三木韓國料理

营业中

休息中

三個人食，要左個牛肉鍋，炒粉絲，同埋海鮮煎餅，仲有飯同啤酒，完全食唔晒，太多～不過全部都好好味，老公則認為一般。我最欣賞炒粉絲！單係牛肉鍋已經要$350，都幾貴架～環境好好，裝修好靚，坐得好舒服～另外，ｄ侍應其實唔係韓國人黎架(雖然廣東話講唔正）！個老闆娘就係～

今晚6人同行,配合meat lover,所以選了韓式燒烤。這家三木很不錯，烤肉味道很好，而且沒有一身油煙感，抽煙做得很好，只可惜牛肋骨不夠甜。石頭鍋飯很好，配料剛剛好，很美味！豆腐鍋也很好味，不是太辣，沒有搶去豆腐和其他配料的鮮味！最好便是地方很寬敞，不會人多噪音多！

果日係我個Friend生日食飯，我地係網上睇到ｄ人話三木ｄ食物唔錯，座位舒服，不過ｄ服務態度就好差下。咁我地咪決定去試下見識下囉。我早２日打電話去訂話，聽電話果個人都好nice咁話無問題。到左果日我地準時到達，佢安排左個卡位比我地，坐低又真位幾舒服同寬敝，我地帶來既蛋糕佢又幫我地放雪櫃雪住（覺得ｄ服務唔錯）。跟住我地點菜，ｄ野好快就來晒，我地點左特選牛肋骨（好好味）、烤雞肉（都唔錯）、泡菜煎餅（不過唔夠泡菜味，我地自己再加件泡菜一齊食就ichban）、石頭鍋飯（都ｏｋ）、真露燒酌＋檸檬汁（好好喝），仲有８小碟都好好味。我地一邊飲酒一邊食，大家都好開心，ｄ服務員定時過來幫我地加茶唔洗叫都幾好。我地食完第一輪覺得未夠盡興再落order，我地再叫左原味牛肋骨、泡菜冷麵再加多４小碟（有泡菜，薯仔，茄子，新鮮泡菜“勁好味，有泡菜既辣味又有菜既清甜味，值得推介“），再多加１支真露燒酌齋飲（好甜好凍”正“）。老板娘好好人咁送左果４小碟比我地，最後我地食埋自己帶來既蛋糕先埋單。食咁多野合共都係HK$926.00。都唔算好貴，最緊要係大家都食得好開心，ｄ服務都又唔錯，坐又坐得舒服，值得大家去試下。註：ｄ

想食韓國菜, 係尖沙咀實在有不少選擇, 也試過不少. 是晚來了這裡, 跟另一家其實都算打對面的, 這裡的環境係闊落一點, 也係韓藉人士比港人為多. 見牛肋骨煲的評語不太好, 就要了個烤牛肋骨同埋什錦燒餅.先來的當然係前菜, 一來八碟, 一路吃一路等食.烤牛肋骨: 8分, 這裡的烤牛肋骨係大大件的, 烤完一輪店方再幫我們剪開, 也係真的有件大骨頭, 跟對面的只有肉沒有骨係不一樣的. 肉本身係幾入味, 肉質也不錯, 吃落口唔會覺得過老的.什錦燒餅: 7分, 一碟八大件, 兩個人分, 係好足夠, 勉強吃完也不用叫飯了, 已經填滿肚了. 不想吃海鮮, 要了什錦, 煎得夠香, 不過稍嫌多了點粉.食物的水準幾好的, 環境又比其他地方優勝, 滿意的.

