川燒 (已結業)

串燒店很多，「川燒」係其中一間我最喜愛既串燒店，雖環境不算舒適，裝修有點舊，但食物充滿誠意。每隔一排就會有少少新野食，唔止係串燒，仲有好多特式小食創意甜品，食物水準高，所以黎過幾次都食唔厭。今次被安排左坐在店子盡頭的小房內，裡面有3張桌，可與朋友安靜聊天。從小房向外拍攝牆上放著一排酒，頗有特式牆上掛畫點餐紙也與木色桌椅襯了色每張桌上放置調味粉讓客人自行加料吃串燒當然要啤啤佢，可試試手工啤酒。黑松露燒腐皮溫泉玉子 $32賣相精美，必點之選，用上腐皮包著溫泉蛋，再加上黑松露和青蔥，頗香濃的。松露雖少但香味濃郁，腐皮有點像豆卜的口感，略嫌溫泉玉子有點太生了，幸好我是個生雞蛋愛好姐，每次吃火鍋必定打隻生雞蛋到碗中lol，不過如溫泉玉子可煮熟點相信一定更美味。鹽燒黑豚肉秋葵卷 $22不錯的配搭，香脆的黑豚肉與嫩滑的秋葵形成強烈的對比，一口包含著兩種不同的口感。黑豚肉燒得很惹味，不咸不淡味道剛好。黃金芝士燒原隻龍蝦 $188點餐紙上印著時價，問問店員就可得知當日價錢，百餘元可吃原隻龍蝦，當然要試試。想不到這個原隻龍蝦真的相當大隻，肉上釀滿了芝士，肉質新鮮彈滑，非常香口，的確吃到停不了秘製醬燒BB豬

佐敦道西一帶食肆林立，選擇眾多。今天晚上我們就選擇了這間很口碑不錯的「川燒」吃日式串燒。一入門內感覺是很居酒屋的格局，佈置、燈光、擺設都是簡單得來而又令人舒服。首先值得一讚的是供應串燒的食肆通常最令人詬病的是油煙多，通風不好而又翳焗，出奇的是這裡並沒有這個問題，在今天33度大熱天時仍覺空氣流通涼快。食物來到前店員極力推介本地出產的小麥啤酒Hefeweizen (5% Alc)。雖然索價不便宜，要$54一細支，但是我從未試過本地的出產，便一試無妨。味道是很清新的，小麥味很香，帶著輕微的果香及辣勁，很值得一試。食物很快便來了，先上的是「黑松露燒腐皮溫泉玉子」($32)，流心蛋加上炸脆的腐皮，口感一流，加上黑松露散出的香味，多吃不厭！「冰鎮芥蘭」($38) 先不說味道，翠綠的一株芥蘭放在桌上已經賣相一流，甚至有點不捨得吃的感覺！新鮮的芥蘭配上日本芥辣及豉油竟然是很搭的一道菜！「燒特濃芝士五花腩」($26)，名字看來感覺得油膩，但吃上口肉質鮮嫩，芝士濕度恰到好處。「燒特級牛脷芯」($36) 的外層燒至甘黃色，內裡肉汁依然保留，鮮味十足之餘又有咬勁。「燒羊仔架」($56 / 2 件) 是惟一比較

川菜是中國八大名菜之一，但論到調味料和味道煮法運用，川菜乃是眾此之冠，所以有「七滋八味」或「百味」之稱。雖然川菜味道變化多端，但多以麻、辣為主，小妹自問不吃得辣，但卻鐘意於串燒即叫即燒的新鮮滋味，得知在佐敦有一間以川菜x串燒的Fusion菜，人氣很高，感覺新穎又好奇，決定和朋友到場一試。餐廳門面和室內都充滿懷舊古式客棧味道，正門高掛餐廳店名的牌匾，室內掛有紅檔檔半圓木雕吊橙，古色古香。環境空間其實不大，另外有兩間細房，枱與枱之間位置較迫窄，連門外都放有兩個四人枱，物盡其用。雖然在室外吃著串燒，在炎熱的天氣下一定大汗搭細汗，幸好餐廳都放有大型風扇減少客人不適，又是貼心之舉。餐單就只有兩頁A4Size的點菜紙，分為新鮮海鮮、風味肉味、健康素菜、特式小食、飯類、甜品、啤酒和飲品等超過一百款菜式。這麼多選擇，真的要花時間消化餐單上的內容。未吃食物，先來一點飲品。餐廳有大量清酒米酒、吟釀、啤酒款式供應，不過我們不好酒的，還是乖乖地消䐭清熱的烏龍茶和竹蔗茅根。黑松露燒腐皮溫泉玉子溫泉玉子吃得多，但都是第一次見腐皮搭配溫泉玉子來吃。煎得甘香薄脆的腐皮，包裹半粒溫泉玉子，澄橙黃色的蛋黃，半黏半凝固的流

