餃掂手工餃子雲吞專門店 (已結業)

經友人介紹我也來過此店幾次，門外掛上《天下第一餃》，也有蔡生做招牌，難怪店中也是坐無虛席，我都在門外等了一陣才入座。終於入座了，我不忘餐前吃點店中自家醃製的蘿蔔去打開個胃先，蘿蔔又不會太酸，爽口美味，真是令人開胃，而且也是免費供給客人任食。餃子方面我平時最愛吃松露，所以選擇了龍鳳松茸雙灼(跟狀元九鼎湯)$86~這是兩款不同的餃子，分別是黑松露及白松露的豬肉餃，黑松露味道菌香較突出，芳香撲鼻，而白松露味道較清幽，豬肉份量都適中，濃郁鮮香，配搭了一碗湯水，那是《壯元九鼎湯》夠晒滋補，當中有赤小豆、粉葛、鯪魚、扁豆、紅蘿蔔、蜜棗、鮮排骨等，可以提昇免疫力，溫腎益氣，滋潤腸道，養顏保健再來元貝豬肉餃(中碗)7隻$60也是配搭一碗湯，用了十兩豬配五兩元貝，吃得矜貴配搭特別，餃子皮薄肉餡香，加上甘味鹹香的元貝及爽口的香芹，再蘸上自家製的四川麻辣醬，辛辣惹味也是不錯的除了餃子，店中都有供應小食、米線、麵、雲吞等......不過食了那麼多餃子都已經足夠，下次再來光顧。

我鍾意食餃子，小籠包，雲吞係人都知，今日咁arm約左個friend去太子，而個fd又係住太子，當然由佢帶路食好野，佢知道我係好餃之人，就帶左我去一間叫"餃掂"既餃子店，講真其實我好多種餃都食過 諗住都係米又係嗰d,點知一入到去，睇張餐牌，有驚喜wo,除左平時都有見到既"粟米豬肉餃","九菜餃"，"大白菜餃"嗰d,竟然仲有d我見都未見過既餃，有"至尊松茸豬肉餃","元貝豬肉餃","軟心芝士餃",門口仲有張"蔡生"食緊餃個招牌。真係味道既保證。。。

🥟最愛餃子店之一 餃掂🥟好耐之前已經來過 一個人嘅關係不能試佢唔同嘅餃子今次約到餃子同好者 試多啲先😍🥟 至尊松茸豬肉餃 跟狀元九鼎湯 $65配湯嘅關係 所以選擇左湯餃 感覺配一點先講講湯 係家嘅感覺呀 好似媽媽煲嘅甘淡淡魚香 油唔算多 飲落好順喉☺️餃子方面 松茸味好香喎 加埋豬肉 兩者好夾點埋兩款醬汁 更帶岀松茸同豬嘅鮮味👍🏻🥟 香煎軟心芝士餃 $48這個太有驚喜了 原本朋友仔好驚咩都加芝士不過店內姐姐推介 也試試吧餃子煎得好香脆 真正嘅生煎 不是半煎炸👍🏻芝士味好足夠 咸咸地 唔會覺得漏仲有粟米嘅鮮甜 多重味道喔☺️🥟 煎雙拼餃子-元貝豬肉餃配芫茜豬肉餃 元貝餃 元貝一絲絲 餃內仲有金菇芹菜 味道清新芫茜餃係我另一個fav. 芫茜味好香 平時唔太喜歡芫茜嘅我 都著迷了🙈🔸 黃金皮蛋 $25皮蛋金黃色 唔似平時黑色的 味道偏咸🔸 野味酸辣雲耳 $16酸酸辣辣 夠開胃👌🏻枱面仲有不少醬汁同配菜任添 醃蘿蔔也很好味☺️🍽 餃掂手工餃子雲吞專門店🔎 太子界限街30號地下

唔喜歡去大型購物商場揾食嘅我，今日路經太子，一如以往要睇下有咩隱世小店。今次就幫襯呢間好評一面倒嘅餃子店。環境：店舖小小，一定要搭枱。Open Kitchen 設計，有興趣可以過去睇下製作過程。牆上有好多經營理念。幾有趣。服務：很正常，有禮貌。食物：枱上醃蘿蔔好開胃。而且免費。四川涼麵小小辣，花生、炸葱、青葱，同個汁好配搭。煎韭菜豬肉餃即叫即煎，非當香口，而且唔油膩。餡料足夠多，調味亦恰到好處。粟米豬肉湯餃同煎餃一樣，大大隻。但湯底略嫌太淡口。整體出色，價錢可接受，值得再幫襯。

