三多炸肶 (已結業)

大埔三多炸比就食得多啦， 元朗呢間新開分店就走去試下先， 新開真係新開比大埔環境好好多， 叫左個小辣炸雞髀同豉油皇炒腸粉，個炸雞髀真係炸得非常之好，外皮 加埋少少炸粉， 打得非常之香脆，不過入面D肉又唔會炸到好乾，重還有肉汁流出， 皮同肉一齊食簡直好食到不能形容， 個油皇炒腸粉， 腸粉唔係用滑滑腸粉， 腸粉比較硬身， 不過炒得非常之入味 好有口感食落去非常之好食， 搬咗嚟元朗都保持水準

知道元朗開左三多分店 表示開心！元朗比大埔更近我 之前係大埔食過炸脾 已經心心眼 一食難忘 今次見元朗開左分店 專登去試下🙆🏻 大埔價$26 元朗價$28兩邊既炸脾都係咁好食！😍😍 超薄炸粉 炸得金黃色 非常香脆 肉質吾乾夠滑 仲要係大大隻！一定要食😋熱烚烚 ！醬油炒腸粉 $35 好野味 幾正！😋 元朗三多新出左幾款特飲 🍹呢個叫「金牛」$32係忌廉加芒果雪糕 其實好普通啦😂 價錢相對上係好貴🙊

剛剛進駐到元朗的大埔美食名店 － 三多炸脾，在我的交友圈中近日已經不停POST出放毒相～～隻隻新鮮炸起的炸雞脾，真的讓人受不了。終於我受不了，來到又新街的三多炸脾，門口爆多人呢，而且店內還有蠻多人即場食炸脾。真係即點即食～Menu還蠻多選擇，均以炸野食居多，但我今次目標很明確，就是炸雞脾！！由點餐到拿到外賣，足足等左我30分鐘，因為我貪心多點了即叫即炒的豉油肉碎炒腸粉，搞到等左超耐。三多炸雞脾 － 由於太多人點炸雞脾，幾乎是即叫即炸。外皮是吉列脆皮，拿到家中享用差不多也過了15分鐘，但依舊超級酥脆。但辣度要慎選，因為我點了小辣，超級辣呀～～某些部位太多辣粉，差點辣到我食唔到下去，最好是點唔辣，自己再加辣粉。呢個豉油肉碎炒腸粉聞落去好香，而且腸粉每條都炒到上晒色，加埋爽脆的芽菜，口感同味道都唔錯。但成＄35一盒而且仲要等好耐，又至於是非食不可的，所以我覺得性價比唔高。

今年端午節沒有吃糉應節，因為男友喜歡吃炸雞髀，所以我們跑入元朗湊熱鬧。新店裝潢簡單時尚，比起大埔店多了一份新潮，來幫襯的大部份是年輕人。這兒的食品以炸物為主，各類炸丸、炸薯皮等應有盡有，不過當中最具人氣的還是招牌炸雞髀。飲品方面，一般快餐店都會售賣汽水或港式茶餐飲品，不過三多則只提供六款特飲，當中的「黑牛」和「金牛」，雖然只是雪糕加汽水，但卻最能勾起我們的兒時回憶。三多黑牛一杯盛惠$32，價錢比鎮店炸雞髀還要貴，但味道卻挺不錯。店方採用的雪糕球帶濃濃的朱古力味，上面還灑了點朱古力碎粒，攪拌後整體變成一杯有汽的朱古力奶，香濃之餘也是黑牛最過癮之處。其實除了雪糕，主角可口可樂也很重要，如果換了個百事，味道便會完全走樣。下午茶時段是店裡最忙碌的時候，在店內立食的客人已經擠滿了兩邊，中央還排了點餐和等外賣的，場面非常壯觀。我們點的炸雞髀大約等了10分鐘，以傳統雞皮紙袋盛着，感覺很單薄，因為雞髀體型有如女生蛋臉大，而且又油又重手。炸雞髀被拍打扁平，用竹枝撐起，沾上麵包糠再炸，但比起吉列處理，其實個人比較喜歡純粹的深炸。撕開炸雞髀，內裡的肉質既沒有想像的軟嫩多汁，亦沒有雞味或調味，感覺比較普通。倒

好耐無食過炸雞脾，就試係呢間係元朗都幾出名嘅三多炸雞脾啦即叫即炸，等幾分鐘就有得食啦！個炸脾有枝竹籤篤住，唔洗揸住脾位咁熱仲會有手套提供，食到有啲位好難食得到，直頭用手摵嚟食，夠晒豪放一咬，哇，好熱香噴噴嘅炸雞脾味同啲煙一齊湧出嚟肉質好嫩滑，腌得幾入味。呢到仲有辣粉提供，比客人自己落，好方便～炸得適中，唔會好燶，而炸分都唔會太多同過厚，口感啱啱好不過＄28係有少少貴，不過間中食下都ok～

