三田製麵所 (K11購物藝術館)

营业中

休息中

我諗三田喺香港都開咗好一段日子，但直至最近先第一次食，因為之前朋友話啲拉麵都係一般，到近排偶然見到好似有日式麻辣麵 (花椒拉麵)，即係麻、辣、辛，就想試一試。去到尖沙咀間舖，多人排隊但好快就有位，啲位有隔開，唔會好迫。叫完嘢食大概5分鐘度就有得食，算係好有效率。呢個就係花椒拉麵，我當佢係日式麻辣味嘅拉麵，一嚟到聞到好香嘅洋蔥及辣味，個麵啲湯熱辣辣，雖然我食唔慣好濃嘅嘢，但佢個麵連埋個湯，啲味好夾。有洋蔥、蔥，有辣味有麻味，比想像中好味，啲湯雖然濃，但都可以飲，及飲咗之後冇令人好口渴，咁我估佢冇落好多味精，飲埋個汽水就更正。朋友食呢個有蛋嘅三田拉麵，個蛋整得幾好味，呢個湯麵係好食嘅。燒墨魚丸，唔見好多地方有，佢整得好食。炸豬扒，好熱，皮薄，肉嫰，有豬扒醬汁及沙律醬俾你，兩種都好食。全部嘢加埋加個汽水都只係$290幾蚊，咁嘅價錢有咁嘅質素，真係好抵食。會再嚟。

沒有預訂，到店的時候需要排隊，但是隊伍不長，10分鐘不到就入到。 叫了一份濃厚豚骨沾面，一份期間限定的梅子豚骨沾面，還有一份炸雞。 面可以選大、中、小，分別是280g, 210g, 140g價錢一樣。 如果選特大要價錢。 湯很濃，叉燒肉有點薄，本身是有蛋的，整體是好吃的。 梅子的那份，帶一點點梅子的酸味，與本身湯的味道不違和。 炸雞很好吃，多汁很香。 面吃完後剩下的湯可以加水喝掉，但因為湯有點油，不想變肥，就算了。

通常去三田製麵所都係食佢地嘅沾麵，真係比較少見到人叫拉麵黎食🤔今次叫左個好多人都會叫嘅豚骨魚介沾麵，另外見到個明太子撈麵好似都幾吸引就叫埋佢試下！**********<濃香豚骨魚介沾麵> $78沾麵有得揀冷麵或者熱麵，冷麵就會更加有咬口，而熱麵就唔會搞到個湯咁快凍曬，所以各有千秋啦！三田嘅麵雖然粗身，但掛湯能力都好足夠，湯底味道好重魚介味，不過食多幾啖就覺得偏鹹🙈**********<特製明太子撈麵> $90撈麵嘅麵條同沾麵係一樣嘅，份量好多超飽肚！但明太子味道唔太重，頭個幾啖將明太子加少少牛油食係唔錯嘅，但食到最底都幾多油下，所以個人唔太推薦🤭

我好耐無食過沾麵，疫情之下又唔去得日本，所以就係香港搵間有得食沾麵既餐廳，最終我選擇左三田製麵。我見到有個季節限定既梅子沾麵，就覺得應該會幾得意，所以就叫左。黎到就見到碗麵其實都幾大，叉燒都有兩塊。咁我沾左Ｄ梅子湯，食入口就覺得甜甜地又咸咸地幾得意，又有Ｄ梅子味。麵質方面幾陣牙，重點係沾完湯既時候Ｄ湯唔會流走，仲可以痴住係Ｄ麵上面，所以每啖都可以食到梅子既味。叉燒就唔係好厚身，咁都係意料之內，但佢半肥瘦所以都好好食。一啖沾麵一啖叉燒，係正既！好彩佢Ｄ梅子湯都好多，所以唔驚食到咁上下無哂湯。

之前聽鍾意食拉麵嘅朋友成日都推薦呢間今次終於有機會嚟食之前喺日本一間拉麵小店食過辣嘅拉麵之後就一直念念不忘 所以今次都要嗌返個辛辣拉麵嗌咗中size 份量都算夠但個湯底比我想像中 辣味冇咁香 味道不過不失同埋都嗌多咗個煎餃子 反而呢個有驚喜皮脆而咬落去會有肉汁爆出黎 點少少餃子汁更加好食

