三木日本料理 (已結業)

已經很久沒有吃放題了，因為見到三木有我最中意食的海膽，即刻訂位相約朋友去試試！我們8點半前已經到了，在𨋢口等了一會就入得。坐低後就拿起簿仔，睇下食物種類有幾多先！ 放題要有的食物都應有盡有，有多冇少，軍艦除咗海膽，仲有鮑魚！放題有鮑魚軍艦真的第一次見，驚喜！海膽軍艦沒有失望，海膽質素不錯，完全沒有腥味！刺身也很新鮮，三文魚夠肥美，帶子很鮮甜，沒有溶雪，溫度keep得到！ 我是玻璃肚，試過很多間第二天都腸胃炎，每次吃放題都是「搵命博」(請容許我誇張dd咁多)，這次我完全沒有問題，食物很乾淨！要讚一讚上菜很快，沒有漏單情況！清酒煮蜆，偏細粒~ 串燒時間: 燒冬菇、雞軟骨、牛舌 牛舌味道惹味，香口！雞軟骨附有檸檬，很細心！白汁芝士焗扇貝，我自己KO一碟，因為我太愛食帶子！ 另外，要大推一樣食物，就是黑松露茶碗蒸，滑滑的蒸蛋配黑松露，入面還很足料，有一隻蝦，還有螺肉！吃了兩碗！ 茶碗蒸旁邊的是秋葵蝦膠，怎麼味道有點像...煎攘三寶？！甜品時間: 朋友說綠茶雪糕很有綠茶味，真的帶有澀味，綠茶控一定會喜歡！

一早打左電話黎三木BOOK 位，之前朋友食過話唔錯。今次到我要試下啦刺身上台好新鮮，三文魚色澤鮮艷又厚又大塊，甜蝦刺身好大隻，爽口。帆立貝大大隻又有鮮美。第二轉D刺身都唔會話薄咗。炸蝦天婦羅，送到上台仲係熱辣辣，唔太油、好脆，蝦夠新鮮。花之戀既三文魚都係好厚，唔會好似出面個D咁薄。清酒煮shell,Shell 冇味, 唔好食牛舌燒得有D乾。鹽燒海蝦惹味，蝦有鮮甜味，唔會太鹹搶過啲蝦味。

自從細佬讀大學之後，少了一起吃晚飯，我找了一晚下班後找他，請細佬仔去三木吃放題。我們是吃八時半的時段，我真是餓得很！ 立即看看有什麼吃！大概有十張不同類別的點餐紙，選擇真的不少啊！ 放題的重點不少得是刺身，我們試了三文魚、希靈魚、帶子、甜蝦、虎蝦、劍魚和油甘魚，全部都很新鮮，最鮮甜是帶子和甜蝦，細食的我都encore了兩回！三文魚也不錯！試了海膽軍艦、蟹膏蟹肉軍艦和安康魚肝軍艦，先說海膽，我記得在別家放題吃過是很腥的，不過這裡的海膽絕對是高水準，看色澤也能看到很新鮮！最驚喜是竟然有安康魚肝，我在其他放題是沒有見過的，味道不遜色於迴轉壽司！ 不過始終軍艦有飯，都不能太貪心吃太多啊！和牛粒調味得很惹味，黑椒很香！ 串燒也很出色，最喜歡是燒牛脷，很彈牙！ 天婦蘿蝦很香脆，蝦也很大隻！ 也有不同的汽水和果汁！ 最後怎少得甜品！ 當晚吃到肚皮快炸開，很滿足！要跑多十個圈才可吃下一餐！

