臺北棧 (荷李活道) (已結業)

疫情之下，要珍惜每一次出街食嘢嘅機會，今日就去咗擺花街嘅Check-in Taipei，食吓台灣嘢懷緬下曾經有得去旅行嘅時光。先來係前菜牛汁鹵蘭花干，其實即係豆腐乾，一放低嘅時候就聞到好香椒鹽味，食落有啲似三哥糊辣湯底，作為前菜非常開胃。主菜我哋叫咗招牌牛肉麵同黑蒜牛肉麵，各有特色。招牌牛肉麵本身已經有好濃嘅牛肉湯底，仲有流心蛋、蟲草花乾同好彈牙嘅硬豆腐做配菜。黑蒜牛肉麵則另有一番風味，黑蒜香到隔住兩個口罩都聞到，食落更為惹味，我哋都揀咗刀削麵，麵身偏軟，加埋秘製辣牛油，口感就更加香滑。未食早餐有啲肚餓，所以我哋加咗薯泥起司松露蛋餅，蛋餅加咗薯仔之後，食落去更加厚實飽肚，配合黑松露香味令人非常滿足。飲品方面，我本身想叫杯苦瓜汁排下毒，但係又驚太苦，所以最後揀咗鳳梨果肉苦瓜汁，苦得嚟有少少酸甜鮮果味。朋友就叫咗黑糖薑母茶，薑味好濃好辣，佢哋可以減半糖，令到飲品更加健康。見到餐廳仲有好多特色嘅cocktail，希望開返晚市嘅時候有機會試啦

中環創新破格台灣菜 超黑嘅牛肉麵 創意芋泥乒乓球‼️香港人好耐都冇去過旅行，開始懷念台灣嘅美食🥲，但其實香港都有好多台灣菜館。但有時都食悶咗而呢間餐廳就提供多款新派台菜，打破傳統🤔。 Check in Taipei  位於中環扶手電梯下面，據說老闆係加拿大人，可能就因為係外國人，所以先製造到台式fushion料理😅。 餐廳裝修呈玩味風格，門口有大大盞霓虹燈寫著「我愛台妹」😏，亦設有酒吧高枱。坡璃貼有魷魚遊戲嘅logo，仲有魷魚遊戲嘅專屬菜單，好彩冇擺到木頭人公仔喺門口😨。 黑蒜牛肉麵$118 價錢算係偏貴，以正常台灣菜黎講🤑。 湯頭望落就真係超級黑，聞落超重蒜香同藥材味，但撇除面頭黑色嘅點點，佢本身都係清清地。飲落牛骨味濃郁，甜中帶黑蒜甘香，食到係真材實料，風味濃厚😍。 牛腱肉只有3片，期望會有更多，質感非常軟腍，炆得好耐，中間嘅筋位有少少溶化嘅感覺，肉味濃，食材的確唔錯👍。 旁邊有大量蒜蓉，喺黑色嘅湯底顯出白色嘅點點，而佢一D都唔搶，反而非常之creamy，甘甘地嘅，令口氣更臭😂。 百頁豆腐食落一D都唔齌，Q彈爽口，唔似平時超市嗰D。蟲草花事先有炸過，脆脆地，又有少少油香，令我食上隱🤪

朋友在中環工作，找朋友吃個午飯，沿着扶手電梯，餐廳位於荷李活道，非常方便。我們1:30到達，是第一輪的午餐離開。已經有位了。兩位女士食量不大，一個黑蒜牛肉麵轉刀削麵$118 ，兩人分。刀削麵很有口感，湯底也非常濃郁，最驚喜的是牛腩很淋很有牛味。一個糖心蛋滷肉飯$55 ，個人認為這個份量對女士來講非常好。糖心蛋很入味。甜品 對於女士來講當然係第二個胃，一共點了兩個甜品。骯髒芋泥鹹蛋黃蛋餅$85 ，鹹蛋黃灑在碟的兩旁，蛋餅內有很多芋頭餡料，份量十足。最出色當然係奶奶麻薯加Oreo $95煙煙韌韌奶味濃郁，口感很好。

星期六中午經過 見冇乜人排隊所以入去食叫咗個黑蒜牛肉麵 本身擔心緊會唔會好多油 結果黎嘅時候唔太多油浮面 蒜味又唔會蓋過啲牛肉湯味牛肉都好淋身好入味仲有脆既蟲草花 麵條係粗身又厚身 份量我覺得OK唔太少 食落好香濃紫薯味蛋餅 $86 煙煙韌韌嘅 都香蛋味 整體來講 係偏甜蟹肉麻婆豆腐撈麵$158麵既份量好多 佢應該想先係用新鮮蟹肉因為都食到蟹殻 蟹肉鮮甜但麻婆豆腐味就有啲怪整體來講價錢偏貴 味道都算過得去因為地點方便位處於蘇豪區

