黑門水產すいさん (棉登徑)

营业中

休息中

無論內內外外都勁有日本居酒屋嘅氛圍，連員工嘅親切友善嘅態度都令客人食得好開心，真係好似去旅行咁唔使諗咁多一於食食食，所以一間餐廳嘅成敗在需要台前幕後一齊經營嘅。少少不便嘅係用QRcode落單，因為食物唔係普通大路名稱，睇大餐牌圖文並茂之餘要喺手機搵返喺邊度，呢part用咗唔少時間，好彩店員都好幫手，後來指住大餐牌問返點落，算慳返啲時間😝必食人氣No 1 甲羅燒，3個人叫咗一個赤鬼，一個原味，店員先上一份燒之前俾大家映相，再攞去燒，估唔到燒之後份量都幾多，我哋加添多幾次梳打餅先可以ko晒啲蟹羔。蟹羔濃郁香口，如果食得辣（其實唔算辣），赤鬼少少辣可以中和蟹羔嘅膩，絕配👍明太子雞翼：好味但唔算特別鰻魚玉子燒：都係好味嘅，不過我鍾意中間少少moisture 感極上壽司盛盒：件件魚生都鮮甜，當然唔會有驚為天人感唐揚炸八爪魚：外表平平無奇，入口就知係好嘢，八爪魚爽口彈牙，用唐揚炸好夾海老天反卷：海老鮮甜，反卷唔實但唔散，兩者口感好夾三文魚腩壽司：新鮮但冇特別磯燒岩手蠔：好大隻好肥美，好想問可唔可以生食唔燒得唔得食物、環境、服務真係做到賓至如歸，希望黑門水產可以保持落去，咁我哋可以耐唔耐止下日本癮☺️

其實好耐之前去， 而家先得閒打返食評呢間黑門水產成日聽人講拍得住日本水產，今日就同男朋友過嚟試吓一去到已經好多人，就算定左位， 都可能要等一等。但係唔算等太耐，我哋等咗15至20分鐘就入到去。每一台都會有個燒烤爐，俾你叫海鮮即燒即食我哋就係叫咗個海鮮拼盤，啲鮑魚好生猛，郁嚟郁去！全程都會有員工幫你調味同燒埋，唔使自己落手，坐低打下卡、等住食就得跟住就係呢個蟹殼啦，去過日本就知依個燒蟹殼係有幾咁好食，撈完之後蟹殼裏面d材料，跟住放上燒烤爐! 啲蟹膏望到都覺得好香，食落去仲正！咁當然要配埋餅乾同炸蒜啦，最衰就係冇白飯，如果係蟹膏撈飯飯一定仲更加好食😋呢度嘅熟食都唔錯，除咗鰻魚玉子燒，我哋仲叫咗個海膽炒飯，不過比起即食海鮮，呢啲都係普普通通。呢餐飯價錢唔平，但d海鮮咁新鮮，還算可以啦

香港人向來對海鮮渴求甚殷，尤其對日式處理的海產，更是世界級的鍾愛，近年興起的磯燒海鮮，便是傳統日本漁民的烹調方法，將新鮮捕獲的海產即時在岸邊燒煮，只需簡單的調味便能盡啖鮮味。前陣子筆者造訪了棉登徑一間以日本大阪著名黑門市場命名的日式餐廳，於此際零售飲食業的冰河時期，人流居然仍是絡繹不絕，心想應該有其獨到之處！細閱餐牌發覺這店的菜式選擇頗多，除了浜燒海鮮之外，刺身、壽司、沙律、炸物、鍋物、食事和甜品全不或缺，覆蓋甚廣讓人躍躍欲試。首先點來活鮑魚和生帆立貝刺身，為了能提供最新鮮生猛的海產， 店內設有魚缸將海鮮飼養著，鮑魚就是即席從魚缸裏撈起新鮮做刺身，入口爽彈富嚼勁，清新鮮味，咀嚼間彷彿還能感受到那生命力呢！生帆立貝也十分大隻，一開四一口一件，鮮嫩Q彈。黑門令壽司是這裏的名物之一，用料十分豐富，有齊三文魚籽、海膽、甜蝦、蔥油甘魚他他、吞拿魚腩蓉、蟹柳蟹籽和甲羅，賣相大堆頭成座山般，色彩繽紛，十分吸引，喜歡那款食材就將其放在壽司飯上同吃，自家創意自己發揮。每款食材都鮮味爆燈，但坦白說吃起來其實有點散亂，如能提供小匙用來分配或會更好。黑門令蟹味噌甲羅燒、磯燒白蜆和黑松露忌廉燒帆立貝，全由店員代

