一鳴丼食堂

营业中

休息中

大埔好多隱細小店，位於小巷的這間一鳴丼，環境乾淨舒適，位置雖然不多，但五臟俱全。我們一行二人，點了一碗甲羅盛、壽司六點盛、兩款壽司、刺身及串燒，非常滿足🤤先說說重頭戲，究極甲羅盛不但非常足料，而且擺放得很精緻，拼出完整一隻蟹，令人完全不想破壞它。甲羅盛裏有蟹蓋、松葉蟹腳、蟹籽、蟹鉗和蟹膏。蟹肉肥美鮮甜，將蟹子和蟹膏均勻地配飯吃，簡直不得之了🙈不經不覺吃完了一碗！壽司六點盛則有六款壽司，包括甜蝦、墨魚和三文魚等。壽司非常新鮮，而且色澤美麗，值得一提的是三文魚對比其他壽司更長，一口吃下去，很滿足👍🏿另外兩款壽司分別是免治吞拿魚軍艦和灸燒左口魚，這兩款壽司也帶來驚喜，油脂分布很均勻，所以入口不會有太膩嘅感覺。刺身方面，點了三文魚刺身及赤蝦刺身，這兩樣刺身則保持水準。串燒則即叫即燒，雞軟骨調味剛剛好，而牛舌雖然有厚度，但不會太老。總括而言，這次晚飯帶來滿足和驚喜，值得再試😍

入到黎覺得好舒服，有吧枱，2人同4人枱。裝修同設計都充滿日本風味。呢到野食都幾多選擇，有拉麵、丼飯同串燒等。我地二人叫左壽司六點盛$138，包括有三文魚、海膽同油甘魚等。一上枱就知道刺身非常新鮮，色澤同油脂分布都好均勻。海膽亦都係鮮甜三文魚仲要係長長的，有別於平時食開嘅三文魚壽司🍣挑戰一口過，超級滿足！因為三文魚實在太好味啦，之後我哋仲叫咗兩款刺身，分別係三文魚（三片）同埋赤蝦（兩隻），今次比到驚喜我嘅係赤蝦，肉質爽口至於壽司方面我哋叫咗隻燒左口魚，左口魚除咗有厚度之外，仲要入口即溶㗎絕對可以encore其實除咗叫以上野食之外，我哋仲叫咗一碗究極甲羅盛🦀，有蟹蓋、蟹鉗、蟹膏等。一上枱我地都忍唔住哇左一聲，排得好靚呀完全唔捨得食！蟹肉係甜嘅，而蟹蓋盛住蟹膏蟹子同葱，將佢哋撈均勻之後再撈飯食，忍唔住一口有一口🙈唔好睇佢個碗細細地，兩個人share完全啱啱好完全冇令人失望！

咁岩呢排係大埔放工，又想食餐好嘅，就揀左呢間日本餐廳試吓🐷～～餐廳入面擺左好多清酒，日本公仔小擺設，充斥住日本氣氛，因為疫情去唔到旅行，但呢到可以令你猶如置身係日本！正呀！野食方面，嗌左四重火焰盛($138), 分別有火炙三文魚，火炙左口魚邊，火炙帶子，火炙蟹柳，而中間就放左隻溏心蛋黃。火炙三文魚：新鮮肥味，因半生熟嘅關係，食落去條魚有半融化嘅感覺，好滿足。.火炙帶子：有三大塊，每一塊都好大粒好厚切，食落塊鮮甜，用火槍灼過嘅帶子額外提升左新鮮度，好好味😋.火炙左口魚邊：本身左口魚邊都係入口即融，呢家再火炙埋，放落口成件事非常肥美，成個口腔都充斥住魚油嘅香味！.火炙蟹棒：蟹棒好長好大條，而且唔係坊間街市個啲急凍充斥住嘅蟹棒，融雪融得好好，而且都有少少嘅蟹味。.溏心蛋：半流心狀態，一啖流心蛋黃，再配一啖飯，充斥住蛋香嘅味道！.另外，仲嗌左三文魚腩刺身，除左厚切之外，師傅亦都專登切幾刀，將三文魚嘅鮮味同魚油味慢慢散發出黎，放落口啖啖嘅魚油味都佈滿左成個口腔，好滿足呀！

