三井日韓料理 (已結業)

好耐冇食放題，係Open Rice見到呢間，好評幾多，所以就去試下。入到間鋪，鋪面整潔，坐位不窄，不錯食放題點少得刺身刺身樣樣都好新鮮，D貝D螺超爽口，甜蝦仲連頭，Also，D虎蝦仲連泰式汁添。炸物即叫即炸，熱辣辣，正D蠔雖然炸過，但仍然多汁，非常好D雞軟骨好特別，有陣麥X雞味到D芝士鐵板，芝士好多，好漏極力推薦黃金燒蠔，小小芝士味，香濃蠔鮮味，勁正，+10000麵類，冷烏冬不錯，韓式冷麵有D辣甜品，我選了牛奶樂，無咩好評論。整體來說，呢間嘢唔錯

老老實實本來我從來唔在意人地寫嘅食評自己都從來唔寫食評約朋友出黎食飯開開心心咁傾計都好難品嘗到眼前嘅美食但呢間真係係我食過咁多間放題之中最差個間，要我特登指名去鬧本來朋友考完MOCK早放想同朋友約出黎壕食一餐打算去樓上間八幡屋去食日式放題但個店員話已經唔好意思已經full曬叫我地可以落樓下間分店食原本諗住反正都係同一間冇乜分別就入左去開餐先食魚生，乾澀淡而無味後食熟食，得鹽燒嘅咸味但冇原本食材嘅味道其他食物都冇乜特色，中意嘅話歡迎大家嘗試好明顯係因為食材唔新鮮先會係咁最重要係個芝士焗蠔根本完全焗唔熟仲要腥到不得了裏面仲有細沙石，咬到牙都吐返啲污髒野出黎我就一開始以為係我唔啱食壕就繼續吞落去我朋友就直頭臭腥到嘔返出黎我吞完落去就開始感覺到腐爛左嘅味道依家已經活在廁所中，希望唔好腸胃炎搞到我星期一冇去做MOCK......另外上菜餐係快，係因為間野本身少人做得少單先可以咁快上到菜如果多人？以咁嘅質素仲會做得比依家好？以其他同位價嘅放題，真係差九條街咁遠就算係專做燒肉嘅放題提供嘅刺身都好過你地再加上衛生問題，就算免費我都唔想搵命搏永久Block list 呢兩間餐廳可能呢篇野隨時比人刪，我就

My oyster-fan friend brought me there for having oyster buffet!!The price was cheap, only $268, we could order oysters as many as we want!!!There were two types of oyster for choosing.One kind  for BBQ and one kind for sashimi.That one was came from France, 3 of us ordered 9 oysters in one time.The Oysters were very fresh and freshly open when we ordered! The taste was quite sweet.This one from Australia was for BBQ.The size was bigger.We could BBQ them by ourselves.There were few sauces for us

臨近年歲晚相約朋友舉辦忘了年慶祝一番這裡放題比較特別有生蠔任點任食先來刺身拼盤三文魚赤蝦等都十分新鮮無雪味虎蝦附上泰式甜酸醬可見店主細心冰墊生蠔海水味濃郁蠔身已淋上特制醬油不需再自行調味升級後有加點芝士肉醬薯角肉醬和芝士攪拌後佐薯角食用超級美味牛肉鍋有驚喜風味甘甜有高級料理店水準升級壽司之中以黑松露和牛壽司最矚目和牛燒至半熟油脂豐腴一啖一口奢華美味燒佐口魚邊是我的ALL TIME FAV魚油香極濃郁有入口即化之感其他熱食有大路的天婦羅炸物水準也不錯尢以香蒜雞翼最出色蒜味突出之餘還能保持肉汁雞年將至但願大家都能忘記舊年迎接新的開始

