三田製麵所 (K11購物藝術館)

营业中

休息中

-三田製麵所 🍜相信大家對三田製麵所一啲都唔陌生有日收工唔知食乜好 經過呢間果陣諗起都已經好一段時間冇食過 於是同朋友去食下睇下有冇咩新野🍜期間限定 - 海老拉麵（$98/中）海老拉麵相比起魚介拉麵多左份蝦既鮮味麵既上面鋪滿櫻花蝦 令軟腍既麵多左脆脆既口感中意上面仲有好多香葱 令濃郁既湯頭增添清新感覺🍜濃厚豚骨魚介拉麵（$84/大）水準仍然同以前一樣 依然係濃厚既豚骨魚介湯底揀左凍麵 所以食落較為爽口彈牙 都幾掛到湯另外湯入面有大大粒叉燒粒 都好索到湯汁 整體黎講都係好夠飽

本身對拉麵都有一股熱愛，閒時亦都周不時去不同嘅地方試下新野，不過沾麵就吾係我杯茶，所以一直都無興趣試下三田。咁啱一晚同友人路經k11, 又見無人排隊，所以入左去試試，第一個感覺水吾夠凍，冷氣亦不足，先入為主已經對佢打左個節扣。服務員嘅表現除左一位睇落比較資深嘅之外其他都有進步空間。不過都算合格。望過menu後叫左個二人前，朋友叫個正常沾麵，我就叫左個正常拉麵（無蛋）。小食吾吸引，如果之後再去食我會叫兩個一人前。重點依然在於個麵度，朋友嘅沾麵先到，試左啖，湯頭都夠濃，不過吾係我嘅favorite，不便品評。到我嘅拉麵到左，一塊少少乾，可接受嘅柴口叉燒，幾塊美味無渣嘅筍絲，重有一堆平時少見到嘅洋蔥粒，湯頭比較濃，近乎猪骨湯嘅濃但有魚介嘅美味。同埋重點係夠熱，如果秋冬時候食會再加分。麵身較幼，與湯頭配合，食到中後段都吾會變得死咸。當食到最後，最吾起眼嘅洋蔥就發揮左佢嘅作用。佢嘅辛辣減底左湯嘅油膩度，令到我有飲晒成碗湯嘅衝動。個人建議洋蔥粒可以保留番d到最後。整體嚟講價錢對比起質素係屬於微微地偏貴，不過我會有再嚟食嘅衝動。畢竟外面價錢相近但質素參次嘅大有人在。

🍜 辛辣濃香豚骨魚介沾麵🍜 濃香豚骨魚介沾麵🍘 日式忌廉蟹肉薯餅🍗 自家製炸雞 (日本唐揚協會金獎)沾麵既麵質好煙韌同彈牙粗身既麵條沾入濃郁既湯裡面夾起已經見到沾滿哂湯汁非常掛湯🤤啖啖都食到香濃既豚骨魚介湯汁而且口感又夠哂爽彈🤤我就更中意辛辣版既濃香豚骨魚介湯嚕覺得辛辣味令成個湯更加香之餘仲為味蕾帶多一份刺激感🌶🔥另外2款小食都唔錯😋見到炸雞拎過獎不過自己就更中意薯餅外脆內軟而且入面既忌廉蟹肉好creamy呀👍🏻

男朋友係拉麵沾麵控，呢日陪佢去試下呢間人氣沾麵店。店舖平日夜晚客人唔太多，唔洗排隊就可以入，店面呈L形，座位寬敞，野食都幾多選擇，價錢合理。經過我非精密既計算，覺得2人餐比較抵食，有前菜、小食、麵+野飲🤩>濃厚海老沾麵：海老沾麵比魚介多左蝦既鮮甜味，仲有櫻花蝦舖面作為點綴，麵條煙韌Q彈，幾掛湯，配埋濃郁湯底+香蔥好惹味😋呢度大Size都唔洗加錢，大食既男友都食到好飽🤣>濃香豬骨魚介沾麵：豬骨+魚介既經典配搭，我揀左凍麵條，食落比較爽身，叉燒係瘦叉燒，肉質結實，濃濃既湯入面仲有叉燒粒粒，中Size對女仔黎講就岩岩好，食完再加湯飲埋都唔錯。>炸雞炸蠔牛肉薯餅拼盤：每款小食都有D，牛肉薯餅炸到外脆內軟；個蠔新鮮炸起卜卜脆，蠔味幾鮮；雞件多肉，炸粉都算薄，食完唔會好滯。>冷奴（柚子醋）：即係凍豆腐，豆腐嫩滑，用柚子醋食落都幾清新。>枝豆：好多枝豆，味道還好，我地食左好耐先食哂😵>水蜜桃&蘋果梳打：好多日本店有得飲，果汁汽水味，個樽幾靚岩打卡。