最近吃放題吃上癮!!!! 先是前幾天的火鍋放題現在又來日本放題,,,, 所以說.....變成肥妞不是沒有原因的**哈哈哈~這次就來到友人極力推介的三木日本料理~地點就在K11對面,,,,步行一分鐘就到了, 非常方便!!我們預約了8:30-10:30的時段, 去到門口已經看見長長的人龍....6點下班一直待到8:30, 大家都肚子餓了**一坐下就馬上劃食物....食物的種類應有盡有~刺身、壽司、手卷、日式沙律、日式小食、炸物、鍋物、甜品等等....嘻**姐我要開動了!!!新鮮肥美的三文魚、肉質鮮甜的帶子、大大隻的有頭甜蝦、爽口的白鳥貝和赤貝.....當然不少得在一般放題店都很少見的象拔蚌啦~絕對是回本之選喔**友人至愛的海膽軍艦....海膽滿滿地鋪在飯的表面~太正了**燒物方面點了牛舌和雞軟骨....蒜片一口牛柳粒....肉質軟嫰又重牛味~我個人非常推介這個黑松露燉蛋.....非常嫰滑, 配上黑松露醬真是超MATCH!!!甜品是焦糖燉蛋~濃濃的牛奶香和蛋香, 配上甜甜的焦糖***讓人不禁吃完一口接一口....這一餐總算友人果然沒有介紹錯....不論在食物質素, 服務和上菜速度方面也很滿

平時和朋友想靜靜地食飯,唔一定係Cafe,其實放題都係一個好選擇,坐得夠耐,食物選擇又多,可以邊食邊傾計,一個晚上就會過得特別快。諗住等埋朋友一齊放工去食飯,所以都想搵個就腳的地方,所以今次就選了尖沙咀的三木,貪佢近地鐵站,一出K11,行一分鐘就到,就唔怕迷路啦~上到去整層都係放題,因為一早已經預約左(8:30-10:30),所以一入去就有位,唔駛等好耐。幸好有BOOK位,其實入去到,都看到幾FULL,都幾多人食~看到個Menu,都勁大本,內容款式都好多選擇。岩晒我的三心兩意的選擇,愛上食放題的原因,也是夠多元化,可以食幾多都沒有問題。不論鐵板燒,沙律,魚生,軍艦,串燒也一併俱全,滿足到我為食的味蕾~嘻嘻平時最怕放題的食物明明點了10件,只是來得2-3件。但今次點的數量,全部都足數,唔怕來得太少,和朋友爭住食~而且待應的反應也很快,很快就收ORDER紙。先叫了一個黑松露蒸蛋,蛋身夠滑,蛋面也有黑松露,充滿芳香之餘,也滿有彈性,又夠熱,口感也相當柔軟而入味。真的連食二個都冇問題。再食了一個炸蠔,炸蠔爽脆又夠熱,自己也很喜歡此炸物。這間上菜真的很快,剛剛食完二件,又送上海膽軍艦,平身怕腥味

早幾日去左喱間尖沙咀嘅放題 之前都有見人講好過大x屋 平過大x屋 不過點知係個伏...啲質素同服務態度認真差太遠當日一去到已經要排隊 都正常嘅 因為大x屋都係咁 不過門口個啊姐 吾知係姨媽到定俾老世鬧完 啲語氣真係吾多友善 不過算數 難得約左個朋友食飯 入到去見個場都吾差嘅 不過坐低就覺得個感覺吾太舒服囉 原本一心諗住同個朋友傾下計 點知食餐飯搞到談心嘅意思都無晒話說 首先當然係點左刺身先啦 個貌相都算吾錯 不過一食就知道好大陣雪味 之後都有點小小軍艦同壽司 有我鐘意嘅海膽 不過都係伏 苦嘅 仲要上枱嘅時候啲紫菜已經林晒 唯一覺得好食嘅都係火炙三文魚同個個好油嘅左口魚 個火炙蝦係幾正咁 不過聽聞赤蝦好吾乾淨 吾食好啲到食熟食 個粟米無牛油味 個忌廉湯好咸...個清酒煮蜆仲好笑 我真係食吾到有清酒味 不過個螺就幾好味 夠晒辣 送酒一流 可惜喱間餐廳之前俾人話無牌賣酒 所以無酒精類供應 吾係都會嗌反兩支清酒同個朋友飲 本身我吾好天婦羅 都叫左隻蝦同多春魚 都不過不失嘅 係啲粉多左小小 到個鉄板燒 推介嘅牛粒係吾錯嘅 半生熟咁 不過個燒餅就吾知佢想點囉 我生平都未見過一個燒餅係無汁 唯有問侍

