三木日本料理 (已結業)

以前食過唔少放題 但平嘅就質素參差 好食嘅就貴到hihi 難得一班同事約出嚟食餐飯，緊係想食好啲聽人講呢間唔錯就try try la 4個人啱啱好一張枱，但叫野食多都要用埋隔離枱 因為選擇真係多嘅，大約都有十款刺生揀。刺生推薦帶子，大大件又甜。甜蝦都好大件，呢度仲有埋虎蝦，幾特別，平時應該係泰國餐廳先會見到haha 其他都好新鮮冇冰味，又嚟足哂咁多樣，唔覺呃秤^^ 之後都叫多左兩round 刺生都係咁正 最正係有海膽手卷,唔係度度有㗎，而且質素唔錯。 炸物我就最中意芝士年糕，一嚟我真係芝士狂，二嚟炸得好食，不過食一舊好，如果唔係嘅話會好飽咁就食唔落其他野;-)到甜品...呢個先係重頭戲，甜品選擇都幾多，cake 布甸款都有幾種 ，我地諗住每人每樣食一件都唔係好過份，點知嚟到就大鍋!!! 成張枱都係甜品嚇死我，好似密集恐懼症咁，但其實每樣都好好食 唔講以為係甜品舖haha 尤其3.6牛奶布甸，綠茶布甸同焦糖布丁都同出面甜品舖有得揮good最好頂住個肚咁食哂，散步左成粒鐘都仲飽緊^^第日一定再嚟

令我超級驚喜！這個价錢可以享受到超值食物！超好服務、寬敞的環境！在這区好難有！ 地獄海鮮湯正！但味精比較多 刺身超新鲜酒店水準 海膽軍艦必食超級新鲜 鹽燒比較咸落太多鹽 炸粉不多剛剛好！不会一咬成舊粉 下次一定会來！仲要价绍朋友必試

臨近聖誕, 適逢閨蜜生日, 就相約好姊妹食飯聚下! 由於二人均為吃貨, 所以選擇了日本放題! 今次揀左位於尖沙咀海內道轉角處的一間日本放題! 由於大廈入口同大堂均無招牌或水牌, 開頭仲以為自己搵錯地方添!好在出已經見到大大個招牌三木同其他日本放題不同之處, 就係環境相對較為寬敞, 檯與檯之間亦有空間感, 加上閒日關係, 並未有滿座或等超耐未能入座的情況, 而且2個人都被安排4人檯, 放便放下袋同厚褸, 十分難得!值得一提係個廁所都幾乾淨 食得日本野, 食魚生是常識吧！但放題魚生質素有時都幾參差, 今次實在有驚喜! 魚生尚算新鮮, 而且排得美美一盤, 食慾即時UP! 雞軟骨有咬口仲有各類燒物, 但味道略嫌過淡私心地覺得波蘿好好食 各款壽司同軍艦都好足料, 絕不馬虎至於我好喜歡食嘅日式蒸蛋就攪笑左啲。。。。竟然得1/3杯 但個蛋蒸得滑嘅最後去到甜品環節, 呢part又再有驚喜事關甜品上檯放得好靚, 絕對唔似其他放題是但上檯加上味道亦算ok但個焦糖燉蛋上面的焦糖並未有燒過, 一pat醬咁放響面, 感覺有點怪!最後強烈推介大家一定要點呢個柚子雪糕!內有強烈柚子味, 好似飲緊柚子茶一樣

耐不耐放題癮又起，係尖沙咀行行下街就上openrice搵下有咩好食。時間尚早，不過都近乎full house! 飲品選擇幾多，唔想飲汽水肚谷谷，飲個紙包檸茶又幾好。竟然有海膽任食！紫菜脆，味道亦新鮮。火炙壽司都唔錯，有油脂又唔肥膩。燒物亦係我最愛，唔理膽固醇都食左兩三串鵪鶉蛋～亮點係煮蜆，有肉地，仲幾入味添！甜品都幾有驚喜，我至愛焦糖燉蛋幾好，其他自家製奶凍、抹茶凍都幾好食。值得一提，服務都唔錯架，雖然店員都好忙，但係客人要求都會記住

