心鉄板燒

营业中

休息中

好耐冇嚟，個menu又唔同咗了海膽凍豆腐海膽好鮮甜，配合滑溜而清淡嘅豆腐好匹配蟹肉枝豆薯蓉薯蓉入面有鮮蟹肉及薯仔粒，口感有層次，就算唔點旁邊嘅炸豬扒汁都好好味煮穴子沙律穴子即係星鰻，肉質比食開嘅鰻魚更軟腍及鮮味突出，做沙律又真係第一次滋潤花膠雞湯第一次食日本餐飲花膠湯！個湯嘅雞味勁香濃，一啲油份都冇，花膠size正常，正！西班牙紅蝦配紅蝦啫喱被譽為世界上最好食嘅紅蝦，名不虛傳！肉質幼嫩，非常鮮甜，大廚將全部蝦膏整成汁，點嚟食嗰種鮮甜味濃到不得了！至於啫喱，原來係用煮蝦嘅湯整成，入口滑溜蝦味又濃郁，好特別嘅食法又唔會浪費煮蝦嘅湯！活北寄貝配芝士牛油汁北寄貝食落鮮甜爽口，一啲渣都冇，好在芝士牛油嘅味道適中，唔會蓋過北寄貝嘅鮮味，不過我自己都係鍾意唔落芝士多啲鵝肝配黑醋汁鵝肝夠晒大件，外層香脆入面又滑又creamy，點少少黑醋食冇咁油膩日本A4和牛厚燒 牛舌心先食牛舌心，口感嫩滑肉質爽但一啲都唔韌；和牛厚燒肉味濃而甘香，非常juicy，油份好多，點少少鹽食更加滋味！高菜文昌魚炒飯文昌魚食落類似白飯魚，炒飯粒粒分明，最吸引嘅係外面好少用嘅原隻太陽蛋！切開後啲蛋汁撈飯，真係食到幾飽都要食埋佢！季

好耐無食過鐵板燒，今晚又同朋友來食，好開心，今次仲安排咗向窗位置，可以望到維多利亞港嘅景色，去到時只係六點，天仲光，一邊食，天漸漸變黑，最後仲睇到少少幻彩詠香江，簡直係一大享受，今次都係食鐵板燒特選二人套餐($1880 兩位)，不過佢嘅菜式已經完全唔同，原來佢哋佢哋幾個月就會改新Menu頭盆有海膽凍豆腐、蟹肉枝豆薯蓉同煮穴子沙律海膽凍豆腐豆腐上面加上海膽，仲有一些綠色嘅蟹籽，下面有醬汁，豆腐好滑豆香重，海膽鮮甜，配上蟹籽，大大增加口感蟹肉枝豆薯蓉薯蓉配上蟹肉，入口軟綿又鮮甜，點少少豬扒汁，酸酸哋好特別煮穴子沙律穴子即海鰻，又名星鰻，生長在海中，體型比較小，肉質較軟腍，味道鮮美，配上清爽嘅沙律菜，非常夾滋潤花膠雞湯一共有三款湯可以選擇：龍蝦湯、松露蘑菇湯同滋潤花膠雞湯，居然日本餐廳提供花膠雞湯，真係好特別，喜歡食花膠嘅我，當然唔洗諗，上菜時，花膠雞湯會响水煲內加熱，再倒入碗，好濃郁，花膠好淋身，好滋潤西班牙紅蝦配紅蝦啫喱飲緊湯嘅時候，廚師就响到煮緊西班牙紅蝦，放在鐵皮時，蝦已經去殼，煎咗一陣，廚師手起刀落就去咗個蝦頭，之後就倒出蝦膏，廚師一面煮蝦膏，一面煎蝦，仲有黃瓜、翠玉瓜同紅椒，上碟