放工想出大埔覓食，嗌左個蒲燒鰻魚帆立貝盛（$128），鰻魚份量非常多！而且每舊都係厚切，而鰻魚汁更加突出到鰻魚嘅鮮味！另外仲有一粒原隻帆立貝！size亦好大粒！一啖食落去成件事真係好滿足！而且個侍應亦都好貼心，佢提我地可以用飯素撈埋一齊食！我就落左好多飯素，少少鹹味放入口食真係一流！另外，同友人仲嗌左3片三文魚腩（$48）+6條甜蝦（$58）。三文魚實在太肥美太好食，充滿左油脂，完全唔記得影相添呀但極力推介向位朋友食！因為厚切得黎，三文魚嘅肥美真係世界級而甜蝦嘅size 亦都出奇地大條，佢唔同出名餐廳啲甜蝦幼身，起碼有食指咁大條！而且食落去除左有蝦嘅鮮甜味，蝦頭亦未有少量膏，食落去介要係解甜架！總括然而，假期嘅夜晚呢間餐廳都比較多人，所以揀左閒日黎食，中意食刺身/丼嘅朋友，一定要黎呢間呀！

加左人工獎勵下自己 食啲好野啦🥰地點唔算難揾 但係佢既門口有啲令人不知所措😂😂唔肯定入唔入得 鋪位窄身 有日式小店既感覺 最後我哋選擇咗坐吧枱四重火焰盛- 見到OpenRice個個都推介 咁我哋都嗌黎試吓啦 坐吧枱嘅好處就係可以聞到火炙魚生嘅油香 令人垂涎欲滴🤤 讚一讚佢既賣相先 推到好似一座小山咁好震撼 有三隻勁厚帆立貝 三片超厚三文魚同蟹柳🤗 食晒啲飯都未食晒啲料 好開心🎉蒲燒鰻魚飯帆立貝盛- 比較普通 鰻魚冇燒嘅香味 似係就咁加熱再鋪上飯上 相較之下 我都係比較鍾意火焰🔥盛

係大埔附近返工成日lunch time想食都超多人排隊lunch set好抵食！好多小菜仲包汽水仲可以自己加紫菜飯素！今次男朋友接放工 勁肚餓就衝下試下運氣點知唔洗排隊！！我諗晚市係易有位啲嘅我哋一人叫咗一個丼飯北海道五品盛同埋火焰左口魚同三文魚兩個人賣單300幾蚊個人認為新界大西北嚟講算係幾好啦～魚生都算係好新鮮👍🏻🤓蝦好生 海膽唔會腥同埋靜靜地 坐得幾舒服如果飲酒嘅朋友都可以飲下清酒突然間好想食日本嘢就可以嚟食最重要係近！！

我之前去一鳴只試過拉麵個邊，覺得好好食，我見OpenRice 刺身呢邊都好多好評，又好耐無食刺身，今次同朋友又試吓啦。點知一試就真係好後悔了。首先啲刺身唔新鮮，甜蝦一啲都唔甜，啲肉梅梅地，我仲叫兩份最後剩咗一份無食。然後珍寶凡立貝，一啲都唔珍寶，仲要唔凍唔清甜，佢片檸檬都提升唔到個鮮味。海膽仲慘，苦嘅，一啲都唔新鮮，第一次食海膽想吐返出嚟，本身仲想試個海膽丼，好彩無叫。佢哋嘅熟食反而保持到水準，我同朋友都食唔曬啲刺身，雖然好貴，但真係梗唔落。埋單每人400幾，我寧願食放題好過。