昨日係我生日, 一班朋友為左同我慶祝帶我去到三木, 話幾好味喎入座之後, 第一個感覺都係大家所講咁少油煙, 位置寬敞, 第一個印象都幾好睇一睇個餐牌, 都幾貴但一分錢, 一分貨, 都可以接受到既正式點菜既時候,我地點左三碟燒烤肉($90x3), 一個豚肉菜包($300- 唔係好記得個名), 一個炒粉絲($100)個豚肉菜包好特別,味道都唔錯,而d烤肉就不過不失咁啦o係我地燒緊肉既時候, 佢不斷咁話你地燒完肉, 我幫你換個煱我地都不以為意, 只係盡快燒哂d肉先期間佢慛左我地幾次...之後佢換個架, 放左個好似叫豬骨煱上去我地即刻有個疑問, 我地叫個個係炒粉絲喎我地同個待應講, 佢話你地係點lee個喎唔理我地講咩, 自己開著個火, 拎d 碗黎但我地都係堅持唔要, 佢只係不斷重復話係你地點錯但實際上, 我地落order既時候佢連紙筆都無拎出黎只係記住個no.,就去落單而我地落order就係指住個menu講埋個no.同埋個菜名比佢聽而且我每個朋友都有聽到我地係咁嗌, 所以都同佢理論重要我地叫左佢幾次, 熄左個火先, 佢先肯熄我地叫佢搵manager黎, 佢話佢岩岩行開左重好無禮貌咁話: "係你

這裡環境唔錯, 可能少人關係, 冇一般韓燒既油煙問題, 而且座位闊落, 坐得幾舒服. 不過侍應服務就真係麻麻地. 由於張台幾大, 所以想叫侍應開兩個爐, 但侍應居然咁講" 你地要了三碟燒烤, 想開兩個爐?". 嘩~ 咩態度! 咁最後當然佢都要屈服啦.泡菜: 唔錯, 差不多每人有兩碟.炒年糕, 個汁做得好好味, 比上海炒年糕更好.海鮮蔥油薄餅: 好好味, 煎得好香, 好多大大條既蔥, 十分地道既食品.燒烤既肉類都唔錯, 尤其是羊肉, 好淋好夠羊味.

琴晚同朋友原本bk o左去有骨x 打邊爐,點知朋友早到有骨x 又唔俾早d拎台,我地決定去第二間,行過呢間o野有人派傳單俾我地,見到五十幾蚊個飯咁抵就入o左去上到去睇menu,碟碟o野都差唔多$100以上,先知原來我睇緊o既傳單只係lunch時段,冇計啦,一場o黎到,最後我地都叫o左4樣野,唔係好記得菜名,大約o架咋海鮮蔥油餅石頭鍋飯三文魚鍋飯海鮮烏冬埋單連加一$451(記住仲有8大碟前菜)等o左一陣就上o左8碟前菜,因為太耐冇食韓菜o既關係大家都唔記得o左呢part,前菜大碟又新鮮!之後上o左蔥油餅,好好食呀!又唔覺得油膩,食完有好想再食多件o既感覺石頭鍋飯o既味道唔知會唔會同三文魚鍋飯搞錯o左,好似係酸酸甜甜o既,好開胃,亦都好好食!三文魚鍋飯一樣係好好味,混入辣醬,o岩晒我呢d最6意食辣o既人,程度又o岩o岩好唔會過辣海鮮烏冬呢個先勁,因為我地食野每人有一個好淺o既碟,又3個人share,夾落個碟度唔可以再倒湯落去浸住食,點知就咁食d烏冬都有個湯底味!好入味好正份量都幾大碟,因為我地3個女人都唔記得左前菜呢回事,叫o左4樣野最後食淨少少,其實叫少個飯都得,因為d野大碟建議約埋三五知

昨日與一大班人與朋友慶祝生日, 這間店舖是朋友在網上找的, 大家也未曾幫襯過, 但畢竟每次選擇食店都令人好頭痕, 所以大家都沒有異議就決定來這間店試試看.一入到店內, 都覺得頗為寛敞, 8人枱很大, 坐低啱啱好, 不會太迫夾.食物方面都算滿意啦, 至於價錢方面, 我覺得越多人越化算.總括我都覺得值得推介給我的朋友及同事們一試.

今晚岩岩同兩位好朋友係呢度食飯.嘩!一坐低,就有8碟前菜送比我地食,正!絕不欺場,碟碟足料,Yummy Yummy!之後,我點了1碟'牛簕骨',1碟'煙肉',一邊燒一邊已聞到陣陣香味,放入口,簡宜好味到不得了,唔停得口~再點了1客'麵醬生菜'-> 正!經黃小姐推介下,我地試了1客'豬血+羅米'湯(係正宗既韓國湯)<個餐牌冇ga!>, 味道鮮甜,好好味^^呢度環境整潔舒適,D樓面姐姐仲好醒目,不過最好服務果位就梗係收銀姐姐,佢教識我講左兩句好正的韓文,不過我唔記得左lu,下次要再問番您點講,呵呵總之"三木"係我去過咁多間韓國料理,最好味既一間,未試過既你,必定要一試!!!

