霸嗎拉麵 (金巴利道) (裝修中)

💎總評分：7.0/10-來自日本廣島嘅拉麵店🇯🇵，主打秘製濃厚豬骨湯底同自製麵條。平時大排長龍，呢日時間倘早唔洗排隊，寶寶就決定食呢間。小編其實唔食拉麵，以下食評全由寶寶提供。1️⃣ 辛辣炙燒豚肉味玉拉麵 $98提供3種辣度，寶寶食小辛都覺得辣🌶️，但可以接受，湯底由豬脛骨、豬背骨煮成，加入雞骨及多種蔬菜，味道夠濃陏。賣相同Menu上嘅相有偏差🙈，可以理解蛋為左影相靚D所以切開兩半，上嘅時候為左保持流心所以無切，但整體外觀都無想像中膨湃~拉麵🍜揀左軟硬度適中，食落可以，有彈性。份量同平時一般拉麵店類似，如果加額外份量就需加$20!叉燒嘅肥瘦適中🥓，食落唔會覺得太油或太多瘦肉，但如果可以唔止一塊就好啦😆性價比唔錯，如果鐘意拉麵嘅朋友都值得一試。2️⃣ 辛口唐揚炸雞 (兩件) $18呢個係加配份量所以得兩件，但係其實蠢左，5件先 $35😑 ~ 雞肉夠滑嫩，食到小辣味，值得一讚係好夠熱，係即炸的👍🏻。3️⃣ 味玉 $10一隻好嘅溏心蛋🥚係唔夠兩個人分的，所以小編追加多隻，食落濃濃蛋香，醬油味恰好，作為蛋控嘅小編拮爆嗰下好興奮😌!4️⃣ 野菜 $20留意呢個並非炒野菜，係一D芽菜、蘿蔔絲、木耳絲mix埋嘅冷盤🥗

上次唔記得影，今次係三個月內第二次去係尖沙咀黎講我覺得易揾，性價比都算高既一間拉麵其實每次經過都要排隊，今次都唔例外，不過都排得好快，職員亦好友善有禮拉麵一上枱個賣相都幾吸引，令人即刻起筷(當然我嗰日都好肚餓)😂佢有得選麵既硬度，湯底油膩度，走唔走葱嗰啲，有少少似 “一__”嗰間，但呢間可以同朋友傾計，唔使單獨坐😂湯底同拉麵都幾好食，唔會好鹹唔會好重口味，食完都唔太口渴豚肉雖然未去到入口即融，但都唔un, 易咬，最開心蛋係溏心值得再去👍🏻

間唔中周圍去唔同拉麵店食下。平時行過呢間都會見到門口大排長龍，今日經過難得唔洗排隊，即刻入去試下先！叫左個招牌的豬骨湯底拉麵，湯底都幾濃郁，豬骨味重。比較驚艷嘅係塊豚肉叉燒，第一下望落去好似好多肥肉好油膩，食落先知肥瘦肉分佈非常均勻，肥肉嘅部份個底係瘦肉，入口即溶，但又有瘦肉的口感，唔會好似食咗一大舊脂肪咁。朋友叫左辛辣湯底，對於平時食開譚仔中辣的本人都覺得有啲辣，真係食得辣嘅先好嗌。比起辛辣湯底我覺得原味更加好食，個湯底有少少辣過頭，掩蓋咗佢本身香濃嘅豬骨味。但總括嚟講我覺得都唔錯，尤其是佢個豚肉叉燒，暫時來講未喺第二間拉麵店食過呢個口感。

果日睇完台灣大胃王食拉麵既片，就好想食拉麵！點知原來佢食果間香港都有，於是就試下啦！因為我地四點幾黎食，都唔算多人，唔使等位！可惜下午茶係星期一至五先有！🥺附上英文菜單，in case有外國朋友想試下！仲有期間限定～我地一共嗌左四樣野～1️⃣ 辛辣炙燒豚肉味玉拉麵 ($93；中辣、硬身）只有一塊叉燒，有點失望！但湯底濃，亦都好欣賞個麵真係煮到我理想既硬度！中辣唔算好辣，如果嗜辣者可以再試大辣。最最欣賞係個流心蛋，真係煮得岩岩好！🤤🤤🤤2️⃣特盛炙燒豚肉拉麵 ($118; 麵正常）原來特盛有四塊叉燒！ 😨 仲要塊塊都好厚身，唔算得上半肥瘦，反而似1/4肥；3/4瘦，睇你中意食肥定瘦多啲！肉味濃，再加上呢個號稱最強湯底，雖然湯濃到飲唔哂，但絕對會食得哂啲麵！我地仲額外加左$10要多粒流心蛋🥰3️⃣小食 (唐揚炸雞) ($35)炸雞咬開都熱，同平時出面食開差唔多，可嗌可不嗌，睇你果日想唔想食炸雞。4️⃣小食 (羽根燒餃子 $35–> $15!!!!)講下點解$15先！只要scan枱上既QR code download 個app，登記做會員就會送返張$15既餃子兌換券！嗌完野食先發現都唔緊要，職員會幫

