Amitie Kitchen

营业中

休息中

今日帶大家嚟到尖沙咀覓食！厚福街超多選擇啊～一於試下呢間bookmark咗好耐嘅西餐🫶🏻🌟麵包拼盤 Free就算我哋無嗌餐，一坐低跟人頭會送返包～麵包有三款任君選擇🤍推介竹炭包！食落鬆軟重牛油香～🌟法國藍青口伴白酒忌廉汁配蒜蓉多士 $158青口鮮甜大大嚿，完全唔會腥～食得出唔係一大包嗰啲急凍青口，濃郁白酒忌廉汁同青口嘅鮮甜互相融合，食落比想像中清爽唔漏，再攞個汁點埋蒜蓉包超正！不過略嫌個蒜蓉包太鹹，廚師輕手少少會更perfect🤏🏻🌟鹹蛋黃醬汁煙肉蘑菇意大利麵 $148好耐無食過好食嘅Carbonara 啦！呢個完全就係我要搵嘅嘢🥹🫶🏻意粉醬汁完全唔hea你，濃郁忌廉味伴上淡淡嘅鹹蛋黃味，質地杰身，確保每一條意粉都掛到汁！再加上煙肉蘑菇，食落好有層次感，完全無得輸🥹🌟加拿大豬𩣑扒10oz $258去到西餐成日都想食豬，因為豬真係好考廚師功架🫡，一整得唔好就似阿媽無湯啲湯渣咁硬咁鞋🤕，中過無數次伏嘅我今次都係抱住一搏嘅心態再嗌🙏🏻，而 今 次 好 有 驚 喜！！！豬𩣑煎得兩面焦香，切開更係滿滿嘅肉汁！咬落淋身一啲都唔鞋！就咁食唔點任何汁都完全唔會乾，好耐無食過煮得咁好嘅豬🥹係唔食牛人士嘅

行過厚福街H8搵食 見到一間餐廳標榜住係前酒店五星級總廚主理所以就去試吓啦叫咗一個晚餐 $258晚餐嚟之前先上一個麵包拼盤啲麵包令人驚艷 上枱嘅時候仲係熱辣辣仲送埋有牛油同埋士多啤梨果醬好好食😋前菜叫咗檸汁醃蝦牛油果佢配上啲沙律菜 前菜份量適中 三樣材料切成碎粒 好易入口 味道都幾夾 幾開胃是日餐湯係白蘿蔔忌廉湯 味道幾清新用白蘿蔔都係第一次見主菜叫咗香煎北海道帆立貝伴蟹膏意大利飯帆立貝都幾大粒 煎得好香蟹膏鮮味意大利飯仲加入咗紅椒黃椒去炒都幾特別另外朋友仲單點左一個紐西蘭肉眼扒 $258肉眼扒叫咗七成熟幾香牛味配菜有燒過嘅蕃茄 豆角 粟米仔

同幾位朋友係Amitie Kitchen食dinner，因為book左位所以唔駛等可以直入，不過食左成晚發現佢翻枱唔多，見佢性價比咁高好擔心佢做唔住😂🙈所以黎寫篇食評推薦一下！先上嘅有麵包拼盤，無諗到有咁多選擇😍牛角包熱辣辣好鬆脆，另一個應該係竹炭麵包，都好好味😋 美中不足係盒牛油啱啱係雪櫃攞出黎，好難融😂個油封鴨髀啲肉煮到好軟，不過個皮依然脆卜卜，正👍🏻👍🏻👍🏻 蒜味薯蓉都係一大亮點，個味唔會太搶，不過同個鴨髀一齊食味道豐富左好多！蟹羔超級超級足料！！！而且非常建議各位揀伴白酒忌廉汁，因為龍蝦汁有可能會cover左蟹羔啲味，不過白酒忌廉汁就啱啱好👍🏻大啡菇係底呢個擺盤都幾特別，而且分盤好容易🤣👍🏻個菇雖然睇落扁扁地，食黎先知好juicy！同龍蝦汁意大利飯一齊食就更正😋 三種topping入面鮑魚係最令我驚訝嘅，因為之前食過好多鮑魚都係一係無味一係好乾，不過呢隻又淋又有味！佢個汁唔係普通個啲鮑魚汁味，好好味😋😋最後甜品係香蕉朱古力金寶，經典配搭，上枱個時仲出緊煙🔥　啲金寶脆卜卜，朱古力同香蕉味超濃郁，完美配搭👍🏻👍🏻👍🏻飲品方面我地叫左宇治抹茶紅豆冰同蜂蜜蘆薈，都好好飲❤️ 紅豆冰嘅