話咁快又就嚟過年，辦年貨最集中真係要出旺角，人多車多買嘢買到好鬼攰，最近喺附近搵間坐得舒服嘅停下來休息一下就係商場裏邊，見到Menu有好多野揀，價錢又經濟，一於食呢個。一開始前菜食個沙律開下胃先，味道好清新。留心溫泉蛋真係正第一round當然唔少得刺身啊! 肚餓嘅關係有理冇理係咁食，好快就俾我哋清哂，質素都唔錯。升級版仲可以食埋松葉蟹腳想暖下肚就一於食個白汁藍青口。仲有我最愛嘅海膽壽司，呢個價錢冇得挑剔。其他韓式都唔錯呀！最後食啲串燒再enjoy埋個甜品

之前同朋友黎過三井食放題，覺得環境唔錯，食物質素幾好，上菜時間快，所以男朋友放工後近近地再黎食過痛快！黎食放題第一件事當要食刺身開下胃🙈，2人刺身船擺放精美，有頭甜蝦夠哂大隻鮮甜，三文魚同劍魚腩等刺身都夠新鮮肥美比錢升級可以食埋拖羅壽司，珍寶帶子同我至愛既松葉蟹腳等較名貴既食物，蟹腳大大隻，好足料，即拆即食，D肉唔會好淋啖啖肉，口感一流！壽司方面都有好多特別既選擇，好似橙之花，紅之花同白之花，原來係三文魚，吞拿魚，同鯛魚做既花之戀，細細舊，唔怕飽！海膽軍艦好鮮甜，滿滿既海膽，正雞泡魚乾都係升級左之後有既食物！作為伴飲小菜一流！櫻花奶凍- 香濃既奶味帶點清新既櫻花味好特別，唔錯！

兆萬中心，向來是放題界的集中地，一棟樓就已經有成5間以上的放題店今次就搞搞新意思，不再是日本放題、燒肉放題，來個蠔放題先哥哥乃是蠔的發燒友，對於食蠔都是一大口一大口鯨吞剛好遇上三井日韓料理弄了個【蠔氣。蠔食】為主題的任食生蠔、自助燒蠔放題【蠔氣。蠔食】$268/位任食生蠔、燒蠔、前菜、蠔湯、蠔飯、雪糕除左燒蠔外，亦提供任食燒京蔥、燒蕃薯仔、燒蜆同時，想食好D既朋友也可以加錢叫扇貝、大蜆、虎蝦，不過每隻計算就放棄了!齋食蠔會有怕悶??!!不用怕，因為加$30就可以包埋刺身放題，算是在等燒蠔燒熟前，可以打發一下時間七點時分，避開了晚市的熱潮，清幽闊大的位置，享受一下旺角鬧市上的一點寧靜可能【蠔氣。蠔食】只限時九十分鐘，服務生都好識做地快手快腳地上前茶、蠔湯給我們甚至，第一ROUND連紙都不用落手寫，直接地問完後向廚房落ORDER前菜：螺肉、中華沙律、泡菜，同埋一小碗不知名、類似魚的小菜正正常常的前菜啦!!不會有雪味，輕輕的開一開胃蠔湯不會太咸，清清地的，有一小生蠔在內同時也擺放3款醬， 有茄汁、芝士、泰式醬，服務生也很貼心的提示不同的醬汁用在哪、幾時落咁虎蝦同個泰式醬簡直係絕配，有種泰國菜