呢幾日工作好忙，難得同好朋友見面，大家都好想食放題，所以揀左三木日本料理 =]食放題就當然一定要食刺身啦， 呢度 d 刺身超級新鮮，而且超夠冰，最值得推介既憬吞拿魚、虎蝦、八爪魚！我地最後都 encore 左幾次 =] 　另外，點左幾件火灸壽司，及軍艦 =]火灸蝦壽司、火灸帶子壽司都好正，食落好滋味！而呢度有海膽軍艦任食，鮮味重，唔會腥，雖然唔算大件，但可以點多幾次。　　　另外，我竟然見到秋葵，這味菜叫秋葵蝦肉！秋葵明顯炸過，食上口好脆，而蝦肉好爽口彈牙，配上沙律醬，可以減低熱氣感覺。之後就黎我最愛既串燒， 全部都燒得岩岩好，而且d 調味都幾適中，唔會過咸 / 淡味 。　另外，點左我地最愛既蒸蛋，蛋夠熱而且好嫩滑 =]　　蝦肉天婦羅都好正，炸得好脆口，　雖然有d 熱氣，不過唔理喇，最梗要食得開心！　

 尖沙咀放題平日食唔少，近嚟想試新嘢，見到網上有介紹話唔錯，又近近地，於是去咗三木。食放題一定要食三文魚，定律嚟！在我眼中，所謂好嘅三文魚，一定要唔腥，一腥就會破壞口感，好在三木三文魚一啲都唔腥，好有口感，望落色澤鮮艷，又夠厚身，好爽。另外甜蝦刺身都唔錯，好大隻，好爽口，好有滿足感。雖然食放題嗌壽司係大忌，但想食咪食囉，最想休息下再食第二輪。我就點咗個海膽壽司，海膽味道鮮甜，冇變味，入口即融，紫菜同樣脆口，好夾好好味，真係頂胃都要食多件！我一向鍾意食蜆，清酒煮蜆走唔甩。首先．蜆肉無沙，抵讚，其次，每一隻均有蜆肉，更加讚！第三，肉質彈牙，鮮味跟清酒好夾，清甜又開胃，讚中之讚！唯一扣分位係，份量只夠一個人食，如果兩三人食要叫兩碟以上。除咗以上必食之外，牛柳粒同燒牛仔骨呢啲熟食都幾好味。肉質彈牙唔再講，而佢囓肉汁都非常多，食牛最怕就係乾憎憎。最後仲點咗炒雜菜，配料好足，有洋蔥、雜菜、蘿蔔絲、蘑菇，車厘茄。上菜時好夠熱，醬汁亦很多，幾開胃。

再次與朋友相約食三木放題。先點上次吃過美味的茶壼蒸。今次加入了黑松露醬，芳香撲鼻，我一口氣吃了兩個。壽司有新款，點了個生熟蟹肉軍艦試。這個秋葵釀蝦肉(在燒物紙)很有創意，也是新款食物，上次沒有的。秋葵烤得脆脆的，沒有鼻涕狀物，乾脆香口又不油膩。刺身拼盤終於端來。用花卉作裝飾，顏色很好看呢。甜蝦依舊大隻，刺身亦切得厚一點，相對上次有進步。今次點較多熱食。釀雞翼、雞軟骨餃子、牛柳粒等都值得點。不過，焦糖布甸今次並沒有火烤焦糖面層，只是液態的焦糖。雖然味道交到功課，但口感就是欠缺了。