天氣開始轉涼，自然食多左野，食到有點太滯。不想食得太HEAVY，就選擇了食餃子。太子的餃掂是我們心目中喜愛的餃子店之一。晚餐時間去食客真的很多，而且食餃子唔會用上太長時間，所以真係見到這裡「客似雲來」一樣，不停有食客入座。餃子又夠特色，味道又好。最重要的是它有我最喜愛而又買少見少的醃蘿蔔。點菜後，食住爽口入味，帶點微酸的醃蘿蔔，愈食愈開胃。餃子選擇不算特別多，不過勝在有特式。龍鳳松茸雙煎餃($75)。黑松露配白松露餃子，煎餃子的外皮煎得金黃香口，咬落還有點肉汁，肉嫩香口。餃子餡料十足，而且撲鼻而來有好香的松露香味。至尊松茸豬肉湯餃(8隻) ($65)松茸餃是第2種味道，一種好濃郁的菌類香味似的，跟豬肉十分搭。以湯上的話會跟上一小碗狀元九鼎湯。狀元九鼎湯($18)MENU上寫上這湯用了粉葛﹑活鯪魚﹑活鰂魚﹑紅蘿蔔﹑排骨等煲成，以為味道會好濃，但飲落味道又比奇地偏淡。不過個人反而幾喜歡這種清淡口味，不會為了討好食客而梗要多加調味。 黃金原味皮蛋($25)金黃色的皮蛋賣相很漂亮，香得來沒有刺鼻的氣味。野味酸辣雲耳($16)酸辣味都比較淡的雲耳，食落好爽，十分開胃。

品餃第四擊，是次係同學仔係面書post相吸引下前來，和老婆本身都係喜歡食上海小點包饅餃吞，今次她晨咁早係太子開會之後約她一齊醫肚。十二點幾，淨返幾個位。幸好早過食晏時間來否則要等位。朋友介紹必點黑松露灼餃因有碗自家湯送，另外指定動作，韮菜煎餃。看見周圍都叫了個類似麻辣黃色的皮蛋，便叫來試試。等待出品其間發現牆上有很多"格言"我估應該係老闆手筆，店內裝潢時尚，幾年青。枱上有很多醬汁，還有少見的小食:醃蘿蔔，這個蘿蔔，真是妙筆生輝，是吸引你再來的一樣技法。說回餃子，隻隻飽滿，料夠剛剛好，黑松露味的剛烈有少少蓋過內的料但還算平衡，內料是什麼還是試得到。煎韮菜餃，沒油略乾，口感一般，不過內都爽口少草青味，味道搭夠，若灼食應該會很好味。最後，黃金蛋，像食月餅內的黃一樣，甘香。這裏職員好好，每個出品配什麼醬都會介紹一番。

今日中午時份與友人去到【天下第一餃】之稱的“餃掂”食午餐，它位於太子界限街地鋪，門外除了有介紹餃子的餐單，也同時介紹名人食家蔡瀾都有來指導，聽友人說這間有松茸黑松露餃子，價錢都不會太貴，所以今日特來到訪。枱上都有不少的醬汁配食餃子，有四川麻辣醬、醋、豉油、芝麻醬、青瓜醬等.......餐前夾了幾粒醃蘿蔔來食，酸甜又爽口，令人開胃。先來兩杯自家製山楂雪梨茶，山楂有降血脂的效果，帶出微酸甘香的味道，可以令人開胃消滯，食多兩隻餃子都還可以，消解肉食。秋天來到，是時候飲些雪梨茶滋潤下，當中加入冰糖、甘草、麥芽等......酸酸甜甜的味道生津解渴，甜度得宜。對我們來說，食餃子是我們主要的目的，店中供應煎或烚的餃子，款式都有很多。矜貴些可以有松茸餃子、黑松露松茸餃、白松露松茸餃。普遍的有椰菜豬肉餃、韮菜豬肉餃等.......新穎的可以有煎軟心芝士餃子，都各有特色。當然必試招牌龍鳳松茸雙灼餃(配湯)$75，這是分別有黑松露松茸、及白松露松茸雙拼的， 一共有8隻，另外跟碗老火湯「壯元九鼎湯」，其實是赤小豆粉葛湯，內有扁豆、鰂魚、鯪魚、排骨、新會陳皮等，都是自家湯水絕沒味精。非常健康有益，有提昇免疫力、

窩夫與蝦子餅最近對手工餃子突然很感興趣，得知太子有兩家餃子店的口碑不錯，去試了其中一間。餃掂手工餃子雲吞專門店門外掛著「天下第一餃」，它的手工餃子真的那麼好吃嗎？窩夫與蝦子餅點了兩款餃子，一款灼的一款煎的，等食時研究一下桌上的調味架，有醋、醬油、青瓜醬和麻辣醬等。這瓶醃蘿蔔很受食客歡迎。先上桌的是鎮店之寶至尊松茸豬肉餃(8隻$65)，選擇了灼的煮法，一客除了有八隻餃子，還有一大碗不含味精的狀元九鼎湯。餃子皮很薄，可透視裡面的餡料，餡料加入了雲南野生松茸，添了一份獨特的香味，原來松茸不只味美，還有很多功效，包括護膚、抗癌、穩定血壓和膽固醇、改善動脈硬化和骨質疏鬆等，不妨多吃幾隻呢。狀元九鼎湯標榜不含味精，九種主要材料分別是粉葛、鯪魚、鰂魚、紅蘿蔔、扁豆、赤小豆、陳皮、蜜棗和鮮排骨，湯看起來很濃，但窩夫與蝦子餅都覺得喝起來味道偏淡，加幾粒鹽來吊味可能會更好喝。韭菜豬肉餃(10隻$43)煎成金黃色，賣相相當吸引，油份不算多，吃下去口感香脆，皮薄餡靚，韭菜和豬肉的比例適中，肉汁豐富。