去咗三木食放題。我一向都幾鍾意食放題， 因為可以任食串燒同燒物，當然唔少得魚生啦！最重要係唔使再睇價錢任嗌！！！！第一次去三木，同網上評語一樣，係一個唔錯嘅選擇。服務唔錯，員工嘅非常有效率，地方唔會好窄好逼，上菜非常快，又冇乜漏單。最好既係book幾點都得，好多放題都限時段，一係6點，一係8點，早又趕唔切，晏就要等死人。總之你book幾點就由入座起計兩個鐘，最後15分鐘就last order。因為佢啲嘢嚟得好快，所以唔會話唔夠時間食，反而係唔好落order落得咁快，唔係張檯好快無位放。佢哋嘅食物種類都好多，魚生，壽司，軍艦，燒物，炸物，天婦羅，串燒，鍋物，沙律同甜品（希望無記漏）。仲有飲品！由於我已經唔再飲甜嘢，所以飲品就無可奉告，不過都係果啲啦，汽水呀，綠茶呀 etc....我鍾意食嘅有：魚生：希靈魚，象拔蚌 （佢哋所有嘅魚生都好新鮮）壽司：火炙壽司軍艦：海膽<----佢哋啲海膽都好新鮮，份量適中燒物：厚切牛脷，一口牛柳粒串燒：雞軟骨 （燒得好夠，好乾身，好脆），軟心蕃薯（又腍又甜），鵪春蛋甜品：朱古力慕絲，所有嘅雪糕，炮芙 （係元氣果啲嚟架，而家元氣都要18蚊三粒，梗係要食

去咗三木食放題。我一向都幾鍾意食放題， 因為可以任食串燒同燒物，當然唔少得魚生啦！最重要係唔使再睇價錢任嗌！！！！第一次去三木，同網上評語一樣，係一個唔錯嘅選擇。服務唔錯，員工嘅非常有效率，地方唔會好窄好逼，上菜非常快，又冇乜漏單。最好既係book幾點都得，好多放題都限時段，一係6點，一係8點，早又趕唔切，晏就要等死人。總之你book幾點就由入座起計兩個鐘，最後15分鐘就last order。因為佢啲嘢嚟得好快，所以唔會話唔夠時間食，反而係唔好落order落得咁快，唔係張檯好快無位放。佢哋嘅食物種類都好多，魚生，壽司，軍艦，燒物，炸物，天婦羅，串燒，鍋物，沙律同甜品（希望無記漏）。仲有飲品！由於我已經唔再飲甜嘢，所以飲品就無可奉告，不過都係果啲啦，汽水呀，綠茶呀 etc....我鍾意食嘅有：魚生：希靈魚，象拔蚌 （佢哋所有嘅魚生都好新鮮）壽司：火炙壽司軍艦：海膽<----佢哋啲海膽都好新鮮，份量適中燒物：厚切牛脷，一口牛柳粒串燒：雞軟骨 （燒得好夠，好乾身，好脆），軟心蕃薯（又腍又甜），鵪春蛋甜品：朱古力慕絲，所有嘅雪糕，炮芙 （係元氣果啲嚟架，而家元氣都要18蚊三粒，梗係要食

之前有熟人食完覺得OK，所以決定黎試試，果然不錯，而且有驚喜，特別是食物。食放題最驚漏單、錯單，呢度唔單止無，加單都無skip，上足、上齊 略嫌服務有待改善（特別是reception）。先講講食物：種類繁多，選擇豐富。a)刺身：基本外間有的都有，而且很鮮甜。開心嘅係～唔係切細細件、薄片，件件都有份量。b)沙律：很多選擇，唔止刺身、蟹籽，仲有D係未聽過，所以喜歡沙律的我全叫了 c)蕃茄豚肉雜菜鍋:蕃茄湯底超濃、超香，豚肉有數件，件件都好長（最初誤以為是肥牛=.=”）d)蟹粥：個粥綿綿，蟹肉好鮮，唔霉，有肉。e)串燒：驚喜的是，只有微微燒焦，而且一點都不油膩，可以不用抹咀。f)茶碗蒸：熱騰騰，燉蛋味好濃，好香，邊吃邊飄味。h)甜品：↓↓推介↓↓★朱古力慕絲（特濃朱古力好味，一放入口就已經出味，質感唔稀、唔實，就是可以咬啊）★法式焦糖燉蛋（甜度適中，蛋味濃郁，絕對不是港式燉蛋冒充！）★芝麻雪糕（完全是在吃被雪後加炒過的黑芝麻，）xx黑松露野菌忌廉湯、北海道3.6牛乳奶凍xx不敢恭維講到服務：～可能reception姐姐一晚見咁多人，可能開始累，有少少躁同粗聲粗氣，不妨休過息再招待吧。～場

見朋友介紹話黎食 見又好多好評 就黎試下啦 總括係甜品最好味 不得不讚 !其他都是普普通通, 可能朋友講到好好味之後期望高左-刺身-普通 無咩味 第一盤都ok 第二盤完全難食 熱食-牛柳粒好味 牛仔骨硬過石頭 朋友都覺得唔好食飲左個mushroom soup 味道幾濃 呢個唔錯sushi-海膽唔太新鮮 還可以 同其他題一樣都係細細粒 但用料唔太新鮮串燒-不過不失普通質素天婦羅無食到XDDESSERT - MOUSSE 全部都好好味 係燉旦太甜-同埋唔知做咩成個場得幾臺 係咁吹我地走 8:00 - 8:15 每5分鍾吹我地一次 我心諗使唔使啊 攪到我地好似賴死唔走咁 食到一肚氣 走時見到出邊又唔多人食下一輪 唔知吹得咁勁做咩 好反感 基本上唔會再幫襯 $250 同區可以有其他好選擇。

