一鳴拉麵

营业中

休息中

呢一間拉麵店，應該大部分大埔人都知，而身為大埔人，約幫襯過十次左右。初初幫襯時，莞茜湯底味道較而家重，而家亦無左佢做得最好既章魚燒。有點兒可惜，可能轉左人手，但拉麵既味道都係中上。每次都會叫黑蒜油豬骨拉麵，唔鹹，拉麵都有硬軟度你揀，好食炸雞，普通味道，無乜驚喜。價位方面，算係中上，唔算好好好食，平時都要等一兩張枱，但係唔會令人失望。右邊佢開左間同名，專做壽司等等日本料理，有機會會去試下，再為呢間一鳴拉麵寫寫食評

一嗚拉麵上次食芫茜湯底今次食黑蒜湯底芫茜愛號者一試會愛上今次黑蒜都無失望啊拉麵🍜係好味既個湯底好正而且有兩種拉麵可以選擇仲可以選擇加其他配菜至於小食方面就有點失望叫左麻醬秋葵個醬好味😋仲有串燒牛舌$56串略貴而且味道真係好一般燒翠肉瓜都麻麻下次都係主打拉麵仲叫左杯菠蘿🍍芒果🥭飮品好飲啊🥰服務員面黑黑的應覺好差營業時間去到23:00-23:30👍🏻

性價比差，不會再試************** *豬骨湯拉面- 湯底唔夠清，太膠，飲咗幾啖，太膩...... 面底 唔系自家制，貨源質素麻麻，食得到 ‘揀’水味.....雖然唔系好重，但以$70以上拉面，唔應該有既質素.其他小吃，未有驚喜.....只是一般.串燒雞心，南瓜秋葵沙拉，燒豬骨唯獨不滿： 燒豬骨$42 只有一舊😵😵雖然價錢唔算太貴，但質素真麻麻。環境： 小店位置不多，普通小店服務： 都算可以，反應都幾快

在我中學時代已經常常在午飯時間光顧，時到今天，拉麵質素仍保持水準！$100不到便吃到日本拉麵餐廳的質素。這次選擇了太麵，黑蒜油湯底。麵質爽口，湯底不會太咸。坐在bar枱位置，看著師傅把拉麵煮熟後立即過冷河，令拉麵保持爽口質感。唯一美中不足的，是拉麵中的糖心蛋過熟，只剩下一半蛋黃流心，對於我這個蛋控來說仍有進步空間。飲品方面點了青葡萄梳打，味道偏甜，大概也是加了果汁味糖水。當然也沒有甚麼期望，只為了在炎下消暑解渴。整體而言，這間餐廳的拉麵十分出色，比香港的一蘭更好吃！

呢間拉麵店已經食咗好多年，一直都幫襯開。拉麵湯底夠濃味，第一次食已經好impress到我，平時鐘意食拉麵嘅可以試下呢間特色小店，唔洗次次都幫襯大集團/連鎖式拉麵店。以前係大學站溫完書8-9點肚餓都會搭落嚟大埔搵野食，夜咗呢間拉麵店都唔少人，證明佢係有返咁上下水準。鐘意食辣嘅我好多時都會叫辛辣湯底拉麵，好夠味、完全滿足到我辣欲！個麵完全唔hea，有紫菜、高質流心蛋同大量櫻花蝦。平時呢d拉麵配料要每樣加錢加配，但呢度一次過唔洗加就可以試晒！除咗拉麵之外，我都會叫返d日式小食過下口癮。今日嚟到發現以前好鐘意食嘅巨大章魚燒已經無再賣，好傷心💔。希望遲d可以試返！ 睇睇menu，仲有好多炸物都好吸引。 我今次叫咗個日式炸雞，味道唔錯，脆卜卜嘅炸雞配上lemon juice，又香口又fresh。