一間都算幾火紅嘅餐廳🔥🔥🔥成日都係ig見到有人po佢地個蛋餅，個賣相真係幾吸引🤩.黑蒜牛肉麵 $118明太子甜不辣 $68髒髒芋泥鹹蛋黃蛋餅 $85.佢嘅牛肉麵有兩款麵底可以揀，分別係刀削麵同寬粉絲。我揀咗刀削麵，口感幾好又掛到啲湯！佢個湯底黑蒜味真係好濃郁，但又唔會過鹹，真係會一啖接一啖🤤佢重有比埋啲蒜泥，好重口味🤣牛肉有3片，我食個3舊都好冧，不過朋友就話佢個舊好硬😢😵‍💫😵‍💫可能係一啲啲嘅問題……除咗牛肉，重有豆腐同埋半隻糖心蛋🥚重有叫咗兩個小食同朋友share，感覺佢地啲小食定價都偏貴少少💸💸💸甜不辣有煎過，食落會香口啲啲，面頭就係加咗啲明太子沙律醬，唔算太抵食。芋泥鹹蛋黃蛋餅見到個個都有叫嚟打卡🤣🤣🤣賣相一流。味道其實都係不敗嘅組合，芋泥+鹹蛋黃。主要係偏向甜食，蛋餅皮煙銀，不過朋友覺得厚咗啲。不過一條蛋餅要$85蚊，真係偏貴🥲

之前食過Check in Taipei 覺得幾好食，掛住台灣既我又飛黎食下先🥰🥰🥰 🤩糖心蛋滷肉飯🤩 呢個係cp值之選，細細碗但魯肉都唔少魯肉肥瘦勻稱，送飯食一流😚😚😚  😝薯泥起司松露蛋餅😝  蛋餅真係唔係成日有機會食，呢個仲要係特配既材料，賣相都幾令蛋餅包住口感綿密既薯泥，再配上芝士同松露醬，真係好豐富🥳🥳🥳  😚黑蒜牛肉麵😚  呢個既黑蒜味都好出刀削麵都掛到湯😝重點係配料都有好多，牛𦟌係大大舊咁，口感Q彈😚😚  🥳奶奶麻糬🥳 上次黎已經好想食麻糬但賣哂，今次終於食到呢個招牌菜中意食鳳梨酥其實我中意食個餅皮，呢個就啱哂我，佢用上大量既餅皮配上麻糬黎食，第一次咁食麻糬，口感好滑🥰🥰  人均$185食台灣菜係少貴，但見佢環境咁令，食物賣相同設計都咁有特色，都係值得再試既😚😚😚   

香港有很多台式食店，但要做到食物賣相和味道都一樣好而有玩意的卻不多，這間便是其中一間。「我愛台妹」的霓虹燈牌置在門口的當眼處，店內播着耳熟能詳的台歌。麻婆豆腐手工餃($72)，在肉餃子上澆上麻婆豆腐醬，當中的豆腐粒帶點爽滑，口感與一般豆腐與別不同，提升不少餃子的味道。一直以來都是點麵和飲品，這次髒髒芋泥鹹蛋黃蛋餅($85)確實帶來驚喜。雞蛋包裹着綿厚的芋泥，層層不同的口感，加上本身蛋香及芋泥香，令蛋餅在口感、味道和外觀上都十分出色。芋泥迷必吃。黑蒜牛肉麵($118)，黑蒜的顏色成為這碗麵的主色。漆黑的湯底散發出蒜香。在刀削麵和寬粉絲兩者中選了寬粉絲，十分滑溜，但無阻其汲汁。寬粉絲雖不及刀削麵汲汁多，黑色的蒜湯仍掛上透明的粉絲，令粉絲變成半透明的淺黑色。一大匙的蒜蓉加上麵條上吃，蒜味會更濃郁。旁邊有一瓶辣牛油可隨意添加，但個人覺得湯底味道已足夠，加了反而味道過濃。手作芋泥牛乳冰($58)，芋泥量及甜度適中，能嚐到芋泥粒。芋泥味重，與鮮奶攪拌後，芋泥的綿滑和鮮奶的柔滑非常配合，能嚐到兩種層次的滑。喜愛喝芋泥飲品的不能錯過。鮮木瓜牛乳($58)，主要是以新鮮木瓜味為主，木瓜味非常濃郁，如吃新

