素極好！每道菜除了睇得之外，食落更不會讓人失望下次一定會跟朋友再去！