每次想食沾麵，都會諗起三田製麵所，兩間分店我都試過，質素同樣都係差唔多，又好食又抵食。➡️ 濃厚豚骨魚介沾麵 ($78)大中小份量都係同價，咁今日咁肚餓梗係叫大份啦，d麵多到連個碗嘅logo都睇唔到，真係比得好慷慨！麵嘅溫度暖暖地，唔會話乾到黐埋一舊，沾麵個汁就都幾熱，唔會話好油，亦都唔會太鹹，加埋啲麵一齊食，啱啱好！麵嘅質地好煙韌，粗粗地得嚟好有咬口，非常有口感。至於豚肉個味道就不過不失啦。三田製麵所地址📍: 尖沙咀河內道18號K11購物藝術館地下G21-G22號舖.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️💫

忽然想食拉麵，諗起K11嘅三田，成日行過都好想試但係都冇行入去，今次終於都可以去試吓，見到門口有外賣八五折優惠都有啲衝動想叫外賣。不過最後都係堂食，叫咗兩個拉麵套餐，有一個都唔記得咗影，一個係三田特製加叉燒香蔥飯，另，一個拉麵配餃子，三田特製的湯味道濃郁，麵款都相對好味，個叉燒飯都正常，最估唔到係個餃子，餃子煎得唔算係好脆口，但係裏面肉汁留住，食完一隻之後令到好想再食。到埋單結帳再送一張九折卡，下次再嚟時候就有得全單九折

窮遊達人 盧添比 之 美食日常話說我經常去日本拍攝YouTube , 係日本暫時食過第二最好食嘅就係三田製麵所，所以我返到香港都要繼續食，睇下有無分別。當然我係叫左佢最基本的原味柴魚湯沾麵啦到左啦 登登登凳叫左大碗 都係好細碗 相比起日本嘅大盛真係好細碗、日本沾麵店嘅大盛真心係大胃王咁大盆、要用盆黎形容，而呢個只係碗仔。個湯底我懷疑佢係日本中央直送，同日本食係一模一樣，好重柴魚香，你望到個湯濃到好似個醬咁，十分掛麵。麵好粗，食落都幾彈牙，仲有少少un胃添。我叫左暖麵，因為冷麵會好快將個熱湯整到變冷湯，咁個冷湯就會好似隔夜送咁凍冰冰唔好食，所以建議要食暖麵。同檯友人叫左個好奇怪嘅炒麵撈飯，乜料？佢係一個飯底，上擺放左日式炒麵+海鮮，成件事係澱粉質x 澱粉質，好重嘅酸甜豬扒醬味。又飯又麵 殺氣騰騰 好熱呀個石鍋 食到尾都仲好熱 講真 好飽肚 但我寧願食返沾麵😻YouTube - 窮遊達人 Mr. Travel Genius

上年去東京，食了一間好好味既沾麵，令我念念不忙估唔度比我在尖沙咀K11搵到一間水準不相伯仲的沾麵!!點餐時可選冷或熱的麵條，有辣有唔辣! 我選了中碗熱麵不辣魚介沾麵，試試原味道! 湯底眼見己知道很濃郁，凈飲湯其實有D鹹，但配上麵條後恰到好處，由於麵汁濃稠所以容易掛麵。麵條很彈牙，加上有四塊肥瘦適中的叉燒，兩者撈起一齊食，肥而不膩； 溏心蛋的蛋黃有流心狀態，好味非常，跟日本的一樣。日本人食沾面的傳統，就是不浪費! 所以記住吃完麵後，不要浪費那個沾麵汁，只要叫侍應生加上清湯，就可飲用。加上清湯的魚介湯味道清淡，更合適飲用。

係尖沙咀整完頭髮，揾間人少少，密度無咁高既餐廳食飯。三田製麵所由係登龍街開張時已被吹奏，好壞參半，一直都無試過，行過k 11地下見到佢開左，所以係時候一試，原來都係幾好食。入到去係一般日式拉麵店格局，有坐位及吧枱。店員好快就比左餐牌我地喇。種類都幾多，有撈麵、招牌沾麵等等。我地叫左一個辛辣豚骨魚介沾麵($80)同鹽味雕魚湯沾麵($78)。上菜速度快，好快就有了。我地兩個都叫左大既沾麵，大中小同價當然叫大。份量好足。先講：辛辣豚骨魚介沾麵($80)，麵既温度微暖，比較粗，有彈性，而沾汁幾熱，亦都做到掛湯。沾汁味道好濃，但唔會好油膩，辣度適中，幾惹味。叉燒質感都做得不錯。然後到：鹽味雕魚湯沾麵($78)。麵既質地同以上一樣，不過比較幼身。沾汁以油同鹽為主，當中亦有魚件和香蔥。個沾汁幾refreshing，唔會太油，但充滿魚油香，配埋香蔥芹菜等等，幾清新，算係另類而好食既沾麵。總結：依餐價錢係尖沙咀黎講都算正常，食物味道唔錯，係同區食開飯可以翻桌。