 行左成日 夜晚同兩位友人揀左間燒烤店飲杯啤酒吹下水咁大概八點左右到 可能星期一啦  所以都唔洗等位Asahi Super Dry Draft Beer 2 很好喝 感覺清爽 很易入口 不會苦澀竹庶茅根咸柑桔呢兩杯飲品 個人覺得不過不失 味道有d淡 下次都系會揀反啤酒 加埋串燒 更加過癮川香肉碎燒茄子呢個真系五粒星茄子去皮切件了 滿口的茄子肉加上少辣的肉碎 特別惹味 好吃黑松露燒腐皮溫泉玉子預期以下 口感系幾特別的 不過味道個人覺得唔系話好好食 黑松露的味道唔突出 試過就算燒一口鵝肝多士友人點左呢個鵝肝多士 我唔食鵝肝 所以無食 都唔記得左問系咩味道熊本一口和牛肉味很濃 燒起來不會很乾 依然keep到肉汁 簡單加d鹽 已經好好食鍋燒噴泉蛋漿芝士炒飯唔好睇呢個炒飯賣相麻麻 料其實也很普通 但搭配一齊 就非常好吃 店員會系你前面炒飯 加上粟米 芝士 蛋 炒出黎唔係乾身個d 加埋辣椒秘製醬燒BB豬肋骨甜甜辣辣的豬肋骨 啖啖肉 很惹味  

去開佐敦找米仔，梗係要順便覓食啦！見今日涼涼地，就去食串燒，去到渡船街附近，最後選了「川燒」，因為口碑有保証！燒蘇格蘭蟶子王大大隻既新鮮的蟶子王，有成隻手掌甘大，燒的時間剛剛好，整個肉非常肥美又鮮甜，係首個encore之選!川香魚湯清酒煮花甲香噴噴的酒煮花甲，上台時已芬香撲鼻，忍不住立即先嚐魚湯味道，果然鮮味十足，再嚐肥美花甲，每隻都很肥美，一隻又一隻，很也就比我同友人KO了！黑松露燒腐皮溫泉玉子濃濃的松露香味，已感受到果種味美！頂層有松露及蔥花，滑溜溜的溫泉蛋加埋荷包小袋的腐皮，一口過，味道很討好，創意十足！串燒黃金煲仔飯原來呢個黃金煲仔飯係一個糯米飯團，面層有色澤金黃的蛋汁，飯團咬下煙靱不鬆散，醬油調味適中，軟腍好食！燒羊架羊肉味道濃郁，肉質嫩而有彈性，燒得十分香口，不會很乾！由於太好味，我比米仔咬了一啖後，其餘都係我食哂！ Yummy！燒原條生燒粟米燒得外層微焦的粟米，上層放著木魚條碎，令口感增加，粟米不會燒得太乾，每粒粟米都脆卜卜，內裡還有很多粟米本身的水份!蜂蜜燒鳳梨鳳梨燒得不會太乾身，咬下菠蘿時還有大量汁液流出，非常清甜!店員服務態度友善，整體食物質數也不錯，下次有機會都會

其實已經食過好幾次川燒, 點解仲要黎食, 只因佢真係太好食了... 燒物種類何其多,基本上坊間有既都有, 連坊間無既都有, 簡直可以滿足你所有既要求呀~~ 去食串燒, 我就一定叫燒雞泡魚干的, 甜甜地再配上沙律醬食真的又香口又野味, 送酒一流既小食~~ 川香麻辣腸不油也不膩, 食落辣辣地, 已追加多一條, HEHE~~ 大鄉里既我係第一次食黑松露燒腐皮溫泉玉子, 其實係腐皮入面盛載住溫泉玉子, 都幾有諗頭, 食落口感幾特別, 滑嘟嘟甘, 但改做溏芯蛋或半熟蛋, 可能效果會更好~~ 麻辣鴨舌真的堅正, 小小麻小小辣勁滋味呀, 越食越想食, 可以的,我一個人可以食5串呀~~ 燒日本廣島生蠔非常肥美, 上面鋪滿了蒜茸粒, 還加了辣椒絲同蟹子粒做點綴, 味道何其夾, 配料沒有蓋過蠔味, 蠔味依然夠突出, 亦一樣想無限食既燒物~~ 白鱔係呢度係必叫的, 又夠大片, 肉身又夠厚, 食落啖啖肉, 配埋個醬汁, 簡直係振店之寶, 非常滿足呀~~ 呢個椰子雪糕賣相真係唔錯, 棷子味夠香濃, 又夠凍, 食左甘多燒物, 要食返個雪糕黎降降火,感覺上無甘熱氣,  其實可能係自己