下午3點幾去到~店內已經人頭湧湧~店內好多人的關係~係門口睇定食咩先~除左食物~仲有唔少特飲~一向有睇開介紹三多的發文~一定對以下果張圖唔陌生喇~~~lol~我一向都支持係連皮食的~~~~😂😂落完order, 店員就即刻將雞脾上粉拎去炸喇～等左十分鐘到，就有得食喇～熱辣辣的雞脾～我估熱的程度，可以熱溶個白泡膠盒😂😂薯仔什果沙律，沙律就普普通通喇～同係快餐店食到的分別不大～薯仔唔會煮到好爽同好淋，岩岩好～個人覺得個什果個味比較突出，唔係好食到沙律醬個味～除左什果入面仲有蛋粒同粟米～果然係好大隻～食雞脾緊係要落手食喇，店員有提供手套，以便食客去食～雞脾係醃左的，醃得好夠味，又唔會太咸～個皮好脆，見佢個紙袋好似好油咁，反而食落又唔算油～WA~有圖有真相～就咁睇就知，d 肉有幾嫩同有幾juicy 喇~檯上面有辣粉提供，為左試下個辣粉有幾辣，淨係落左係一個位～個人覺得唔落比較好食～鐘意食辣的朋友，可以一試～都真係幾辣～一睇幅牆，咁多戰績，就知，呢隻雞脾，真係唔少野喇～食物唔錯～但係店入面的冷氣有待改善～可能因為同廚房好近+同埋店內人多+再加上出面太熱的關係，未食到一半就已經爆汗～因為店內溫度關係

有日見到朋友分享話元朗都有三多炸脾即刻就要去試啦而家食到好食炸脾地方真係所餘無幾呢間好評如潮的炸脾梗係要試試有幾好啦今次除咗試炸脾之外仲試埋個煎腸粉有分辣同唔辣兩樣都試吧一去到......................人多到呢差啲以為去咗年宵..................既然係咁就更加要去買啦~外賣自取，以咁多人來計算快了吧20分鐘有取店員已經好快手啦~~~~型格的盒裝著炒腸粉內裡有一句"食雞脾唔食皮係一種罪"睇到即時係腦海徘徊"肥都唔係一種罪"哈哈~~~食埋今餐先減肥啦~左邊是香辣肉碎炒腸粉右邊是豉油肉碎炒腸粉先講香辣先~對我來講只有微微的辣，喜歡狂辣的大家就未必適合豉油肉碎炒腸粉不太鹹，味道尚可但兩個腸粉都比較硬沒有平時那種軟軟滑滑的感覺主角~炸脾來啦~用麵包糠包住炸都係第一次試口感不錯呀~肉質鮮嫰多汁唔會炸到乾曬愛辣的大家記得自己去加辣粉啊信義妹加了勁多辣得滋味過癮

深夜放毒系列😂炸脾邪惡勢力殺入元朗！😈宵夜食乜好？🤔緊係近期Hit爆的三多生炸雞脾啦😛見到吃貨們排哂隊就知有幾正！😍三多炸雞脾 🍗🍗🍗($28)炸脾份量十足。用竹籤撐起🙊真係大過隻手掌架✋🏼😳一拎上手熱騰騰🔥即叫即炸。香氣撲鼻🌬聞到炸脾香味好想咬一啖😫流哂口水喇～😂雞髀外層炸至金黃色。脆卜卜 😍小店特別用左吉列方法黎炸雞脾🙇🏻外層加上酥脆麵包糠🍞所以炸脾零舍金黃酥脆架👏🏻👏🏻👏🏻但仲keep到乾身唔油膩！抵讚！💯咬落去聽到脆卜卜聲音🙌🏻堅。邪惡呀👿雞脾的肉質仲好嫩滑添☺️輕輕一咬～肉汁緩緩流出🍗原來係用上高溫鎖死肉汁！🔒肉汁豐腴。外皮酥脆🤗令朕食指大動呀🤑唔怪得成日大排長龍啦！😆P.S. 小店名句：「食雞脾唔食皮係一種罪。」😂

三多炸肶🍖😋知道三多係元朗開分店，為食既我，點會錯過食好東西呢？😋果然名不虛傳，琴晚凌晨成十二點去，半開放式廚房，食客可以睇到整個製作過程，雞肶係即場生炸，絕對無炸定再番炸。等候時間約8-10分鐘^_^堂食只有兩邊吧枱，不設座位，主打外賣^_^🍖🎀🎉第一啖咬落去皮脆到有聲，裡面既雞肉超級嫩滑多汁，炸肶既最高境界👏🏻👏🏻真心推介👍🏻👍🏻👍🏻👍🏻👍🏻好味指數：★★★★★（5星滿分）