放工一個人無無聊聊，就喺附近搵嘢食，但一個人又食唔到啲咩菜式，於是上網搵自助餐食，想食咩可以任點，份量又唔到太多，openrice見到呢間幾多正評，價錢又OK，就揀咗呢間。餐廳環境還幾舒服，我去嗰晚人唔好（第二輪(8:30-10:30PM)）大把吉位，唔會唔好意思一個人「牙」咗人哋啲位。首先刺身嚟先，賣相色澤唔錯，底有冰保鮮，令人感覺更有信心。份量幾夠，厚切，唔會因為任食慳住慳住。三文魚夠新鮮，北寄貝好爽口。叫第二輪水準都冇下降或偷功減料，抵讚。甜蝦唔算好太隻╴不過係當中最鮮甜，一啲霉嘅感覺都冇。螺片嗰啲就冇咩味，好冰，食落打個冷震。鹽燒海蝦亦都好值得推薦，好惹味，內質鮮甜，又唔會太鹹搶過啲蝦味。火炙壽司同刺身完全唔同食法， 梗係要order一堆試吓啦。三文魚腩、左口群邊同海膽虎蝦都係唔錯嘅選擇。一啖一細細件，好過癮。美中不足係擺位可以仔細啲，更美觀。餃子雞翼好似係呢度獨家菜（至少我未見過其他地方有）。餃子釀喺拆左骨嘅雞翼內裡，係幾特別。鐘意食蝦嘅當然要試埋天婦羅蝦。亦係唔錯，唔太油，肉嫩。已經好飽，最後食甜品，選擇真係幾多。尤其係雪糕。但考慮到眼闊肚窄，最後只係揀咗抹茶味雪糕同北海道

已經唔係第一次黎呢間餐廳, 舊年黎既時候都好地地,雖然食物唔係頂級,但以$300一位以下係尖沙咀黎講都算過得去,而且服務唔錯,但最近呢兩個月試左兩次,只可以講越來越差,基本上可以唔使再去首先講講食物, 刺身越來越細件,而且有嚴重既雪味,真係食到想嘔,但食唔晒又要罰錢,唯有頂硬上食晒佢,食完唔嘔到一地都係已算好彩軍艦一向必選海膽軍艦,以住都算鮮甜,但今次有好勁既苦味,不食也罷,見到有新款式,諗住試下啦,點知又係中伏,三文魚子腥到暈低,好彩嗌刺身時衰過,叫軍艦只敢叫每人每款一件,如果唔係都唔知點啃食完生野都無咩心機食落去,熱食只係求其叫左幾款天婦羅,點知炸醬仲多過食材,食完都唔知自己食左咩唯一可以既係甜品仲保持到心準,如果唔係,真係會餓住個肚走

話說年頭已經跟好朋友Wing光顧過三木, 當時已經覺得無論食物質料或侍應服務也很不錯.最近跟Wing再相約食放題, 我們再次選擇到三木. 這次也一樣沒有令我們失望呢.三木人氣也持續很高呀!!我們進食8:30pm時段, 店內差不多是全部坐滿.所以大家最好事先BOOK定位, 唔係WALK IN是沒有位置的因為有上次的經驗, 這次我們就直接精選想要吃的刺身當晚的刺身好新鮮同大件每次所寫的數量都給足, 沒有漏單的情況之後叫個一些沙律醒醒胃細細一碗. 兩個女仔食就岩岩好(右上角: 若布胡瓜醋沙律的昆布有點韌)三木的蒜香一口牛柳粒及牛俐都是必食item之一雞翼也真心覺得好吃, 因為我比較喜歡吃燒的,如果炸的反而太油.放題內的特色壽司也很不錯, 而且細細的, 一口一件.湯品方面就超推介呢個黑松露野菌忌廉湯. 上次已經覺得好好飲.因為勁香黑松露味道之餘, 切到細細粒的野菌都好有咬口.甜品係三木另外一個賣點因為他們的甜品款式特別多, 也比較有特色.焦糖燉蛋係我推介的. 好味道.整體放題水準不變, 食物款式一樣選擇多.而且環境食得舒服. 以呢個價錢同質素,下次有可能會再光顧.

雖然呢幾日天氣咁凍，不過由於約左好姊妹撐枱腳，所以都照岀。今日放題都係以熱食為主，辣酒煮螺就最岩，由於我都叫做食得辣，所以挑左舊螺肉岀黎連湯一齊食埋，正！清酒煮蜆，蜆肉唔算好大粒，不過尚算清甜。海鮮烏冬，一小碗的烏冬卻有不少海鮮，加埋個番茄湯正！雖然話今日主食熱食，不過放題點都要食返小小刺身先叫食放題既。例食三文魚，劍魚腩肥美，仲有極大甜蝦，真係有我隻手指咁大！sushi 就一定要食海膽軍艦，真係好好好食，另外蟹肉鮮蟹膏，有人拆埋蟹肉，岩晒我呢d港女。蟹籽勁爆醬，呢個同海膽軍艦都係要再食既必定item 。燒物方面主要係食燒疏果，女人食飯真係好麻煩，明知食放題一定唔會瘦，但點都會係咁多食物入面再pick d冇咁肥既黎食。就好似燒物要食燒疏果一樣。估唔到有燒銀杏，燒過既銀杏有小小煙um ，我地食左好幾串，燒菠蘿都係本人食放題指定要食既，燒過都好多汁。燒大蝦外層有小小味粉，肉質爽，不過我鐘意加小小檸檬食，清新d。唔講唔覺，原來都食左唔少，所以甜品都唔夠膽食咁多，不過就pick左其中一款我既最愛，焦糖燉蛋，燉蛋好濃滑，如果個焦糖燒下就仲正。原來呢度有獎抽，獎品係free 一位放題，如果兩個人黎