自問唔係一個識得欣賞食拉麵嘅食家😂😂不過天氣咁凍🥶🥶🥶🥶就自然想食一碗拉麵暖下身啦！🍜🥵人齊入座 如果未人齊佢會比張薄單紙你揀住野食先 👍🏼入到去等多10分鐘就有得食lu⏱🕙🕙 有提供飲用食水 仲有2塊檸檬係入面浸住🍋🍋因為唔係啲識得欣賞拉麵嘅人 所以我覺得麻麻地不過個湯係幾好飲只係咸左dddddddd咁🥵🥵拉麵我就覺得唔係咁彈牙咁樣🤔🤔而且食得耐有啲寡嘅感覺炸雞好食！值得一試🍗🍗

一個人的晚餐---我都偏向食日本拉麵! "霸嗎"相信是尖沙咀其中一間別具人氣既拉麵店。開業多年, 任何時候經過, 門外總有唔少人排隊輪候, 人氣一直有增無減。幫襯過幾次, 今晚又再次踏足, 就試試水準如何先!店內面積不大, 門外雖有人龍, 但輪候時候都幾快~ 最近見口淡淡, 於是就揀左個辛辣味試試! 自行click order紙落單, 拉麵可自選大中小辣、麵質軟硬度、走配料。務求滿足每位食客。【辛辣炙燒豚肉味玉拉麵】HK$93湯底雖加左辣, 但亦不失豚骨黏度, 不是死辣湯底; 拉麵索左少少湯汁, 入口辣辣地, 惹味又開胃。炙燒豚肉肥瘦間斷, 很厚身, 質地極林, 入味得黎又索左少少湯汁, 正啊! 當中有筍片同埋一隻流心雞蛋, 質地超軟滑, 中心位有明顯流心, 橙黃色蛋汁仲慢慢湧出。另外再追加多一款配料【粟米粒】HK$10清甜又大大碗, 凍食, 更稍為可以解下口中既辣 【沙拉唐揚炸雞】HK$38表面炸得焦香脆口, keep到肉汁, 肉質幾嫩, 至於沙律醬夠杰身, 附於炸皮上, 黏住少少蔥花, 幾香。【日本米雪糕】HK$28其他地方比較少食到, 甜甜地, 間中有幾粒煙韌飯粒增加口感, 整體

今日做完運動，肚皮都餓扁了，所以我們好快便想到去食日式拉麵。見到平時常出現人龍的拉麵店，今日下午茶時段竟然不用排隊，心想今日真幸運。入到舖內，見裝修設計好有東瀛味，再睇睇餐牌有什麼好食，見有期間跟定拉麵、招牌拉麵、小食、飲品等都好多選擇。沙拉野菜炸餃子餃子炸得好脆，內餡野菜好清爽! 外層還淋上沙拉醬和葱花，十分夾。雞叉燒味玉雞白湯拉麵我平時都是叫豚肉拉麵，今日改改口味，點了用雞肉捲成的雞叉燒，它肉質扎實又嫩滑，味玉是流心的，麵條我選擇了硬身，再配上用豚骨和雞淆製而成的濃雞白湯中，真係好吃。我還加了ㄧ份粟米，份量好多，粒粒飽滿，香甜爽口，增加多一重口感。辛辣炙燒豚肉味玉拉麵朋友就想食辛辣口味，拉麵送到檯時都有點擔心，怕太辣食不下，事關見到湯水全是紅紅的，還有隻辣椒乾在碗中，但嚐ㄧ口湯後，發覺辣味剛好，便開懷大口大口進食，煙韌麵條泡在濃厚豚骨湯內，吸收了豚骨鮮味和辣椒辛辣味，口腔內充滿刺激感，令到不停的食下去。另外，碗內的厚叉燒經炙燙過增添不少香味，肉質方面肥瘦適中，再加上流心味玉，真係ㄧ大享受。難怪朋友食完ㄧ碗還要追加ㄧ份替玉才罷手。天婦羅軟殼蟹櫻花蝦湯拉麵這款拉麵是期間限定的，所以吸引