大阪有黑門市場， 香港🇭🇰就有「黑門水產」～😏 之前係新開業嘅時候幫襯過， 覺得食物都幾有質素， 餐廳裝潢有富有日本🇯🇵居酒屋嘅氣氛， 所以就帶小妹黎食過返尋味啦！ 菜式同居酒屋一樣， 都有刺身、壽司🍣、一品料理、天婦羅、海鮮浜燒、鍋物、丼飯等， 鐘意食貝類嘅foodie一定唔可以錯過呢個極上🌟推薦❗️ 黑門活貝盛合（$388） 海鮮好新鮮， 有牛油帆立貝、日本岩手蠔、活鮑魚、大蜆、貴妃蚌， 仲有店員幫你燒，我地坐低等服侍就得！☺️ 真係好抵食！ 貴妃蚌同帆立貝好大隻又好新鮮，鮮甜味美， 燒鮑魚軟腍彈牙，鮮味十足，😋 燒蠔蠔味濃，入口creamy～ 鰻魚玉子燒（$88） 一客有6件， 玉子睇得一層層疊起來， 加上香甜嘅鰻魚， 完美嘅配搭！ 黎到浜燒嘅日式居酒屋，梗係要點返份甲羅燒啦！ 🌟推薦❗️ 赤鬼蟹味噌甲羅燒（$78） 比起普通嘅甲羅燒， 加左微辣惹味嘅明太子和三文魚子， 加上蟹肉、蟹籽、蟹膏、鵪鶉蛋、香蔥等， 味道更有層次， 就咁食得，燒左先食都得， 不過小編就覺得拌勻凍食係最好食， 蟹味更濃郁，口感更佳！

我已經幫親過黑門水產兩次，每次都令我回味無窮！依兩次我都有點魚生盆（二人份），每一款魚生都好新鮮，而且所有魚生都係厚切，啖啖都好滿足呀！另外，我今次仲點左鰻魚玉子燒，都好好食。因為當時仲係好想食魚生，所以就再嗌多左一個魚生飯，魚生同飯嘅比例都幾好，唔會話飯太而魚生得幾舊！Overall雖然食物款式就唔算真係好多，但勝在食物夠新鮮，所有熱食上菜既時候都係熱辣辣，而且環境令我覺得自己身處係日本甘，好滿意！ 仲有老闆娘每次都熱情招待，雖然無比啲咩優惠我地，但次次都好有禮貌好和善，值得一讚！

第一次試食黑門水產 幸好唔使等位 直接入內好有日本餐廳的風貌 食得水產當然要試磯燒啦叫左個拼盤 有蠔，鮑魚，帶子，貝同蜆等燒之前仲會問下 影唔影相 好窩心 滿足我呢啲港女 哈哈甲羅燒有分原味同海膽味 😋😋😋又係好好味，如果有多兩塊梳打餅就好了 唔少得仲有厚切刺身，新鮮日本食材，大大大滿足 😋😋😋小食方面就叫左鰻魚玉子燒 最後最後就係甜品啦 其實都好飽架啦 不過見到蜜瓜抹茶雪糕就忍唔住要試 都要等一陣嘅，啱哂可以有時間落一落格 呢個雪糕真係dinner 嘅完美句號 👍🏻👍🏻👍🏻👍🏻爆like