有時專登入嚟大埔係專登走去食一鳴拉麵超級重口味之選，就係「香菜鳴拉麵」，每次嚟到都係必點之選! 不過冇諗過食食下原來Openrice大埔區嘅頭三位，一鳴竟然入選， 即係夠哂實力之餘亦都好受歡迎啦。 我其實都試過曬佢嘅四種口味拉麵，如果無食得咁重口味可以試下佢黑蒜鳴湯底，味道都幾濃味，黑蒜味亦都比較突出，而拉麵係軟硬度適中。 講返主角香菜鳴拉麵，其實以前係特別限定時間先有得食，而家就變咗主力拉麵其中一種，可能都賣得啦。第一次見到佢其實就好奇怪，因為佢成碗拉麵都係綠色，亦都好重香菜既味道，唔受得既人會好厭惡，但係受得嘅人係會覺得佢係非常之香。出面坊間亦都唔容易搵到主打香菜味拉麵嘅拉麵。 拉麵都可以揀辣或者唔辣，分三個辣度，亦都可以揀豬軟骨或者叉燒。 坦白說，每次嚟食一鳴拉麵其實最吸引到我嘅就係佢嘅湯底。●綜合評分: 1. 湯底: ★★★★★ 2.食材: ★★★★☆ 3. 環境: ★★★★☆ 4. 價錢: ★★★★☆

又拉麵 ?! 不過，自從轉了新工之後，我真係好耐冇食拉麵啦。而這一次來到大埔墟，買好東西後同太太相議好各自各食之後，我便周圍看看大埔墟有什麼新既飲食地方我係未接觸過既。在大明四里內沒什麼心水，就行過去近山邊的一段似是大明里 extension 的巷仔，找來一間門面有日式風格的拉麵店一試。該店名叫《一鳴》。入來前，我並不知道這間拉麵好不好食，有沒有水準。而吸引我入來的因素，就是此店有很濃厚的日本風。坐在麵包檯，欣賞著麵師傅煮麵，是食拉麵的一個小樂趣。因為來時仍未食早餐，我的肚子絕對是十分餓。所以，吃拉麵的同時，我又叫份餃子令自己開心多一下。日式餃子，向來都是皮薄，豬肉餡夠鮮味是會令食用者開心的，而皮脆也是一個令我食得很開心的其中一個指數。今餐的主角是拉麵，我回了他們的黑蒜鳴。明顯地，就是黑蒜酒豚骨湯底拉麵。黑蒜油，直接令到宧湯十分之香，豚骨的湯或濃郁得黎易入口，叉燒香口肥美，荀亦嫩而香甜，而蛋也是味道美妙，單是流心蛋黃已經是香口至極。是全蛋麵麵條，入口煙韌，慢慢地咀嚼時，掛著湯汁，加上自身有麵條香同蛋香，幾樣味道混在一起吃入口，味蕾感受到豐富，我亦得到了滿足。麵同配菜都令我感滿足既全要原

一早聽講大埔有間好出名既拉麵店，仲聽講廚師係日本人，今次可能星期六所以大概等咗四張臺，都要差唔多二十分鐘，入去冇卡位，只好坐連住的單人座位。第一碗係香菜鳴拉麵，第一次食綠色湯底的拉麵，十分特別，感覺上都比較健康，唐辛醬的辣度可以選擇，我選咗2個辣椒，唔太辣，下次可以試下三個辣椒，配料選咗豬軟骨，唔太滿意係豬軟骨啲肉好乾好難咬，但成個湯底既味道都好唔錯。第二碗係焰鳴拉麵，同樣係豬軟骨湯底，辣度都唔係好辣，不過可能係因為我呢碗冇揀到辛辣醬，都唔錯。

