三多麵食

营业中

休息中

在中環區工作了一年多，一直很少吃外食，今天忽然很想吃雲吞麵，知道三多是附近比較近的麵店，沒多猶豫，今天的午餐就決定在這裡解決了。下午五點多，小小的麵店只有約三、四位食客，甫進入店內伙記姨姨便迎上前來問要吃甚麼，雖然是衝著雲吞麵來的，但還是想再看看其他選擇，掃視了餐牌一遍後，最後還是點了雲吞麵。午後的店子不熱鬧，卻多了一份閒適自在，每位食客都獨坐一桌，慢慢的吃。伙記們邊工作邊閒話家常，卻一點也不騷擾，反而有一種平實親切的感覺。大概十分鐘不到，伙記姨姨把麵送來了。看著碗裡那四顆大雲吞實在叫我期待！我習慣再讓自己期待多一會兒，所以先夾起一撮麵往嘴裏送，麵條很爽很好嚼，再咬一口雲吞，果然沒有讓我失望，皮薄且滑，蝦味很香，我慢慢的吃了二十分鐘，把湯也喝完了也還想坐多一會，不知為何，很喜歡這種環境，悠閒的小店讓我有種喘一口氣的空間。相信有機會一定會常來的！

又黎介紹中環平野食！今日係同乾介紹我食既三多，響body shop對面轉落去既斜路，平時又係12點黎都有位，12點搭三就成日排長龍。一坐低二話不說點左雲吞麵，好快就有得食。呢度既雲吞麵之所以咁抵食，因為一碗有4粒，4粒雲吞大到差不多覆蓋曬成個碗。一咬落去已經感覺到入面好多蝦，所以好彈牙！蝦既比例仲要多過豬肉，難得日日排長龍！ 仲有麵同湯底都好得嫁！麵夠爽口！正

3多麵 - 中環都幾出名的麵店其實見呢度好似主打鵝腸等等...今日食左好多野丫我地5個人,大概講下d野食的評價先~鵝腸麵 - 鵝腸新鮮唔錯，我好鐘意食蔥所以見到好多蔥好開心，另外有個重點要留意下，就係叫鵝腸麵食會有個點鵝腸的汁，我覺得好精華，雖然都幾油，但係個汁好好食，點綴得好好。雲舌牛筋米 - 雲吞大大粒好多蝦，同行朋友話食完Ｄ雲吞都飽ｌｕ～牛筋普通沒有太特別不過岩岩好唔係話林patpat的牛筋咁，有得嚼的所以都ok～雲吞冬菇麵 - 又係啦，大大粒雲吞，冬菇係普遍通冬菇仔，唔係花菇個類，冬菇軟硬度同行朋友覺得適中。水餃冬菇 - 水餃大大粒，好多料，朋友話食兩粒都飽飽地，好多木耳，同其他餡，個皮同雲吞一樣，都好薄同好滑的～。

I always walk past this place and notice a long long queue. I had more free time one day and decided to join the queue for once. Got there at around 12:20pm, there were just a few people in the line, lucky us! We got our seats in 5 minutes. While we were walking to our seats (not seated yet), the server lady were already asking for our orders. I guess most people there were frequent patrons so they knew what they wanted even before stepping in. But as a first timer, we really needed our time to

If you want fresh, big sized and home-made dumplings this is the place to go. The restaurant is small, and crowded, not recommended to come if you want a nice long lunch, however, if you are eating alone and don't mind sharing tables with people practically sitting on your lap, this is a cheap and easy place to go.The staff is efficient and fast. You should know exactly what you want because they will not have the patience to recommend or go through the menu with you. If you dine in, expect your