本人亦經常到三木韓國料理食晚飯,最喜愛燒西冷,炆牛肋骨,燒清魚等菜色.牛肉極靚,kimchi極好吃,應該係最好食既韓國餐廳..但係o岩o岩睇到樓下"永遠不會再到三木的一班人(非會員)"發表意見,講到人地係黑店, 咁樣同事實就真係有好大出入啦..人地環境舒適,d野又好食,招呼又好,點樣黑店呀?? 你俾人呃左幾錢呀?? 果度d waitress可能係韓國人,可能對住你呢種bee lee ba la既香港人,反應慢左小小,但係都好好招呼wor..你係咪係果度鬧人呀?? 再睇下你俾人呃左幾錢先,"是次每人消費約$110元",唔該唔好話人黑店啦..我諗你係去錯地方lor..漢x苑一百蚊位任食唔嬲..ps. 我好鍾意係呢度食野,但係真係唔希望同d咁人食埋同一間韓國料理lor...

感想就係十分差...因為呢間店係我朋友介紹呢間野d前菜又好食又正..所以我先約朋友去試..原來我發覺呢間野點解一入去就咁少人係裡面坐..原因好簡單因為呢個其實係黑店...我地一行8個人原本一心想試下呢間野話哂係香港都未正式試過..當然樣樣都想試下喇..結果當我地試到第四個菜..後面個兩個就唔想試喇.如果唔係朋友未食根本唔會再叫order.作為韓式料理..前菜係最緊要的..妨且又唔係值幾多錢... 果度一個order都其實都唔平喇..最少都要100蚊個架..都唔知使唔使加一添..d職員態度又差..食物都還可以...最勞氣係...d人根本就係唔想做個隻...下下都要叫住加個樣呢樣冇個樣冇呢樣..仲要係叫幾次有反應個隻...如果你係客你都火滾喇...下次唔使指意我地再幫襯你..

韓國教授到訪,已經帶佢食o左唔同菜式,今次帶佢食番家鄉菜,睇o下佢有咩意見.打電話去訂檯時已指明要韓國侍應招呼,但去到坐低叫o左好耐都冇揾到韓國人得閒. 原來只係廚師同一個類似合夥人係韓國人,所以最後都只係叫中國侍應落單. 我俾教授話事,佢點菜,不過我指明一定要好辣. 燒物有豬肋骨同豬頸肉. 豬肋骨都泡菜味,有肥肉所以都幾滑. 豬頸肉好爽,原來咁好食,都係第一次.泡菜豬肉豆腐算係幾辣,當然對我嚟講就有排未到我要求啦. 但因為我老細少食辣,都要就o下佢. 教授話食時係豬肉同豆腐一齊食,濃濃泡菜味夾豆腐就剛剛好.石頭鍋飯有好多飯焦,同我地d煲仔飯有得揮. 加埋辣椒醬食當然又係我最愛啦!!!海鮮薄餅煎得好香,不過料就唔算好多. 但係已經開始好飽,食o左咩落肚都唔記得喇!辣冷麵係我要點. 麵係冰凍,好正呀,個辣椒醬味道又同石頭鍋飯有d唔同. 重有青瓜絲,肉絲加埋一齊食,又係其中我鍾意韓食之一.最後送肉桂糖水,勁肉桂味,可能有d人未必接受到. 但肉桂味好似將d蒜同蔥味中和,唔錯. 我估自己整都唔難.整體教授都話唔錯,點知其中一碟前菜佢食o左後有d失望話太咸,破壞o左成餐飯個感覺....又會咁誇張