想同朋友開懷地吃一餐, 最好不過就係食放題, 又唔洗好似自助餐咁, 成日出去, 可舒服地坐在座位任食, 座位足夠, 而且見到唔少一大班人十幾個也可習埋一齊, 暢懷咁食, 我們隔離就坐在一行16人的日本人, 即日本人都棒場, 即冇唻錯啦。菜牌超大本超重, 原本裡面超多款式, 有生,有熟,炸物, 火煱,燒物, 飲品, 甜品等等, 星期日晚上7:00黎到$258/位,可食兩個鐘零十五分鐘,第一輪梗係叫刺身啦, 一座刺身及冰山保鮮, 賣相不錯, 有盆景及絲花裝飾, 我哋點了三文魚、帆立貝、赤貝、珍寶甜蝦、虎蝦、象拔蚌、鳥貝兒等等, 全部都好新鮮, 鮮甜, 肉質爽口, 尤其兩種蝦, 真係好大隻, 好黏口。還叫了花之戀及軍艦包括蟹肉蟹膏,海膽,帆立貝沙律, 紫菜脆卜卜, 海膽新鮮, 甘口的。飲品也多選擇, 任飲的。還有燒烤包括豬軟骨, 好脆口, 燒冬菇, 還有餃子雞翼, 裡面好似係辣醬明太子, 微辣, 雞皮脆身, 另外還有吉列蠔,熟食還叫了青口, 蒜香一口牛柳粒, 牛仔骨, 好惹味, 有牛油味, 不會太燶, 還有清酒煮硯, 及鹽粒枝豆, 好清爽,另上了炸蝦,多春魚天婦羅, 脆醬不會太厚, 剛好,炸

晚餐, 選擇了這一間鄰近自己地頭的 三木日本料理, 而且過往也曾光顧過, 有信心 ~當日實在太旺場了, 所以沒有拍攝餐廳的內在環境 ~一大疊點單紙在挑戰我的胃容量 ~ 刺身 吞拿魚、三文魚、八爪魚、甜蝦、帶子, 無雪味有魚鮮味, 而且件件切得大小相稱, 排得整整齊齊, 比預期好亦比上次好 ~ 壽司、軍艦款式多, 配搭特別, 飯粒分明, 握得軟硬適中也不易散件, 醋味適中, 一啖一粒, 食得多也不怕滯, 當然是比不上壽司店的品質, 不過以放題來說, 我便認為好 ~ 串燒整體算是不俗, 最喜歡是燒牛舌, 燒得火力均勻, 肉質鮮嫩又軟腍 ~ 串燒銀杏, 香口甘甜, 有夠風味 ~燒物 金菇肥牛卷 -- 金菇吸收了大量甜醬油, 肥牛比較有嚼勁, 越嚼越有味 ~牛柳粒 -- 粒粒一口 size, 牛肉吃得出沒有鬆肉粉味 (值得一讚) 夠嫩又多汁, 很惹味 ~ 天婦羅薄炸皮, 入口香脆又無爛掉, 仍然保持果蔬脆口, 蝦肉爽脆 ~日式黑松露蒸蛋蛋蒸得非常滑溜, 蛋香滿溢, 味道精奇, 超推介 ~ 當晚所點的食物都算來得齊, 沒有甩漏, 服務態度也不錯 .... 平、靚、正 ~本篇完 ~