同事講起想食放題，我就在op大搜查，發現這間評價唔錯，就來拜訪一下，去到唔太多人，可能我們都算早，三丁友二話不說，將放題紙post哂上枱，tick呀tick,你一tick,我一tick,又嚟成枱都係野!大胃三妹丁出動!這裏有海膽軍艦任食，仲要一d唔吝嗇，飯少少，函多多，食多幾舊唔怕多!刺身盤樣樣都俾多，食到差d唔駛叫第二轉!好新鮮，甜蝦夠大隻，食落口好滿足，燒物都唔錯，有細細粒日本番薯，燒海蝦，外殼有少少燶燶地，好香口，仲有燒魚頭，加d檸檬汁，脆脆的，又唔膩!同事叫了d牛利 ，但我最怕利疊利。食了酸酸的波蘿，幫助飽飽的我們，消化一下!

又搵到新地方食放題！係尖沙咀k11旁邊，地理位置唔錯，食物質素又如何呢？我同朋友一見到urchin，又要怒食了。叫一舊小試牛刀先，又幾唔錯，新鮮既，甜既。要一讚上菜速度，光速，軍艦黎到塊紫菜仲好脆，配海膽一流！所以有encore！！蔥花吞拿魚入口都好滑。呢個係秋葵燒蝦肉，幾得意既配搭不過略油。燒物，有比較少見既鵪鶉蛋，好食。牛舌都不錯，有咬勁。又係例牌火灸三文魚腩同左口魚群邊，最鐘意油脂在口爆發既感覺，不過燒得唔夠，無左個焦香味。刺身都ok，油甘魚同三文魚比較出色。又到烏冬時間，蕃茄牛肉湯烏冬，湯底係ok既，香甜但烏冬用普通牌子，削左d。最後，吸引住小姐既緊係甜品，款式都好多，推介既係牛奶布甸，好香滑，不過個焦糖布甸，唔知點解無焦到...係液態既焦糖，所以有點苦。總扣黎講，食物種類有驚喜，質素不錯，要識揀就可以有滿足既一餐！呢個價錢係尖沙咀黎講算係咁。

最近食中式食店比較多，好友想轉下口味食放題，為了滿足好友的慾望，上網得知三木日本料理使用的食材都很新鮮，很受顧客喜愛，於是同她來開心歡聚一下，放縱享受美食。 我一早巳訂好位，選擇較早的時段18:00-20:15，當晚我準時到達，環境輕鬆潔淨，令人感覺整潔。 店入面裝潢很美觀，地方很大又寬敞，環境舒適，坐位闊落，用餐更輕鬆暢快。另一方面，很厚的落單紙，200多款的食物能夠清楚盡現眼前。 刺身我食日式放題必定要叫刺身，點了三文魚、虎蝦、螺肉、象拔蚌、八爪魚及鮑片等。我最愛三文魚、虎蝦及螺肉，三文魚嫰滑肥美，虎蝦肉質鮮甜没腥味，螺肉彈性滑溜，肉汁豐富。 火炙壽司我選擇了火炙海鰻及火炙海膽虎蝦壽司，醋飯很鬆軟，各有特色，火炙海鰻壽司濃濃的醬汁，非常惹味，火炙海膽虎蝦壽司入口軟滑。 天婦羅珍寶天婦羅蝦及紫菜天婦羅蝦都很美味，炸得香口，肉質非常脆，肉身通透，口感極鮮甜，正合我的口味。 炸物我選了吉列鮮帶子、吉列蠔、燒八爪魚丸、七味雞軟骨、米子蝦卷、迷你咖啡角及日式餃子等，各款炸物我都鍾情，爽脆的層次感，讓人回味無窮，我最愛七味雞軟骨及日式餃子，雞軟骨加入七味粉，特別香脆入味，日式餃子入口帶點醬爆