同舊年一樣，今年情人節又係去食韓菜，尖咀好多間都試過，要search下搵間新野試試。原來咁多圍內人食過，信心倍增。可能係新開，環境光猛又乾淨，絕對無油煙味，而且張枱又大又闊，坐得好舒服。例牌前菜，有8小碟份量唔少，當中以蘿蔔絲最好，酸酸地又帶點蘿蔔的清澀甘味、魚片切得厚厚的，又好野味，反而傳統的泡菜就麻麻，味道唔辣只有一個鹹字，其餘都唔錯。炆牛肋骨-學ms chan話齋真係好杰，而且薑味好重，只缺少了醋，我以為自已食緊豬腳薑，牛肋骨不太入味又不是炆得好腍，肉質還帶點韌。石頭飯-第一次食到咁多飯焦，不過飯本身真係好濕好腍。另附的不是辣醬，原來是甜醬，我仲一大一大匙撈飯，令到碗飯甜甜的。醬油炆鯖魚-因為見隔離台的韓國人食，大大碟好吸引。原來大碟有三大件鯖魚，還有好多蘿蔔、洋蔥等配菜。侍應又話係辣，真係一點都唔辣，只係好鹹，連蘿蔔都好鹹，唔怪韓國人要撈飯食。其實好想試d乜煲乜煲，可惜太大兩個人一定食唔晒，下次再約埋一大班人食喎。

又同大王及專兄食飯，選了這裡，純是因為我未試過。來的時候，還算新張，所以這裡比較一般傳統韓菜館更光猛新淨。坐位都有幾多大卡位，二人/四人/六人都可以坐得舒適。又是最遲到達，來時已點了牛什湯及豬腸窩兩味，本來一不假思索的要點炆牛肋骨，但他們上次試過，說是一般，就轉要了個炒辣八爪魚。前菜六碟，泡菜、西芹、莧菜、甜薯、芽菜及韓式魚片，味道普普通通，幾樣都淡淡的，可幸泡菜還算幾鮮味，亦夠辣，不過就雪得太凍；三個套餐之中，最討好的是牛什窩，除了牛肚及牛腸，還下了泡菜去煮，辣辣的也有鮮味，牛肚及牛腸都炆得腍又軟熟，用來下飯，相當不錯；豬米腸則與正統的差了一點，豬腸太薄，正統的是以一條厚長的，套著米粉來用醬油煮，這裡的只薄薄的一圈，吃得不夠癮。豬腸不夠厚，當然這個窩味道都會略遜，不及牛什窩好；炒辣八爪魚也是一味地道韓菜，不過幾難做得好的，因為八爪魚鬚就算新鮮都好，切幾細截都好，很容易會煮得很韌，這裡的也不例外。我牙力不差，也趙了好一陣子才能嚥下，唯有轉向配菜埋手。青椒、紅尖椒、洋蔥、泡菜等，用韓式辣醬及麻油炒過，也是下飯良品。套餐沒有飲品，盛惠每位65 蚊，還不收加一。雖然以食物味道計，不算是最好的

有人想食韓國料理，就找一家未試過的。在樓下看不到餐牌，不過有人對吃韓菜的意欲甚強，在所不計，於是就上去了。環境不錯，比一般同類型餐廳好，見在座的顧客大部分是韓國人，應該不會差吧。前菜八小碟，味道不過不失。烤肉先上，原味美國牛肋骨看上去頗為鮮嫩，女侍應代勞，不用自己動手烤。另叫了一客生菜麵豉醬來夾烤肉吃，老實說，加上生菜和辣麵豉醬之後，肉本身的水準如何，已經不大吃得出來了。反而那辣麵豉醬配上生菜淨吃，似乎更滋味。炆牛肋骨是必點例牌，我們一行三人都從未吃過有如此杰撻撻獻汁的炆牛肋骨，肉又不夠入味，建議不用試這味了。石頭鍋飯是另一例牌，上檯時熱辣辣，女侍應把它放了一會才把飯舀起，令鍋內有點飯焦，本來正合我意，可惜入口卻發現飯太濕糊，不對口味，失望。水冷麵是我的例牌，見menu上有水冷麥麵，就點這個。麵條比較粗身，是否麥麵就不得而知，但質地一樣煙韌，卻不會黏作一團。湯亦夠味，若真喜愛濃味一點的話，還會附上醋和mustard讓你下個夠。飯後女侍應送上水果，我們見鄰檯還有玉桂糖水，於是主動問女侍應，她板起臉孔沒有回答，雖然轉頭給我們送了上來，但稍欠禮貌。據我們觀察所得，她們對韓國顧客才會送上玉桂糖