中環美食雲集又夠國際化今日就去治吓冇得去台灣旅行嘅癮呢度算係一間酒吧式嘅餐廳三個女仔叫咗個五個菜式(最後係夾硬食晒佢嘅)1️⃣髒髒芋泥鹹蛋黃蛋餅整體係偏甜嘅 雖然加咗鹹蛋黃不過味道唔夠出 始終係新式菜式 無保留到台式蛋餅嘅特式 有醬汁 所以略為失色2️⃣手繪雙色鹽酥雞雞件好大件 偏濕 炸得唔夠脆醃得夠味但不夠台式覺得係兩個醬拯救咗整體嘅味道3️⃣明太子甜不辣我覺得係最好食鐘意佢個甜辣醬 有明太子好惹味甜不辣又好煙韌4️⃣Oreo 奶奶麻糬呢個好難整得好食 覺得喺香港食過咁多間呢間算係唔錯 麻薯質地流質得嚟又煙韌 如果可以有少少Oreo 整嘅醬 平衡翻太多Oreo碎好乾嘅問題就好了(雖然原本食譜無得咁LoL)4️⃣黑蒜牛肉麵呢個係今晚第二好食 黑蒜味好香又唔會太咸牛肉又夠多配料又好足 係幾好食不過黑蒜味少少蓋咗牛肉湯底嘅味總括而言 係幾enjoy係度食飯 台式餐廳嚟講算係不錯~

豬軟骨鯊魚骨豆乳湯麵 🍜 $158 (6.5/10)可以揀刀削麵或者寬粉絲 今次就揀左刀削麵啦麵條幾Q彈 而且掛到湯 但啲豬軟骨就好韌 有幾舊係咬唔開 個湯底略為有啲油 個碗嘅保熱能力好低 食到一半碗麵已經凍晒🥶🥶🌟黑蒜牛肉麵 $118 🍜 (8/10)呢款係小店嘅招牌菜 同樣可以揀刀削麵或者寬粉絲 今次就揀左寬粉絲 湯底個黑蒜油味道好濃郁 牛肉好淋好入味 加埋香蔥同炸蟲花 就更有層次感🌟手繪雙色鹽酥雞 🍗 $88 （9/10呢個幾有驚喜 熱辣辣上檯而且份量好多 炸得好香脆有唔會厚粉 醬料沾左係兩邊 有檸檬同黑松露 大家可以根據自己嘅喜好點 不過個人中意配檸檬醬 酸酸甜甜好食啲 櫻花蝦烏醋茄子 🍆 $48 (8/10)醋酸甜甜幾開胃 可以當前菜咁食台式肉鬆榨菜蛋餅 🍳 $68 （(7/10)個蛋皮嘅厚度適中 唔會太厚 但味道就冇乜特別 價錢偏貴 性價比唔高OVERALL: 一試無妨😊 (6.5/10)呢間小店長期都好多人排隊 但個人就覺得唔太值 如果唔使排都可以一試嘅小店嘅裝修好新潮 門口仲有個霓虹燈俾人打卡Weekend2pm去都差多full house 建議大家可以book定位先🌟

回味這裡的台式美食，今天再來。 黑蒜牛肉麵： 可選刀削麵或寬粉絲，朋友喜愛口感煙韌的刀削麵，就選它吧。 湯底牛骨味濃，加上黑蒜油，味道更上一層樓。 台式牛肉入味，厚肉且腍、還有百頁豆腐、溏心蛋，特別是炸蟲草花，我未曾嚐過脆脆的蟲草花，為麵食增添口感。看到在桌上有一瓶「辣牛油」，註明是用純牛脂肪及香料辣椒製作，能讓湯頭更顯濃香。那一定要試一下。 按建議加入辣牛油，再嚐一口湯，果然多了一層香滑的牛油味，不太辣，頗惹味呢 手繪雙色鹽酥雞 ： 鹽酥雞外層鬆脆，肉質嫩滑。 黑松露醬味道香濃，柚子醬則清新帶點點酸。各有風味 髒髒芋泥鹹蛋黃蛋餅 ： 蛋餅內是滿滿的芋泥，質感幼滑，味道清甜。黃色粒狀的是碎鹹蛋黃，使蛋餅味道更升層次，令我們禁不住一口一口的吃過不停。 伯爵茶凍QQ芋圓 ： 彈牙軟糯的珍珠、芋頭和地瓜芋圓，清甜的綠豆和清爽的愛玉和伯爵茶凍，口感清凉。值得一讚的是服務態度非常好，誠懇有禮 已期待下次與好友再來聚餐