有一年沒吃鐵板燒了。跟朋友說起，他便說擇日不如撞日，今晚即慶鐵板一番。即打電話 去 「心鐵板燒」book 枱。餐廳位於尖沙咀亞士厘道樓上舖。非常就腳。店長招呼坐下，端上熱茶、熱毛巾、亦細心為客人帶上圍裙。貼心服務。選用2人套餐。由三碟精美前菜開始⋯海膽凍豆腐。那個盛器好優雅。海膽新鮮 creamy,配上蟹籽，滑滑豆腐，不錯。蟹肉枝豆薯蓉，蟹肉薯蓉入口就溶化。煮穴子沙律，清新沙律菜配穴子，加上沙律汁。很開胃。湯有三款，龍蝦湯 / 松露蘑菇湯 / 花膠雞湯，三者中揀了我最喜愛的龍蝦湯。濃厚龍蝦味。西班牙紅蝦配紅蝦啫喱，很特別。啫哩並非是甜，因為喺用紅蝦嘅蝦膏做。廚司跟我地講紅蝦肉質是比較淋身，不是平常吃哪種爽嘅口感。蝦腳煮至少少脆口，也可以吃的。活北寄貝配芝士牛油汁。廚師巧手烹調，還有精心嘅 presentation. 佢話朵漂亮花朵喺食用花，可以食架。清甜北寄貝配香濃芝士牛油，香味停留在口腔中，細味品嚐。鵝肝配黑醋汁 - 鵝肝外脆，面上舗了一些紫色食用小花，潻加花香味兒。黑醋汁嘅造型很可愛之餘，亦去除油膩感。主菜有兩個選擇 ： 日本A4和牛厚燒、牛舌心 或 神戶黑䐁薄燒、神戶黑豚厚燒牛魔

座落於尖沙咀核心地段, 1881後面條街, 亞士厘道17-19號呢棟大廈, 上面間間都係正野, 今次朋友話要食下鐵板燒, 就揀左18樓呢間心鉄板燒望望餐牌, 望真d 食d 咩就發覺呢個價錢都好合理, 當然仲有1個人可以比你揀. 師傅喺你面前即席揮毫, 邊食邊睇, 賞心悅目既廚藝令人食慾大增- 海膽凍豆腐(前), 蟹肉枝豆薯蓉(後) -豆腐好香滑, 海膽好鮮甜無臭無腥味, 呢個一濃一淡味既配搭可以彌補互相既不足👍蟹肉薯蓉加上頂頭枝豆既點綴, 賣相討好, 蟹肉分量非常豐富, 鮮甜既蟹肉又係彌補左薯蓉既柔軟配埋個豬扒汁一齊食更佳- 龍蝦湯 -濃郁芳香撲鼻既龍蝦湯, 師傳將溫度控制得相當好, 不太熱不太冷, 令你可以不疾不徐地一口一口吞下湯內埋藏左分量十足既龍蝦肉, 等你黎發掘下😂- 西班牙紅蝦配紅蝦啫喱 -啫喱係用左紅蝦蝦頭裡面既蝦膏整, 第一次食咸咸地既啫喱, 感覺好新穎😍紅蝦蝦身本身肉質質感偏淋, 唔係代表唔爽就唔新鮮架😂😂- 活北寄貝配芝士牛油汁 -朵花係食用花所以係食得架, 唔好丟走佢😂😂師傅細心地將肥美既北寄貝肉起左出黎再放番上個殼度, 令你食果陣唔洗左撩右撩咁尷尬嘛🙈爽甜鮮貝配埋

去了歐洲旅行兩個星期，我最掛住既除咗阿媽煲既老火湯，另一樣就係日本料理。所以朋友約我食日本嘢既時候，我自然毫不猶疑就衝啦！ 心鉄板燒位於尖沙咀亞士厘道樓上鋪，唔熟尖沙咀既人可能要花D時間搵搵。不過係亞士厘道搵緊既時候可以留意下大廈貼出黎既燈箱，心鐵板燒既招牌都有貼出黎。呢度唔算好大，有兩個Open kitchen既位置，再加上個落地玻璃窗，一邊睇住廚師烹飪一邊睇住夜景都係一種享受嚟。Menu有單點亦都有套餐，由於選擇好多，我都唔逐樣逐樣講，影出個Menu大家可以睇下有咩食。我同朋友就點咗個鐵板燒特選二人套餐，已經涵蓋咗前菜到甜品等。前菜包括海膽凍豆腐、蟹肉枝豆薯蓉同煮穴子沙律。豆腐淡而清香，同濃味既海膽甚為搭配；薯蓉香滑鬆軟，食到絲絲蟹肉； 沙律就好開胃，酸酸咪咪都好新鮮。湯我就揀咗龍蝦湯，睇唔睇到好大舊龍蝦肉？  橙紅色既湯上有兩道cream作為點綴，攪拌均勻後飲一口，冇其他西餐廳既龍蝦湯咁鹹，淡淡地更顯示出龍蝦鮮味。 到熱食方面，師傅喺我地將食材煎熟，絲毫不馬虎，聲效同視覺效果都滿足到。面前呢份西班牙紅蝦配紅蝦啫喱，紅蝦就唔算非常大隻，但蝦身通紅，望住就覺得新鮮。食落口唔簡單，清甜