好鍾意食日本嘢🤤之前去大阪都食過呢類燒物壽司乜都有嘅餐廳原來香港都有類似！想試好耐！晏晝經過見到門口有唔少人排隊專登揾日早少少 平日6點半嚟到唔駛等🥳同朋友兩個人每類嘢食都叫啲share🤤店員會喺燒之前問吓需唔需要影相 幾貼心😆呢到可以望住店員喺隔離即燒俾你😍確保新鮮燒起🤩呢款甲羅燒係人氣No.1 好多蟹膏！撈埋味噌同蟹籽味道都唔錯 仲有得加埋塊餅同蟹油蒜食 好特別🥰主攻燒物！赤子系列係喺另一個餐牌嘅 應該係新出嘅系列第一次見用番茄燒 再夾埋少少蔬菜都幾濃番茄味 少少辣好惹味 帆立貝燒得唔錯 一啲都唔韌🥰燒蠔係店內推介嘅 大大隻好厚肉 淡淡嘅海水味☺️店員好細心之後切埋 方便share！個汁係牛油再食到少少清酒味 蜆肉幾大粒😆啲汁都好夠 連埋蜆肉食唔會太乾食完燒物仲有幾款小食明太子迷見到明太子雞翼好開心🥳新鮮燒好嘅雞翼熱辣辣 一咬食到好多明太子醬喺入面！有蝦 冬菇 秋葵 番薯 茄子 每樣都有得試吓個炸皮都算薄 點埋天婦羅汁好食👍🏼呢個有驚喜！本身以為鰻魚淨係會放表面夾起放入口先發現原來玉子入面有卷住鰻魚！味道好夾 玉子都燒得幾滑🥰加埋鰻魚汁熱辣辣好好食🥰🥰最後未係好飽 叫多個壽司呢個係招

同朋友慶生，揀咗呢間之前經過朋友話好想食但無食到嘅日本餐廳順便試下佢。一入到去已經聞到陣鮮味（咁講有啲誇張，但係有時入一啲靚嘅日本餐廳都會有，同朋友之間稱之為日本味），地方又好大好闊落，感覺好好。職員推介既赤子之心系列，我地都嗌咗啲嚟試下。嗌咗呢個赤子草莓試下($68)，係cocktail嚟，職員話係用士多啤梨同巨蜂提子整，用糖水饟咗一晩，入面仲有whiskey。另外我地都叫咗呢個赤鬼蟹味噌甲羅燒($78)，燒同未燒前職員都拎俾我地睇下個樣。食落去有小小辣，加埋蟹膏既味道啱啱好，又因為呢個醬係用嚟送餅既關係，又唔會咁膩，真係好好食。赤子蕃茄燒帆立貝($78)，主角帆立貝好好味好大粒，但配角蕃茄都唔執輸，好甜好有驚喜。鰻魚玉子燒($78)，呢個價錢嚟講份量都幾滿意，個玉子好甜，鰻魚都好大塊好好食。黑門大阪燒($88)，好大一份感覺料好多，味道以我食過既大阪燒嚟講算好正宗。黑門令壽司($188)，呢個壽司真係好正！好多高級魚生都集齊晒係度，有海膽、三文魚籽、吞拿魚蓉等等，全部都好新鮮，另外仲有一個蟹蓋，好鮮甜！我地再叫多一個袖子胡椒豬骨豚肉鍋($108)，豚肉佢會分開上。個湯好甜好好飲，我