乍暖還寒的天氣，今晚氣溫又急降~又令人想食d辣野暖身~黎到美食街 - 渡船街開餐~ 沙薑泡淑麻拌豬手~調味幾有創意~~ 傳統的沙薑豬手~加了一層微辣原素~而且雪過的豬手Q度剛好~~ 川辣酒煮東風螺~麻香持久度不錯~~ 送酒一流~ 燒珍寶大元貝上台絕對嚇親~~有女仔拳頭咁大隻~~襯以燒汁、少量蟹子提鮮~ 食落啖啖肉，亦十分鮮味~~ 燒川香麻辣腸~口感類似台灣腸~~但細皭下會透出麻辣香~~ 黑松露燒腐皮溫泉玉子~以腐皮載住溫泉玉子，再加上黑松露醬~未食已經聞到淡淡黑松露香~~ 建議一啖放入口~ 唔係都幾狼狽~入口蛋香、松露香濃和~~ 又係另一種和諧~~ 值得推介俾大家！ 鹽燒黑豚肉秋葵卷~黑豚肉燒過後香脆~比較特別，今次配上秋葵~ 而非露筍~ 口感上進步了~~ 2者味道亦夾~ 川香肉碎燒茄子全條上台，份量都幾多~~茄子正好吸了辣肉碎的紅油~而且客人可以自定辣度~~ 十分貼心~~ 小妹今晚初嘗小辣，辣度適中惹味~~~~ 鍋燒噴泉蛋醬芝心炒飯~為男友而設的炒飯~~有專人幫忙現場炒制~~原味炒飯底，為蜀都炒飯~加入各種香料、辣椒、肉碎炒成~川式風味的

尼晚同幾個朋友出嚟飯聚，天氣凍凍地去玩玩爐端燒，海鮮必定係我嘅首選啦！我地一行4人叫咗個二人海鮮套餐同其他串燒咁。尼個二人前套餐，有蟶子王、扇貝、鮑魚、海蝦、蠔、花甲同螺，份量十足。尤其係蟶子王同扇貝，大大隻無花假，食落甚鮮甜！自己即燒即食，熱辣辣放入口，正到爆！燒白鱔鮮嫩燒汁惹味，無骨有咬口，鱔嘅油香沖斥整個口腔食咗一啖已經即刻想encore！幾特別幾有心思的菜式！用燒過腐皮載住溫泉蛋黃，再加上黑松露。埋枱已飄來陣陣黑松露香氣，一啖入口黑松露同蛋黃即時遊走到口裡每個角落，感覺好滿足。幾花工夫的菜式！用臘味糯米飯整到形狀好似條雪條咁，再塗上蛋黃漿喺面拎去燒。蛋黃漿燒得火喉剛好，糯米飯咬落煙韌，而且一啲都唔乾。鴨舌香辣勁惹味！用嚟餸酒一流尼個望到已經好吸引啦！每粒綿花糖都燒到微微金黃，加埋朱古力醬同煉奶已經好邪惡！配以脆卜卜的厚多士底，入口一軟綿一脆爆，口感好棒！

日式居酒屋的風格，配上一連串惹味串食小食，最適合一大班人聚會。無論串燒定川菜小食水準都可以價錢合理1.串燒種類選擇多 仲提供麻辣涼菜(麻辣豬耳，沙薑泡椒涼拌豬手)先講海鮮類，蟶子王同仙貝，勁肥美鮮甜，每日新鮮來貨，鮮味較重，唯蒜味唔太出。肉類及蔬果類，肉汁juicy，火喉控制得好好，蔬果亦唔乾身。2. 老闆獨門自創菜式好多出面串燒舖無得食嘅菜式，原來喺老闆秘製！黑松露燒腐皮溫泉玉子 $30以腐皮包住流心蛋，賣相好似架船仔，再綴以少少黑松露，入口口感好特別，可以一試。3.必食推介：野椒汁燒牛肋骨(圖中) $158豬肋骨已切好片，燒得啱啱好，皮脆肉嫩，肉汁勁juicy，仲有淡淡炭香煙薰味，食都唔停口，配埋芥辣醬同薄荷醬，青瓜可以清味蕾，細心。燒一口鵝肝多士 $48鵝肝入口即溶，配埋多士層次豐富。串燒：芝士車里茄  燒茄子 黑豚肉露卷 燒波蘿甜品：法式燒棉花糖朱古力厚多士 $48燒到半溶嘅棉花糖配上朱古力醬同香蕉加埋麵包，甜得嚟唔覺膩，女士至愛！