今次第二次去三井，之前去過幾好，行過旺角唔知食咩好，就去返三井食放題，唔使諗。而且放題咩都有得食。對比起其他，三井的menu款式數量是中等，不會太多，太多又試唔哂，另外有D特別既菜色，出面無，可以試下。食放題次序肯定係刺身行先，當然刺身的味道間間都係咁上下，都係個幾間到攞貨，不過呢，最近要新鮮，呢間放題既刺身都keep得幾好，刺身夠新鮮，厚度都適中，排位都有花過心思，賣相幾好，鯛魚仲刻意擺到成朵玫瑰咁。其次點刺身最重要係足單，點個樣就黎齊個樣，唔使催唔使翻單，除左足單，醬料都足，蟹腳有另外比醬汁，幾周到。有D特色創作壽司，如橙之花，紅之花，白之花唔知咩黎，照落，黎到先知原來係三文魚，吞拿魚，同鯛魚整成，仲有海膽軍艦都幾鮮甜。然後，我地有叫升級，食左拖羅壽司，真係入口即溶啊。燒河豚唔係到到都有，叫左黎一路吹水一路飲住一路食，都幾ok。鍾意食軟殼蟹，所以都叫左個手卷食，都炸得幾脆。後來又叫左D燒物同天婦羅，好難得有炸金菇，卜卜脆好好食。燒青魚，個人至愛，不過細舊D，要叫多幾轉，燒蝦都幾好食，夠乾身，肉質都夠彈。仲有炸生豪，夠鬆，幾好食。最後食埋幾個甜品先走，滿足哂。2人埋單五百幾不得不提侍

放題食得多，以任食生蠔燒蠔作主打的放題都是第一次食。蠔氣蠔食放題每位$268，加$30可升級刺身放題，價錢合理。先來即開生蠔的環節。生蠔肥美，非常鮮甜，散發着淡淡的海水味，再加上少少檸檬汁一齊食，味道不錯。接着是燒烤的環節。店員將燒烤爐預熱，之後可以自行將蠔和蜆放在燒烤爐上，蠔燒熱大約三分鐘，而蜆燒到打開蓋就可以食。蠔經燒烤之後，更能帶出鮮甜味，蠔味濃郁。加上即燒即食，食的時候還熱辣辣，好味！我們還點了燒番薯仔及京蔥。燒番薯仔口感軟糯，帶甘甜味，一啖一粒，吃了不少！刺身的選擇不少，我們點了三文魚、吞拿魚、甜蝦、虎蝦、象拔蚌、鯛魚刺身。一般放題只提供甜蝦，三井有提供虎蝦，相當有驚喜。虎蝦刺身新鮮，肉質爽口，幾好味！

一心去兆萬行街買玩具差不多逛完3樓嘅轉角位見到三井見到唔使等位行到攰爆既我哋即刻入去坐低食weekend掛住行街其實連lunch都未食幾隻餓鬼一坐低即刻爆叫刺生我嘅重點推介當然就係象拔蚌刺身同埋珍寶赤蝦刺身兩者都係超爽甜又彈牙因為出咗糧梗係食好啲啦我哋已經加咗＄50 upgrade可以食埋松葉蟹蟹腳我超開心好有ocean 的鹹味這 $50 我覺得值得比upgrade 咗啲刺身正好多仲可以食埋燒河豚乾添仲有我最喜歡嘅樂天系列飲品芒果汁同忌廉溝鮮奶海膽軍艦更加係唔可以錯過啦唔係周圍都會咁大方唔使加錢就俾咁多海膽食到差唔多就叫啲料理暖下胃白汁煮藍青口係我媽媽最愛鰻魚壽司係我最愛一個人食晒四件都仲OK去日本最鍾意食燒物鹽燒虎蝦大大隻好鮮甜又彈牙加汁燒魷魚仔美味的焦香最有驚喜係韓式料理韓式芝士炸雞柳炸雞有少少辣而且皮脆肉多汁加上滿滿的芝士拉絲好幸福的味道啊由頭食到落尾仲可以叫埋靚靚甜品櫻花奶凍你食過未？我就第一次啦甜甜地有啲櫻花味好特別Cherry Blossoms 令我想起四月的名古屋之旅