武漢肺炎下，去不了臺灣，唯有外賣臺灣菜回家，扮作去了旅行。點了一麵三餸和一客甜品。麵要了黑蒜牛肉麵，一看以為是墨汁但原來是黑蒜湯底，味夠派但不太鹹。麵底是透明的，很特別亦爽口，不過不太吸到湯味。牛肉是整個麵的精華，用上了牛展，肉林而入口。食臺灣菜，一定食 A 菜，加上魯肉作汁，簡單而美味。明太子甜不辣，既有台灣亦有日本口味，兩者味道亦很夾。最好食是麻婆豆腐手工餃，麻婆豆腐醬汁帶點辣，餃子亦很香肉味，估不餃子和麻婆豆腐是如此的合拍。最後來一合個 QQ芋圓作甜品，現在大把地方食到高質芋圓，但加上茶味果凍，又是另一種風味。最後，外賣8折。

好耐之前已經食過一次呢間充滿霓虹燈嘅台式餐廳，今次黎到，個menu 唔同哂，多咗好多特色嘢食 😋 氣氛又好，唔怪得每日一到7pm 就咁多人啦Oreo 奶奶麻糬 📍$85一黎到已經好想食! 佢係麻糬，唔係糯米糍黎架，一啲糯米都無，唔洗驚胃痛或者筋骨關節痛呀，佢地只係用咗日本鮮牛奶同木薯粉，可以有咁多食咁多 🤭 入口涼浸浸咁，有啲似雪糕，但又多咗一份煙韌感，做到真正嘅入口即溶 黑蒜牛肉麵 📍$118黑蒜味勁香濃，蒜頭愛好者必叫! 呢次我地就叫咗粉絲配呢個黑蒜湯，吸盡所有所有精華招牌牛肉麵 📍$108湯底嘅牛肉辣味好重，加埋個牛油，令湯底更香濃 🍲 牛肉都炆得好淋好入味，玩埋個刀削闊條麵，夠哂煙韌，上面仲有好多蟲草花 😊 第一次食咋，估唔到又幾夾喎台式肉鬆榨菜蛋餅 📍$68唔會好似平時啲蛋餅咁油膩喎 👍🏻 可以食多幾件 😁 蛋香同榨菜都好香，點埋啲醬汁就更惹味啦～

餐廳在暑假期間重新裝修，保留了「我愛台妹」的霓虹招牌。在餐牌和格調上也作了少許轉變，裝潢變成低調的型格。餐牌的拉麵變成寬粉絲，而枱上有新品辣牛油，為湯底帶出鮮味。綠豆沙豆漿($55)，綠豆沙的綿滑和豆漿的香滑是完美配搭。綠豆沙細滑得成蓉，不會嚐到一粒粒的綠豆，如起沙西瓜的甜滑，豆漿本身的豆香也和同是豆類的綠豆沙很夾。鮮芭樂苦瓜汁($58)，嚐過香甜的綠豆沙豆漿，轉而是甘苦的青苦瓜汁和微甜的芭樂汁。苦瓜甘苦，所以要攪拌浮沉在底下的芭樂汁，味道才會變成甘中帶甜。爆蔥牛肉麵($118)，選了刀削麵。刀削麵煙靭，掛上牛肉湯汁，比寬粉絲更具口感。湯底熱，先喝一口以五十斤牛骨熬成的湯，再加入辣牛油。辣牛油以牛脂肪和香料辣椒製成，突出濃香的湯底，也帶出微微辣味。其温和的辣味，適合不吃辣的人。上乘的牛腱非常軟稔，有入口即溶之感。蔥的份量多，把蔥輕浸在熱湯裏，拌着熱湯和麵吃，為濃郁的麵條帶點青蔥的清新。黑蒜牛肉麵($118)，這碗選了寬粉絲，上桌時飄來陣陣蒜香。從黑漆漆的湯底裏夾起晶瑩剔透的寬粉絲，掛了少許黑蒜湯底的粉絲，在店內微暗的燈光下，呈現透亮的黑色。粉絲入口軟滑，配上香脆的蟲草花，營造滑與脆兩種