厚福街H8有好多餐廳，今日我哋就揀左位於9樓嘅Amitie Kitchen。餐廳係行小店嘅風格，裝修擺設行簡約路線。依度食物有好多唔同嘅選擇，我哋就揀左牆上黑板上推介嘅菜式。主菜未黎之前，餐廳先送上一份麵包拼盤，暖笠笠嘅麵包配上牛油同果醬，作為餐前小食份量剛剛好👍🏻法國慢煮有機雞髀伴黑松露意大利飯點菜時職員貼心提醒由於係慢煮嘅緣故，雞髀肉會呈粉紅色。如果接受唔到，可以煮至全熟，不過肉質會冇咁嫩滑。我地接受到，所以冇特別要求全熟。雞髀肉質嫩滑，雞皮都好香脆。黑松露意大利飯飯粒軟硬剛好，黑松露香味食到停唔到口😋加拿大海膽松葉蟹膏蟹肉忌廉汁意大利麵大大塊海膽加上蟹膏同埋大大條蟹肉，所有野都好鮮甜。意粉加上三色椒令口感同味道更加豐富。唔係好多地方有得食橙酒pancake，見到餐牌有，一定要點黎試下。浸住橙酒暖暖嘅pancake配上一球雲尼拿雪糕，果然冇失望😋

麵包拼盤這裡的麵包拼盤作為餐前小吃，居然也有3款截然不同的選擇，實在別有心思。估計是竹炭麵包的質感鬆軟而帶點黑糖的甜味，配上牛油是一流的美味。牛角酥是輕盈而香脆，加上香草風味的脆條，份量和款色都十分豐富。阿根廷粉紅天使蝦刺身伴柚子醬油 $98近來網上不時吹捧阿根廷蝦的鮮甜是一絕，而且是貴價的食材。難得在這邊遇到推介菜式，抱著一試的心態，一盤6大隻的天使蝦刺身，一陣中式蔥油的香氣撲鼻而來，白滑而晶瑩剔透的蝦肉，入口爽滑，配上店家調製的超淡口的柚子醬油，開邊蝦肉再附上薑絲，味道極為鮮甜而層次豐富。完全是開拓了我的味蕾限界。加拿大海膽配松葉蟹膏蟹肉意粉 (忌廉汁) $218意粉海鮮的用料質素極高，份量十足。純粹的忌廉意粉已燴入極豐厚的蟹汁及鮮味，啖啖滿足，根本不需要混入海膽來提味增鮮。當然，這份加拿大海膽也是吃得出的刺身級數，入口Creamy 而海水味從口腔中爆發，印象難忘。至於蟹肉棒也不是普通款式，相信有一定比例的蟹肉混入其中，令這份海鮮意粉味道及口感更為驚艷。熱咖啡以一杯淳厚偏苦的意式咖啡，作為完美的句號。