三多炸雞脾 🏻_ER,,,,係大埔果時已經想去食....但無奈佢開18:00..所以同佢無緣知道佢係元朗開左勁快樂~見到除左炸雞脾 , 仲有滷脾同埋其他小食。同埋都係得站食...所以唔好諗住黎呢到坐低食野啊....不過我見到幫襯既大多數都嗌炸脾用吉列既方法去炸,雞皮好脆..肉好嫩,但....我覺得佢又未去到好味到會心心眼.....可能佢醃果隻味唔係我自己鐘意既味而已....但一試無妨啊~

於大埔無人不曉的“三多”, 近日竟然殺入元朗開分店 - “三多炸脾”。 有什麼可以驅使炸脾跨區開鋪? 嘴饞的當然去一探究竟。炸脾開設於又新街的橫街內, 一點也不減光顧的人潮, 就算平日下午都堆滿食客。 就趁晚飯前的空檔去看看。炸脾店不算大, 簡單的掛上兩幅大照片做裝飾: 總店的黑白照和製作雞脾的近鏡。廚房已佔了一半位置, 提供的食物主要是外賣, 而店內兩旁設有窄窄的長檯, 供食客可以買完即食。除了炸脾, 還有滷脾,亦有其他小食。 不過光顧的差不多都是叫上炸脾。三多炸雞脾 $28 - 先落單付錢,後取雞脾。 因為人流多, 雞脾不斷地在廚房內製造, 即叫即炸。 等了5分鐘熱辣辣的炸脾到手, 是超級勁辣手那種。白色膠袋內還有一層紙袋包裹著雞脾, 而袋內附有一對透明膠手袋, 用手食雞脾而又不用弄污, 很貼心呢。 雞脾比手板還要大, 用竹籤撐起, 用吉列的方法來炸雞脾, 使雞皮金黃酥脆又不油膩, 咬下已聽到脆卜卜的聲音。 內裡的肉汁豐腴, 雞肉嫩滑, 食到早已醃到入味的痕跡, 好香又好味!檯上備有一樽自家製的辣粉, 人落我又落, 怎料辣粉真的辣到飛起。 雖然是添加了惹味, 但嘴唇上的辛辣久久不散

想起炸雞只會想起KFC 之類，其實還有沒有其他選擇。元朗新貴「三多雞脾」是炸雞專門店。可能新店開張不久，每日都車水馬龍，擠得滿是人。揭開盒子，熱騰騰的，香雞味已經飄出來。雞髀十分脆囗，外面呈金黃色，明顯是脆漿炸令色澤金色，輕輕一咬下肉汁流出，相信油溫高鎖死肉汁，令人食指大動。雞肉嫩滑，雖然這是冷鮮雞，但是賣點就是炸得香口，份量是一個手掌般大，這已經是一等級的美食。真是好滿足的一歺。

OMG! It's 三多生炸雞脾🍖 是大過手掌的生！炸！雞！脾！「究竟係你塊面大啲定隻雞脾大啲？👅」-三多終於不再只在大埔吃到了 第一分店就開在元朗食店林立的又新街轉角位 有堂食和外賣的✌🏼️期待已久的三多炸脾 是沾上炸粉漿再炸的 雖然是外賣 放了一會兒才吃 但酥脆感不減 而且肉質仍很鮮嫩 不過略嫌雞肉不太入味吃的時候可加點他們的辣粉 也挺配的 但有點像在吃台灣炸雞扒終於不用攀山涉水到大埔吃三多炸雞脾了😭😭-

店內所有食品都係新鮮即叫即制，賣相非常吸引，但人多時需要耐心等待。炸脾外層有酥脆麵包糠，但味道方面，炸脾肉略淡，一定要加調味以增加味道層次，店內有提供辣味調味粉，而油脾味道帶少許喊，建議不喜歡食雞皮但又想試嘅朋友可以選擇油脾。除咗脾系列小食外，其他真係麻麻，炒腸粉太多油，小食拼盤完全無味可以不試。要提一提，如果外賣買得多隻數一定要點算清楚，因為店員太忙會漏掉，我買四隻炸脾、兩隻油脾、一份炒腸粉及一份拼盤，返到屋企先發現佢俾漏兩隻炸脾。

本來見到元朗有三多分店好開心，不用去到大埔咁遠買炸脾及滷水雞脾，落單後等15分鐘，店內很大油煙味，於是在店外等，夠鐘便進店內取，今次買了2隻滷水雞脾，一打開外賣盒就feel到雞脾好熱到出晒煙，一食就好失望，因為肉好老，相信煮的温度太高。大埔食到的是又香又嫩滑又入味，是一試難忘的滋味，今次元朗分店食到的實在相差太遠，相比大埔的仲要貴$2/隻。