今晚突然想食拉麵🍜, 所以同男朋友去左食一鳴, 去到7點幾已經坐滿左人, 出面亦有幾個人等緊。店出面有凍嘅茶可以倒嚟飲, 超夠凍可以係等候其間解暑🥵 等左一陣就有得入去,日式居酒屋嘅佈置,柔和嘅燈光,加埋播住日文歌,就好似置身係日本嘅橫街小店咁☺️兩個人叫左一個黑蒜豬骨湯拉麵 一個芫荽豬骨湯拉麵 一個黑醋南瓜秋葵沙律🥗 一份燒雞皮 一串燒日本紫薯仔🍠同一杯荔枝熱情果特飲🍹 黑蒜豬骨湯拉麵🍜 黑蒜味道夠唔會太濃, 成個湯都唔太油👍🏻芫荽豬骨湯拉麵🍜食到芫荽嘅味, 同時都食到豬骨湯嘅味, 但芫荽味無搶到豬骨湯嘅味, 唔會妹仔大過主人婆😋, 湯底杰身夠濃, 麵質揀左正常硬度岩岩好, 豬軟骨味道夠, 溏心蛋亦好味😋😋☺️☺️ 黑醋南瓜秋葵沙律🥗黑醋味還好但洋蔥味有點多, 秋葵同南瓜都係適當硬度, 有口感唔會太過軟~燒雞皮同紫薯仔🍠燒雞皮外脆內軟, 油分岩岩好, 好香口, 非常好食, 必點之選👍🏻👍🏻👍🏻紫薯仔外面有一層蜜糖去燒, 更香甜可口, 兩樣都係即燒, 熱辣辣好好味😋😋荔枝熱情果飲品🍹

琴晚突然好想食拉麵，咁岩又響大埔，就諗起之前食過間好好味引抵食既拉麵店。無錯，就係一鳴喇今日去食果陣已經超肚餓，本身已經打算要叫多ｄ野食。所以今次叫左一個拉麵加一個炸物小食。一直以黎都係辣野既愛好者，所以就算係食唔同地方唔同鋪頭既拉麵，都一定係叫辣味拉麵。入黎坐低即刻有人招呼我，比左一大樽檸檬水同埋餐牌我。入面拉麵可以有好多不同配搭，唔同硬度配料。除左叫左個辣拉麵仲叫左個炸軟殼蟹，食落真係冇後悔叫左佢。落完單就禁住手機慢慢等，望下周圍發現間鋪原來都幾似之前去日本居酒屋ｆｅｅｌ，感覺幾有特色。睇落周圍都好乾淨同衛生，同其他拉麵店唔同，試過有大型連鎖拉麵店成地肉都冇人清理。等左大約５—１０分鐘左右個拉麵就到左，雖然辣度唔係好夠（但食落唔係淡，而係用辣引到個湯底香味出黎），食落都有另一種風味。而且軟硬度岩岩好，好易入口。再過多１０分鐘隻軟殼蟹終於都黎埋，隻炸蟹味好鮮同埋好ｊｕｉｃｙ，再配埋檸檬汁完全將個蟹香味帶上另一個高峰。而且係即叫即炸，炸物真係要夠熱先好食。但如果可以早ｄ黎就更加好。經過大埔可以去試下依間拉麵鋪。

整間新店都漫延著木香味-清新環境令人舒適眼見所有木製品都淡淡的木色也令人賞心悅目 今天與好姊妹來進食午餐 二人世界撐枱腳在煩囂的都市中來到這裡像是走進了世外桃源一般令人舒坦地又相交了很多心底話 一杯杯冰水為我們添上 服務又是不錯 雖然有點包場的感覺令我有點不好意思 哈哈😄點餐與好姊妹分別都點了黑蒜味湯頭另外配料有叉燒和豬軟骨可選擇我們各點了一款交換淺嘗湯頭算是不錯 常吃日本拉麵也愛喝乾它的湯頭 這家不算太咸 麵條我也選擇了較幼身的那款糖心蛋也是令人驚喜的 因為都與友人覺得另加有點貴 忘了拉麵上也有半隻可以淺嚐 的確 沒有懷疑 是很好吃的其實顧客可以選擇的湯頭 麵條 配料 套餐都算不錯 會反叮😊❤️