Tsukemen is very unique noodles from Japan. They serve noodles and soup separately. The soup is kind of heave and you can choose the way how to eat. You can dip the noodles in the soup  or you can pour the soup on the noodles. I tired both! It was good both. They soup was really good with their noodles. and the noodles were chewing. You can choose the 3 different portion but the price is same. I choose big portion which is enough for me. The price was little bit cheaper than the other Japanese r

大概四五年前，唔好話沾面，香港嘅拉麵都冇而家咁多選擇，所以我每一次想食沾麵都一定會諗起三田製麵所～而家越開越多唔同嘅拉麵沾麵店，突然間諗起我都好耐冇食三田啦！試吓尖沙咀分店係咪都同幾年前嘅銅鑼灣分店一樣先😍最欣賞呢度嘅係面嘅份量無論係大中小，價錢都一樣！完全唔理解幾年前嘅我一個女仔點解可以食得曬一個特大420g🤦🏻‍♀️整體來講，呢個價錢、呢個質素真係唔錯，好抵食！😋.Just 5 years ago, Hong Kong barely had any ramen shops let alone Tsukemen 😆 so every time i wanted Tsukemen we always ate Tsukemen Mitaseimenjo 😋 but now good ramen and tsukemen is literally everywhere and expensice af as well 😂 decided to give this place a try again! my favourite part is the noodle portions 😊does

K11附近有 2 間食沾麵之前食過另一間風xx 覺得湯底好稀 食完會口渴 麻麻地今次就試埋係正 K11 出口既呢間濃厚豚骨魚介沾麵麵可以揀熱或凍 天氣涼涼地就揀左食熱份量方面 同朋友都揀左中 size 尼到先知咁大碗建議女仔可以食小份(140g)  男仔可以揀中/大(210/280g)幾中意呢種麵既口感 半條烏冬咁粗 煙韌有彈性 而且非常掛湯湯底質感比較杰 味道非常濃郁 但食完又唔會覺得口渴魚介味比豚骨味重 咸度對我尼講剛剛好~豚肉幾嫩滑，但我就中意有烤過既豚肉多 d下次可以再尼 試埋鹽味沾麵~

沾麵比拉麵好食嘅三田製麵所三田製麵我只喺銅鑼灣登龍街食過一次, 不過已經冇乜好深刻嘅印象, 事隔幾年今次再試下尖沙咀分店嘅質素如何濃厚豚骨魚介沾麵 ($80): 沾麵只有一款魚介湯底, 可揀辣或唔辣, 湯底煮得夠熱而且味道十分濃郁沾麵嘅麵條有大中小嘅份量揀, 全部同一價格, 我地驚食唔哂所以叫左中嘅210g麵條可選擇熱或凍, 我地就揀左熱麵條, 因為驚凍麵條會令湯底好快變冷, 雖然係熱麵條, 但麵質仲可保持煙韌, 而且麵條掛湯力強, 唔錯三田豚骨拉麵 ($78): 拉麵屬正常水平, 無論麵質定湯底都一樣, 冇太大驚喜, 回頭率唔高

「三田」開了多時講真我還是第一次去，首先要聲名我絶不是(拉麵控)、故此我所評述是以一個普通人吃著第一身感覺的評論。。。「三田」是以沾麵為首，但偏偏我便要選擇吃一碗湯拉麵、簡單地要來一碗豚骨湯拉麵Hk$78. 未來之前在網路上都聽聞湯底很淡，先來呷一口湯頭之淡是屬於(咸淡之淡)但其實(濃郁厚身)程度亦都可以將幼身麵條掛上、講到湯麵條質地比沾麵「幼」，亦沒有份量大少可言只得一個「標準」、麵條屬於「爽身」雖然和它拍上一、兩張硬照但亦無損它的口感，《豚肉方面就真是有(驚喜)因為只得一片薄薄》、珍而總之地吃畢便往半隻溏心蛋埋手,流心狀態只屬一般但對於自己而言亦算可收貨~追加餃子一份三隻HK$26.菜肉分佈平均，皮薄適中~湯底屬厚身,味略為淡總括來說自己就覺得份量(偏少),吃未畢已經覺得要往街外再尋覓食>.<拉麵水準中性雖則自設拉麵場在店舖內，其實成本比坊間工場交貨多了工序、但已算是誠意十足，自己就覺得豚肉方面加多一片收多少少客人會吃得飽時又開心、總好過價錢平但又未滿足好。此店有另加一服務收費！