去尖沙咀shop完ping 就上openrice睇下有乜放題好食 冇卜位嘅關係 心諗嗰啲旺嘅場實冇位 見到呢間三木就決定上去碰下運氣 上到去 好野有位 同其他放題一樣 好多款色揀，黎嘅食物賣相都好好，但係味道呢 就真係唔太恭維啦刺身 要讚佢款色都算多樣 但係味道就真係麻麻 刺身全部點哂咁滯 但係除左八爪魚 每樣野都冇味道 叫左碟炒雜菜反而鹹到癲串燒味道好一般 鹽燒大蝦試第一隻 晦嘅 試第二隻都係咁 俾多次機會試第3次 ok食其他野算啦 夾下碟牛柳粒 點知佢唔係和牛都入口即溶咁滯 冇口感唔似肉 再食隔離碟牛仔骨卻韌過鬼好多人推介嘅海膽軍艦 同刺身一樣 冇味嘅 好在唔腥 其他食物都冇乜邊樣突出最後要讚下佢嘅飲品算多選擇仲有推介下佢個柚子雪芭同焦糖燉蛋 都算係成餐嘅亮點黎 所以呢樣有encore埋單時283蚊呢個價 性價比唔高 唔太值 相信同區有更好選擇 可能今日去食來貨差左 我真係食唔到之前啲師兄師姐post嘅美味同鮮味

今天和老公到了尖沙咀三木吃個放題，雖然是頭一次來，卻感覺還不錯呢！頭一次這麼好眼光呢，日後在尖沙咀又多一家選擇了場內環境不差的，乾乾淨淨整整齊齊。今天有幸獲安排坐在窗邊位，從15樓的高度看出去，雖然僅是看到很多高樓大廈，卻仍然有種美景吸引力！點餐過後，先來一個蘑菇忌廉湯，味道挺濃郁的。牛油粟米也不錯，粟米本身很甜，加上牛油香香咸咸的味道，算是多間放題之中煮得不錯的一間。燒菠蘿就更是出色，燒得很甜，雖然連著少許外皮，但不礙事。外觀上明顯的焦痕也多添幾分美觀呢！接著來了一個盛了很多種食物的，很難以逐一細說，當中最有印象和最好吃的是一堆炸物，魷魚鬚是炸得最出色的，脆而不肥膩，內裡的魷魚肉質是彈牙而不黏牙由於迪迪比較大食所以多點了一個牛肉烏冬，好誇張的一大個，老公還給我怨言說我放題不該點這些呢！但是我絕對沒有後悔點了，這個烏冬好好吃，熟稔的烏冬配上香濃蕃茄湯底，甚是滋味呢！最後說一下飲品方面，其實選擇好多，不過因為老公是可樂愛好者，所以就點了傳統可樂。而迪迪呢，因為想試一下新的東西，所以就點了FUZE，果汁味道正正常常吧，但是一般都很少見有FUZE，所以算是蠻有新觧感的。總的來說，這家三木日式

任飲任食豪無顧忌不需要睇價錢地食，真係好爽！話說已經好耐冇食放題，跟友人二話不說就去返上次食過今次想翻尋味的「三木日本料理」我們都是平日晚上8時半的時段進食，人流比之前新開業明顯多左好多，座無虛席！利害！確實這間也真是蠻不錯，所以已來第二次了～這裡的食物選擇非常多，一疊點菜紙，睇睇點菜都要花點時間～首先就黎刺身先～跟開業時的水準都保持到，全部都非常新鮮，而且切得比較厚身，啖啖肉好有口感～因為近期剛病好，所以不能點凍飲，所以我轉攻了熱的湯品～左：豆腐味噌湯右：黑松露野菌忌廉湯我飲的是黑松露野菌忌廉湯，記得上次飲係好好味，所以今次也點了這一個，水準都保持到，依然好好味，湯內還有一些雜菌好有口感，最後我飲了兩大碗！左：若布胡瓜醋右：三文魚蟹肉沙津若布胡瓜醋原來是海苔加青瓜，有點醋去調味，幾開胃～而三文魚蟹肉沙津，我想不過蟹肉就是蟹柳棒半條，我太大想頭了，哈哈！原切牛舌及蒜香一口牛柳粒這兩款鐵板燒應該是即叫即燒的，上碟都是出煙的～牛舌質感幾爽口，而牛柳粒的蒜香調味好正，而且入口唔難咬，牛味有，不錯不題！壽司類：分別有花之戀、蟹棒壽司、火炙三文魚腩等～全部都是少少的SIZE，不會太大食到太飽，又

提早有book枱, 準時 7pm才可以入...很多人在門口等, 地方大, 每張枱的位置很濶落, 最緊要地方整潔唔會成地垃圾(最怕的)每枱有骨碟, 店員不停收走吉枱及換碟, 沒有漏單價錢反應食物質數, TST/MK比較...是物有所值的 不過 8:45pm last order...9pm要交枱就比較不合理....15min 仲要等佢D野貨來... 他們的ice cream 是自家制的,ice cream 有芝麻, 西柚, 綠茶, 全部味道都很濃...真係好好味 (掛住食無影相)是一間不錯的放題, 有下次.