三田抵食二人餐($288) 有前菜兩款 毛豆同柚子醋豆腐，毛豆份量超級多 主食可以揀兩碗拉麵/沾麵～ 招牌濃香豚骨魚介沾麵本身包 揀限定口味海老沾麵就再+$10🦐 仲有拉麵或者辛辣味揀今次唔知點解麵質冇以前咁Q彈 而湯底都比平時更加濃味 要問職員拎鏗魚湯去沖淡少少整體海老層次感多啲 比較鮮味👍🏻 另外再有小食拼盤 兩件吉列炸蠔🦪 炸薯餅牛肉或者紫薯口味🍠 同埋唐揚炸雞 仲包兩罐飲品 茶或者汽水🥤 非常抵食 兩個人都要食到捧住個肚走😹

今日星期日下午2pm見到唔系好多人排隊我自己一個人就試下食啦。叫了一個濃香豚骨魚介沾麵。沾麵夠粗掛上那一個汁都很好,  不過一塊豬肉真系好似少咗啲, 溏心蛋也可以, 服務員很好給了我加湯的壺子, 加清湯入那個濃汁變成一個湯都可以飲。

成日都好想試喺K11呢間三田製麵所，今日終於食到。以拉麵店嚟講，呢間算係幾大規模，店內空間感十足。晚市都可以選擇優惠套餐，有齊拉麵、小食同飲品。嚟呢度就係想試佢嘅沾麵，款式相當多，最後我就揀咗濃香豚骨魚介沾麵。沾麵嘅麵條比較粗身，麵可以選擇冷熱，凍嘅麵比較爽口，熱嘅麵就比較腍身。 沾麵嘅湯非常濃郁，所以可以牢牢地掛住喺麵上面。食晒所有麵之後，可以請店員加湯，就變成一碗濃濃嘅湯。另外仲揀咗三田豚骨拉麵，佢嘅豬骨湯非常濃郁。湯麵嘅麵就比沾麵嘅麵較為幼細，用嚟配湯麵就更合適。拉麵套餐可以優惠價揀小食，我哋就揀咗煎餃子，入面都幾多肉汁。自家製炸雞嘅肉質就夠晒嫩滑，外面炸得香脆而唔油膩，味道不錯。加埋罐汽水就係完美嘅一餐。

開了很多年的日本人氣過江龍，沾麵專門店——三田製所，今日係第一次食。估唔到佢個沾麵口感一級棒，尤其係冷麵，麵身勁Q彈！麵量就有大、中、小份量選擇，價錢都系均一價，只係特大再貴少少。冷麵的麵身Q彈🤤最人氣的沾麵系濃香魚介沾麵👍湯底濃郁渾厚，有魚鮮味。湯內有豚肉塊，好入味好冧。大大塊豚肉沾上湯汁，同樣入味夠冧。喜歡糖心蛋，半熟juice 🤤套餐抵食,加小食就跟野飲。蟹肉忌廉薯餅，外脆內軟，金黃酥脆，一咬就爆出咔咔聲，入面系蟹味忌廉薯蓉😻

#拉麵套餐喺尖沙咀一帶high tea完 話咁快又到晚飯時間 既然唔係特別餓 於是食拉麵做輕怡晚餐-🍜辛辣三田拉麵 $88拉麵份量有兩種選擇(中/大) 辛辣湯底呈橙色 以為佢好辣 其實湯頭充滿魚介腥鮮 辣度有但就唔嗆口 配柔韌拉麵同薄切叉燒兩件 口感唔錯-🍜半熟蛋拉麵 $96🥟追加煎餃子 $28🍺追加Sapporo啤酒 $25朋友叫拉麵配小食飲品 跟餐價錢好划算 以啤酒為例 追加價錢平一半有多😍 日式餃子有3隻 外皮薄 豬肉餡加椰菜絲 有肉鮮又爽口 點醬油再灑啲七味粉食 更加滋味 以為個拉麵湯底係味噌 點知又係魚介味😅 好彩有半熟蛋 蛋黃少少凝固加少少流動 睇見就流口水🤤 食完都幾撐肚吓-📍三田製麵所尖沙咀河內道18號K11購物藝術館地下G21-G22號舖