同男友一齊幫襯過好多次隔離一鳴拉麵，一間大埔隱世日式小店。趁1000日拍拖紀念日👫舊地重遊決定黎試埋姊妹店，呢間就主打日本新鮮丼飯🍱同刺身🦑壽司🍣裝潢門面撲面而來滿滿日本風味，日式木趟門，加上門口兩塊藍色布簾，感覺彷彿置身日本居酒屋🇯🇵🏮🥚櫻花蝦玉子燒玉子燒每間日本店舖嘅做法各有唔同。佢哋嘅玉子燒偏甜，玉子入面有加入糖，本身睇落以為只有玉子燒上面會加上櫻花蝦但其實每層蛋入面亦都加入左滿滿嘅櫻花蝦去增加口感。一刀切落去已經見到好多櫻花蝦，食落蛋香濃郁，有少少甜味加上櫻花蝦嘅獨特香味整體配合得十分好👍🏼👍🏼🍱四重火焰盛 $138 米飯用左日本珍珠米，上面鋪滿火炙三文魚左口魚裙邊帶子同埋蟹柳，中間仲有一隻略略燒過嘅蛋黃令到蛋黃唔會過份流質。刺身炙燒嘅熟度恰到好處，令到每樣油脂豐富嘅魚類可以釋出油分提升香味，食材選擇夠新鮮，只有仿蟹柳係比較冇咁顯眼嘅食材。但份量就就略為少啲，如果係女性朋友去食就應該啱啱好🤓🦐北海五品盛 $178 呢個丼飯係一個刺身丼，材料主要包括帶子三文魚海膽一條海蝦同埋幾粒三文魚子醬油漬，新鮮程度亦都係幾好，食到食材嘅鮮味。但係份量我就覺得都係略為少咗啲，冇頭先嗰份火炙丼性

餐廳環境跟一般日本居酒屋差不多🇯🇵裝修以木系色調為主，牆上更擺滿各種日本酒 🍷✨店舖雖然不大，但座得也舒服💯餐廳主打八款海鮮丼飯，碗碗足料爆餡，今次試了🦀究極甲羅盛甲羅盛選用松葉蟹，丼飯更放上原隻蟹蓋、蟹腳及蟹鉗🦀🤩而蓋內亦塞滿蟹膏、蟹籽和鵪鶉蛋，足料爆餡，十分IGable📸✨個人喜歡先將蟹膏、蟹籽和鵪鶉蛋拌勻，再送飯一起吃，鮮味十足，入口一點也不膩😍不過個人認為蟹腳及蟹鉗肉質較硬，如果嫩滑一點就好啦😉🍣鮭火山丼飯上的三文魚、三文魚子、拖羅溶多到滿瀉，好足料🤤三文魚油脂分布均勻、三文魚子鹹淡適中、拖羅溶質感細膩，滿口都充斥著刺身鮮甜味😋

話說果日晏晝食完一鳴拉麵，陰差陽錯夜晚食埋佢隔離嘅一鳴丼食堂🤣🔆究極甲羅盛$𝟙𝟡𝟠全蟹盛🦀有蟹腳、蟹鉗、蟹籽仲有蟹膏🤩其實係細細隻碗上要撈咁多野真係超有難度🤣呢個丼外表真係好吸引，但佢嘅蟹肉食落唔係幾新鮮無乜味，蟹膏撈飯就好鮮甜🙌🏼🔆四重火焰盛$𝟙𝟛𝟠原本以為係流心蛋，但個蛋黃其實係實心的，所以都係幾難撈😂配料有三文魚、蟹棒、左口魚裙邊同帶子，全部都火炙過，質素不算特別好但都唔錯的，好過蟹肉🔆汁燒厚切牛舌$𝟝𝟞燒得幾香，配上(我諗係?蘿蔔蓉好夾，但一串都幾貴呢🤣🔆燒河豚乾$𝟜𝟞好鍾意食魚乾😋食落似魷魚味，質感會較硬🔆唐揚雞軟骨$𝟛𝟠上枱果陣熱辣辣，數量都幾多，同朋友一路傾計一路食都幾襟食🔆蒜蓉牛油炒什菌$𝟜𝟚食串燒真係次次都要食呢d🤣有幾種菇類🤤又香又重蒜好欣賞佢提供飯素比客人撈落個丼飯，唔會食到底就得白飯好寡👍🏼整體食物質素係有好有唔好啦🤣