兆萬多放題就係人都知，但唔係間間都掂，呢間三井喺3樓，始終選擇多，紅日黎客人都唔多，所以坐得好鬆動唔會逼逼狹狹。佢地除左有普通日韓放題，比較特別係有【蠔放題】~$268/位，任食生蠔、燒蠔，另有前菜、蠔湯、蠔飯、雪糕/一份。老實講，價錢唔平架，所以真係鐘意食蠔，而且食得落嘅朋友可以試呢個蠔餐，否則都係食普通放題~限時90分鐘~除左生蠔，4款食品任燒：燒蠔、燒京蔥、燒蕃薯仔、燒蜆。如果想食其他海鮮，要另外收費，例如：虎蝦、扇貝、大蜆每位加$30可以包埋刺身放題~如果食呢個蠔放題，都建議加埋呢30蚊，因為齋食蠔會有少少dry，搭埋刺身冇咁悶；而且好似我咁，唔食生蠔，但男朋友鐘意食，咪當陪下佢，我就食燒蠔同刺身~留意：生蠔每人每次限點3隻，食哂先點，基本上都冇漏單，唔洗擔心。刺身：職員好快送上前菜~螺肉同中華沙律都好食，唔會有雪感但泡菜同另外果碟唔太好食。另外有個蠔湯，我地都覺得太鹹！蠔飯蠔飯比較一般，蠔味入唔到底~之後好快上埋生蠔、燒蠔、3款醬汁 (茄汁/泰式醬/芝士)，另外都有細心地提番兩者分別~有冰底嘅係生蠔，(見有啲人話係法國蠔，有啲人話係澳洲蠔，我冇深究)，你就當係啲蠔吧嘅10蚊隻

身邊總會有兩三個好朋友喜歡吃蠔，但不是人人喜歡吃。若然你是生蠔鍾情者，一定要嚟試呢個生蠔放題啦，每位包前菜、蠔湯、蠔飯及雪糕（加30蚊仲可以升級享用多款刺身）。要注意嘅係呢個套餐唔包括其他放題嘅食物，可以令你專心食蠔啦，時間為90分鐘。前菜有螺肉，泡菜及酸青瓜等，味道正常。特別喜歡微酸的青瓜，爽脆且開胃！仲有多款爐端燒蠔的醬汁，分別有辣汁和忌廉汁。蠔湯，湯內有一粒好細的蠔肉，蠔味較重，只是暖暖的，熱一點會便好～～個湯有點咸，好似落咗鹽重手左，但又冇試味咁。服務員先遞上一打生蠔，生蠔望落都幾生鮮！生蠔不外乎加檸檬汁/茄汁，不過要額外免店員拿取，沾醬汁和連帶少許的海水一起入口，雖細細隻，但食落肉質也香軟，肥美新鮮，食落仲帶少少海鹽味。餐廳絕對用料新鮮，比預期之中更好～～回甘香味，很滿足！燒蜆，蜆肉肥美又鮮甜，經過爐端燒後，蜆殼上仍保留住蜆汁。蜆肉鮮嫰唔靭，鮮甜無沙，屬於新鮮既味道，不用加任何醬料都好好食，原汁原味！ 細細隻好似唔夠喉？唯有趕工燒多Ｄ啦。燒蠔，唔好燒到很乾先食，微縮水就代表就食得。我會燒大約5分鐘左右，再加上忌廉醬。蠔肉有點脹，唔會太乾，咬落去還有些蠔汁和忌廉汁！蠔肉雖然細細

呢間真係好差收費又唔清晰(入去前問左價錢, 同打電話黎GE唔同, 話因為節日所以收費唔同,但其實打電話黎問GE價已經係節日價, 所以唔明點解又會再有得加, BTW, 同佢講完打左黎訂位之後佢又話收返打電話黎GE價,乜食放題都有海鮮價?服務員都算係咁因為真係D野食上得太慢, 所以基本上每台的食客都係度嘈,雖然佢地比唔到野食出黎, 但都叫做有心去安撫食客的情緒~嘢食質素好差, 又好耐都唔到, 真係好誇張講緊可能叫完之後頭嗰45分鐘只係嚟咗兩樣小食就冇啦!限時嘅但係頭45分鐘都冇乜野食係咩GE做法!就嚟夠鐘嘅時候就啲嘢食都未到晒而且好多嘢都漏單~其他隔離枱啲食客都食得好唔開心~好怨聲四起~我地都冇乜點出聲~估唔到今次嘅小學聚會就咁比呢餐飯破壞左~仲有啲食物唔新鮮整得唔好~未尤其是啲蝦已經霉到一個點~~~~真係太差~~~~~~~~~45分鐘過後, 仲餓住咁O係呢個狀態~~!!!= =等太耐, 魚生到GE時間好餓但係見到個吞拿魚個樣真係.......蝦係霉的~唔係一隻, 我已經好好咁開晒~係每一隻~~~~~墨魚入面仲有一PAT PAT黑色的野~係臭的~叫左3隻3隻都有~~~~~~~~燶又硬. 唔