今日左滕右滕忙到甩碌 3點先有時間食Lunch, 同朋友嚟到尖沙咀“霸嗎拉麵”，可能時間已晏唔使等位已入坐，急不及待即點餐，我點了“辛辣炙燒豚肉味玉拉麵”、友人點了“豬骨豚肉紫菜玉子拉麵”，“餃子”就一齊食 辛辣炙燒豚肉味玉拉麵~微辣加上濃濃豬骨湯底配上軟硬適中的拉麵拾到好處，竹筍很入味很鮮甜，慢煮义燒望落肥膩，但食落沒油脂感，肥瘦相間口感軟綿 亦很入味流心蛋蛋黃有點流心，但沒蛋香普普通通。餃子~買相特別底部煎得香脆，但食落口感不油膩，餃皮皮薄餡靚, 餡料再多些少會更有口感！友人點的豬骨豚肉紫菜玉子拉麵，我嚐了一口湯底，濃濃的豬骨味擁進口腔，鮮味濃郁不會太咸太淡，美味之選 今次坐近bar 枱望到店員在煮麵，留意到他們是用心的續碗制作，不是快餐般餐作，雖然我好肚餓，等了10分鐘先有麵食，但看見他們制作認真等下都值得

今日午餐食得比較晏，17:20到左門口，已經有人排緊家，門面已經贏左對面街。十分鐘左右就入左去坐底左。1）豬骨豚肉紫菜玉子拉麵（軟麵）2）辛辣炙燒豚肉味玉拉麵（適中）3）唐揚炸雞（5件）今次上菜時間算快，賣相同菜譜相片大致相同。有三片（半塊）紫菜；豚肉有口感，肥瘦厚道適中；玉子有少少流心；炸雞好多汁。整體上合格。其實呢間拉麵食過好幾次，就係覺得食左幾次依然有水準先再次幫襯。不過今日再試，就覺得有點失望。首先軟麵不夠軟，而且濃湯底有點膩，飲埋湯底就好口渴。可能肚餓，唔洗半個鐘就完成全部食物。

星期六係尖沙咀想食拉麵，一search 就見到呢間新過一排嘅拉麵店。🤔咁就去睇下多唔多人啦，如果多，轉場去對面街食豚王都得。😂可能6:45就到，所以等左5分鐘就有了。 等緊個陣已經俾埋order 紙我地填。 入到去見到有得申請做會員，迎新優惠係$15 有餃子。咁我梗係唔執輸。🤤我地叫左炙燒豚肉味玉拉麵同埋辛辣炙燒豚肉味玉拉麵。豚肉係好似五花腩咁一層肥膏一層肉咁，雖然有啲肥，但真係好正。👍🏼味玉就係蛋啦，但係佢嗰隻係糖心蛋！👍🏼🤤Overall 都幾好，我覺得原味好d，辛辣會搶咗個豬骨湯味。同埋可以叫小油😂 我覺得好油，其實佢張紙有得揀少油，今次第一次食，輸經驗！

今日同我媽媽同埋愛人三人行黎到尖沙咀呢間拉麵店，一口氣試左佢唔少野食首先第一碟黎到既係唐揚炸雞，由於係星期日所以冇午市12蚊小食優惠，但我太肚餓，都係叫左炸雞同餃子～ 唐揚炸雞係多汁嫩滑既，重點係佢炸醬厚度好好，每一粒都好平均，令佢炸出黎既炸雞每一粒都好嫩滑多汁，唔會乾。之後係雞叉燒雞白湯拉麵，開頭都將重點放係限定既魚介湯同豚骨湯拉麵到，但係呢個雞白湯先係今日介紹重點，佢個雞湯味道好濃郁，雞叉燒係滑同彈牙既～拉麵每一淡麵有佢濃厚湯底既味道！魚介拉麵湯底好重魚仔干既味道，個味道好掛麵，令你每一啖都好似食緊魚仔干小食咁，不過我唔太鍾意呢個味道，另外呢碗拉麵個豚肉比較薄，炙燒完有啲乾！最後我叫既辛辣炙燒豚肉拉麵，呢一碗既豚肉又比較厚，有慢煮既特色好軟滑同炙燒既香口，但湯底一般，個辣味太辣，蓋過左豬骨湯既味道～ 完結小食，餃子個皮做得幾好，但入面唔夠多汁而個辣醬就好辣，完全麻痹我個味蕾。總結最推薦既係雞白湯產品～另外其實幾款湯底佢係做得好濃郁，所有湯底都係濃濃既味道，其中拉麵既粗幼同掛麵效果都好好，味玉都好好味，每一款麵都唔會太咸～不過辣同魚介味有啲太單一，豚肉係兩個麵之中都有質素參次係佢既弱