Weekend下書約咗個朋友，而個riend話想食日本野，係咱以喺網上到search，就俾我搵到呢一間日本餐廳...老實講呢間野有啲難搵，但係啲巷仔入邊，我哋根據google map都要一段時間先搵到不過我真係覺得係值得既👍🏻👍🏻👍🏻一入到去間餐廳，真係好似覺得自己去吃日本啦！所以話每每橫街窄巷都會有一二想不到既驚喜增加上新界呢啲地方，呢類餐廳真係買少見少！鍾意日本喊朋友，尤其喜愛居酒屋文化既人，一定鍾意呢間餐廳🤩🤩🤩由於當呢餐係下午茶，我哋只係叫咗好少嘢，當攝下牙罅當中最出人意表既就係我叫既鰻魚飯 😚😚然係要等一段比較長既時間，但係都值得！間餐廳即叫即整，有得輸呀！我哋食飽飽，好快就走左！因為地出邊都好多人排隊等緊位！點知之後check返單，發現佢收多咗錢，個飛魚子軍艦明明menu係$ 28而張receipt收咗$ 36合不過算啦，間餐廳overall都幾好，當係貼士好比佢哋啦。

大埔「食街」多美食人所皆知，今次幫襯嘅鋪頭叫做 「一鳴丼食堂」。壽司🍣，刺身🦑，丼飯🍱，小食🦪，玉子燒🧈，串燒🍢……都可以係MENU到搵到。餐牌設計精美，日本風得黎又可以將選擇好好咁present比食客，簡而精！👍以門面黎講，其實都幾日式，進入餐廳更加要經過2塊藍色嘅布簾😝 如果你想了解下餐廳有咩選擇，都可以選擇睇睇門口痴得好穩陣嘅餐牌，睇好先入去幫襯！因為我想試下佢個丼飯，所以就叫咗個「鮭火山」。 材料主要包括三文魚，三文魚籽同拖羅蓉，岩晒我呢個🐟控☺️除左配上主要材料之外，丼飯更配以青瓜同玉子，令到成個丼飯層次分明，一次過滿足幾個願望😎三文魚：每粒都無肥肉，淡淡肉三文魚籽：數量極多，目測有40粒以上拖羅蓉：吞拿魚味濃青瓜：爽口玉子：食得出係用高質雞蛋整出黎日本米：好大碗😂好彩餸菜都夠另外，我仲叫咗個是日廚師推介 -「火炙三文魚脂壽司」雖然佢賣相唔出色，但係食落就幾出色……一咬落去果種肥肥嘅三文魚味係口到爆出黎，超邪惡啊😈... 平時係其他鋪頭，未必有機會試到呢個菜式，確實係1個新嘗試👍 未食過嘅，一定要去試下喇🤩除左食飯質素有保證外，想提一提就係店員服務態度都好好，佢地有時行過會問你