🎌🍜【 三田製麵所 】🍜🎌⋄—————⧫♟⧫—————⋄「三田製麵所」精製嘅小麥風味極粗麵條口感煙韌，獨一無二❤️ 沾麵仲有冷同熱選擇，冷麵口感彈牙，沾上熱騰騰嘅沾湯，非常好食☺️👏🏻⋄┄ ┄ ┄ ┄ ❖ ┄ ┄ ┄ ┄ ⋄▪️◾️優惠套餐◾️▪️麵類：🌶辛辣濃香豚骨魚介沾麵（大/450g）($88)（可選凍麵底/熱麵底）小食：🍘蟹肉忌廉薯餅（2個）(+$32)🍗自家製炸雞（3件）(+$32)（日本唐揚協會 東日本醬油味 金獎）飲品：🥤可口可樂🍃烏龍茶（+$5）⋄┄ ┄ ┄ ┄ ❖ ┄ ┄ ┄ ┄ ⋄📍地址：尖沙咀河內道18號K11購物藝術館地下G21-G22號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami

這間位於K11的三田製麵所，主打沾麵及拉麵，另外還有幾款小食等。午餐時間跟同事去食沾麵。濃香豚骨魚介沾麵沾麵有分大中小及特大，大中小的價錢是一樣的，我就揀了大的跟同事分享，沾麵醬汁分開另上，麵底可選熱或凍，我就比較喜歡熱食，拉麵的粗麵，麵質爽彈，有點似烏冬，幾有咬口及彈性，湯汁比較濃郁及濃稠，有點鰹魚湯味，每條麵條都沾滿醬汁，入口鮮甜濃郁。另外還拌有糖心蛋、筍及叉燒，但都不及醬汁吸睛。三田流煎餃子餃子表面舖滿了木魚碎，餃子煎至香脆多汁。蟹肉忌廉薯餅薯餅即叫即炸，外脆內軟，中間很creamy。

最近吃了好多不抵食的沾麵／拉麵，覺得三田製麵所的價格算合理，$84有一碗麵、半隻溏心蛋、筍和一塊叉燒。（早排吃了一蘭，心理不平衡。）濃香豚骨魚介沾麵 \ $84 / 好濃郁的魚介湯，麵底份量很足，小中大的價格一樣，叫了大麵，完全吃不完，打包繼續吃⋯⋯（不是太肚餓的話，建議叫中Size就夠。）男友叫了辛辣版本，個人認為沒有差很多，只是多了辣油。(吃了一塊才記得拍照)我們還追加了唐揚炸雞 \ +$26 (三塊) / 和忌廉薯餅 \ +$32 (兩塊)，前者確實炸得不膩，但有點炸過籠了，雞肉稍為乾柴；薯餅沾豬扒醬和沙律醬，十分美味。

花椒拉麵叉燒上加少少花椒碎,湯底唔辣但充滿住花椒香料獨特香氣,整碗拉麵湯底味道濃郁夠香.拉麵彈牙唔會過淰,亦都幾掛湯係一個風味唔錯既特別拉麵.三田特製拉麵同花椒拉麵我自己覺得稍微風味上差少少,湯底帶一陣魚介味,但食多幾啖會覺得稍微鹹左少少.拉麵同樣掛湯彈牙,配上叉燒不過不失.煎餃子餃子皮幾薄而且入口多汁,但餃子底煎得未算好香脆.山田黑胡椒風味炸雞黑胡椒風味幾濃厚,帶住一陣陣辛香感,配上炸雞唔會過濃蓋過雞翼味道得黎又令雞翼更香.

其實三田製麵所係我嘅飯堂，間唔中諗唔到食乜就會去食佢。今次見佢出左新野係櫻花蝦沾麵所以一試，$98。黎到有好多粉紅色嘅櫻花蝦，然後食落個湯底！咦！個味同平時個湯底一樣嘅？？？原來只係多左d櫻花蝦係面，個湯底完全無蝦味，原來比多$10就係撒呢堆蝦米落去⋯⋯⋯多謝哂。麵質一如既往好粗好韌性，好好食。其實不嬲都覺得佢個湯底好味夠濃所以成日食，但今次個期間限定湯底好失望，咪又係同一個味黎！所以如果想食沾麵，叫返原味/辣咪算啦。

某天在尖沙咀附近下班後突然很想吃沾麵，便在神山麵館和三田製麵所之間作選擇，最後到了三田製麵所🤓 平常吃沾麵通常都很怕會太鹹，但三田製麵所的濃香豚骨魚介沾汁味道是剛剛好，有魚介的鮮味但又不會太油膩，亦會掛麵，味道濃郁。建議大家吃的時候可以加點配料，如溏心蛋或日式叉燒，因沾麵只是跟半隻蛋和一片叉燒，但拉麵的份量反而非常多，感覺好像太多Carbs，有點單調。如果要跟神山麵館比較，個人會比較喜歡神山，但三田製麵館的質素也很不錯🫶🏼