黑蒜 。鳴 （#豬骨濃湯 配自家製黑蒜油）4⭐️$58 超抵食，平時普通拉麵閒閒地都80-100蚊一碗，仲有可能食到假日本拉麵，但係依間小店50幾蚊就有一碗，仲要味道不錯👍🏻比價性好高🤤芝士明太子醬玉子燒 3.5⭐️ $68好味🤤不過相比拉麵就貴少少，要留意返個明太子醬係蛋上面，唔係夾心哦總括黎講價錢合理，食物質素高上，性價比高，可以再encore！下次可以試下晚餐menu💬一鳴拉麵大埔運頭街20-26號廣安大廈地下E舖

聽朋友講大埔墟有一間幾特式嘅日本餐廳小店，今日放工之後，見有時間，專登過嚟試吓。店舖嘅位置係一條小巷裏面，雖然比較隱蔽，但係配合埋門面及餐廳內嘅裝潢，令人覺得更有日本居酒屋特式。餐廳牆壁貼滿日本風海報，室內播放著日本動漫歌曲🎶，令人感覺非常輕鬆。☺️餐紙上嘅選擇非常多，很多款式都很吸引，有串燒、拉麵、玉子燒、炸物、沙律🥗等。今次我就點左 「黑蒜。鳴」、墨魚咀串燒及冬菇串燒。黑蒜。鳴豬骨濃湯黑蒜油拉麵🍜麵條：直麵麵質：普通細蔥：多配料：叉燒唐辛醬：🌶拉麵一上枱，就聞到黑蒜油及細蔥嘅香味，賣相及顏色非常吸引，呷一口湯，感覺到豬骨嘅濃香，麵條爽口彈牙、滑捋捋，叉燒厚薄適中、份量剛好，配料仲有流心蛋🥚、黑木耳及紫菜，流心蛋嘅熟度剛剛好，蛋白彈牙、蛋黃於口腔內慢慢溶化，非常滋味，黑木耳爽口，紫菜香脆，食完好滿足！墨魚咀串燒及冬菇串燒🍢墨魚咀用左醬油同味粉調味，食落口感爽脆，甜甜鹹鹹的，非常惹味。冬菇滿佈牛油香味，食落唔會好乾，味道香濃。整體而言，食物味道唔錯，餐廳裝潢有特式，平日晚飯時段，愈夜愈多人幫襯，很受歡迎。決定下次約多幾個朋友放工嚟呢到體驗下，一邊飲酒🍻、一邊食串燒🍢、一邊傾下計🗣，回憶下

放假去大埔chill下lunch time周圍覓食路經條巷仔見到有間拉麵又好平就試下加20蚊就有嘢飲同成份炸雞真係好正waitress好似好細仲好有禮貌仲要係個拉麵同個雞都係好食嘅下次去大埔會再去

大埔嘅食店有好多，今次我哋去左一條大埔嘅小巷子，呢度有幾間食店，好隱蔽。我哋揀咗依間拉麵店食😊之前嘅午餐我哋食到好飽，所以我哋兩個一齊叫咗一碗拉麵，同埋一個小食，作為今晚嘅晚餐。呢度有個推廣話share嘅話有小食送，不過我哋都係冇做到，哈哈餐牌或者點拉麵嘅order紙設計得好有日本風味，好靚😊店內嘅餐具、木桌椅都好有居酒屋風味小丸子食落去嘅感覺係即叫即做，皮香脆，裏面粒章魚好大粒好彈口啊。我好鍾意啲醬汁，唔記得咗叫店員要多醬添，哈哈😊佢嘅湯底真係好好飲，充滿着豬骨髓嘅味道。糖心蛋好入味。料方面，因為我怕日本叉燒肥，所以今次叫左豬軟骨。肉好林好入味，軟骨部分我都全部食晒。拉麵都好好味，一啖湯一啖麵食入口非常之夾。紙總結而言，值得下次來再試其他味嘅拉麵😊