🦀用心小店🦀推介指數 ❤️❤️❤️❤️🤍就啱時間同食飯，無特別心水嘅時候，去口福街～厚福街係個好選擇。小店位於H8，即厚福街街尾，行1-2分鐘就到啦。除咗menu，牆上嘅黑板用上粉筆寫上唔少菜式，仲有小食推介、精選頭盤同限定推推介。🥖麵包拼盤✨點好食物飲品，店員已好快奉上。有麵包條、牛角包同甜包，旁邊配有牛油同果醬，3款都新鮮好食。🦀加拿大海膽松葉蟹膏蟹肉忌廉汁意大利麵HKD198 ✨面層加拿大海膽、松葉蟹膏同蟹肉，配料有洋蔥粒、三色椒粒同菇粒，感覺豐富。✨食落海膽肥美鮮甜、松葉蟹膏蟹肉味道鮮甜濃厚，意粉熟成度剛好，忌廉汁濃稠恰好且滑溜而不膩。🦀脆炸軟殻蟹·牛油果漢堡拼蕃薯條HKD158✨份量十足，面層麵包塗上牛油，軟殻蟹炸得外酥內軟，牛油果軟滑，配上熱焫焫蕃薯條，好滿足！🍵抺茶紅豆冰HKD38✨飲落抹茶味回甘，紅豆食落軟綿增加咬口。🥭芒果沙冰HKD42✨芒果味濃郁，與其話係沙冰，冰芒果蓉更貼切。🥥日本椰子雪糕HKD68✨擺盤精美而且用上椰殻盛載，雪糕椰子味濃且滑溜，甜度適中。🌹伯爵茶奶凍HKD38✨賣相花上心思，奶凍用上精緻茶杯盛載，面層放上粉紅色玫瑰花同花瓣。食落濃郁嘅伯爵茶味，質地滑溜，

每次尖沙咀無頭緒食咩，就會行去厚福街，成條街勁多餐廳，中西日韓茶餐廳等都有齊，上openrice睇到呢間餐廳都有多好評就同朋友試試佢。除咗餐牌外，牆上的黑板都有推薦菜式，真係會令人心大心細有選擇困難症！想讚雖然有少少忙，但店員依然好親切。麵包拼盤 配牛油同士多啤梨醬，三款都好食。加拿大海膽松葉蟹膏蟹肉忌廉意大利面 $198之前有買過日本海膽返屋企食，估唔到加拿大海膽都幾甜，而且都算厚，可以過過海膽癮。意大利麵雖然係忌廉底，但唔覺得膩，仲加咗少少菇增加口感。脆炸軟殼蟹、牛油果漢堡配蕃薯條 $158漢堡有番茄、牛油果、沙津菜同主角軟殼蟹。軟殼蟹上桌熱焫焫，口感香脆，加埋醬汁同配菜一齊食更豐富，番薯條又脆又甜。伯爵茶奶凍 $38個presentation好有心，以靚靚茶杯盛載住伯爵茶奶凍，碟上寫餐廳名同毋忘初心，見到時都提醒自己唔好習慣所有唔應該習慣的事，做好每一件小事！好意外奶凍有濃濃的伯爵茶味，每一口都有茶香，喜歡Earl grey的朋友仔必叫！日本椰子雪葩 $68以為雪葩會原個上無造型，估唔到店家都有做少少裝飾，令賣相更吸引。椰子雪葩好清甜，睇落細細個但份量都唔少！芒果沙冰 $42芒果

Amitie Kitchen係尖沙咀厚福街H8，一上到餐廳已經見到座無虛席，環境雖然唔大，但非常活用空間，放到好多張檯凳同時又唔會感到很迫，除了menu上既食物外，牆上掛上黑板，寫下多款推介菜式－－－－－－1. 麵包拼盤每檯都會有呢個麵包拼盤，不過等了接近25分鐘先有，不過拼盤有三款麵包，唔係翻熱普通餐包就算，有香草脆條、法包、麥包等，幾香同埋鬆軟，2. 脆炸軟殼蟹牛油果漢堡配番薯條 $158 8.5/10上菜速度真係有點慢，落單到上主菜等左接近1小時，不過賣相幾吸引，軟殼蟹同蕃薯條即叫即炸，份量幾多，蕃薯條脆口且帶有甜味，仲有旁邊既肉桂醬，配搭好夾，一定要加埋一齊食.原隻軟殼蟹炸得不錯，唔油膩之餘，每一個部分都炸得脆卜卜，油溫控制得幾好，仲夾雜牛油果、沙律菜，口感清新同埋豐富，麵包仲有用牛油烘過，細節位做得幾好，不馬虎3. 朱古力香蕉金寶 $68 9/10呢個甜品要預早30分鐘叫，我覺得值得一等，碟非常熱，真係新鮮出爐，香氣撲鼻，看似普通，但一食真係好滿足，面層金寶碎好香牛油味，有口感，仲有熱溶朱古力同埋軟腍香蕉，味道甜而不膩，整個組合真係完美