上次其實有幫襯過喱間食堂隔離嘅一鳴拉麵🍜原來喱度都係一鳴 🎏😮 但係主打係日本新鮮丼飯同刺身壽司🍣入邊嘅裝修風格都係好日本style今次我地平日日子book左7pm 去到都未有好多人流入面仲有好多位去到差唔多730-8pm就全場full哂了Walk-in 嘅人都可能要等一陣可想而知喱度嘅丼飯刺身做得幾出色👍🏻我地一坐低就有熱茶飲🍵而店員仲好主動加水 態度好好 好細心💯Menu主打丼飯同刺身丼飯嘅手繪插畫圖🎨🍚好日系風好靚😍刺身餐牌都有詳細列明有邊啲刺身同份量今次想介紹推介嘅係<刺身6️⃣點盛>🎉顧名思義，有六款刺身🎊有1️⃣三文魚（3切）、2️⃣間八-章紅魚（3 切）、3️⃣油甘魚（3切）、4️⃣活赤貝（1貫）、5️⃣海膽（1貫）、6️⃣甜蝦（4匹）送上黎見到好大份‼️♨️ 匙羹已有一大舊芥末（需要時用）1️⃣三文魚作為三文魚控首先要講佢地嘅三文魚勁厚切又新鮮口感爽滑 唔洗點豉油都好入味！2️⃣ 間八-章紅魚3️⃣ 油甘魚肉質結實 魚肉又油脂多👍🏻肥美4️⃣ 活赤貝5️⃣海膽又大舊好滑 😱食海膽會怕苦但喱個鮮甜又一啲苦都冇啊仲入口即化 甘鮮無比👍🏻‼️6️⃣ 甜蝦有4條🦐🦐🦐🦐勁鮮甜總結件件刺身都厚切新鮮 滑嫩爽口回味無窮 會

大埔火車站附近啲小巷有好多好嘢食，今次就嚟食咗一間日式野一鳴丼食堂。無論係個門面設計定係內裏裝修都非常日式，鋪面唔大，位置都唔多，但係幾溫馨，有啲深夜食堂嘅感覺。佢店入邊仲有啲手寫牌仔既時令推介，感覺幾特別。餐牌睇落主打係丼飯，亦都有刺身串燒同壽司。熟食嘅牛肉，豚肉，生食嘅刺身，都有幾多選擇。我哋叫咗一個炙燒牛肉飯（$138）同三文魚火山（$118）。一上碟個size比我想像中細，但食落其實都好足料，牛肉多，亦都好嫩，上面仲有隻流心蛋。基本上可以每一啖都有肉，非常滿足。三文魚火山嘅拖羅蓉堆得好高，刺身份量唔係特別多，但係食得出配料幾新鮮。另外仲叫咗個油甘魚壽司（$35）。呢個油脂分布好均勻，塊刺身亦都切得好厚，個人幾鍾意食呢一碟。飲品方面叫咗一杯白桃一千零一夜（$32）。大概係有少少酒精嘅白桃加薄荷葉梳打。野飲相當大杯，唔太甜但係好清新，無論配甘味重嘅魚生飯定係惹味嘅牛肉飯都非常開胃。總括來講我覺得呢度嘅環境，野食，水準都唔錯。夜晚約兩三個嚟食飯飲嘢傾偈係一個好唔錯嘅選擇。

最鍾意食日本嘢，上次食過呢間一鳴丼食堂覺得唔錯，今日又嚟encore四重火焰盛　$138有三文魚、帶子、左口魚同蟹棒，足料又新鮮火灸咗嘅本身三文魚同左口魚魚油味滲哂出嚟，油脂侵佔成個口腔！尤其係個左口魚，直頭入口即融，非常出色！帶子好鮮好彈牙，蟹棒都啖啖肉，唔錯～隻溏心蛋黃絕對係為呢個丼錦上添花！口感軟綿綿，蛋黃味濃郁，令成個丼無論外貌定味道都更上一層樓。壽司六點盛　$138有三文魚、章紅魚、油甘魚、墨魚、海膽、甜蝦同卷物，一個人淨係食呢個ｓｅｔ都會夠飽。三文魚好長好吸睛其中最最最正嘅梗係海膽，好大pat！味道又鮮又濃！另外卷物入面嘅漬黄蘿蔔好脆口，食落索索聲大埔區能夠擁有咁高質素嘅日本菜真係唔多，喺疫情下好適合大埔人一解「鄉愁」！