今次走到尖沙咀既霸嗎拉麵主要想一試最近既期間限定拉麵特濃魚介魚介豚骨拉麵呢間分店係第一次去入到去坐低先發覺裡面都裝修得幾靚話口未完 即刻點個特濃魚介魚乾豚骨拉麵再自行追加味玉魚介味道都算濃 但要記得混好湯入面既調味料先食會更加滋味塊叉燒大塊到好似塊扒咁中意食肉既一定要試下另外點左辛辣炙燒豚肉味玉拉麵中辣既辣度剛剛好食落好開胃就算麵既份量算多都唔會食唔哂叉燒都係大大件呢期有優惠所以再追加羽根燒餃子一份蛋花煎得岩岩好唔會太焦 裡面都唔會太乾

懷着一顆想吃拉麵的心已經一段日子，從網上看見這家店獲得大量好評，於是特地坐車過來償願。人龍在十人以下，眼看餐廳的格局食客大概不會厚着臉皮逗留太久，排隊的時候店員又呈上菜單先讓食客點菜，縮短等位時間。我們點的是炙燒豚肉拉麵，送上來卻是炙燒豚肉味玉拉麵，免費錯送一隻蛋Lucky~假設1這個數字代表我的接受程度，湯底的濃度在1.3，明顯超過了，咸味則在1.05，稍稍過了。這碗不是我吃的，我不知道自己整碗吃掉是否受得了，以喝了幾口湯來說，還不至於難以接受，但是濃到沒心思細味，滿腦子只有"味道貌似不錯，但是太濃了，肯定不會再吃"的感想，還有一邊慶幸至少咸度勉強可以接受，然而每喝一口湯都期望着再淡一點、再淡一點.......辛辣炙燒豚肉味玉拉麵從照片看來湯底更稠，實情是比前者更稀薄，而且辣能解膩，這個湯底沒有濃過頭或過咸的問題。此外，這個湯有三個辣度可選，本來九成估算着日式拉麵辣不到哪去，一成又怕大辣真的激辣，安全起見選擇中間程度。結果是中辣已經足夠，大辣吃起來應該有點勉強，中辣已有很明顯的辣味，這程度是辣得來舒服，想不到拉麵也能滿足我吃辣的心，十分推薦能吃辣的人點這個，湯底夠辣又香濃。雞蛋半熟狀

今日2:30黎到衣間平日排晒長龍既拉麵，竟然唔洗排隊直接入得。yeah！人不算多，可以坐到梳化位！食物種類大致都係豚肉/叉燒、豬骨湯/辛辣湯底既拉麵，唔中意拉麵的話......石鍋飯都好吸引差d睇漏左放響一邊午間優惠凡平日午市+$12 有炸餃子/炸雞+$8 汽水/綠茶/檸檬茶諗好食咩，記得係響枱上自助劃紙再交比店員炙燒豚肉海苔味玉拉麵$98衣個係濃厚豬骨湯底，份量足夠女孩子，豚肉只得一舊，另見原來有特盛豚肉都係$118，衣個應該抵食d！麵質同味道都不錯更愛日本流心蛋頂瓜瓜辛辣炙燒豚肉味玉拉麵$93衣個揀左中辣，中意食辣既人我諗都會覺得正！湯底好好味，好刺激食到口渴，枱旁都有檸檬冰水自助fill, 自行解溫正正正比較之下個人幾中意辛辣味拉麵羽根餃子$12枱旁有餃子汁自行添加，朋友食晒先發現不用加一服務費，埋單$203

七點開始排隊，已經一條長龍等了半小時可以入座😂😂😂😂😂好啦！好野唔怕等！我相信嘅我選了炙燒豚肉味玉拉麵，拉麵湯底濃郁，拉麵適中，份量足夠，不是會飲晒的狀態！男友次次食拉麵都會叫餃子，今次都唔例外，哩間餃子皮薄餡多，加埋餃子上面塊脆脆係幾出色。另外仲叫左個炸雞，外脆內軟幾好食喎！Ps: 會有下次的拉麵店