嗜辣的人兒通常不會不被四川風味迷惑。一聽到酸辣、麻辣這兩個最基本的川味，嘴巴的口水已不受控地狂飊，狠不得馬上來一口。正因需求熱熾，坊間的川菜館就如雨後春筍愈開愈多，曾屢次川癮發作，隨意跑進附近的四川餐廳解決，豈料興奮地進去，失望的離開，皆因川味只流於有形而無魂，自此以後不敢再亂闖四川菜館！事前做足充份的「備課」，當晚便跟友人按計劃到佐敦的「川燒」。「川燒」在渡船角可算是四川燒烤的始創者，素來口碑不俗，加上創意澎湃，所以一直被納入欲試餐廳的名單中！「川燒」地方不大，但佈置仍見心思，檯凳以穩重深色木料為主，加上酒瓶、海報的現代感，將「川燒」傳統與創新的個性帶出。大伙兒的話，可考慮預訂房間進餐，裡頭大約可容納十人。始終燒烤以肉為主，當晚已披上食肉獸的戰衣。豈料一看「川燒」的餐牌，原來蔬菜的選擇也不少。先來冰鎮芥蘭和冰爽涼伴黑木珍珠耳兩款涼菜作熱身！冰鎮芥蘭有如盆景擺設，輕輕蘸上日本芥末醬油作調味，整條芥蘭如意粉啜入嘴巴，涼快爽口，為這夜的四川燒烤先來個清純的奏樂！冰爽涼伴黑木珍珠耳帶領我們進入四川的風味。木耳爽口，最喜歡多層次的香料襯托著辣意，惹味得很！大閘蟹的季節，「川燒」也來參與，而且更

之前常到佐敦渡船街附近吃糖水，當時已經看到每條橫街都有各種各樣的串燒店。今日適逢星期日便相約幾個朋友一同前來品嚐一下。我們今次選了名為「川燒」的串燒店，之前見雜誌都有介紹過，很像不錯的！我們之前訂了枱，七點鐘到達，來到已經坐滿了客人，職員安排我們到一個小房間就坐，小房間大概有三張四人枱，下次可以叫一班同事一齊來包一間房飲下酒傾下計。這裡有各種各樣富有特色的串燒，真的多不勝數，花多眼亂，職員亦很細心為我們推介了一些串燒及小食。爽歪歪魚皮-川香味($38)：這款魚皮第一眼就想起澳門一間餐廳都有，那時已經很想再吃，可惜一直在香港找不到，想不到這裡都有這種做法。魚皮爽口彈牙，加上川香味，吃完咀裡會有種麻的感覺，但又不會太辣。燒珍寶大元貝($100/2隻)：這個是每天隨市價定價的，今天這個是＄50，整隻元貝真的很大隻，實在不可能把整隻放入口中。而且是即叫即燒，燒完即刻奉上，熱烘烘的，很新鮮，很甜美。燒海殻王($148)：燒整條這麼大條的魚，真的很少見，最常見的只有多春魚，這條海殻王很滑，配以泰色的酸汁，保留到魚的鮮味，很新鮮可口。魚骨雖然都有點多，但亦很容易同魚肉分開。燒日本黑豚肉露卷($28)

孜然，燒烤食品嘅佐料，口感風味獨特，氣味芳香濃烈，能解除肉類嘅油膩。此外，於中醫角度，孜然適用於消化不良同胃寒、腹痛等症狀。川燒，一個中國風的名字，雖然唔知同四川有冇關係，但就大量用上孜然呢種大漠風情嘅佐料。串燒小店環境比較狹窄，似帶有中國風嘅居酒屋。西班牙橡果黑毛豬，日本黑豚露筍卷，川燒薄餅同BB豬肋骨都用上孜然做調味，口味獨特芳香，好似食緊新疆羊肉咁，味道好特別。川燒薄餅雖然只有薄薄嘅餅皮，但孜然配上洋蔥芝麻口味獨特。BB豬肋骨通常用上西式煮法，但配上孜然有另一種食法。黃金燒大虎蝦用上鹹蛋黃釀入虎蝦背，肉質爽口非常冶味。燒鮮白鱔肉厚油足，配上薄薄脆口嘅鱔皮，冇得輸。黑松露燒腐皮溫泉玉子，甜甜嘅腐皮配上微鹹嘅黑松露同溫泉蛋，口味複雜以及可中和燒烤嘅熱氣。法式燒綿花糖朱古力厚多士，中間夾上香蕉，綿花糖朱古力香蕉嘅甜味配上厚多士嘅鹹脆味，口味複雜特別。

之前已經食過川燒嘅尖沙咀店，感覺不俗所有今次再食先餐牌多咗好多新嘢食呀!!一於試吓啲新野先秘製醬燒BB豬肋骨，醬汁味道啱啱好!!Yummy黑松露燒腐皮溫泉玉子，呢個好滑呀!!好香黑松露味黃金燒大虎蝦，鍾意食黃金菜式嘅就要試吓呢個，好香呀食得多肉都要食返啲瓜瓜菜菜同甜品，樣樣都好啱我口味第二次嚟都有新驚喜,值得下次再幫襯