好記得係日本東京去到嗰晚第一餐就係食一間叫水產嘅店舖。估唔到香港都搵到另一間佢嘅同類，我覺得兩者係有關係嘅，不過未詳細睇，但係就真係同一個感覺！我哋就食咗赤鬼蟹味噌甲羅燒同埋黑門令蟹味噌甲羅燒。我記得係東京都好似食嗰啲類似嘅，我記得係比較鹹嘅，因為始終都係得塊梳打餅一齊食。咁會比較重味囉我覺得。可能會配麵包或者其他一齊食會比較好，或者係個蟹就淡味返少少咁會比較適中。咁一個係原味，一個係有啲辣辣地嘅，都係好惹味。喺東京呢就係自己燒不過可能香港地方有限，咁樣呢鋪頭就會幫我地燒埋先至拎俾我哋食嘅。咁就燒左呢個磯燒大虎海老！嘩真係好大隻呀！兩件都好有份量，新鮮燒出嚟嘅大蝦鮮味冇得頂。另外一定一定要食我最鍾意嘅刺身！呢度啲刺身與別不同，因為係真係非常之新鮮！食得出好有鮮味，係嚟自海洋嘅新鮮感。有四樣，都好豐富。帶子都有成三粒，好鮮甜。好鍾意帶子嗰種自然鮮甜嘅味道係我最鍾意嘅！另外都有個好鍾意嘅甜蝦啦，嘩，呢度啲甜蝦係一食落去係又係有嗰種好自然嘅甜味，好多聲稱甜蝦但係都冇嗰種鮮甜味。呢一度啲甜蝦d汁係湧啲鮮味出嚟，係真正嘅鮮甜，非常正！仲有香港人鍾意嘅三文魚，都非常之肥美。仲有油甘魚非常之新鮮，冇

平時食開日本野可能都冇咩特別驚喜咁樣但係今次同朋友嚟咗尖沙咀試吓呢間日本店就幾有驚喜！一嚟到見到呢度嘅鋪頭唔算大但係侍應都算多 平時叫嘢食等嘢食嘅速度都好快 而佢呢度嘅餐牌種類亦都非常之多 睇到眼花😂😂每樣都好想試吓首先講下佢呢度嘅嘢飲 平時去餐廳可能都係飲波子汽水奶茶咖啡冇咩特別但係呢間鋪頭就有自己研發嘅幾種嘢飲每個季節都會有啲唔同 你特別同埋每樣飲落去都幾好飲赤子之心 $68海底之心 $58鰻魚玉子燒 $78赤鬼海老反卷 $158呢個可以話係我係咁多隻sushi入邊最鍾意食嘅 炸蝦上面鋪滿左一粒粒嘅魚子 oh shi!赤子蕃茄燒帆立貝$78 大粒嘅帶子不過就可能有少少貴黑門今味增甲鑼燒 $72呢個撈埋啲蟹膏食好食到癲咗仲有專人幫你燒 果大家有叫炒飯嘅話都可以撈落去食都唔錯北海道海鮮飯 $158呢個飯嘅價錢同平時餐廳嘅丼飯差唔多 但係佢入面嘅刺身大大嚿 係呢間鋪都幾抵食！赤鬼海老天婦羅 $180見到餐牌都幾推薦所以叫咗黎試吓但係呢個價錢得五舊其實都有啲貴 個食落去外脆內院同埋入邊嘅蝦都好甜 所以都叫做值回票價！整體來講呢間日本餐廳非常高質素好適合慶生或者係朋友聚會！