新一年當然要食蠔d喇，老公又好鐘意食生蠔，特意黎呢間三井食「蠔」放題，呢種放題都係第一次，聽左好多次一於去試下先，一行四人黎到兆萬，好快就坐低，服務員推介先食一打生蠔，上台賣相超靚，有光澤好新鮮，沾紅色醬汁一齊食好鮮甜，比預期之中更好味，其實我好怕滑溜溜既生蠔，但呢間餐廳絕對用料新鮮，食落仲帶少少海鹽味，呢個價錢真係好低食呀！值回票價生蠔新鮮有光澤，味道鮮甜，大大隻生蠔任食每位加$30，可以任食埋佢地刺身，一定要試下，全新用料新鮮，吞拿魚、三文魚新鮮無根，蝦刺身爽口鮮甜，絕對低食呢隻蠔係拎黎燒的，比生食的較大隻，一樣新鮮放上燒爐大約7-10分就差不多熟，將醬料放落蠔上一齊燒，有得玩又有得食呢個芝士醬超超超超好味，我自己都食左四隻，芝士醬內有煙肉粒，一齊燒黎食真係好正，雖然醬料有點蓋過蠔味，但濃濃既芝士味真係忍唔到口呢個係蒜蓉味，老公比較鐘意食呢個，味道唔到太濃，唔會蓋過蠔本身既味道，蒜蓉配搭更加感上添花，過爐燒仲慢慢滲出蒜香，好味上台仲未死咖，超新鮮鮮甜

聽聞近期有新推出的「蠔」放題，當然要去試下啦！原來有蠔食之餘，仲有刺身任食，梗係要拉幾個朋友一齊去食！點為之「蠔氣。蠔食」？原來就係任食生蠔、自助燒蠔，每人加30元仲可以食到唔同款的刺食。前菜螺肉。每粒彈牙，味道不錯！泡菜。泡菜味道酸酸甜甜，味道不太濃！酸青瓜。酸酸的，好爽脆，好開胃！即開生蠔店員一黎都係預備了每人四隻生蠔，不要見佢細細隻，但食落肉質也香軟，連帶少許的海水一起入口，回甘香味環繞口裡，都很滿足！千祈唔好燒到乾哂先食，見蠔肉有點脹起，縮左少少水就食得！*當然這款生蠔不能與酒店級的生蠔對比，但以這個價錢可以食到任何生蠔，絶對係食有所值！燒蠔店員一黎就預備了每人四隻生蠔，每隻睇落去都好肥美，好想就甘生食啊！我地自己逐隻蠔放落個爐度慢慢燒，唔使幾分鐘就可以慢慢享受每隻燒蠔，蠔味都頗濃，口感好滑溜，簡直係食完一隻又一食呀燒蜆又係一隻一隻蜆放在爐上慢慢燒，見佢一隻一隻好新鮮甘 “卜” 一聲開口，鮮味已好撲鼻，整個蜆肉肥美又鮮甜，係encore之選！蠔湯湯內有一粒蠔肉，熱辣辣，蠔味會濃少少，但我個人就覺得個湯有點咸，如果清少少會更好！蠔飯蠔飯上有菇、蔥花、仲有一粒蠔仔肉，我晚上少吃飯的