係朋友大力推薦下黎左呢間係太子既餃掂太子站D出口行幾分鐘就到，門口掛住個大招牌「天下第一餃」，都算好容易揾。我大約7點左右到，都唔算多人，唔洗等位，但朋友未到，只好係出面等等，好在佢門口有幾個座位比人坐坐係到等朋友既時候，都有唔少人外賣拎走。等朋友到左，我地就入去，舖頭都唔算大，要搭枱坐的，枱面好幾款醬油、醋、芝麻醬等等⋯⋯最吸引係樽醃蘿蔔，免費任食的餐牌上除左餃之外，仲有小食、麵、雲吞、飲品，因為諗唔到食咩，要求店員介紹左一下，於是就點左3款招牌既餃子：至尊松茸豬肉餃、龍鳳松茸雙灼餃、中山金吒蒸餃子，另外叫左小食黃金原味皮蛋，同山楂雪梨水，另外跟左2碗中湯。一開始就食左龍鳳松茸雙灼餃先，很好味，想叫多份至尊松茸豬肉餃也不差，至於中山金吒蒸餃子就比較差，皮很厚很粉很黏牙，不太喜歡。另外黃金原味皮蛋中規中矩，有點辣。至於中湯和山楂雪梨水都很淡冇乜味，不推薦。每份的份量蠻多的，2個人點了3份餃子差點吃不完。吃飽後坐著聊了一會天，店員也沒有催我們結帳。總括來說餃子是合格的

寫咗成日稿，終於可以「攪掂，食碗麵」！好啦，一於上網睇睇有乜好味嘅麵食啦！左搵右搵，好啦，呢間同我心情一樣嘅餃掂手工餃子雲吞專門店睇落又唔錯喎，除咗有麵食，仲有A姐最鍾意嘅餃子添，即刻去太子啦！一入到嚟呢個舖頭，A姐就話佢好頭暈，因為呢間舖頭實在太多字，佢話徹底地將佢包圍，哈哈！但句句都係至理名言，搞到我掛住睇都無睇menu添！終於叫完嘢食，店員極力推薦我哋試吓枱上面嘅醃蘿蔔，連一向唔鍾意酸嘅我都覺得好好味，夠晒開胃！另外，仲有2款自家秘製醬汁，香辣醬同四川麻辣醬，辣味濃郁又夠香，用嚟配麵或餃子都一流！狀元九鼎湯：呢度只要你叫湯餃，湯底就一定會係狀元九鼎湯，九鼎湯由粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨等煲成，因為不添加味精同無加鹽，所以味道好清淡，但絕對有益，如果怕淡就惟有自己落鹽啦！至尊松茸豬肉餃：呢間舖頭除咗湯底健康，水餃都係以瘦肉為主，調味唔濃，主要係靠松茸帶出豬肉味，加上皮薄，絕對係鎮店之寶！叫至尊松茸豬肉餃仲會送狀元九鼎湯，真係食完都唔口渴。韮菜豬肉餃：餡料超新鮮，豬肉同韮菜真係perfect match，只係略嫌肉汁唔夠多。重慶鮮肉雲吞

朋友話有健康又飽肚抵食餃子，但最吸引我都是住家湯，用心煲的湯水味道溫和滋潤，仲有一份「家」的味道。既有傳統餃子，更有創新口味的松茸餃子和新款的芝士餃子。自家醃蘿蔔，酸酸甜甜，清爽開胃，蘿蔔醃得入味，又爽脆。調味料有醬油、醋、辣椒油及蒜蓉剁椒醬，但餃子味道都足夠，唔使調味都好好味。至尊松茸豬肉餃配狀元九鼎湯 $65/8隻，呢個組合有餃子又有湯，而且食出原味，香味四溢。最正是用矜貴食材松茸，每件餃子都是補品。餃子用灼熟的煮法，除了較健康，更可令原味更突出。很香的松茸味，菇香味比松露更清香，滿滿餡料肉汁豐富，味道香而不膩。狀元九鼎湯用料十足，店長話古法虔製，絕無味精，用粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗、鮮排骨等等，個湯仲可以去濕毒和滋陰。由於無加太多調味，所以覺得太淡可以加少少鹽，堅好飲，好真材實料的住家湯。中山金吒蒸餃子 $35/3隻，特點就是中山家鄉特色，即叫即蒸，熱辣辣，真係要襯熱食。餃皮雖厚厚地，但軟滑有彈性，南乳味好突出，豬肉嫩腍油香，餃子都做到爆醬效果，好多醬汁。香煎軟心芝士餃 $48/7隻，用兩大品牌的芝士做餡，煎得香脆可口。好多芝士，而且味道