呢晚自製早收工，因為早排聽朋友講香港有間叫黑門水產，食物係高質日本食材，可以話係香港版既黑門市場，聽到之後我都真係好想去試下，咁呢晚就同朋友六點半左右已經到尖沙咀，決定一試究竟。餐廳環境:餐廳門面已經好搶眼，好有日本餐廳既感覺，有d燈籠好有日本氣息，餐廳內裡都好多日本significant既裝飾，呢個咁有氣氛既環境都幾岩同朋友飲下日本啤酒，食下燒烤咁。同埋本身有諗過水產餐廳會唔會好大陣腥味，不過黑門水產呢到好好，完全無任何怪味，主要係有好香既食物味。餐廳餐牌黑醋蟹肉蟹籽薯仔沙律 $78:首先上枱既係一個前菜，我地叫左個黑醋蟹肉蟹籽薯仔沙律，一開始無太為意沙律有咩餸係入面，一黎果陣只係見到有一個薯泥球同聞到黑醋味。之後食食下發現原來沙律菜之間夾雜左好多蟹肉同蟹籽，係真蟹肉，超級正！呢個沙律幾開胃，味道正！牛油燒帆立貝/海膽燒帆立貝:同甲羅燒一樣，我地叫完兩款帆立貝之後，店員有拎比我地睇下順便影下相咁，d帆立貝既size實在太大隻，呢間黑門水產既份量都唔錯，幾抵食，帆立貝方面我地就叫一款牛油燒一款海膽燒，朋友話牛油燒好香，我都試左一啖，牛油味係幾重，味道幾好，都真係好香。我叫果款海膽燒帆立

是日老爺慶生飯，老爺在報紙上見到介紹這一間黑門水產，近九成都來自日本直送，菜式以海鮮為主，一於就來試一下吧！第一道 牛油炒野菜，但唔記得影相... 鋪面的木魚很好吃 有少許偏鹹刺身六盛，起初睇見圖片每一樣得兩片，以為得好少，嚟到之後刺身原來係厚切，即加分！ 每一樣都很新鮮，最為出色嘅係海膽，無腥味♡極上黑門活貝盛盒，上桌時見到鮑魚仍在動！ 店員細心地問使唔使影相先，之後就會在旁為客人代為燒。貝類的大大隻，很鮮甜。黑門令蟹味噌甲羅燒，好味道，配搭蟹籽 蟹肉鵪鶉蛋 蔥 一齊燒口感很好，份量足夠，旁邊的是有少許辣味的乾蒜，唯獨嫌梳打餅只有一片太少，2至3片比較恰當。蒲燒鰻魚飯，尚可，但鰻魚很肥美。辣酒煮活鮑魚(2本)， 這個老爺奶奶食覺得偏辣，我食咗蘿蔔，幾入味壽司盛合，較為出色的係魚子壽司、海膽壽司（2者新鮮無腥味，魚子很甜♡）

喺我心入面,一直都覺得十個香港人九個都祟洋,但我就唔肯定係咪呢九個都一定隨時有彈藥去滿足自己祟洋嘅慾望,至少我已經唔係。估唔到喺呢個落住雨嘅晚上,短短個零兩個鐘頭嘅時光,我就可以穿越萬里雲層,一嚐正宗日本嘅味道。往年喺呢一區都有一間食磯燒嘅水產店,係咩名我就唔喺呢個帖度開喇,不過個人認為係一個伏來,所以自嗰次之後嗰間舖頭亦永不錄用,列入為本人嘅黑名單裡面今次知道附近開咗間新磯燒店,名叫<黑門水產すいさん>,咁鍾意食日本嘢嘅我又點可以錯過?!一於同阿肥一齊帶住戰戰競競嘅心情嚟到,諗住一試無妨。店舖無論門面同內在環境嘅裝修格調,都同遍滿全日本多個地區嘅磯"嘟"水產不盡兩樣~日式嘅旗幟加上實木嘅牆身充滿日本風情,令我忍唔住拎起部手機周圍影,想食啲咩都叫阿肥揀咗就算喇先嚟一客刺身四盛($160蚊),設有三文魚2切+油甘魚2切+甜蝦2隻+帶子3切,所有刺身切割後嘅厚度令人滿意,啖啖鮮味滲入口腔之中,雖然明知道一定唔會係喺海邊撈上嚟㗎喇,不過絕對唔需要擔心有雪藏味同埋未解凍嘅問題,呢啲都完全唔存在,新鮮程度對得起呢個價格。黑門角切海鮮沙律($78蚊),呢碗賣相咁豐盛嘅刺身沙律係由黑