今日同事話帶我去食好野，原來係食麵。麵店外排了很長的隊，本以為要等很久，想不到最後只等了六七分鐘左右，在中環都算快了。裏面比較迫，一張小圓桌坐六個人，冬天穿著厚衣服就更顯窄了。同事介紹我食菜肉雲吞，而他自己則點了水餃鵝腸。菜肉雲吞大大粒，有平時外面食的一倍大呢，而且一碗粉便有四粒，份量很足。雲吞味道很好，而且有很香的芫荽味，如果喜歡芫荽的人，一定會喜歡這裏的菜肉雲吞。至於河粉和湯底，則顯得比較普通，不過不失。同事說他點的鵝腸也滿出名的，並給了我一條試食。感覺也滿煙靭的，但若要我說，這鵝腸特別的地方卻不是鵝腸本身，而是配給鵝腸的那小碟帶辣的醬油，很是惹味。

下午5時半來到屹立中環多年的三多，意外地沒有預期中的人山人海。看了看餐牌，18:00前有下午茶餐，粉麵連飲品一律$35 (凍飲加$2)。點了一碗鮮蝦雲吞麵和凍檸茶，就是為了一嚐傳說中的大粒雲吞到底有多誇張。雲吞麵不久就送到了，裡面有3粒大雲吞，size大約是平時的一倍。雲吞的味道不算突出，算是合格吧。麵質雖稱不上彈牙，但入口爽滑也沒有鹼水味。 雖然味道方面沒有驚喜, 但大大粒的雲吞還是令人很滿足

呢間粉麵檔平時好多人排隊, 見兩點幾少人時入去叫左個鳳城水餃鵝腸撈麵試下鵝腸多油脂,好咬口,讚!葱花滿吊味一流鳳城水餃亦包得不錯, 充滿蝦肉同豬肉, 唯一不好就係麵質太硬, 令我要點好多好多湯先吾會咬得太辛苦.!不過整體係幾好味既!

兩個人的下午茶晚餐差唔多未到六點仲有下午茶餐，叫左以下食物：菜肉雲吞粗麵加凍檸茶菜肉雲吞併牛腩麵加熱好立克菜肉雲吞係其中一款招牌菜，肉同菜份量平均又大粒，不過食完飲完野都依然非常口渴。牛腩其實係包括有牛腩肉同埋牛筋，佢嘅牛腩肉就真係太韌。牛筋就唔錯多啲就好啦。吞粗麵粗麵都有少許鹼水味係中環食一個所謂嘅粉麵下午茶餐都要$45一個人，真係可以選擇其他食物或餐廳。

今次因公事返到黎中環（以前住中環）梗係去食下好耐冇食過既3多喇。好記得之前，三多曾經因業主加租問題要結業，個陣好多中環既街坊同上班族都黎為三多簽名發言，希望可以保留食店。好彩，最後三多都有繼續留低。因為成日同男朋友約黎食都冇時間，今次難得過開黎，就即刻打去叫佢返屋企等，我買外賣返黎食。我叫左鳳城水餃豬潤麵，菜肉雲吞豬潤麵同埋炸雞翼！因為要外賣湯同麵分開既關係，個2個外賣碗加多左1蚊。為左食，幾蚊算得係咩～哈哈哈哈。返到屋企打開，嘩！有6隻雞翼，依然份量10足！仲夠熱，証明佢真係新鮮熱辣辣炸起比我，抵讚！味道冇咩特別，但勝在夠晒香口。之後黎到重點所在，其實我係唔鐘意食豬潤既，三多係唯一一間我接受同鐘意既豬潤，因為佢整得好爽口，又唔會好腥。我最怕豬潤個種質地，粉粉地，霉霉爛爛咁，仲有陣腥味。好怕好怕~唔食豬潤既朋友，有勇氣既，都不妨黎試下，可能會好似我咁唔覺意鐘意左，哈哈哈哈。繼續我碗麵，鳳城水餃，雖然得2粒，但佢地真係10萬個大粒！大過隻匙羹嫁！鬼火咁大粒！好多餡，正！麵底冇咩特別好講，都係普通感覺。哈哈哈哈，或者係因為啲餸太突出喇。

中環平價午餐選擇不多，粉麵檔基於租金貴亦所餘冇幾。三多是中環剩下其中一家較出色的粉麵店。水餃超級大粒，口感豐富！咬開函料勁多，有彈牙蝦肉、雲耳、荀、豬肉、香菇等。非常滿足！希望租金壓力不會令此僅餘粉麵店消失於中環。總結食物👍環境👌服務👌價錢👌

本人是晚間時段的常客, 光顧已有一年, 其實這店的食物味道只屬一般, 係菜肉雲吞和辣油較為出色, 說實在是很大粒, 足料, 其他的只屬一般水準. 餐廳地方環境很迫不在話下, 但因為中環也沒有多幾間食麵的店, 所以都冇所為.直到一日下午買外賣, 門口有一名未見過面的老闆看檔, 我拿了4小包辣油, 卻被他非常無禮地喝罵: "你攞4包咁多, 我唔做你生意!" 並不停重覆 "我唔做你生意!" 當眾高聲喝罵本人。 本人拿了4小包, 因很喜歡吃辣, 但該店從來沒有標明或以口頭形式通知客人有關規定只可取兩包。沒有預警下, 開口第一句就大罵"我唔做你生意 !" 如此方式的經營, 比錢買難受 , 食物就算有何等好吃也罷!!

天氣冷, 想吃點熱騰騰的, 想起了三多。中環返工多年間中經過三多, 見過人龍, 就是沒有想入去的衝動。今次只是我人生中第二次的三多, 第一次是上司上個月請食下午茶。點了水餃雲吞麪($35), 說實的我覺得麪來說不便宜, 不過中環嘛, 就是這樣。水餃大大隻, 入面有蝦、豬肉等等超足料。 雲吞都大隻, 味道正常。不過印象中上次吃的麪沒有我不喜歡的鹼水味, 今次吃就吃到了幾大陣的鹼水味, 不是太喜歡。整體來說不錯, 應該有下次。

呢間食店, 只能說令我一食難忘...他們沒有服務可言, 搭抬是必然的你order, 佢落單, 端上食物, 就只有這樣的關係但我每次光顧,不論下午還是夜晚, 都總是人頭湧湧依我所見, 每個人來的原日都不一樣,有人鐘情佢既白灼鵝腸, 而我就由上年既夏天, 鐘情佢既"菜肉雲呑", 從未變心, 相逢恨晚...菜肉雲呑麵-佢既菜肉雲呑大粒過乒乓波, 皮又嫩又薄又滑, 餡裏滿滿都是豬肉和白菜, 還有他的靈魂-芫茜。加了芫茜的餡就是特別香, 肉汁有了芫茜簡直生色不少! 我只能說, 喜歡吃芫茜的人, 就會有共鳴!蜆芥炸鯪魚球-見隔離抬食得開心, 我又試一份, 果然不出所料, 不需炸粉, 大粒過乒乓波既鯪魚球就這樣被生炸出來, 不需點蜆芥, 魚肉已有充足調味加陳皮粒, 彈牙到你以為自己食緊魚蛋, 非一般街巿既調味加蔥鯪魚肉媲美!

聖誕節前兩天，跟同事商量好，給上司送一個蛋糕。中午，趕到文華餅店，然後回到公司附近，午飯時間已剩下不多。在同事提議下，第一次來到這間三多麵食買外賣。傳統小麵店格局，雖然已過了十二點半，門外依然排著約十人的人龍。點了一碗雲吞、墨丸雙併麵，三十幾蚊，屬中環區的正常價位。捱餓捱了那麼久，回到公司，急不及待開餐！　　湯和麵是一齊上的，材料的份量都算多。麵質中規中矩，無鹼水味，帶一定咬口，卻未算爽彈；雲吞共有三粒，大大粒用料很足，主要是豬肉，蝦的份量較少，味道尚算滿意。　　至於墨魚丸，就不推介了。雖然丸中有粒粒墨魚改善口感，但亦無補於事。整體質感偏軟，而且很粉，欠缺彈牙口感。水準低於預期期望。　　小評：雲吞較好，墨丸麻麻，整體尚可一試。